Ang Tanod

𝗧𝗜𝗡𝗚𝗡𝗔𝗡: Sa diwa ng pagkakaisa at bayanihan, idinaos ng Tabaco National High School (TNHS) ang Brigada Eskwela 2026 bilang paghahanda sa nalalapit na pagbubukas ng panuruang taon 2026-2027.

Alinsunod sa temang “Bayanihan sa Paaralan: Nagkakaisa para sa Kaayusan at Kaalaman,” binibigyang-diin ng programa ang sama-samang pagkilos ng mga g**o, magulang, mag-aaral, at stakeholders upang matiyak ang ligtas, maayos, at handang kapaligirang pampaaralan.

Teksto ni | 𝘒𝘦𝘪𝘵𝘩 𝘑𝘦𝘸𝘦𝘭 𝘡𝘢𝘮𝘣𝘢𝘴
Kuha ni | 𝘚𝘢𝘮𝘢𝘯𝘵𝘩𝘢 𝘛𝘢𝘣𝘭𝘪𝘻𝘰
Disenyo ni | 𝘏𝘢𝘭𝘦𝘺 𝘉𝘰𝘣𝘪𝘦𝘳

𝗧𝗛𝗘 𝗣𝗘𝗡 𝗜𝗦 𝗜𝗡 𝗬𝗢𝗨𝗥 𝗛𝗔𝗡𝗗𝗦: 𝘑𝘖𝘐𝘕 𝘛𝘏𝘌 𝘛𝘕𝘏𝘚 𝘚𝘗𝘌𝘊𝘐𝘈𝘓 𝘗𝘙𝘖𝘎𝘙𝘈𝘔 𝘐𝘕 𝘑𝘖𝘜𝘙𝘕𝘈𝘓𝘐𝘚𝘔
‎
‎Unlock your potential and sharpen your journalistic skills. Tabaco National High School (TNHS) officially invites all incoming 𝗚𝗿𝗮𝗱𝗲 7 𝘀𝘁𝘂𝗱𝗲𝗻𝘁𝘀 to apply for the 𝗦𝗽𝗲𝗰𝗶𝗮𝗹 𝗣𝗿𝗼𝗴𝗿𝗮𝗺 𝗶𝗻 𝗝𝗼𝘂𝗿𝗻𝗮𝗹𝗶𝘀𝗺 (𝗦𝗣𝗝) for the upcoming School Year 2026-2027.
‎Designed for students with a passion for 𝘮𝘦𝘥𝘪𝘢, 𝘦𝘵𝘩𝘪𝘤𝘴, 𝘢𝘯𝘥 𝘤𝘰𝘮𝘮𝘶𝘯𝘪𝘤𝘢𝘵𝘪𝘰𝘯, this program offers a specialized curriculum to prepare you for the evolving world of news and digital media.
‎
‎𝗦𝗰𝗿𝗲𝗲𝗻𝗶𝗻𝗴 𝗦𝗰𝗵𝗲𝗱𝘂𝗹𝗲:
‎• 𝗗𝗮𝘁𝗲: May 18, 2026
‎• 𝗧𝗶𝗺𝗲: 8:30 AM to 3:00 PM
‎• 𝗩𝗲𝗻𝘂𝗲: Ziga Building, Rooms 1-5
‎
‎𝗦𝗲𝗹𝗲𝗰𝘁𝗶𝗼𝗻 𝗣𝗿𝗼𝗰𝗲𝘀𝘀: Only the 𝙏𝙤𝙥 35 𝙖𝙥𝙥𝙡𝙞𝙘𝙖𝙣𝙩𝙨 will be admitted into this exclusive SPJ cohort. Secure your spot and prove your potential!
‎
‎https://drive.google.com/file/d/16ACiLCsK0yYd2pKFTGnYJEozzKzzfrS7/view?usp=drivesdk

