Ch Muhammad Rizwan Lidher

حلقہ NA-123 اور PP-158 کی یونین کونسل نمبر 193 کے موضع پدری میں ترقیاتی سفر ایک اور اہم سنگِ میل عبور کر گیا۔
جناب چوہدری محمد نواز لدھڑ صاحب MPA PP-158 کے صاحبزادے جناب چوہدری محمد رضوان لدھڑ صاحب نے پدری چوک سے لے کر الائیڈ سکول تک جانے والے مین راستے کا باضابطہ افتتاح کیا۔ اس موقع پر اہلِ علاقہ نے بھرپور جوش و خروش کے ساتھ اپنے محبوب قائدین کا استقبال کیا اور ترقیاتی کاموں پر خوشی کا اظہار کیا۔

افتتاحی تقریب میں سینئر رہنما پاکستان مسلم لیگ (ن) چوہدری زین شوکت ڈوگرا، صابر نمبردار، آصف امین نمبردار سمیت معززینِ علاقہ اور عوام کی کثیر تعداد موجود تھی۔ شرکاء نے اس منصوبے کو علاقہ کی عوام کیلئے ایک اہم تحفہ قرار دیتے ہوئے کہا کہ اس سڑک کی تعمیر سے آمدورفت میں آسانی پیدا ہوگی اور طلبہ سمیت روزمرہ سفر کرنے والے افراد کو بے حد سہولت میسر آئے گی۔

اس موقع پر گفتگو کرتے ہوئے چوہدری محمد رضوان لدھڑ صاحب نے کہا کہ حلقہ NA-123 اور PP-158 میں ترقیاتی کاموں کا سلسلہ بلا تعطل جاری ہے اور عوامی خدمت ہی ہماری سیاست کا محور ہے۔ انہوں نے کہا کہ دیہی علاقوں میں سڑکوں، سیوریج اور دیگر بنیادی سہولیات کی فراہمی اولین ترجیح ہے تاکہ شہری اور دیہی علاقوں کے درمیان فرق کو ختم کیا جا سکے۔

اہلِ علاقہ نے میاں محمد شہباز شریف صاحب وزیراعظم پاکستان
محترمہ مریم نواز شریف صاحبہ وزیراعلی پنجاب
جناب طلحہ برکی معاون خصوصی وزیراعظم پاکستان
چوہدری محمد نواز لدھڑ صاحب MPA PP-158 اور چوہدری محمد رضوان لدھڑ صاحب کا شکریہ ادا کرتے ہوئے کہا کہ ماضی میں نظر انداز ہونے والے علاقوں میں آج ترقیاتی کام تیزی سے مکمل ہو رہے ہیں، جس سے عوام کا معیارِ زندگی بہتر ہو رہا ہے۔

تقریب کے اختتام پر معززین اور عوام نے قائدین کے حق میں نعرے لگائے اور حلقہ میں جاری ترقیاتی منصوبوں کو سراہتے ہوئے اپنے مکمل تعاون کی یقین دہانی کرائی۔