Sardar Khan Rind

عید الاضحیٰ ہمیں قربانی، محبت اور انسانیت کا درس دیتی ہے۔
آئیے اس بابرکت موقع پر اپنے اردگرد موجود غریب، مستحق اور بے سہارا لوگوں کو نہ بھولیں، کیونکہ اصل خوشی دوسروں کے چہروں پر مسکراہٹ بکھیرنے میں ہے۔
اپنی خوشیوں، قربانی کے گوشت اور دعاؤں میں اُن لوگوں کو ضرور شامل کریں جو عید کی خوشیوں کے منتظر ہیں۔
اللہ تعالیٰ ہم سب کی قربانیاں قبول فرمائے.
عید الاضحیٰ مبارک 🌙
سردار خان رند

چیئرمین رند قومی اتحاد سردار خان رند نے ایم این اے اعجاز خان جکھرانی کے نوجوان فرزند، میر زید حسین خان جکھرانی کے انتقال پر گہرے دکھ اور افسوس کا اظہار کیا ہے۔ اپنے تعزیتی بیان میں انہوں نے کہا کہ جوان بیٹے کا بچھڑ جانا کسی بھی والدین کے لیے ایک ناقابلِ تلافی صدمہ ہے، جس کا دکھ الفاظ میں بیان نہیں کیا جا سکتا۔

انہوں نے مرحوم کے لیے دعا کی کہ اللہ تعالیٰ انہیں اپنی جوارِ رحمت میں اعلیٰ مقام عطا فرمائے اور جنت الفردوس میں جگہ دے، جبکہ پسماندگان کو یہ عظیم صدمہ صبر و حوصلے کے ساتھ برداشت کرنے کی توفیق عطا کرے۔ آمین

اسلام آباد
سردار یار محمد رند کی دعوت پر صدرِ پاکستان آصف علی زرداری کی رند سردار رند ہاؤس آمد .
اس موقع پر سردار رند کے بڑے صاحبزادے، چیئرمین رند قومی اتحاد سردار خان رند، میر مہمید رند، میر چاکر رند اور رئیس اجمل ورند بھی موجود تھے۔ اس کے علاوہ مہمانوں میں , میر نعمت زہری ،علی حسن زہری اور دیگر معزز شخصیات نے بھی شرکت کی۔ ملاقات کے دوران باہمی امور اور علاقائی صورتحال پر تبادلہ خیال کیا گیا، جبکہ مہمانوں کی پرتپاک میزبانی کی گئی۔

تمام اُمتِ مسلمہ کو دل کی گہرائیوں سے عیدالفطر کی مبارکباد۔
اللہ تعالیٰ ہم سب کو خوشیوں، امن اور رحمتوں سے نوازے۔

چیئرمین رند قومی اتحاد سردار خان رند

عید مبارک!

دنیا بھر میں بسنے والے تمام بلوچ بھائیوں اور بہنوں کو 2 مارچ بلوچ کلچر ڈے دل کی گہرائیوں سے مبارک ہو۔ یہ دن ہماری عظیم ثقافت، غیرت، بہادری اور شاندار روایات کی پہچان ہے۔ اپنی زبان، لباس اور اقدار پر فخر کریں اور جہاں بھی ہوں، بلوچ ثقافت کا وقار بلند رکھیں۔
سردار خان رند

رمضان رحمت، برکت اور مغفرت کا مہینہ ہے۔
یہ خود احتسابی، صبر اور اللہ سے قریب ہونے کا بہترین وقت ہے۔
اللہ تعالیٰ ہم سب کی عبادات قبول فرمائے اور ہمیں سچی ہدایت عطا کرے۔

رمضان مبارک! 🤲🌙

چیئرمین رِند قومی اتحاد اور پاکستان تحریکِ انصاف بلوچستان کے مرکزی رہنما میر سردار خان رِند نے بلوچستان میں سرکاری ملازمین کے ساتھ صوبائی حکومت کے ظالمانہ اور غیر انسانی رویّے کی شدید ترین الفاظ میں مذمت کرتے ہوئے کہا ہے کہ یہ سراسر ظلم، ناانصافی اور آمریت کی بدترین مثال ہے۔