𝑻𝑵𝑯𝑺 𝑪𝒂𝒎𝒑𝒖𝒔 𝑱𝒐𝒖𝒓𝒏𝒐𝒔, 𝒏𝒂𝒈𝒏𝒊𝒏𝒈𝒏𝒊𝒏𝒈 𝒔𝒂 𝑹𝑺𝑷𝑪 2026

Isang malalim at taos-pusong pagbati sa mga nagwagi at naging kalahok ng 𝗥𝗦𝗣𝗖 2026, mga mamamahayag ng 𝗔𝗻𝗴 𝗧𝗮𝗻𝗼𝗱 at 𝗧𝗵𝗲 𝗩𝗮𝗻𝗴𝘂𝗮𝗿𝗱! 💚🤍❤️

Sa likod ng bawat artikulong paulit-ulit na binasa, bawat pangungusap na inusisa, at bawat oras na nilabanan—naroon ang inyong tiyaga. Hindi madali ang maging bantay ng katotohanan, ngunit pinili ninyong manindigan, magsulat, at magsilbi sa bayan. 🇵🇭✨

Sa entablado ng RSPC, hindi lamang talento ang inyong dala, kundi ang inyong mga puso—pusong handang ihayag ang katotohanan at isulat ang tinig ng masa. Ang inyong tagumpay ay hindi lamang nasusukat sa parangal, kundi sa dignidad ng pamamahayag na inyong ipinamalas.

Nawa’y patuloy ninyong gamitin ang panulat bilang haligi ng boses ng masa tungo sa kaunlaran. Ang iyong kuwento bilang kabataang mamamahayag ay mananatiling magpapatuloy kung saan, kayo ang may kakayahang magsulat nito. ✍️✨

Teksto ni | 𝘈𝘴𝘩𝘭𝘦𝘺 𝘍𝘢𝘺𝘦 𝘉𝘦𝘯𝘥𝘢ñ𝘢
‎Disenyo nina | 𝘌𝘻𝘦𝘬𝘪𝘦𝘭 𝘗𝘢𝘯𝘵𝘦 & 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳

𝐓𝐍𝐇𝐒 𝐉𝐨𝐮𝐫𝐧𝐚𝐥𝐢𝐬𝐭𝐬, 𝐍𝐚𝐦𝐚𝐲𝐚𝐠𝐩𝐚𝐠 𝐬𝐚 𝐃𝐒𝐏𝐂 𝟐𝟎𝟐𝟓
‎
‎Muling isinulat ng Ang Tanod at The Vanguard ang pahina ng tagumpay matapos tanghaling overall champion sa sekundaryang antas ng Division Schools Press Conference (DSPC) 2025 na ginanap noong Oktubre 4–5, 2025.
‎
‎Sa loob ng dalawang araw ng masidhing labanan, ipinakita ng mga batang mamamahayag ng Tabaco National High School na ang panulat ay sandata ng katotohanan, at ang boses ng kabataan ay patuloy na lumalakas sa bawat artikulong isinusulat at balitang ipinapahayag.
‎
‎Ang bawat tuldok ng tinta ay patunay ng kanilang pagsisikap; ang bawat pahina ay larawan ng pagkakaisa at diwa ng tunay na pamamahayag. Sa kabila ng kaba, puyat, at pagod, nanaig ang tiwala at pagkakapit-bisig — dahil sa TNHS, ang bawat manunulat ay hindi lamang kalahok, kundi tagapagdala ng dangal.
‎
‎Ang tagumpay na ito ay alay sa bawat g**ong gumabay, bawat coach na umalalay, at bawat batang mamamahayag na piniling magsilbi sa katotohanan.
‎
‎Mabuhay ang 𝗧𝗵𝗲 𝗩𝗮𝗻𝗴𝘂𝗮𝗿𝗱 at 𝗔𝗻𝗴 𝗧𝗮𝗻𝗼𝗱!
‎
‎Ang inyong tagumpay ay hindi lamang panalo ng paaralan, kundi panalo ng bawat batang naniniwala sa kapangyarihan ng katotohanan. 💚✨
‎
‎Teksto ni | 𝘈𝘴𝘩𝘭𝘦𝘺 𝘍𝘢𝘺𝘦 𝘉𝘦𝘯𝘥𝘢ñ𝘢
‎Disenyo nina | 𝘌𝘻𝘦𝘬𝘪𝘦𝘭 𝘗𝘢𝘯𝘵𝘦 & 𝘌𝘻𝘳𝘢𝘩 𝘓𝘦𝘦𝘯 𝘖𝘸𝘰𝘨𝘰𝘸𝘰𝘨

