Bayan ng Santa Rosa NE

Tunay na Malasakit sa Pangarap ng Kabataan!

Isang mabilis at konkretong aksyon para sa kinabukasan ng ating mga mag-aaral! Sa pakikipagtulungan ng Pamahalaang Bayan ng Sta. Rosa sa pangunguna ni Mayor Christopher “Tupeng” Aguilar, at ng MV Gallego, binubuksan natin ang pinto para sa mas abot-kayang edukasyon sa kolehiyo.

Para sa mga naghahanap ng scholarship at nagnanais na maipagpatuloy ang kanilang pangarap sa kolehiyo, sundin lamang ang mga sumusunod:

📌Paano Mag-Avail?

1. I-screenshot lamang ang certificate na ito.
2. Magpunta at ipakita sa MV Gallego.

Tandaan: Limited slots lamang po ito, kaya ‘wag nang magpahuli, enroll now!

🩺 “Hindi lang gamutan, kundi pag-aaruga at malasakit para sa mamamayan.”

Pabatid po sa Publiko!

CALENDAR OF ACTIVITIES
FOR S.Y. 2026-2027

Narito po ang Early Childhood Care and Development (ECCD) Council Annual Calendar of Activities para sa School Year 2026–2027 ng Bayan ng Sta. Rosa, Nueva Ecija.

Nakasaad po rito ang mga nakatakdang programa, aktibidad, at mahahalagang gawain para sa ating mga Child Development Center upang maging maayos, makabuluhan, at produktibo ang buong taon ng pag-aaral ng ating mga kabataan.

Inaanyayahan po ang lahat ng magulang at guardian na maging updated at makiisa sa mga nakahandang aktibidad para sa mga bata. Maraming salamat po sa inyong patuloy na suporta at kooperasyon.

Sa kahilingan ng nakararaming ina ng tahanan na magkaroon ng libreng tuli para sa kanilang mga anak, agad na nakipag-ugnayan ang ating butihing Punong Bayan na si Kgg. Christopher “Tupeng” Aguilar, sa ating MHO na si Dra. Elannie D. Barayuga Mangrubang upang agarang mabigyan ng aksyon at maisakatuparan ang programang Libreng Tuli sa ating bayan.

May temang: “TARA TOTOY, PA-TULI NA!
Para sa Malinis, Malusog, at Matatag na Kinabukasan.”

Inaanyayahan po natin ang lahat ng mga magulang na samantalahin ang programang ito para sa kalusugan at kinabukasan ng ating mga kabataan.

ATTENTION: First come, first serve po tayo!
DATE:
May 18 (Rizal, Del Pilar, Gomez, Zamora, San Mariano, Luna) gaganapin sa brgy hall ng san mariano
May 19 (Santo Rosario, San Pedro, San Isidro, Inspector, Rajal Centro, Rajal Norte, Rajal Sur) gaganapin sa RHU II Sto rosario
May 20 (Cojuangco, Valenzuela, Tramo, Burgos, Aguinaldo, Mabini, San Gregorio) gaganapin sa brgy hall ng Valenzuela
May 25 (La Fuente, San Joseph, Sapsap, Berang, Isla, Maliolio, Lourdes, Santa Teresita)
May 26 (Soledad, Tagpos, Liwayway, Malacanang, Mapalad) gaganapin sa brgy hall soledad at mapalad birthing clinic
4-5 na bata lang po per Brgy
TIME: 9:00am to 1:00pm
VENUE: BRGY HALL/ HEALTH CENTER/ COVERED COURT

Maraming salamat po!

📣 ANUNSYO PARA SA LAHAT NG MAMAMAYAN NG 33 BARANGAY NG SANTA ROSA, NUEVA ECIJA

Sa mga minamahal naming kababayan mula sa Barangay Aguinaldo, Berang, Burgos, Cojuangco (Poblacion), Del Pilar, Gomez, Inspector, Isla, La Fuente, Liwayway, Lourdes, Luna, Mabini, Malacañang, Maliolio, Mapalad, Rajal Centro, Rajal Norte, Rajal Sur, Rizal (Poblacion), San Gregorio, San Isidro, San Joseph, San Mariano, San Pedro, Santa Teresita, Santo Rosario, Sapsap, Soledad, Tagpos, Tramo, Valenzuela (Poblacion), at Zamora (Poblacion)

Inaanyayahan po namin kayong lahat na makiisa at magparehistro sa isinasagawang:

🗳️ COMELEC SATELLITE REGISTRATION
📍 CityMall Santa Rosa, Nueva Ecija
🗓 April 28, 29, 30 at May 1, 2, 5, 6, 7, 8, 9, 12, 13, 14, 15, 16, 18
⏰ 10:00 AM – 5:00 PM

Maaari kayong:
✔️ Magparehistro bilang botante
✔️ Magpa-update o magpa-correct ng voter’s record
✔️ Magpa-transfer ng rehistro
✔️ Magpa-reactivate ng inyong record

Ang inyong boto ay mahalaga sa kinabukasan ng ating bayan.

!

Maligayang Kaarawan, Hon. Vice Mayor Richard “Chaw” D. Dimacali!

Sa espesyal na araw na ito, nais kong ipahatid ang aking taos-pusong pagbati at pasasalamat sa iyong patuloy na dedikasyon at paglilingkod sa ating bayan ng Santa Rosa.

Ang iyong malasakit, sipag, at tapat na pamumuno ay tunay na inspirasyon sa ating mga kababayan. Bilang katuwang sa pamahalaan, malaki ang iyong ambag sa pagpapatupad ng mga programang naglalayong iangat ang antas ng pamumuhay ng bawat mamamayan.

Nawa’y patuloy kang pagkalooban ng mabuting kalusugan, lakas, at gabay ng Poong Maykapal sa iyong mga adhikain at serbisyo publiko. Asahan mong patuloy tayong magtutulungan para sa mas maunlad at mas progresibong Bagong Santa Rosa.

Muli, maligayang kaarawan at mabuhay ka!

— Mayor Christopher “Tupeng” F. Aguilar
Lokal na Pamahalaan ng Santa Rosa, Nueva

Maligayang Araw ng Manggagawa!
Ngayong ika-1 ng Mayo 2026, kinikilala at pinapahalagahan natin ang sipag, tiyaga, at sakripisyo ng bawat manggagawang Pilipino. Kayo ang tunay na haligi ng ating bayan at inspirasyon sa patuloy na pag-unlad ng Santa Rosa.

Asahan ninyo na ang Lokal na Pamahalaan ay patuloy na magsusulong ng mga programang magbibigay-proteksyon, oportunidad, at mas maayos na kabuhayan para sa inyo.

Mabuhay ang manggagawang Pilipino!
— Mayor Christopher “Tupeng” Aguilar