Gb Times

کسی عزیز بھائی کا original b from ہے مجھے پبلک سکول سے تھوڑا اوپر ملا ہے جس بھائی کا بھی ہے دیۓ گئے نمبر پر رابطہ کر کے لے جا سکتے ہیں
بچے کا پورا نام ۔عبدل بلوچ
والد ۔عبدل سلام
والدہ ۔حسینہ بانو
موجودہ پتہ ۔محلہ سونیکوٹ گلگت
contact number
03555912245

دنیور: اسسٹنٹ کمشنر کی سربراہی میں میڈیکل اسٹورز کا اچانک معائنہ، دو اسٹورز سیل، ایک پر جرمانہ

دنیور ( ) اسسٹنٹ کمشنر دنیور کیپٹن (ر) محمد عامر تحسین کی سربراہی میں ڈرگ انسپکٹر محمد شریف، میونسپل مجسٹریٹ ارشاد حسین اور دیگر عملے نے سب ڈویژن دنیور کے مختلف بازاروں میں واقع میڈیکل اسٹورز کا اچانک معائنہ کیا۔
اس معائنے کا مقصد ادویات کی فروخت، اسٹورز میں صفائی کے معیار، میعاد ختم شدہ ادویات ، رجسٹریشن اور لائسنس کی تجدید کے عمل کے ساتھ ساتھ حکومتی ایس او پیز پر عمل درآمد کو یقینی بنانا تھا۔
دورانِ معائنہ بعض میڈیکل اسٹورز پر سنگین خلاف ورزیاں پائی گئیں جن میں میعاد ختم شدہ ادویات کی فروخت، غیر رجسٹرڈ فارماسسٹ کے بغیر دکانوں کا چلایا جانا، درجہ حرارت کے مناسب انتظامات کی کمی اور صفائی و اسٹوریج کے ناقص انتظامات شامل تھے۔
انتظامیہ نے کارروائی کرتے ہوئے دو میڈیکل اسٹورز کو موقع پر سیل کر دیا جبکہ ایک اسٹور پر جرمانہ عائد کیا گیا۔
اس موقع پر اسسٹنٹ کمشنر دنیور کیپٹن (ر) محمد عامر تحسین نے واضح ہدایات جاری کرتے ہوئے کہا کہ صحت عامہ سے متعلق معاملات میں کسی قسم کی غفلت یا لاپرواہی برداشت نہیں کی جائے گی۔
انہوں نے تمام میڈیکل اسٹورز مالکان کو ہدایت کی کہ وہ اپنے لائسنس اور رجسٹریشن کی تجدید بروقت کرائیں، ادویات کو درجہ حرارت کے مطابق محفوظ رکھیں، فارماسسٹ کی موجودگی یقینی بنائیں اور مریضوں کو محفوظ، مستند اور معیاری ادویات فراہم کریں۔
انہوں نے کہا کہ انتظامیہ آئندہ بھی ایسے اچانک معائنے جاری رکھے گی تاکہ عوام کو غیر معیاری اور مضرِ صحت ادویات سے محفوظ رکھا جا سکے۔

ماؤنٹینز لینڈ اسکول سسٹم میں ہائی اچیورز ڈے کی پُر وقار تقریب
گلگت ( ) ماؤنٹینز لینڈ اسکول سسٹم دنیور میں ہائی اچیورز ڈے کی پُر وقار تقریب جوش و خروش کے ساتھ منعقد ہوئی، جس میں نمایاں تعلیمی کارکردگی کا مظاہرہ کرنے والے طلبہ و طالبات کو ایوارڈز سے نوازا گیا۔
تقریب میں اسکول کے چار کیمپس ٹاپرز اور دس بورڈ ٹاپرز کو ان کی بہترین کارکردگی پر خصوصی انعامات دیے گئے۔ طلبہ کی یہ کامیابیاں اُن کی انتھک محنت، لگن اور تعلیمی شوق کا عملی ثبوت قرار دی گئیں۔
تقریب کے مہمانانِ خصوصی میں معروف ماہرِ تعلیم استاد غلام عباس نسیم، ممتاز علمی و سماجی شخصیت ڈاکٹر فیصل مہدی شاہ یاری اور معروف سماجی کارکن تسنیم عباس شامل تھے۔
مہمانانِ خصوصی نے اپنے خطابات میں طلبہ کی کامیابیوں کو سراہتے ہوئے کہا کہ کامیابی کا راز مستقل مزاجی، نظم و ضبط اور کردار سازی میں پوشیدہ ہے۔ انہوں نے اساتذہ اور اسکول انتظامیہ کی کاوشوں کو بھی خراجِ تحسین پیش کیا۔
اس موقع پر ڈائریکٹر ماؤنٹینز لینڈ درویش رضا برچہ نے اپنے خطاب میں بچوں کی اخلاقی و سماجی تربیت پر زور دیتے ہوئے والدین سے اپیل کی کہ وہ اپنے بچوں کو بری عادتوں سے بچائیں اور بالخصوص تعصب اور انتہاپسندی جیسے منفی رجحانات سے دور رکھیں۔
تقریب کے اختتام پر شرکاء نے کامیاب طلبہ کو زبردست داد دی اور ان کی کامیابیوں پر خوشی کا اظہار کیا۔
تعلیمی حلقوں نے ماؤنٹینز لینڈ اسکول سسٹم کے اس اقدام کو علاقائی تعلیمی ترقی کی سمت ایک مثبت اور حوصلہ افزا قدم قرار دیا۔