𝟑-𝐃𝐚𝐲 𝐓𝐍𝐇𝐒 𝐈𝐧𝐭𝐫𝐚𝐦𝐮𝐫𝐚𝐥𝐬 𝟐𝟎𝟐𝟓, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚𝐧𝐠 𝐍𝐚𝐠𝐰𝐚𝐤𝐚𝐬

𝗧𝗜𝗡𝗚𝗡𝗔𝗡 | Matagumpay nang nagtapos ang Intramurals ng Tabaco National High School nitong Biyernes, ika-12 ng Setyembre matapos ang tatlong araw ng masigla at makabuluhang mga palaro na nagpakita ng galing, disiplina, at diwa ng pagkakaisa ng mga g**o't mag-aaral. Sa kabila ng pagtatapos ng mga laban, mananatiling inaabangan ng buong pamayanan ang paggawad ng mga parangal sa mga nagwagi na nakatakdang isagawa sa darating na Lunes bilang pagkilala sa kanilang husay at dedikasyon sa pampalakasan.

Teksto ni | 𝘑𝘢𝘮𝘦𝘴 𝘗𝘢𝘶𝘭 𝘊𝘢𝘴𝘵𝘪𝘭𝘭𝘰
Kuha nina | 𝘑𝘪𝘺𝘢𝘯 𝘊𝘢𝘳𝘭 𝘔𝘦𝘯𝘥𝘰𝘻𝘢, 𝘔𝘢𝘳𝘤 𝘋𝘺𝘭𝘢𝘯 𝘉𝘰𝘳𝘢𝘭, 𝘚𝘢𝘮𝘢𝘯𝘵𝘩𝘢 𝘛𝘢𝘣𝘭𝘪𝘻𝘰, 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳, & 𝘏𝘪𝘭𝘭𝘢𝘳𝘺 𝘑𝘢𝘯 𝘊𝘰𝘥𝘦𝘳𝘪𝘴
Disenyo ni | 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳

𝐏𝐚𝐠𝐤𝐚𝐤𝐚𝐢𝐬𝐚 𝐧𝐠 𝐓𝐍𝐇𝐒𝐢𝐚𝐧𝐬, 𝐓𝐚𝐠𝐮𝐦𝐩𝐚𝐲 𝐧𝐠 𝐏𝐚𝐦𝐩𝐚𝐥𝐚𝐤𝐚𝐬𝐚𝐧

Ganap nang sinimulan ang mga palaro sa ikalawang araw ng Intramurals nitong ika-11 ng Setyembre sa Tabaco National High School (TNHS). Namayani ang masiglang pagdalo at mainit na suporta ng mga mag-aaral, g**o, at kawani ng paaralan habang nasasaksihan ang pagpapamalas ng galing at kasanayan ng mga kalahok sa iba’t ibang larangan ng palakasan. Ang sigla at sigasig na namutawi sa bawat laro ay patunay ng mataas na antas ng paghahanda at disiplina ng bawat koponan.

Magpapatuloy naman sa ikatlong araw ng Intramurals ang mas matitinding laban, kung saan nakatakdang isagawa ang mga quarterfinal at final games ng iba’t ibang disiplina. Ito rin ang pagkakataon upang makita ang pinakamahuhusay na koponan na magtatagisan para sa kampeonato ngayong taon.

