Assistant Commissioner Daghoni

اسسٹنٹ کمشنر سب ڈویژن ڈغونی افتخار علی صاحب کی زیرِ صدارت ایک اہم اجلاس منعقد ہوا، جس میں ایس ایچ او تھانہ ڈغونی سمیت متعلقہ اہلکارنے شرکت کی۔اجلاس میں منشیات فروشوں کے خلاف سخت سے سخت قانونی کارروائی کو مزید تیز کرنے کا فیصلہ کیا گیا۔ اس موقع پر اسسٹنٹ کمشنر نے سختی سے ہدایت جاری کی کہ منشیات فروشوں کے خلاف کسی بھی قسم کی سفارش یا سیاسی مداخلت ہرگز برداشت نہیں کی جائے گی۔انہوں نے کہا کہ منشیات فروشی بچوں کے مستقبل کے ساتھ کھیلنے کے مترادف ہے، جسے کسی بھی صورت قابلِ قبول نہیں سمجھا جائے گا۔اسسٹنٹ کمشنر نے عوام سے بھی اپیل کی کہ وہ منشیات کے خاتمے کے لیے انتظامیہ کے ساتھ بھرپور تعاون کریں اور منشیات فروشوں کی نشاندہی کریں۔

اسسٹنٹ کمشنر سب ڈویژن ڈغونی افتخار علی صاحب نے امید ویلفیئر سوسائٹی کے اشتراک سے قائم کردہ SheTech IT Lab کا باقاعدہ افتتاح کر دیا۔اس موقع پر اسسٹنٹ کمشنر نے SheTech IT Lab کی ٹیم اور امید ویلفیئر سوسائٹی کی کاوش کو سراہتے ہوئے کہا کہ جدید دور کے تقاضوں کو مدنظر رکھتے ہوئے علاقے میں آئی ٹی لیب کا قیام ایک خوش آئند اور قابلِ تحسین اقدام ہے۔انہوں نے کہا کہ یہ آئی ٹی لیب بالخصوص نوجوانوں، طلبہ و طالبات اور خواتین کو جدید ٹیکنالوجی، کمپیوٹر اور مصنوعی ذہانت (AI) سمیت مختلف شعبوں میں تعلیم و تربیت کے مواقع فراہم کرنے میں اہم کردار ادا کرے گی۔

اسسٹنٹ کمشنر سب ڈویژن ڈغونی افتخار علی صاحب نے سب انجینئر اور متعلقہ ٹھیکیدار کے ہمراہ زیرِ تعمیر آر سی سی پل خشو کی سائٹ کا معائنہ کیا۔موقع پر کام بند پائے جانے پر انہوں نے سخت برہمی کا اظہار کرتے ہوئے ٹھیکیدار کو ایک ہفتے کے اندر کام دوبارہ شروع کرنے کی ہدایت جاری کی۔

اسسٹنٹ کمشنر سب ڈویژن ڈوغونی افتخار علی صاحب نے زیرِ تعمیر ون میگاواٹ بجلی گھر بلغار ڈوغنی کا دورہ کرکے تعمیراتی کام کا تفصیلی جائزہ لیاکام کی رفتار تیز کرنے اور معیار پر کسی قسم کا سمجھوتہ نہ کرنے کی واضح ہدایت جاری کی گئی اسسٹنٹ کمشنر نے خبردار کیا کہ آئندہ معائنہ کے دوران غفلت یا ناقص کام سامنے آنے پر ذمہ داران کے خلاف بلاامتیاز قانونی و محکمانہ کارروائی عمل میں لائی جائے گی۔

اسسٹنٹ کمشنر سب ڈویژن ڈغونی افتخار علی صاحب نے واٹر ٹینک کے تعمیراتی کام کا جائزہ لیا۔اس موقع پر ان کے ہمراہ ایس ڈی او، سب انجینئر اور ٹھیکیدار موقع پر موجود تھے۔اسسٹنٹ کمشنر نے موقع پر کام کی رفتار اور معیار کا معائنہ کیا اور ٹھیکیدار اور ایس ڈی او کو ہدایت جاری کی کہ بقیہ کام ایک ہفتے کے اندر مکمل کر کے رپورٹ پیش کی جائے۔

