Assistant Director Local Govt & Rural Development Department Khanpur

Public Response

آپ سب کا دل سے شکریہ

عیدالاضحیٰ کے تیسرے روز بھی تحصیل خانپور کی تمام ویلج کونسلوں میں صفائی ستھرائی اور آلائشوں کو ٹھکانے لگانے کا عمل جاری۔

عیدالاضحیٰ کے دوسرے روز اسسٹنٹ ڈائریکٹر محکمہ بلدیات و دیہی ترقی جناب سعد شوکت صاحب کی ہدایات پر پراگرس آفیسر محمد نثار صاحب نے تحصیل خانپور کی مختلف ویلج کونسلوں کا اچانک سرپرائز دورہ کیا۔ اس دورے کے دوران ویلج کونسل حطار، ویلج کونسل شادی، ولیج کونسل سورج گلی، ویلج کونسل کھوئی ناڑہ اور ویلج کونسل بریلہ میں صفائی ستھرائی کے انتظامات اور عملہ صفائی جنیٹرز کی کارکردگی کا معائنہ کیا گیا۔
محمد نثار صاحب نے عملہ صفائی کو اسسٹنٹ ڈائریکٹر صاحب کی خصوصی ہدایات پہنچاتے ہوئے اس بات پر زور دیا کہ قربانی کی آلائشوں کو بروقت ٹھکانے لگایا جائے، گلی محلوں، سڑکوں اور عوامی مقامات کو صاف رکھا جائے اور دیہات کو صاف ستھرا ماحول فراہم کرنے میں کسی قسم کی غفلت نہ برتی جائے۔
انہوں نے کہا کہ صفائی نصف ایمان ہے، اور ایک پاکیزہ ماحول نہ صرف بیماریوں سے بچاؤ کا ذریعہ بنتا ہے بلکہ ایک مہذب اور ذمہ دار معاشرے کی عکاسی بھی کرتا ہے۔ محکمہ بلدیات کا عملہ عید کے ایام میں اپنی ذمہ داریاں بھرپور انداز میں ادا کر رہا ہے اور ان کی خدمات قابلِ تحسین ہیں۔

اسسٹنٹ ڈائریکٹر محکمہ بلدیات ودیہی ترقی خانپور سعد شوکت صاحب کی ہدایات اور سیکرٹریز ویلج کونسل کی زیرنگرانی تحصیل خانپور کی مختلف ویلج کونسلوں میں عید الاضحی کے دوسرے روز بھی آلائشوں کو ٹھکانے لگانے کا عمل بھرپور انداز میں جاری یہ آپریشن کل بھی اسی تسلسل کے ساتھ جاری رہے گا اور انشاءاللہ تحصیل خانپور کو مکمل طور پر آلائش فری بنایا جائے گا ۔

عید الاضحیٰ کے پہلے روز اسسٹنٹ ڈائریکٹر سعد شوکت صاحب نے اپنی تمام تر نجی مصروفیات کو ترک کرتے ہوئے تحصیل خانپور کی مختلف ویلج کونسلوں کا اچانک دورہ کیا۔ دورے کے دوران انہوں نے ویلج کونسل بریلہ تا توفکیاں تمام ویلج کونسلوں کا دورہ کیا صفائی ستھرائی کے عملے کی کارکردگی کا تفصیلی جائزہ لیا اور مختلف مقامات پر جا کر آلائشوں اور دیگر اشیاء کو مقررہ ٹھکانوں پر منتقل کرنے کے عمل کو چیک کیا۔
انہوں نے صفائی کے انتظامات کو تسلی بخش اور احسن انداز میں انجام دینے پر عملے کو شاباش دی اور ان کی محنت، لگن اور ذمہ داری کے احساس کو سراہا۔ اس موقع پر اسسٹنٹ ڈائریکٹر نے عملے کو ہدایت جاری کی کہ وہ عید کے ایام میں مزید جانفشانی، محنت اور ذمہ داری کے ساتھ صفائی کے عمل کو یقینی بنائیں تاکہ عوام کو صاف ستھرا اور خوشگوار ماحول فراہم کیا جا سکے۔ انہوں نے اس عزم کا اعادہ کیا کہ شہریوں کو بہترین سہولیات کی فراہمی اور صفائی کے نظام کو مؤثر بنانا اولین ترجیح ہے۔