Ehd - e - Amrooz

پارسائی ہے بزدلی کا نام
حوصلہ چاہئیے خطا کے لیے

ہر ایک فطرتِ عورت سمجھ نہیں سکتا
یہ شاعری ہے جو بد ذوق پر نہیں کھلتی

زندگی جبر ہے اور جبر کے آثار نہیں
ہائے اس قید کو زنجیر بھی درکار نہیں

ہم کہ مامور ہیں دنیاؤں کی دلجوئی پر
ہم کسے جا کے سنائیں جو ہمارا دکھ ہے

شاہد ذکی

جل بجھ کے راکھ ہو گیا سرمایہء حیات
وہ آگ پانیوں نے لگائی ہے شہر میں

ذیشان

.
بکھراؤ اپنے شہر کا دیکھا نہیں گیا
بکھرا بھی اس طرح کہ سمیٹا نہیں گیا

ایڑی پہ ناچتی رہی آزادیوں کی دھوپ
لیکن ہمارے سر سے اندھیرا نہیں گیا

سینا پٹخ رہے تھے میرے گلستاں کے پیڑ
لیکن چمن سے کوئی پرندہ نہیں گیا

آنکھوں کی پتلیاں بھی دھماکے میں اُڑ گئیں
منظر وہ آخری تھا کہ دیکھا نہیں گیا

ملتا نہیں ہے ملک میں ڈھونڈیں اگر کہیں
ایسا کوئی بشر جسے لُوٹا نہیں گیا

بینائیوں کو کھا گئیں دیمک کی ٹولیاں
آنکھوں سے آج بھی ترا چہرا نہیں گیا

تتلی نے پنکھ سونپ دئیے باغبان کو
پھولوں کا حال اس سے بھی دیکھا نہیں گیا

ماؤں نے اپنے لال کراۓ پے دے دئیے
اس سے بھی اس وطن کا کرایہ نہیں گیا

انعم ظامی

تم جیت تو آئے ہو مگر یہ نہیں سوچا؟
جو ہار گیا ہے وہ شکاری تو نہیں ہے

نایاب کوئی چیز گزرتی ہے تو ہم لوگ
یہ سوچنے لگتے ہیں ہماری تو نہیں ہے ؟

احمد کمال پروازی

سب فیصلـے ہـوتـے نہیں سکّہ اُچھـال کے
دل کا معـاملـہ ھـے، زرا دیڪـھ بھــال کے

آندھـی اُڑا کـے لـے گئی یہ اور باتـــــــ ھـے
ورنہ تو ہم بھی پتّے تھے مضبوط ڈال کے

اب پیار بھی دل سے نہیں، ہوتا دماغ سے
پیسـہ دڪھـا رہا ھـے ڪـرتب ڪـمـال کے

مـوبائلـوں کے دور کے عـاشق ڪو کیا پتہ
رکھتےتھےخط میں کیسےکلیجہ نکال کے

یہ کہہ کے نئی روشنی روئـے گی ایک دن
اچھـے تھـے وہی لـوگــــــ پرانـے خیـال کے

جب پیار مـل گیـا تـو سبھی رتن مـل گئے
اب کیـا ڪـرو گـے اور سمندر کھنگال کـے

~ اُدَے پرتاپ سنگھ

آنکھ سے آنسو نکل جائیں گے اور ٹہنی سے پھول
وقت بدلے گا تو سب قیدی رہا ہو جائیں گے

احمد مشتاق

#

اوّل تو مُیسر ہی نہیں ہوتے کِسی کو...!!
خُوش بختی سے مِل جائیں تو وَافر نہیں ہوتے...!!

ہم پاؤں بھی پھیلائیں تو محتاط بہت ہیں...!!
چادر سے یا اوقات سے باہر نہیں ہوتے...!!