اسسٹنٹ کمشنر سب ڈویژن ڈغونی افتخار علی نے آج بلغار کے مختلف سرکاری اسکولوں کا اچانک معائنہ کیا
معائنے کے دوران انہوں نے اساتذہ اور طلبہ کی حاضری تدریسی سرگرمیوں، صفائی ستھرائی اور دیگر بنیادی سہولیات کا تفصیلی جائزہ لیااس موقع پر اسسٹنٹ کمشنر نے اساتذہ سے ملاقات کی اور تعلیمی معیار اور نظم و ضبط کو مزید بہتر بنانے کے لیے ضروری ہدایات جاری کی انہوں نے واضح کیا کہ سرکاری اسکولوں میں اساتذہ و طلبہ کی حاضری اور تعلیمی معیار پر کسی قسم کا کوئی سمجھوتہ نہیں کیا جائے گا۔ تعلیم کے بغیر ترقی ممکن نہیں اساتذہ اپنی تمام توجہ بچوں کی بہترین تعلیم و تربیت پر مرکوز رکھیں۔

خانقاہ کمیٹی صوفیہ نوربخشیہ بلغار کے ممبران نے اسسٹنٹ کمشنر ڈغونی افتخار علی صاحب سے ملاقات کی زیرِ تعمیر خانقاہ معلیٰ صوفیہ نوربخشیہ بلغار کی چھت کی بھرائی کا کام بروز اتوار متوقع ہےجس کے لیے بجلی و پانی کی بلا تعطل فراہمی کی درخواست کی گئی اسسٹنٹ کمشنر نے موقع پر ہی متعلقہ ایس ڈی او صاحبان کو کمیٹی کے ساتھ تعاون اور بجلی و پانی کی فراہمی یقینی بنانے کی ہدایت جاری کی
خانقاہ کمیٹی نے فوری ہدایت اور تعاون پر اسسٹنٹ کمشنر صاحب کا شکریہ ادا کیا

امید ویلفیئر سوسائٹی کی ٹیم نے اسسٹنٹ کمشنر ڈغونی افتخار علی صاحب سے ملاقات کی اور دو اہم قراردادیں پیش کیں ملاقات میں علاقے میں پبلک لائبریری اور شی ٹیک آئی ٹی لیب کے قیام و فروغ سمیت طلبہ و طالبات کے لیے بہتر تعلیمی و مطالعاتی سہولیات کی فراہمی پر تفصیلی تبادلہ خیال کیا گیا۔ٹیم نے پبلک لائبریری کے جلد قیام اور نوجوانوں کو جدید ڈیجیٹل تعلیم کے مواقع فراہم کرنے کے عزم کا اظہار کیا۔
اسسٹنٹ کمشنر نے تعلیمی و فلاحی اقدامات کو سراہتے ہوئے ہر ممکن تعاون کی یقین دہائی کی

اسسٹنٹ کمشنر ڈغونی افتخار علی صاحب سے منتخب رکن قانون ساز اسمبلی و رہنما پاکستان مسلم لیگ (ن) گلگت بلتستان حاجی محمد ابراہیم ثنائی صاحب نے ایک اہم ملاقات کی ​ملاقات کے دوران سب ڈویژن ڈغونی کے عوامی و علاقائی مسائل پر تفصیلی تبادلہ خیال کیا گیا دونوں شخصیات نے ان مسائل کے پائیدار حل کے لیے مشترکہ کوششیں اور اپنا فعال کردار ادا کرنے کے عزم کا اعادہ کیا۔ اس موقع پر خاص طور پر تعلیمی اداروں (سکولز)، ہسپتالوں اور دیگر سرکاری دفاتر میں درپیش عملے کی کمی (اسٹاف کی قلّت) کو فوری طور پر دور کرنے کی ضرورت پر زور دیا گیا​علاقائی ترقیاتی منصوبوں کے حوالے سے گفتگو کرتے ہوئے اسسٹنٹ کمشنر ڈغونی نےسب ڈویژنل ایڈمنسٹریشن کمپلیکس کی تعمیر و تکمیل کے لیے خصوصی فنڈز مختص کرنے کی تجویز پیش کی حاجی محمد ابراہیم ثنائی صاحب نے اس سفارش پر مثبت ردِعمل دیتے ہوئے ترقیاتی فنڈز کی فراہمی کا پکا وعدہ کیا​ان کا کہنا تھا کہ ڈغونی خاص طور پر تمام سب ڈویژن ڈغونی کے لیے اور بالعموم پورے حلقہ ون گانچھے کا ایک نمایاں چہرہ اور مرکز ہےاس لیے یہاں ترقیاتی فنڈز فراہم کر کے ڈغونی کی خوبصورتی، تزئین و آرائش اور انفراسٹرکچر میں مزید بہتری لائی جائے گی۔