ANN TV Pakistan

Our prestigious client company required services of a film/darma/Docu-Darama Director for short film/web series etc…
Contact confidently:
+923008455548

سابق ڈی جی ایف آئی اے نے بیوی حوالگی کیلئے ایس ایس پی بیٹے کیخلاف کیس دائر کر دیا

لاہور سابق ڈی جی ایف آئی اے نے بیوی کی حوالگی کیلئے ایس ایس پی بیٹے کیخلاف کیس دائر کر دیا،عدالت نے خاتون کو بیٹے کی کسٹڈی سے لے کر شوہر کے حوالے کردیا۔

نجی ٹی وی چینل ’’دنیا نیوز‘‘ کے مطابق بیلف سے بدتمیزی پر چیف جسٹس لاہور ہائیکورٹ عالیہ نیلم ایس ایس پی پر برہم ہو گئیں۔

چیف جسٹس نے ایس ایس پی سے استفسار کیا کہ عدالتی بیلف کے ساتھ بدتمیزی کیوں کی؟آپ کی جرأت کیسے ہوئی بیلف سے غلط زبان استعمال کرنے کی؟

ایس ایس پی سپیشل برانچ افنان نے کہاکہ میں نے ایسا کچھ نہیں کہا، عدالتی حکم پر بیلف نے بزرگ خاتون کو عدالت میں پیش کیا۔
عدالت نے کہاکہ میاں بیوی اکٹھے رہنا چاہتے ہیں تو بیٹے نے کیوں زبردستی ماں کو رکھا ہے؟

ایس ایس پی سپیشل برانچ نے کہاکہ ماں شدید بیمار ہے، ہم ان کا مکمل خیال رکھ رہے ہیں۔

چیف جسٹس عالیہ نیلم نے کہاکہ آئین مرضی سے زندگی گزارنے کا حق دیتا ہے۔

لاہور ہائیکورٹ کا سرکاری ملازمین کے تبادلوں سے متعلق اہم فیصلہ

لاہور ہائیکورٹ نے سرکاری ملازمین کے تبادلوں سے متعلق اہم فیصلہ جاری کرتے ہوئے قرار دیا ہے کہ سرکاری ملازمت میں تبادلہ سروس کا حصہ ہے اور کوئی بھی ملازم اپنی مرضی کے اسٹیشن پر تعیناتی کا قانونی دعویٰ نہیں کر سکتا۔

نجی ٹی وی چینل ہم نیوز کے مطابق عدالت نے واضح کیا کہ محض آٹھ دن کے اندر تبادلہ ہونا بذاتِ خود غیر قانونی نہیں ہے، جب تک تبادلے میں انتظامی بدنیتی ثابت نہ ہو، عدالت اس معاملے میں مداخلت نہیں کرے گی۔

یہ فیصلہ جسٹس راحیل کامران نے چار صفحات پر مشتمل تحریری حکم میں جاری کیا، عدالت نے بلڈنگ انسپکٹر محمد عمران ارشاد کی تبادلے کے خلاف دائر درخواست خارج کر دی، درخواست گزار نے تبادلے کے محض آٹھ دن بعد عدالت سے رجوع کیا تھا۔
عدالت نے اپنے فیصلے میں مزید قرار دیا کہ پنجاب لوکل گورنمنٹ ایکٹ 2025 کے نفاذ کے بعد سابقہ قانون موثر نہیں رہا اور نئے قانون میں ملازمین کی تعیناتی کی مدت یعنی سیکیورٹی آف ٹینور کا کوئی تحفظ موجود نہیں لہٰذا محکمہ بلدیات کے ملازمین کسی مخصوص مدت تک ایک ہی جگہ تعیناتی کا حق نہیں رکھتے۔

لاہور: نالے میں گر کر جاں بحق ہونے والی ماں بیٹی کی لاشیں آبائی گھر پہنچا دی گئیں

شورکوٹ بھاٹی گیٹ میں سیوریج لائن میں گر کر جاں بحق ہونے والی ماں بیٹی کی لاشیں شورکوٹ میں آبائی گھر پہنچا دی گئی ہیں۔
نجی ٹی وی چینل دنیانیوز کے مطابق انتظامی غفلت کے باعث جان کی بازی ہار جانے والی ماں بیٹی کی میتیں گھر پہنچنے پر علاقے میں کہرام مچ گیا جہاں ہر آنکھ ہی اشکبار دکھائی دی، خاتون اور اس کی بیٹی کی نماز جنازہ آج ادا کی جائے گی۔