Teksto ni | 𝘑𝘢𝘮𝘦𝘴 𝘗𝘢𝘶𝘭 𝘊𝘢𝘴𝘵𝘪𝘭𝘭𝘰
Kuha nina | 𝘑𝘪𝘺𝘢𝘯 𝘊𝘢𝘳𝘭 𝘔𝘦𝘯𝘥𝘰𝘻𝘢, 𝘔𝘢𝘳𝘤 𝘋𝘺𝘭𝘢𝘯 𝘉𝘰𝘳𝘢𝘭, 𝘚𝘢𝘮𝘢𝘯𝘵𝘩𝘢 𝘛𝘢𝘣𝘭𝘪𝘻𝘰, 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳, & 𝘏𝘪𝘭𝘭𝘢𝘳𝘺 𝘑𝘢𝘯 𝘊𝘰𝘥𝘦𝘳𝘪𝘴
Disenyo ni | 𝘌𝘻𝘳𝘢𝘩 𝘓𝘦𝘦𝘯 𝘖𝘸𝘰𝘨𝘰𝘸𝘰𝘨

𝐊𝐢𝐧𝐚𝐧𝐠 𝐧𝐠 𝐊𝐨𝐫𝐨𝐧𝐚: 𝐓𝐍𝐇𝐒 𝐌𝐫. & 𝐌𝐬. 𝐈𝐧𝐭𝐚𝐦𝐮𝐫𝐚𝐥𝐬 𝟐𝟎𝟐𝟓, 𝐢𝐛𝐢𝐧𝐢𝐝𝐚

𝗧𝗜𝗡𝗚𝗡𝗔𝗡 | Nitong ika-10 ng Setyembre, itinanghal sa Tabaco National High School (TNHS) ang Mr. & Ms. Intramurals 2025 bilang taunang aktibidad sa selebrasyong ito kung saan bumida sa paligsahan ang mga kalahok mula ika-7 hanggang ika-12, at maging ang mag-aaral mula sa Alternative Learning System (ALS). Bawat isa sa mga kalahok ay masiglang ipinamalas ang natatangi nilang galing at kakayahan sa entablado. Mula sa pagsayaw, pagrampa, pagbida ng kanilang isports, hanggang sa pagbigay ng kasagutan sa mga tanong na siyang sumasalamin sa tunay na diwa ng intramurals.

Sa kabila ng matinding kompetisyon, nanaig ang kanilang determinasyon at natatanging husay at talino. Sa huli, matagumpay na naiuwi ng mag-aaral mula sa ika-7 baitang na si John Gil Competente at mula sa ika-8 baitang na si Jobeth Bendal Manalang ang korona bilang Mr. & Ms. Intramurals 2025. Samakatuwid, ang paligsahang ito ay patunay na ang Intramurals ay hindi lamang nakasentro sa laro at kompetisyon kundi maging sa karakter at angking talento ng bawat TNHSians.

Teksto ni | 𝘓𝘦𝘪𝘨𝘩 𝘈𝘯𝘯𝘦 𝘗𝘢𝘴𝘤𝘶𝘢𝘭, 𝘙𝘦𝘪𝘯𝘢 𝘙𝘰𝘴𝘦 𝘙𝘰𝘯𝘢𝘯, & 𝘈𝘴𝘩𝘭𝘦𝘺 𝘍𝘢𝘺𝘦 𝘉𝘦𝘯𝘥𝘢ñ𝘢
Kuha nina | 𝘑𝘪𝘺𝘢𝘯 𝘊𝘢𝘳𝘭 𝘔𝘦𝘯𝘥𝘰𝘻𝘢 & 𝘌𝘻𝘳𝘢𝘩 𝘓𝘦𝘦𝘯 𝘖𝘸𝘰𝘨𝘰𝘸𝘰𝘨
Disenyo ni | 𝘌𝘻𝘳𝘢𝘩 𝘓𝘦𝘦𝘯 𝘖𝘸𝘰𝘨𝘰𝘸𝘰𝘨

