RJ Athar Rizvi

بے وقت اگر جاؤں گا سب چونک پڑیں گے
اک عمر ہوئی دن میں کبھی گھر نہیں دیکھا

بشیر بدر

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے
مشہور غزل گو بشیر بدر آج بھوپال میں انتقال کر گئے۔ ان کی عمر 91 برس تھی ۔ کئی برس سے ان کی یادداشت نہ ہونے کے برابر رہ گئی تھی۔
( 15- فروری، 1935ء ۔ 28- مئی، 2026ء)

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے
۔۔
تم محبت کو کھیل کہتے ہو
ہم نے برباد زندگی کر لی
۔۔
کچھ تو مجبوریاں رہی ہوں گی
یوں کوئی بے وفا نہیں ہوتا
۔۔
انہی راستوں نے جن پر، کبھی تم تھے ساتھ میرے
مجھے روک روک پوچھا، ترا ہمسفر کہاں ہے
۔۔
اس کے لیے تو میں نے یہاں تک دعائیں کیں
میری طرح سے کوئی اسے چاہتا بھی ہو
۔۔
نہ جانے کس طرف سے آرہی ہیں
ہواؤں میں بڑی افسردگی ہے
۔۔
ایک اچھی لڑکی تھی، ہم بھی اسے اچھے لگے
دیر تک لیکن کہاں چلتے ہیں ایسے سلسلے

بہت دنوں سے مرے ساتھ تھی مگر کل شام
مجھے پتا چلا، وہ کتنی خوبصورت ہے

مسافر ہیں ہم بھی مسافر ہو تم بھی
کسی موڑ پر پھر ملاقات ہوگی

زندگی تو نے مجھے قبر سے کم دی ہے زمیں
پاؤں پھیلاؤں تو دیوار میں سر لگتا ہے

کوئی ہاتھ بھی نہ ملائے گا جو گلے ملو گے تپاک سے
یہ نئے مزاج کا شہر ہے ذرا فاصلے سے ملا کرو

یہاں لباس کی قیمت ہے آدمی کی نہیں
مجھے گلاس بڑے دے شراب کم کر دے

لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں

گھروں پہ نام تھے ناموں کے ساتھ عہدے تھے
بہت تلاش کیا کوئی آدمی نہ ملا

کبھی کبھی تو چھلک پڑتی ہیں یوں ہی آنکھیں
اداس ہونے کا کوئی سبب نہیں ہوتا

اسی شہر میں کئی سال سے مرے کچھ قریبی عزیز ہیں
انہیں میری کوئی خبر نہیں مجھے ان کا کوئی پتہ نہیں

عجیب شخص ہے ناراض ہو کے ہنستا ہے
میں چاہتا ہوں خفا ہو تو وہ خفا ہی لگے

جی بہت چاہتا ہے سچ بولیں
کیا کریں حوصلہ نہیں ہوتا

عاشقی میں بہت ضروری ہے
بے وفائی کبھی کبھی کرنا

مجھ سے کیا بات لکھانی ہے کہ اب میرے لئے
کبھی سونے کبھی چاندی کے قلم آتے ہیں

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

بے وقت اگر جاؤں گا سب چونک پڑیں گے
اک عمر ہوئی دن میں کبھی گھر نہیں دیکھا
۔۔۔۔
دن میں گھر جانے سے ہچکچانے والا آخر آج اپنے گھر گیا۔۔۔
خدا اس کے نئے گھر کو آرام دہ بنائے۔۔