متوفی خاتون کے والد کی مدعیت میں واقعے کا مقدمہ درج کر لیا گیا، جس میں پراجیکٹ مینیجر اصغر سندھو، سیفٹی انچارج دانیال اور سائٹ انچارج احمد نواز کو نامزد کیا گیا، پولیس نے تینوں کو گرفتار کرلیا۔

داتا دربار منصوبے پر کام کرنے والی پوری ٹیم کو بھی معطل کر دیا گیا ہے، ٹیپا کی جانب سے نیسپاک کو شوکاز نوٹس جاری کیا گیا، جس کا ایک روز میں جواب طلب کیا گیا ہے۔

حادثے سے پہلے کی سی سی ٹی وی فوٹیجز بھی سامنے آگئیں، فوٹیج میں 5 افراد کو داتا دربار حاضری کیلئے آتے دیکھا جاسکتا ہے، تاہم ماں اور بیٹی دربار کے اندر داخل نہیں ہوئی تھیں

👉🎙️ CALL FOR CO-HOSTS
For “POD-MEET”🎙️👈
A Digital Legal Awareness Program|

Do you have a voice that can inform, inspire, and empower?
We’re launching “Pod-Meet”, a digital legal-affairs awareness platform, and we’re inviting Co-Hosts from all walks of life to be part of this meaningful initiative.

About Pod-Meet
Pod-Meet is a conversational digital program aimed at spreading legal awareness in everyday life. The goal is simple: to discuss laws that affect common people—in plain language, with real-world context.

Who Can Apply?
We welcome individuals from all backgrounds, including but not limited to:
• Lawyers, law students & academics
• Journalists, educators & researchers
• Doctors, engineers & professionals
• Businesspersons & entrepreneurs
• Social activists & civil society members
• Content creators, podcasters & public speakers
• Students & informed citizens with a strong voice

What Will We Talk About?
• Everyday legal issues faced by the public
• Rights & responsibilities of citizens
• Family, employment, cyber, consumer & criminal laws
• Women & child protection laws
• Business, media & digital laws
• Constitutional rights & rule of law
• Law, society & governance

What We’re Looking For
• Clear communication skills
• Interest in public awareness & social impact
• Confidence in discussion (no prior media experience required)
• Respect for diversity of opinions

Why Join Pod-Meet?
✔ Be a voice for legal awareness
✔ Engage in meaningful dialogue
✔ Build your digital presence
✔ Contribute to social education & empowerment
✔ Collaborate with professionals from diverse fields

📩 Interested?
Share a brief introduction and your area of interest to join as a Co-Host @:
[email protected]
Or WhatsApp:
+923008455548

A leading digital media house based in Lahore and Islamabad is seeking a Podcast Host.
Interested candidates are encouraged to apply with confidence.
Send your resume at:
[email protected]

نو مئی مقدمات میں متعدد پی ٹی آئی رہنماؤں کو سزا اور شاہ محمود قریشی کی بریت پر اٹھتے سوال

پاکستان کے صوبہ پنجاب کے شہر لاہور کی انسداد دہشت گردی عدالت نے دو سال قبل نو مئی کو لاہور میں شیر پاؤ پل پر جلاؤ گھیراؤ کے مقدمے میں پاکستان تحریکِ انصاف (پی ٹی آئی) کے رہنماؤں یاسمین راشد، میاں محمود الرشید، اعجاز چوہدری اور عمر سرفراز چیمہ کو دس، دس سال قید کی سزائیں سنا دی ہیں۔

دوسری جانب عدالت نے پی ٹی آئی کے سینیئر رہنما اور سابق وزیرِ خارجہ شاہ محمود قریشی کو اس مقدمے سے بری کر دیا ہے۔

خیال رہے کہ یہ مقدمہ لاہور کی کوٹ لکھپت جیل میں ہی چلایا گیا تھا اور منگل رات گئے فیصلہ بھی وہیں سنایا گیا۔

ان کے علاوہ پی ٹی آئی کے خالد قیوم، ریاض حسین، علی حسن اور افضال عظیم پاہٹ کو بھی دس، دس سال قید کی سزائیں سنائی گئی ہیں۔
اس سے قبل سرگودھا کی انسداد دہشتگردی عدالت نے پنجاب اسمبلی میں قائدِ حزبِ اختلاف ملک احمد بچھر اور پی ٹی آئی کے رکنِ قومی اسمبلی احمد چٹھا اور دیگر ملزمان کو دس، دس سال قید کی سزا سنائی ہے۔

سیلابی ریلے کی نذر ہونے والے کانسٹیبل حیدر علی: چھ بہنوں کا اکلوتا بھائی جسے ’پولیس یونیفارم کا اتنا جنون تھا کہ رات کو بھی پہنے رکھتا‘

