The Legal Concilium

عدالت عالیہ نے اپنے فیصلہ میں قرار دیا ہے کہ بچوں کی عمر سے متلعق ماں کا بیان رجسٹر تاریخ پیدائش اور میٹرک کی سند سے زیادہ اہمیت کا حامل ہے یہ بہترین اور کامل شہادت ہے
PLD 2003 SC 849

اگر کسی شہری کا پرائز بانڈ نکل آئے تو مذکورہ پرائز بانڈ چھ سال میں کیش کروایا جا سکتا ہے اس کے بعد اس پرائز بانڈ کی بابت گورنمنٹ سے کسی قسم کا کلیم نہیں کیا جاسکتا۔

اعلی عدلیہ کے فیصلہ کے مطابق کسی جرگہ / پنچایت کو یہ اختیار حاصل نہیں کہ وہ بچوں کی تحویل کا فیصلہ کرے
2019 SCMR 520

عورت کو یہ اختیار حاصل ہے کہ وہ اپنے حق مھر کی وصولی کیلئے اپنے سسر پر بھی کیس دائر کر سکتی ہے

کسی بھی شخص(مرد عورت) کے نام کی جعلی فیس بک آئی ڈی یا کوئی بھی سوشل میڈیا اکاؤنٹ بنانا سنگین اور ناقابل ضمانت جرم ہے

وضاحت # اگر کوئی بھی شخص جان بوجھ کر کسی بھی فرد کو بدنام کرنے، عزت خراب کرنے، بلیک میل کرنے، تنگ کرنے یا کوئی بھی غیر قانونی و غیر اخلاقی حرکت کرنے کی نیت سے کسی بھی شخص کا نام استعمال کر کے کوئی سوشل میڈیا اکاؤنٹ بناتا ہے تو وہ نا قابل ضمانت جرم کا مرتکب ہو گا

پولیس کے پاس کسی کے گھر بغیر وارنٹ داخل ہونے کا کوئی اختیار نہیں ہے اور اگر پولیس کسی گھر میں بغیر وارنٹ داخل ہوتی ہے اور مکان کے رہائشی ان پر تشدد کرتے ہیں تو یہ تشدد جرم تصور نہیں ہو گا

جو شخص قسطوں پر کوئی چیز خرید کرتا ہے تو وہ اس چیز کا مالک تصور ہو گا اور محض اقساط شارٹ ہونے پر خریدی گئی چیز ضبط نہیں کی جا سکتی اور نا ہی اس طرح کے معاملات میں پولیس کو کوئی اختیار حاصل ہے

سپریم کورٹ نے اپنے فیصلہ میں قرار دیا ہے کہ اپنی زندگی میں عورت اپنی جائیداد کی خود مختار مالک ہے اس کی جائیداد پر شوہر کو کوئی حق حاصل نہیں ہے۔

وضاحت # عورت بطور فرد اپنی جائیداد کی خودمختار مالک ہے اور اپنی جائیداد پر مکمل اختیار رکھتی ہے اور اپنی مرضی سے کسی بھی استعمال میں لا سکتی ہے یا اپنی مرضی سے کسی کو دے سکتی ہے یا بیچ سکتی ہے اور کوئی بھی شخص حق ملکیت میں کسی بھی قسم کی دراندازی نہیں کر سکتا ۔۔۔

کسی عورت/ لڑکی کو تنگ کرنے/ بے عزت کرنے کی نیت سے کوئی اشارہ کرنا، آواز نکالنا یا ایسے لفظ استعمال کرنا جس سے عورت کی بےعزتی ہو، قابل سزا جرم ہے جس کی سزا ایک سال قیدہے۔
Section 509 of Pakistan Penal code.

وضاحت # کسی بھی عورت/ لڑکی/ خاتون کو چھیڑنا یا تنگ کرنا، کسی قسم کی اشارہ بازی، یا آوازیں کسنا وغیرہ یا کوئی بھی ایسا عمل جس کا مقصد عورت کو بےعزت کرنا ہو وہ جرم ہے جس کی سزا ایک سال قید ہے

اعلی عدلیہ کے فیصلہ کے مطابق شرعی اور قانونی طور پر بیوی کی ذمہ داری ہے کہ وہ اپنے خاوند کی تابعدار رہے اور اس کی ہر جائز بات مانے۔