انہوں نے کہا کہ بلوچستان کے محنت کش ملازمین جب اپنے جائز اور بنیادی حقوق کے لیے سڑکوں پر نکلتے ہیں تو حکومت ان کے مسائل حل کرنے کے بجائے پولیس اور انتظامیہ کے ذریعے ان پر تشدد کرواتی ہے، لاٹھیاں برسائی جاتی ہیں، بے رحمانہ مارپیٹ کی جاتی ہے اور انہیں مجرموں کی طرح گرفتار کر کے جیلوں میں ڈالا جاتا ہے۔ یہ رویّہ کسی جمہوری حکومت کا نہیں بلکہ جابرانہ اور فسطائی طرزِ حکمرانی کی عکاسی کرتا ہے۔

میر سردار خان رِند نے کہا کہ ملازمین جانور نہیں بلکہ اس ریاست کے معزز شہری ہیں، جو اپنے بچوں کا پیٹ پالنے اور باعزت زندگی گزارنے کے لیے جدوجہد کر رہے ہیں۔ ان کے ساتھ جانوروں جیسا سلوک کرنا حکومت کی ناکامی اور نااہلی کا کھلا ثبوت ہے۔

آخر میں میر سردار خان رِند نے کہا کہ بلوچستان مزید ظلم برداشت نہیں کرے گا، ملازمین کے حقوق پر کسی صورت سمجھوتہ نہیں ہوگا اور ہم ہر فورم پر اس جبر کے خلاف آواز بلند کرتے رہیں گے۔

چیئرمین رِند قومی اتحاد سردار خان رِند نے کچھی ڈھاڈر کے سینئر و نڈر صحافی رئیس فرحان جمالی پر ہونے والے قاتلانہ حملے کی شدید الفاظ میں مذمت کرتے ہوئے کہا ہے کہ صحافت پر حملہ دراصل سچ، شعور اور جمہوری اقدار پر حملہ ہے، جسے کسی صورت برداشت نہیں کیا جائے گا۔

سردار خان رِند نے اپنے جاری کردہ بیان میں کہا کہ رئیس فرحان جمالی ایک ذمہ دار، بااصول اور حق گو صحافی ہیں جو طویل عرصے سے علاقے میں کرپشن، ٹھیکیدار مافیا، چوروں اور غنڈہ عناصر کے خلاف آواز بلند کرتے آ رہے ہیں۔ ان پر حملہ اس بات کا ثبوت ہے کہ مفاد پرست جو فارم 47 سے منتخب ایم پی اے کے سرپرستی میں ہیں ایسے عناصر سچائی کی آواز سے خوفزدہ ہو چکے ہیں اور بزدلانہ ہتھکنڈوں کے ذریعے حق کی راہ روکنا چاہتے ہیں۔

انہوں نے کہا کہ ٹھیکیدار مافیا اور جرائم پیشہ عناصر یہ سمجھتے ہیں کہ تشدد اور دھمکیوں سے صحافیوں کو خاموش کرا لیں گے، مگر وہ یہ بات ذہن نشین کر لیں کہ کچھی کی دھرتی پر حق بولنے والوں کو دبانا آسان نہیں۔ صحافی ریاست کا چوتھا ستون ہیں اور ان کے تحفظ کو یقینی بنانا حکومت اور قانون نافذ کرنے والے اداروں کی اولین ذمہ داری ہے۔

سردار خان رِند نے مطالبہ کیا کہ حملے میں ملوث عناصر کو فوری طور پر گرفتار کر کے قانون کے کٹہرے میں لایا جائے، تاکہ آئندہ کوئی بھی صحافی سچ لکھنے سے پہلے خوف محسوس نہ کرے۔ انہوں نے کہا کہ اگر مجرموں کو کیفر کردار تک نہ پہنچایا گیا تو یہ صرف ایک فرد نہیں بلکہ پوری صحافتی برادری کے لیے خطرے کی گھنٹی ہو گی۔