LOG MEDIA

سکردو: غیر حتمی نتائج سامنے آنے کے بعد پاکستان پیپلز پارٹی کے کارکنوں اور حامیوں میں خوشی کی لہر دوڑ گئی، جبکہ مختلف مقامات پر کارکنوں نے کامیابی کا جشن منانا شروع کر دیا۔

#سکردو: ڈسٹرکٹ الیکشن کمشنر و ڈپٹی کمشنر سکردو حمزہ مراد گلگت بلتستان اسمبلی انتخابات کے انتظامات سیکیورٹی پلان اور پولنگ کے انتظامی امور سے متعلق لوگ میڈیا سے گفتگو

#شگر: ( عمران شگری) گلگت بلتستان اسمبلی انتخابات 2026 کے انعقاد میں صرف ایک دن باقی ہے، جبکہ الیکشن کمیشن نے تمام انتظامات کو حتمی شکل دے دی ہے۔ پولنگ عملے کی ووٹنگ جاری ہے اور انتخابی سامان مختلف علاقوں میں پہنچایا جا رہا ہے۔شگر کے 71 پولنگ اسٹیشنز پر ووٹنگ کے لیے تیاریاں مکمل کر لی گئی ہیں، جن میں 17 انتہائی حساس اور 26 حساس قرار دیے گئے ہیں۔ سکیورٹی کے لیے پنجاب پولیس کے 350 اہلکار سمیت پاک فوج، ضلعی پولیس اور دیگر قانون نافذ کرنے والے ادارے الرٹ ہیں۔
7 جون کو ووٹرز اپنا حقِ رائے دہی استعمال کریں گے، جبکہ عوام کی نظریں انتخابی معرکے اور اس کے نتائج پر مرکوز ہیں

سکرود| سکردو: عالمی یومِ ماحولیات 2026 کے موقع پر بلتستان کے مختلف علاقوں سکردو، روندو اور ہوشے میں ماحولیات اور جنگلی حیات کے تحفظ کے حوالے سے آگاہی پروگرامز کا انعقاد کیا گیا۔ یہ تقریبات محکمہ سینٹرل قراقرم نیشنل پارک اور محکمہ وائلڈ لائف گلگت بلتستان کے زیرِ اہتمام "Inspired by Nature, For Climate, For Our Future" کے عالمی تھیم کے تحت منعقد کی گئیں۔
پروگراموں میں طلبا، اساتذہ، مقامی عمائدین، سماجی کارکنوں اور عوام کی بڑی تعداد نے شرکت کی۔ مقررین نے ماحولیاتی تبدیلیوں، گلیشیئرز کے تیزی سے پگھلنے، قدرتی وسائل کے دانشمندانہ استعمال اور نایاب جنگلی حیات کے تحفظ کی اہمیت پر روشنی ڈالی۔
اس موقع پر شرکاء کو درختوں کی اہمیت، صفائی ستھرائی، حیاتیاتی تنوع کے تحفظ اور موسمیاتی تبدیلیوں کے منفی اثرات سے نمٹنے کے حوالے سے آگاہ کیا گیا۔ مقررین کا کہنا تھا کہ بلتستان کا قدرتی حسن، بلند و بالا پہاڑ، گلیشیئرز اور نایاب جنگلی حیات خطے کا قیمتی سرمایہ ہیں، جن کے تحفظ کے لیے اجتماعی کوششوں کی ضرورت ہے۔
تقریبات کے اختتام پر شرکاء نے ماحول دوست طرزِ زندگی اپنانے، قدرتی وسائل کے تحفظ اور جنگلی حیات کی بقا کے لیے اپنا کردار ادا کرنے کے عزم کا اظہار کیا۔ منتظمین کے مطابق ایسے آگاہی پروگرامز کا مقصد عوام خصوصاً نوجوان نسل میں ماحولیات کے تحفظ کے حوالے سے شعور اجاگر کرنا ہے تاکہ آنے والی نسلوں کے لیے ایک محفوظ اور سرسبز ماحول یقینی بنایا جا سکے۔

#سکردو: گلگت بلتستان اسمبلی انتخابات کی انتخابی مہم کے آخری مرحلے میں استحکام پاکستان پارٹی کے نامزد امیدوار راجہ جلال حسین مقپون نے سکردو میں انتخابی پاور شو کا مظاہرہ کیا، جس میں پارٹی رہنماؤں، کارکنوں، حامیوں اور شہریوں کی بڑی تعداد نے شرکت کی۔انتخابی ریلی میں گاڑیوں اور موٹر سائیکلوں پر مشتمل ایک بڑا قافلہ شریک تھا، جبکہ کارکن پارٹی پرچم اٹھائے اور انتخابی ترانوں کی دھن پر جوش و خروش کا مظاہرہ کرتے رہے۔ریلی کے مختلف راستوں پر استقبالیہ کیمپ قائم کیے گئے تھے جہاں کارکنوں اور حامیوں نے قافلے کا استقبال کیا۔ انتخابی ترانوں اور نعروں نے ماحول کو گرما دیا جبکہ شرکاء نے پارٹی امیدوار کے حق میں نعرے بھی لگائے۔استحکام پاکستان پارٹی کے کارکنوں کا کہنا تھا کہ انتخابی ریلی میں عوام کی بڑی تعداد کی شرکت راجہ جلال حسین مقپون اور پارٹی پر عوام کے اعتماد کا اظہار ہے

ایم ڈبلیو ایم کے رہنما اور جی بی اے 8 سکردو 2 سے امیدوار کاظم مثیم کی پریس کانفریس۔

رہنما ایم ڈبلیو ایم اور امیدوار جی بی اے 8 سکردو 2 کاظم میثم کی پریس کانفرنس

#سکردو: گلگت بلتستان کے روایتی کھیل فری سٹائل پولو میں خواتین سمیت لاہور سے آنے والے پروفیشنل پولو کھلاڑیوں نے پہلی بار حصہ لیا۔ فاطمہ مظہر، مہنم فیصل اور حبیبہ صدیقی کی شرکت ایونٹ کی خاص بات رہی۔سابق قومی پولو کوچ عمر منہاس کے مطابق دورے کا مقصد فری سٹائل پولو اور گلگت بلتستان کی سیاحت کو قومی سطح پر اجاگر کرنا ہے۔