’شور مچ گیا کہ حیدر علی کے ہاتھوں سے رسی چھوٹ گئی ہے اور وہ تیز پانی میں بہہ گیا ہے۔۔۔ نوجوانوں نے حیدرعلی کو بچانے کے لیے پانی میں چھلانگیں بھی لگائیں لیکن قدرت کو اس کی شہادت مطلوب تھی۔‘

گذشتہ دو روز کے دوران ہونے والی شدید بارشوں کے نتیجے میں پانی میں پھنسے سینکڑوں شہریوں کو بچانے کے لیے کیے گئے آپریشن میں حصہ لینے والے پولیس اہلکار حیدر علی دریائے جہلم میں بہہ گئے تھے۔

ان کی تدفین جمعے کو ان کے آبائی علاقے ’سیدپور‘ میں کر دی گئی ہے۔

جہلم پولیس کے ڈی ایس پی شہباز احمد ہنجرا اس ٹیم کی قیادت کررہے تھے جس نے جمعرات کے روز دریائے جہلم میں آنے والے سیلابی پانی میں گھرے چار سو سے زائد شہریوں کو ریسکیو کیا اور اسی آپریشن کے دوران کانسٹیبل حیدر علی دوسروں کو بچاتے ہوئے خود پانی میں بہہ گئے تھے۔ڈی ایس پی شہباز احمد نے بی بی سی کو بتایا کہ ’حیدر علی اپنے نام کی طرح بہادر تھا اور لوگوں کو ریسکیو کرتے وقت وہ جوش اور جذبے کا مظاہرہ کر رہا تھا۔‘

https://www.facebook.com/share/p/1FbcrQVCo8/

سوات کی تحصیل خوازہ خیلہ کے علاقے چالیار میں افسوسناک واقعہ پیش آیا جہاں ایک مدرسے میں 14 سالہ طالبعلم فرحان ایاز کو مبینہ طور پر اس کے اساتذہ نے غیر حاضری پر شدید تشدد کا نشانہ بنایا جس سے طالبعلم جاں بحق ہوگیا۔
پولیس کے مطابق بچے کی لاش کو پوسٹ مارٹم کے لیے خوازہ خیلہ اسپتال منتقل کر دیا گیا ہے، جبکہ مدرسے کے 2 اساتذہ کو ابتدائی طور پر اسپتال سے حراست میں لے کر تفتیش کا آغاز کیا گیا ہے۔

اسلام آباد : شناختی کارڈ قوانین میں 23 سال بعد بڑی تبدیلیوں کے حوالے سے شہریوں کے لئے اہم خبر آگئی۔

تفصیلات کے مطابق نادرا نے شناختی کارڈ قوانین میں 23 سال بعد بڑی تبدیلیاں کرتے ہوئے آن لائن سہولیات متعارف کرا دی ہیں۔

نیشنل ڈیٹا بیس اینڈ رجسٹریشن اتھارٹی (نادرا) نے شناختی کارڈ سے متعلق ضوابط میں دو دہائیوں سے زائد عرصے بعد اہم تبدیلیاں کی ہیں اور شہریوں کے لیے آن لائن سروسز کا آغاز کرنے کا اعلان کیا ہے۔

نادرا کے مطابق اب پاکستانی شہری شناختی دستاویزات سے متعلق مختلف سہولیات جیسے کہ نیا شناختی کارڈ حاصل کرنا، اس کی تجدید، اور دیگر خدمات گھر بیٹھے موبائل ایپ یا ویب پورٹل کے ذریعے حاصل کر سکیں گے۔

نادرا کے ایک سینئر افسر کے مطابق نئی پالیسی کے تحت بائیومیٹرک تصدیق کے نظام کو جدید تقاضوں سے ہم آہنگ کیا گیا ہے، جس سے نہ صرف ڈیٹا کے تحفظ کو یقینی بنایا جا سکے گا بلکہ نظام کی شفافیت میں بھی اضافہ ہوگا۔

ساتھ ہی، بچوں کی پیدائش کے اندراج کے لیے یونین کونسل میں رجسٹریشن کو لازمی قرار دیا گیا ہے تاکہ جعلی ریکارڈز کی روک تھام کی جا سکے۔

یہ اصلاحات حال ہی میں وفاقی کابینہ کی منظوری کے بعد نافذ کی گئی ہیں، جن کا مقصد ملک کے شناختی نظام کو بین الاقوامی معیارات کے مطابق اپ گریڈ کرنا ہے۔