𝐈𝐍𝐓𝐑𝐀𝐌𝐔𝐑𝐀𝐋𝐒 𝟐𝟎𝟐𝟓, 𝐑𝐔𝐌𝐀𝐓𝐒𝐀𝐃𝐀

𝗧𝗜𝗡𝗚𝗡𝗔𝗡 | Opisyal nang binuksan ang Intramurals 2025 sa Tabaco National High School (TNHS) sa pamamagitan ng makulay at masiglang Opening Parade nitong ika-10 ng Setyembre. Bumida ang mga g**o, mga mag-aaral mula sa ika-7 hanggang 12 baitang, mga mag-aaral ng Alternative Learning System (ALS), at mga manlalaro, suot ang kani-kaniyang kulay at sigaw ng suporta sa kani-kanilang pangkat. Ang parada ay nagpapakita ng isang makulay at masiglang pagkakaisa sa kabila ng mga kompetisyong magaganap.

Bilang tampok ng pagbubukas, isinagawa ang Synchronized Dance Competition na nilahukan ng piling mag-aaral sa bawat baitang. Sa pamamagitan ng sabayang galaw at malikhaing koreograpiya, ipinamalas ng mga kalahok ang disiplina, kooperasyon, at kasiglahan kahit sa gitna man ng pagbuhos ng ulan.

Ang tatlong araw na paligsahan ay inaasahang magtatakda ng mga pagsubok at maging paghubog ng mga mag-aaral at atleta—isang pagkakataon upang ipakita ang husay, tibay, at dedikasyon sa iba’t ibang disiplina ng palakasan. Kaugnay nito, inaasahan ang iba pang mga laro at aktibidad sa mga nakatakdang araw ng Intramurals.

Teksto ni | 𝘒𝘢𝘯𝘦𝘭𝘺𝘯 𝘉𝘢𝘭𝘢𝘴𝘦 & 𝘙𝘙 𝘐𝘨𝘭𝘦𝘤𝘪𝘢
Kuha nina | 𝘚𝘢𝘮𝘢𝘯𝘵𝘩𝘢 𝘛𝘢𝘣𝘭𝘪𝘻𝘰 & 𝘑𝘪𝘺𝘢𝘯 𝘊𝘢𝘳𝘭 𝘔𝘦𝘯𝘥𝘰𝘻𝘢
Disenyo ni | 𝘌𝘻𝘳𝘢𝘩 𝘓𝘦𝘦𝘯 𝘖𝘸𝘰𝘨𝘰𝘸𝘰𝘨

