Prime Time Urdu

ڈی ایچ اے فیز 6 میں بائیکر پر تشدد کرنے والے شخص کو پولیس نے گرفتار کر لیا ۔

اہم خبر:

کوئٹہ – سریاب کے علاقے میں مسلح افراد نے پولیس کی موبائل وین پر حملہ کر دیا۔ فائرنگ کے نتیجے میں ایک سب انسپکٹر سمیت 3 پولیس اہلکار شہید ہو گئے۔
حملے کے فوراً بعد قانون نافذ کرنے والے اداروں نے علاقے کو گھیرے میں لے کر سرچ آپریشن شروع کر دیا ہے۔ واقعے کے بعد شہر میں خوف و ہراس کی فضا قائم ہے۔

اللہ تعالیٰ شہداء کو اپنے جوارِ رحمت میں جگہ عطا فرمائے اور ان کے اہل خانہ کو صبر جمیل دے۔

بلوچستان: ضلع خاران کے ریڈ زون میں دھماکہ، ایک شخص زخمی
بلوچستان کے ضلع خاران میں واقع حساس علاقے، ریڈ زون میں دھماکے کی اطلاع ملی ہے۔ ابتدائی اطلاعات کے مطابق، اس دھماکے کے نتیجے میں ایک شخص زخمی ہوا ہے جسے فوری طور پر قریبی اسپتال منتقل کر دیا گیا ہے۔

سیکیورٹی اداروں نے جائے وقوعہ کو گھیرے میں لے کر شواہد اکٹھے کرنے کا عمل شروع کر دیا ہے جبکہ علاقے میں سرچ آپریشن بھی جاری ہے۔ دھماکے کی نوعیت اور اس کے محرکات جاننے کے لیے تفتیش جاری ہے۔

خاران ریڈ زون حساس سرکاری دفاتر اور اہم تنصیبات کا مرکز سمجھا جاتا ہے، جس کی وجہ سے یہ واقعہ سیکیورٹی کے حوالے سے تشویش ناک قرار دیا جا رہا ہے۔ مزید تفصیلات تفتیش مکمل ہونے کے بعد سامنے آئیں گی۔

فوج نے نومبر احتجاج کو سیاسی دہشتگردی قرار دے دیا

پاکستانی فوج نے حالیہ برس نومبر میں ہونے والے احتجاج کو "سیاسی دہشتگردی" کا نام دیتے ہوئے کہا ہے کہ یہ احتجاج 2014 میں پارلیمنٹ اور سرکاری اداروں کی عمارتوں پر حملوں سے لے کر 9 مئی کے پُرتشدد واقعات تک "منفی سیاست اور تشدد کے سلسلے" کا حصہ تھا۔

جمعے کو آئی ایس پی آر کے ڈائریکٹر جنرل لیفٹیننٹ جنرل احمد شریف چودھری نے ایک پریس کانفرنس کے دوران کہا کہ نومبر میں ہونے والے احتجاج کے پیچھے "سیاسی دہشتگردی کی سوچ" کارفرما تھی۔ تاہم، انہوں نے پاکستان تحریک انصاف (پی ٹی آئی) کا براہِ راست ذکر کیے بغیر اس احتجاج کو "نومبر سازش" قرار دیا۔

پریس کانفرنس میں ڈی جی آئی ایس پی آر نے ملک بھر کی سکیورٹی صورتحال، سرحدی چیلنجز اور جاری آپریشنز پر بات کی۔ انہوں نے صحافیوں کے سیاسی سوالات کے بھی جوابات دیے۔

مئی کے پُرتشدد مظاہروں کے بارے میں ایک سوال پر انہوں نے بتایا کہ فوجی عدالتوں میں تمام شواہد کی بنیاد پر مقدمات مکمل کیے جا چکے ہیں، اور ہنگامہ آرائی میں ملوث افراد کو سزائیں سنا دی گئی ہیں۔

ترجمان فوج نے زور دیا کہ ملکی استحکام اور امن و امان کے لیے قانون کی عملداری کو یقینی بنایا جا رہا ہے۔

پاک فوج کے ترجمان کی جانب سے سیاست اور سفارتکاری سے جڑے معاملات پر کی جانے والی پریس کانفرنس پر سینئر صحافی مطیع اللہ جان نے شدید تحفظات کا اظہار کیا ہے۔ ان کا کہنا تھا کہ کیا ہمارے وزیر اعظم، وزیر داخلہ یا وزیر خارجہ یہ سب باتیں کرنے کی صلاحیت نہیں رکھتے تھے؟ انہوں نے مزید کہا کہ ایسی پریس کانفرنسوں سے پاکستان کی سیاست اور سفارتکاری کو ناقابلِ تلافی نقصان پہنچتا ہے۔

افغانستان ہمارا برادر اسلامی ملک ہے اور ہم اس کی خودمختاری کا احترام کرتے ہیں۔ لیکن اگر سرحد پار سے دہشت گردوں اور انتہا پسندوں کی حمایت کی جا رہی ہے تو ہم خاموش نہیں بیٹھ سکتے۔ ان دہشت گردوں کے ہاتھ معصوم پاکستانیوں کے خون سے رنگے ہوئے ہیں۔
ڈی جی آئی ایس پی آر

🔴 طالبان نے ان حملوں کی مذمت کی، جن میں اس کے مطابق زیادہ تر خواتین اور بچے ہلاک ہوئے، اور ان حملوں کو اپنے ہمسائے کی "واضح جارحیت" قرار دیتے ہوئے جوابی کارروائی کا اعلان کیا۔

بریکنگ:
کوئٹہ میں دھماکہ 💥، دو افراد زخمی۔
نامعلوم افراد نے ایک حجام کی دکان پر دستی بم پھینکا۔ دکان کے مالک کا تعلق پنجاب سے ہے۔

⬅️کوئٹہ ریلوے سٹیشن پر دھماکے میں ہلاکتوں کی تعداد 21 ہو گئی، 46 زخمی
⬅️عام افراد کے ساتھ ساتھ فوجی بھی اس سٹیشن کو نقل و حمل کے لیے استعمال کرتے ہیں، ہلاکتوں اور زخمیوں میں فوجی و سول دونوں شامل ہیں: ایس ایس پی آپریشنز