نظیر احمد ساکن گلی بالا تانگیر نے Fpsc کے تھرو جنرل نرس (Bs.16) کی تحریری امتحان پاس کرلیا انہوں نے پاکستان کی معروف ادارہ پمز کالج آف نرسنگ اسلام آباد سے بی ایس نرسنگ کی ہے
اگلے مرحلے میں کامیابی کیلئے دعاگو ہوں

🚨 عوامی حفاظتی اعلامیہ – سب ڈویژن دنیور 🚨
اہلیان علاقہ کو مطلع کیا جاتا ہے کہ ضلع غذر میں موجود طالی دس جھیل، جو گزشتہ ماہ کے سیلاب کے نتیجے میں وجود میں آئی تھی، میں منصوبہ بند کھدائی کا کام جاری ہے۔
🛠 شیڈول برائے کھدائی:
آغاز: یکم اکتوبر 2025، صبح 10:00 بجے
تکمیل: 4 اکتوبر 2025
⚠️ ممکنہ خطرہ:
کھدائی کے دوران جھیل کے پھٹنے اور اس کے نتیجے میں دریائے گلگت میں پانی کے بہاؤ میں غیر معمولی اضافہ اور سیلابی صورتحال پیدا ہونے کا خدشہ موجود ہے۔
📍 متعلقہ حدود:
یہ اعلامیہ خاص طور پر سب ڈویژن دنیور کے دریائے گلگت کے ملحقہ علاقے (بالخصوص دریا کے دونوں کناروں پر واقع آبادیوں اور کھیتوں) کے رہائشیوں کے لیے جاری کیا جا رہا ہے۔
📢 عوامی ہدایات:
تمام رہائشیوں، سیاحوں اور مزدوروں کو سختی سے ہدایت کی جاتی ہے کہ کھدائی کے دوران دریائے گلگت کے کناروں کے قریب جانے سے مکمل گریز کریں۔
دریائی کناروں پر غیر ضروری آمد و رفت، مویشی چرانے یا کھیتی باڑی کرنے سے پرہیز کیا جائے۔
عوام الناس کو تاکید کی جاتی ہے کہ کسی بھی ہنگامی صورتحال میں ضلعی و سب ڈویژن انتظامیہ کے جاری کردہ حفاظتی اقدامات پر فوری عمل کریں۔
یہ اقدامات آپ کی حفاظت اور ممکنہ آفات سے بچاؤ کے لیے نہایت ضروری ہیں۔
محفوظ رہیں، باخبر رہیں۔

دفتر اسسٹنٹ کمشنر دنیور، سب ڈویژن دنیور گلگت

گلگت بلتستان میں 34 افراد تاحال لاپتہ ہیں
تنویر عباس

گلگت: پولیس ریکارڈ کے مطابق گلگت بلتستان میں لاپتہ افراد کے 34 مقدمات تاحال زیر التوا ہیں، جن میں زیادہ تعداد مردوں کی ہے۔

سرکاری اعداد و شمار کے مطابق 2017 سے 18 ستمبر 2025 تک درج ہونے والے ان مقدمات میں 27 مرد اور 7 خواتین شامل ہیں۔

ڈویژنل اعتبار سے سب سے زیادہ کیسز گلگت ڈویژن میں رپورٹ ہوئے ہیں جہاں 24 مقدمات اب تک حل طلب ہیں۔ اضلاع کے لحاظ سے گلگت اور غذر میں سب سے زیادہ 10، 10 مقدمات درج ہیں۔ نگر میں تین اور ہنزہ میں ایک لاپتہ افراد کا کیس رپورٹ ہوا ہے۔

بلتستان ڈویژن میں 9 کیسز تاحال کھلے ہیں۔ ان میں سب سے زیادہ چار کیسز ضلع کھرمنگ میں، تین سکردو میں اور دو ضلع گانچھے میں درج ہیں، جبکہ ضلع شگر میں کوئی کیس رپورٹ نہیں ہوا۔

دیامر استور ڈویژن میں سب سے کم یعنی صرف ایک کیس زیر التوا ہے جو ضلع دیامر سے رپورٹ ہوا ہے۔

