saifulmaluk.com.pk

محکمہ تعلیم خیبرپختونخواہ نے یکم اپریل سے سرکاری سکولوں کے لیے نئے اوقات کار جاری کردیے !جاری نوٹفیکشن کے مطابق پرائمری کلاسز 7:30 تو 1:35
مڈل 7:30 تا 2:35۔۔۔۔ہائی سکول 7:30 تا 3:00
جبکہ انٹرمیڈیٹ سکولوں کے لیے بھی ٹائمنگ 7:30 تا 3:00 بجے تک ہوگی !
نوٹیفکیشن جاری کردیا گیا ہے۔

بالاکوٹ کی سیاسی فضا میں ایک بار پھر ہلچل تیز ہونے لگی ہے اور نئی سیاسی بساط بچھنے کے آثار نمایاں ہو گئے ہیں۔سابق صوبائی وزیر اور پاکستان پیپلز پارٹی کے سینئر رہنما سید احمد حسین شاہ نے سٹی کونسل بالاکوٹ کے نائب ناظم حاجی طاہر خان کی رہائشگاہ پر اہم ملاقات کی، جہاں علاقائی سیاست، باہمی مشاورت اور آئندہ کے سیاسی لائحہ عمل پر تفصیلی تبادلہ خیال کیا گیا۔ذرائع کے مطابق ملاقات کے دوران مقامی سطح پر عوامی مسائل کے حل اور بلدیاتی و صوبائی سیاست میں ممکنہ تبدیلیوں پر بھی غور کیا گیا، جسے بالاکوٹ کی سیاست میں ایک اہم پیش رفت قرار دیا جا رہا ہے۔۔۔۔واضح رہے کہ حاجی طاہر خان ایک مضبوط خاندانی و سیاسی پس منظر رکھتے ہیں۔ وہ بالاکوٹ کے ہر دلعزیز شہید ناظم شاہ عالم خان اور سابق ناظم بالاکوٹ حاجی فرخ شفقت خان کے حقیقی بھائی ہیں، جس کے باعث ان کی سیاسی و سماجی حیثیت علاقے میں خاصی اہمیت کی حامل ہے۔۔۔۔سیاسی مبصرین کے مطابق یہ ملاقات مستقبل قریب میں بالاکوٹ کی سیاست میں نئی صف بندیوں کا پیش خیمہ ثابت ہو سکتی ہے۔

محفلِ مشاعرہ بیادِ فیاض عزیز، بالاکوٹ
بالاکوٹ۔۔۔۔۔۔۔۔۔ادبی تنظیم ادبستان کے زیر اہتمام آج بالاکوٹ کے ایک مقامی ہوٹل میں نامور ادیب و شاعر فیاض عزیز مرحوم کی یاد میں ایک پُروقار ادبی نشست و مشاعرہ کا انعقاد ہوا۔ مشاعرے کی صدارت سینئر شاعر ڈاکٹر ہارون الرشید نے کی جبکہ نظامت کے فرائض سعید الرحمان سعید نے انجام دیے۔تقریب میں ایم پی اے بالاکوٹ منیر حسین لغمانی، اسسٹنٹ کمشنر بالاکوٹ حسرت خان، چیئرمین اجتماعی فلاحی تنظیم محمد طیب خان، سیاسی و سماجی رہنما حاجی محمد طاہر خان اور چیئرمین گرلاٹ محمد معروف اعوان بطور مہمانان خصوصی شریک ہوئے۔ اس کے علاوہ علاقے کی سیاسی، سماجی اور ادبی شخصیات کی بڑی تعداد نے شرکت کی۔نشست کا آغاز تلاوتِ کلام پاک سے حامد وسیم خان نے کیا، جبکہ سعید الرحمان سعید نے احمد حسین مجاہد کی نعت پیش کی۔ شہباز سرور نے فیاض عزیز کی شخصیت اور فن پر تفصیلی گفتگو کرتے ہوئے ان کی ادبی خدمات کو خراجِ عقیدت پیش کیا۔مشاعرے میں شریک شعرائے کرام نے اپنا کلام پیش کر کے حاضرین سے بھرپور داد وصول کی۔ کلام پیش کرنے والوں میں ڈاکٹر ہارون الرشید، منور احمد منور، سعید الرحمان سعید، رفیع احمد شاکر عنقا، قاضی ریاض احمد، سمندر خان سمندر، آصف رضا طاہر، شہباز سرور، نسیم سواتی، عبد اللطیف، محمد عادل، سعد ذوالفقار، الیاس احمد اور محمد وسیم فقیر شامل تھے۔ عدنان عزیز نے اپنے والد فیاض عزیز کا کلام بھی پیش کیا۔۔۔تقریب کے اختتام پر حاجی محمد طاہر خان نے اظہار خیال کرتے ہوئے کہا کہ فیاض عزیز نے علم و ادب کی جو شمع روشن کی، اسے ان کے بیٹے احسن انداز میں جاری رکھے ہوئے ہیں۔ اسسٹنٹ کمشنر حسرت خان نے ادبی سرگرمیوں کو سراہتے ہوئے مکمل تعاون کی یقین دہانی کرائی۔۔۔صدرِ محفل ڈاکٹر ہارون الرشید نے شرکاء کا شکریہ ادا کرتے ہوئے بالاکوٹ میں سرکاری لائبریری کے قیام اور صحت مند ادبی سرگرمیوں کے فروغ کی ضرورت پر زور دیا۔ ایم پی اے منیر حسین لغمانی نے شعراء کو معاشرے کا ترجمان قرار دیتے ہوئے محمد وسیم فقیر اور شہباز سرور کی شاعری کو عصری حالات کی عکاس قرار دیا۔ انہوں نے اپنے والد فقیر خان عاصی کا کلام بھی پیش کیا اور ادبی سرگرمیوں کے تسلسل کے لیے ٹی ایم اے کمیونٹی ہال کو استعمال میں لانے کی تجویز دی۔مشاعرہ کے آخر میں انتظامیہ نے مہمانان خصوصی، شعرائے کرام اور شرکائے محفل کا شکریہ ادا کیا۔

پشاور کے علاقے بیجو قبر میں نظر آنے والی ایک عجیب سی چیز کو آرمی اسٹیڈیم کے قریب مقامی لوگوں نے قابو کر لیا۔ ذرائع کے مطابق علاقے کے لوگوں نے بروقت ہمت کرتے ہوئے اسے پکڑ لیا اور اس طرح ممکنہ نقصان سے بچاؤ ہو گیا۔ واقعے کے بعد علاقے میں کافی دیر تک لوگوں کا ہجوم لگا رہا جبکہ معاملے کی مزید حقیقت جاننے کی کوشش کی جا رہی ہے۔۔۔

بالاکوٹ۔۔صحافی راشد علی راشد کے فرزند محمد احمد مصطفی کلاس تھری میں اول پوزیشن حاصل کرنے پر صحافی نصیر انور سے ایوارڈ وصول کررہے ہیں۔