DC Layyah

حکومتِ پنجاب کی اوپن ڈور پالیسی کے تحت ڈپٹی کمشنر لیہ آصف علی ڈوگر اپنے دفتر میں موجود شہریوں کے مسائل سن رہے ہیں، اس موقع پر انہوں نے متعلقہ افسران کو مسائل کے فوری حل کے لیے ہدایات جاری کیں۔

ڈپٹی کمشنر لیہ آصف علی ڈوگر کی ہدایات پر ایڈیشنل ڈپٹی کمشنر ہیڈکوارٹرز محمد اویس سرور چشتی کی زیرِ صدارت گرین بیلٹس، شجرکاری اور شہر کی خوبصورتی کے حوالے سے اجلاس منعقد ہوا۔ اجلاس میں سی او ڈسٹرکٹ کونسل، سی او میونسپل کمیٹی لیہ، ایم او آئی ایس اور انچارج بیوٹیفکیشن نے شرکت کی۔

اجلاس میں شہر میں موجود گرین بیلٹس کی بحالی، شجرکاری، بیوٹیفکیشن اور ان کی پائیداری کے حوالے سے تفصیلی جائزہ لیا گیا۔ فیصلہ کیا گیا کہ شہر کی خوبصورتی اور گرین بیلٹس کے تحفظ کے لیے ضروری مقامات پر شیڈز نصب کیے جائیں گے جبکہ اہم شاہراہوں پر ٹف ٹائلز بھی بچھائی جائیں گی۔

اس سلسلے میں لیہ مائنر سے انٹری گیٹ کالج روڈ، کشمیر چوک سے ڈی سی آفس روڈ اور چوک سے کالج روڈ سمیت اہم شاہراہوں کو ترجیحی بنیادوں پر بہتر بنایا جائے گا۔

اے ڈی سی ہیڈکوارٹرز نے تمام متعلقہ محکموں کو ہدایت کی کہ ترقیاتی و بیوٹیفکیشن کام مقررہ مدت میں مکمل کیے جائیں تاکہ شہر کی مجموعی خوبصورتی، ماحول اور شہریوں کے لیے سہولیات کو مزید بہتر بنایا جا سکے۔

بورڈ آف ریونیو کی ہدایات کے مطابق اسسٹنٹ کمشنر کروڑ اصغر علی چیمہ ریونیو عدالت میں کیسز کی سماعت کر رہے ہیں۔

ایڈیشنل ڈپٹی کمشنر میونسپل سروسز شبیر احمد ڈوگر نے ڈویژنل صدر اعجاز احمد اچلانہ اور دیگر مقامی سیاسی قیادت سے میٹنگ کی۔ میتنگ میں ستھرا پنجاب پروگرام کے مؤثر نفاذ، صفائی کے نظام اور شہریوں کو بہتر میونسپل سروسز کی فراہمی کے حوالے سے مختلف امور کا جائزہ لیا گیا۔

اس موقع پر ستھرا پنجاب کے تحت جاری صفائی سرگرمیوں کو مزید مؤثر بنانے، فیلڈ میں بہتری اور باہمی تعاون کے ذریعے صاف، سرسبز اور صحت مند ماحول کے قیام کے عزم کا اظہار کیا گیا۔

حکومتِ پنجاب کی اوپن ڈور پالیسی کے تحت ایڈیشنل ڈپٹی کمشنر میونسپل سروسز شبیر احمد ڈوگر ڈپٹی کمشنر آفس کے ویٹنگ روم میں روسٹرم پر آ کر شہریوں کے مسائل سن رہے ہیں۔