سالانہ جائزے کے مطابق سب سے زیادہ کیسز سال 2024 میں سامنے آئے، جن کی تعداد 12 ہے۔ سال 2021 اور 2022 میں پانچ، پانچ کیسز رپورٹ ہوئے جبکہ 2023 اور 2025 میں تین، تین کیسز درج ہوئے۔ 2019 اور 2018 میں دو، دو کیسز رپورٹ ہوئے جبکہ 2017 میں ایک مقدمہ درج ہوا۔

پولیس ریکارڈ میں ایک مبینہ جبری گمشدگی کا کیس بھی شامل ہے جس کی ابتدائی رپورٹ 2011 میں درج ہوئی تھی اور حال ہی میں اس کیس میں نیا اندراج کیا گیا ہے۔

ریکارڈ کے مطابق ایف آئی آر نمبر 16/2012 مورخہ 22 دسمبر 2012 کو تھانہ جل میں تعزیرات پاکستان کی دفعات 365/34 کے تحت درج کی گئی تھی۔ اس کیس میں دیامر پولیس نے اسلام آباد میں کمیشن آف انکوائری آن انفورسڈ ڈس اپیئرنسز کے متعدد اجلاسوں میں پیشی بھی دی ہے تاہم متعلقہ شخص تاحال بازیاب نہیں ہوسکا۔

اسسٹنٹ کمشنر دنیور محمد عامر تحسین سب ڈویژن دنیور کے مختلف علاقوں میں جاری ترقیاتی منصوبوں کا تفصیلی دورہ۔

دنیور : اسسٹنٹ کمشنر دنیور محمد عامر تحسین نے ایریا مجسٹریٹ اور متعلقہ پٹواری کے ہمراہ سب ڈویژن دنیور کے مختلف علاقوں میں جاری ترقیاتی منصوبوں کا تفصیلی دورہ کیا۔ اس موقع پر زیر تعمیر تین اہم لنک روڈز، جن میں لنک روڈ مچوکال، زیارت محلہ اور آستان محلہ شامل ہیں، کا موقع پر معائنہ کیا گیا۔
اسسٹنٹ کمشنر محمد عامر تحسین نے فیلڈ بُک اور آن گراؤنڈ ویریفکیشن کے ذریعے کام کی پیشرفت کا تفصیلی جائزہ لیا اور متعلقہ اداروں کو واضح ہدایات جاری کیں کہ ان منصوبوں کو جلد از جلد مکمل کیا جائے تاکہ عوام کو بروقت بنیادی سفری سہولیات میسر آئیں۔
مزید برآں، اسسٹنٹ کمشنر دنیور نے تمام متعلقہ حکام کو ہدایت دی کہ جتنے بھی پینڈنگ کمپنسیشن کیسز ہیں انہیں ترجیحی بنیادوں پر نمٹایا جائے تاکہ عوام کو ان کے جائز حقوق بروقت فراہم کیے جا سکیں۔
اس موقع پر اسسٹنٹ کمشنر دنیور محمد عامر تحسین نے کہا کہ حکومت اور انتظامیہ عوامی سہولیات کے منصوبوں کی بروقت تکمیل کے لیے ہر ممکن اقدامات کر رہی ہے اور عوام جلد ہی ان ترقیاتی منصوبوں کے ثمرات حاصل کریں گے۔

دکانیں توڑ کر موبائل فون چوری کرنے والا ملزم گرفتار ۔
80 قیمتی موبائل فون برآمد

دنیور: کم عمر طلبہ کی سنوکر کلب، گیمنگ زونز اور انٹرنیٹ کیفے میں داخلے پر پابندی عائد کردی گئی
اسسٹنٹ کمشنر و سب ڈویژنل مجسٹریٹ دنیور نے نوٹیفکیشن جاری کرتے ہوئے 18 سال سے کم عمر طلبہ کی غیر نصابی سرگرمیوں، بالخصوص سنوکر کلب، گیمنگ زونز اور انٹرنیٹ کیفے میں شمولیت پر پابندی عائد کر دی ہے۔
نوٹیفکیشن میں واضح کیا گیا ہے کہ اسکول اوقات (صبح 8 بجے تا دوپہر 2 بجے) میں طلبہ کی ایسی کسی بھی سرگرمی کو خلاف ورزی تصور کیا جائے گا اور ذمہ داران کے خلاف قانونی کارروائی عمل میں لائی جائے گی۔
اسسٹنٹ کمشنر نے والدین اور اسکول انتظامیہ کو ہدایت کی ہے کہ وہ طلبہ کو غیر ضروری سرگرمیوں سے دور رکھیں تاکہ ان کی تعلیم متاثر نہ ہو اور سماجی بگاڑ کے خدشات ختم کیے جا سکیں۔