Toppearl

Give Away Red packet

BPO8PWA0QO

تمہاری خاطر نقاب اوڑھوں
نہ گھر سے نکلوں
اکیلے جی لوں
زباں پہ اپنی قفل لگاؤں
کبھی اکیلے نہ گنگناؤں
میں سج سنور کے تمہاری خاطر
میں روز تم کو سُخن سناؤں

چلو یہ مانا
چلو یہ مانا
میں سب کروں گی
تمہارے سارے حکم سنوں گی
مگر بتاؤ
کہ میری خاطر
نگاہ جھکا کہ کیا تم چلوگے؟

بتاؤ ناں !!! تم
یہ کر سکو گے؟

کسی حسینہ کو راہ چلتے
نہیں تکو گے؟
کہو ناں یہ اب نہیں کہ تکو گے ؟

کبھی تمہاری کوئی پرانی
مزاج یکساں سا رکھنے والی
کوئی پڑوسن ملے کہیں تو
نہیں رکو گے
یہ زندگی میں جو ابتری ہے
یہ کام سارا جو دفتری ہے
اگر میں تھوڑی خفا رہوں تو
یہ رک سکے گا؟
تو میری خاطر
دو چار دن ہی
بتاؤ ناں !!! کیا یہ چھوڑ دو گے؟

یہ سانسیں میری ، یہ میری نیندیں
نیت یہ میری، میرے ارادے
کبھی کے تم کو یہ سونپ ڈالے
چلو اگر یہ تمہاری ضد ہے !!!
شناختیں بھی میں سونپ دوں گی

مگر بتاؤ !!!
تمہارے دن رات کی لگن میں
میں کس قدر حصہ دار ٹھہری
تمہاری سانسوں
تمہارے جذبوں
تمہاری خواہش
تمہارے پیسوں
میں میں کہاں ہوں گی

یہ زندگی میں جو ابتری ہے
یہ کام سارا جو دفتری ہے
جو ماہ چاہت کا فروری ہے
کیا مجھ کو اِن سب پہ برتری ہے؟
یا سارے جذبے یہ پیار تیرا
ہے سب حقیقت
یا سرسری ہے؟ 💗

نیندوں کا اِحتِساب ہُوا یا نہیں ہُوا
سچّا کِسی کا خواب ہُوا یا نہیں ہُوا

بے داغ کوئی شَکْل نظر آئی یا نہیں
آئِینہ بے نِقاب ہُوا یا نہیں ہُوا

لائی گئیں کٹَہرے میں کِتنی عدالتیں
قانون، لاجَواب ہُوا یا نہیں ہُوا

جو آج تک کِیا گیا احسان کی طرح
اُس ظُلم کا حِساب ہُوا یا نہیں ہُوا

اُس کے بھی دِل میں آگ لگی یا نہیں لگی
پتّھر بھی آب آب ہُوا یا نہیں ہُوا

پڑھتی ہے جِس کِتاب کو صَدیوَں سے زِندگی
ختْم اُس کا کوئی باب ہُوا یا نہیں ہُوا

قدر اہلِ روشنی کی بڑھی یا نہیں بڑھی
ذَرّہ بھی آفْتاب ہُوا یا نہیں ہُوا

اِنسانیّت سے رابطہ کرنے کے باب میں !
اِنسان، کامیاب ہُوا یا نہیں ہُوا

مُظفّؔر وارثی.

وہ ستم نہ ڈھائے تو کیا کرے اسے کیا خبر کہ وفا ہے کیا؟
تو اسی کو پیار کرے ہے کیوں یہ کلیمؔ تجھ کو ہوا ہے کیا؟

تجھے سنگ دل یہ پتہ ہے کیا کہ دکھے دلوں کی صدا ہے کیا؟
کبھی چوٹ تو نے بھی کھائی ہے کبھی تیرا دل بھی دکھا ہے کیا؟

تو رئیس شہر ستم گراں , میں گدائے کوچۂ عاشقاں
تو امیر ہے تو بتا مجھے میں غریب ہوں تو برا ہے کیا؟

تو جفا میں مست ہے روز و شب , میں کفن بہ دوش و غزل بہ لب
ترے رعب حسن سے چپ ہیں سب , میں بھی چپ رہوں تو مزا ہے کیا؟

یہ کہاں سے آئی ہے سرخ رو ہے ہر ایک جھونکا لہو لہو
کٹی جس میں گردن آرزو یہ اسی چمن کی ہوا ہے کیا؟

ابھی تیرا دور شباب ہے ابھی کیا حساب و کتاب ہے
ابھی کیا نہ ہوگا جہان میں ابھی اس جہاں میں ہوا ہے کیا؟

یہی ہم نوا یہی ہم سخن یہی ہم نشاں یہی ہم وطن
مری شاعری ہی بتائے گی مرا نام کیا ہے پتا ہے کیا؟

کلیم عاجز

https://youtube.com/shorts/utAjagN8KiI?si=l9lWDQXhG402eW1h

Subscribe

March 28, 2025

رُکتا بھی نہیں ٹھیک سے ، چلتا بھی نہیں ہے
یہ دل کہ تیرے بعد ، سنبھلتا بھی نہیں ہے

اک عمر سے ہم اُس کی تمنا میں ہیں بےخواب
وہ چاند جو آنگن میں ، اُترتا بھی نہیں ہے

پھر دل میں تیری یاد کے ، منظر ہیں فروزاں
ایسے میں کوئی ، دیکھنے والا بھی نہیں ہے

ھمراہ بھی خواھش سے ، نہیں رہتا ہمارے
اور بامِ رفاقت سے ، اُترتا بھی نہیں ہے

اِس عمر کے صحرا سے ، تری یاد کا بادل
ٹلتا بھی نہیں ، اور برستا بھی نہیں ہے

نوشی گیلانی✍️🖤

https://youtube.com/?si=YTeBFPRi54njN9AJ

Subscribe it

Outback Stories Explore the untamed beauty of the outback with 'Outback Stories.' From captivating true tales to mysterious folklore and breathtaking landscapes, join us on an adventure through Australia's and America's wild heart.

اگر وہ موسم مزاج تم کو کہیں ملے تو
یہ اس سے کہنا کہ لوٹ آئے
اسے پیامِ بہار دے کر بس اتنا کہنا
خزاں کا موسم گزر چکا ہے
اسے بتانا وہ بد نصیبی کا ایک کانٹا
کبھی جو تلوے میں چبھ گیا تھا نکل چکا ہے
کہ وقت کروٹ بدل چکا ہے
ملول و بوجھل اداس شامیں بھی
اب تبسم سے آشنا ہیں
وہ مضمحل اور خموش راتیں بھی
اب تکلم سے آشنا ہیں
اسے بتانا کہ زندگی اک یقین ہے
اب گماں نہیں ہے
کہ آج شمعوں کی رقص کرتی ہوئی لووں میں
سنہرے خوابوں کی روشنی ہے
دھواں نہیں ہے
کبھی صدائیں بھی بے نوا تھیں
اور اب خموشی بھی اک سخن ہے
قبا پہ دن کی ہے کوئی دھبہ
نہ شب کا دامن ہی پرشکن ہے
اسے بتانا کہ زرد موسم گزر گیا ہے
مگر اسے تم یہ مت بتانا
کہ جس میں ہجرت لکھی تھی اس نے
وہ ایک لمحہ دل و نظر میں ٹھہر گیا ہے

طارق قمر
Sakhawat Ali