‎ #𝗨𝗹𝗮𝘁𝗡𝗴𝗮𝘆𝗼𝗻 | Pormal nang pinasinayaan nitong Agosto 28, 2025 sa Tabaco National High School (TNHS) ang Alternative Learning System (ALS) Community Learning Center (CLC) na ika-apat sa buong bansa at kauna-unahan sa Rehiyong Bicol.
‎
‎Layunin ng nasabing pasilidad na mas mapalawak ang oportunidad para sa mga out-of-school youths at adults na muling makapagpatuloy at makapagtapos ng kanilang pag-aaral.
‎
‎Kaugnay nito, dumalo sa naturang inagurasyon si Senator Sonny Angara, Kalihim ng Edukasyon, na nagbigay-diin sa kahalagahan ng ALS bilang isang tulay ng pag-asa at mas maliwanag na kinabukasan para sa bawat Pilipino.
‎
‎Dagdag pa rito, pinangunahan din ni Sen. Angara katuwang ang DepEd Bicol at iba pang Albay government officials ang paglunsad ng “Eduk-Ahon” na isang inisyatibang naglalayong maipagpatuloy ang pagkatuto ng mga mag-aaral, maging ang pagtuturo ng kaguruan, at kaayusan ng buong paaralan sa harap man ng kalamidad.
‎
‎Ipamamahagi ang mga kagamitang ito sa iilang paaralan sa Lunsod Tabaco na nagsisilbing evacuation center tuwing may kalamidad kabilang ang TNHS, Mayon Integrated School, Magapo Elementary School, at San Miguel National High School upang magsilbing agarang tulong at matiyak na maipagpatuloy ang edukasyon ng mga mag-aaral sa loob ng unang 72 oras ng sakuna.
‎
‎Samakatuwid, ang sabayang pagbukas ng ALS-CLC at paglunsad ng Eduk-Ahon ay nagsisilbing simbolo ng mas maraming pintuan ng pagkatuto, kahandaan, at oportunidad para sa lahat ng mamamayang Pilipino.
‎
‎Ulat ni | 𝘑𝘦𝘯𝘯𝘺 𝘙𝘰𝘴𝘦 𝘗𝘢𝘥𝘶𝘢, 𝘈𝘴𝘩𝘭𝘦𝘺 𝘍𝘢𝘺𝘦 𝘉𝘦𝘯𝘥𝘢ñ𝘢, 𝘢𝘵 𝘈𝘭𝘭𝘺𝘴𝘢 𝘍𝘰𝘳𝘮𝘦𝘯𝘵𝘰
‎Kuha ni | 𝘔𝘢𝘳𝘤 𝘋𝘺𝘭𝘢𝘯 𝘉𝘰𝘳𝘢𝘭, 𝘑𝘪𝘺𝘢𝘯 𝘊𝘢𝘳𝘭 𝘔𝘦𝘯𝘥𝘰𝘻𝘢, 𝘓𝘦𝘢𝘯𝘯𝘦 𝘊𝘩𝘳𝘪𝘴𝘵𝘪𝘯𝘦 𝘈𝘳𝘢𝘯𝘢𝘴, 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳
‎Idinisenyo ni | 𝘙𝘢𝘯𝘪𝘦𝘭𝘭𝘦 𝘋𝘢𝘤𝘪𝘳

‎📰| 𝐀𝐧𝐠 𝐢𝐧𝐲𝐨𝐧𝐠 𝐦𝐠𝐚 𝐬𝐚𝐥𝐢𝐭𝐚'𝐲 𝐦𝐚𝐲 𝐤𝐚𝐩𝐚𝐧𝐠𝐲𝐚𝐫𝐢𝐡𝐚𝐧— 𝐦𝐠𝐚 𝐤𝐰𝐞𝐧𝐭𝐨𝐧𝐠 𝐡𝐮𝐦𝐮𝐡𝐮𝐛𝐨𝐠 𝐧𝐠 𝐤𝐚𝐦𝐚𝐥𝐚𝐲𝐚𝐧, 𝐚𝐭 𝐦𝐠𝐚 𝐚𝐫𝐭𝐢𝐤𝐮𝐥𝐨𝐧𝐠 𝐬𝐮𝐦𝐚𝐬𝐚𝐥𝐚𝐦𝐢𝐧 𝐬𝐚 𝐝𝐢𝐰𝐚 𝐧𝐠 𝐤𝐚𝐭𝐨𝐭𝐨𝐡𝐚𝐧𝐚𝐧.✨
‎
‎Sa bawat pahina ng kasaysayan ng Ang Tanod, laging may bagong tinta ng pag-asa—at ngayong taon, panibagong yugto ang binuksan— isang panibagong kabanata ng pagtuklas, paglilingkod, at paghahatid ng balitang totoo, makabuluhan, at makatao.
‎
‎Pagbati sa mga bagong mamahayag ng 𝐀𝐧𝐠 𝐓𝐚𝐧𝐨𝐝! Nawa’y patuloy na isabuhay ang sinumpaang tungkulin ng isang tunay na mamamahayag upang sama-samang panatilihin ang tinig ng makabayang pamamahayag! 💚✒️📚
‎
‎Isinulat ni | Allysa Formento & Jenny Rose Padua
‎Guhit ni | Ashley Faye Bendaña
‎Disenyo ni | Ezrah Leen Owogowog