Poon Owner's Association

𝐁𝐔𝐖𝐀𝐍 𝐍𝐆 𝐒𝐀𝐍𝐓𝐎 𝐑𝐎𝐒𝐀𝐑𝐈𝐎
“𝙏𝙪𝙣𝙜𝙝𝙖𝙮𝙖𝙣 𝙠𝙖𝙢𝙞, 𝙗𝙖𝙮𝙖𝙣𝙜 𝙨𝙖 ’𝙮𝙤 𝙨𝙪𝙢𝙞𝙨𝙞𝙣𝙩𝙖,
𝙊 𝙈𝙖𝙧𝙞𝙖, 𝙄𝙣𝙖 𝙣𝙖𝙢𝙞𝙣, 𝙠𝙖𝙮 𝙆𝙧𝙞𝙨𝙩𝙤 𝙠𝙖𝙢𝙞 𝙞𝙝𝙖𝙩𝙞𝙙.”

𝐓𝐈𝐆𝐍𝐀𝐍 | 𝐀𝐥𝐭𝐚𝐫 𝐝𝐞 𝐍𝐮𝐞𝐬𝐭𝐫𝐚 𝐒𝐞ñ𝐨𝐫𝐚 𝐝𝐞𝐥 𝐒𝐚𝐧𝐭í𝐬𝐢𝐦𝐨 𝐑𝐨𝐬𝐚𝐫𝐢𝐨

Sa bawat pagbigkas ng mga misteryo ng Santo Rosario, samahan natin ang ating Mahal na Ina sa pagninilay sa buhay ng kanyang anak na si Hesukristo. Kasama rin natin sa panalanging ito ang mga banal ng Orden ng mga Dominikano, na naging mga masigasig na tagapagpalaganap ng debosyon sa Santo Rosario.

Sa pamamagitan ng panalanging ito, nawa'y higit pang malapit tayo kay Hesukristo na kalong kalong ng kanyang Inang, si Maria, tayo nawa'y ilukod sa kanyang manto ng pagmamahal at pagkalinga

Nuestra Señora del Santísimo Rosario, ipanalangin mo kami!


**nOwnersAssociation

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈𝐍𝐀 𝐀𝐑𝐊𝐀𝐍𝐆𝐇𝐄𝐋 𝐒𝐀𝐍 𝐌𝐈𝐆𝐔𝐄𝐋, 𝐒𝐀𝐍 𝐑𝐀𝐅𝐀𝐄𝐋, 𝐀𝐓 𝐒𝐀𝐍 𝐆𝐀𝐁𝐑𝐈𝐄𝐋
𝐒𝐞𝐭𝐲𝐞𝐦𝐛𝐫𝐞 𝟐𝟗

Sa araw na ito, buong galak nating ipinagdiriwang ang kapistahan ng tatlong Arkanghel na binabanggit sa Banal na Kasulatan—San Miguel, San Gabriel, at San Rafael. Sila ay mga lingkod at mensahero ng Diyos na, sa kani-kanilang natatanging misyon, nagpapatotoo sa kapangyarihan, awa, at pag-ibig ng Panginoon.

Si San Miguel Arkanghel ay tagapagtanggol ng bayan ng Diyos; si San Gabriel Arkanghel ang mensahero ng Diyos na naghatid kay Maria ng Mabuting Balita tungkol sa pagkakatawang-tao ng Anak ng Diyos; at si San Rafael Arkanghel ay iniuugnay sa paggabay at pagpapagaling sa Aklat ni Tobit. Sa kanilang halimbawa, nawa’y matutuhan nating maging tapat na tagapaglingkod at mga kasangkapan ng kalooban ng Diyos.


**nOwnersAssociation

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐋𝐎𝐑𝐄𝐍𝐙𝐎 𝐑𝐔𝐈𝐙 𝐃𝐄 𝐌𝐀𝐍𝐈𝐋𝐀
𝐒𝐞𝐭𝐲𝐞𝐦𝐛𝐫𝐞 𝟐𝟖 | 𝐔𝐧𝐚𝐧𝐠 𝐏𝐢𝐥𝐢𝐩𝐢𝐧𝐨𝐧𝐠 𝐒𝐚𝐧𝐭𝐨

Sa araw na ito, buong galak at debosyon nating ipinagdiriwang ang kapistahan ni San Lorenzo Ruiz de Manila, ang unang Pilipinong santo at isang huwaran ng matatag na pananampalataya. Sa kabila ng mga pagsubok at pag-uusig, pinili niyang manatiling tapat kay Kristo at buong tapang na ipinagtanggol ang kanyang pananampalataya hanggang sa kanyang kamatayan.

Ang kanyang buhay at pagkamartir ay nagpapaalala sa atin na ang tunay na pananampalataya ay nananatiling matatag maging sa gitna ng pinakamabibigat na pagsubok. Nawa’y maging inspirasyon si San Lorenzo sa bawat Pilipino na manatiling tapat sa Diyos at maging matapang na saksi ni Kristo sa ating pang-araw-araw na buhay.

"𝗞𝘂𝗻𝗴 𝗮𝗸𝗼 𝗺𝗮𝗻 𝗮𝘆 𝗺𝗮𝘆 𝘀𝗮𝗻𝗹𝗶𝗯𝗼𝗻𝗴 𝗯𝘂𝗵𝗮𝘆, 𝗹𝗮𝗵𝗮𝘁 𝗻𝗴 𝗶𝘆𝗼𝗻 𝗮𝘆 𝗶𝗮𝗮𝗹𝗮𝘆 𝗸𝗼 𝘀𝗮 𝗞𝗮𝗻𝘆𝗮"


**nOwnersAssociation

𝐌𝐀𝐑𝐀𝐌𝐈𝐍𝐆 𝐒𝐀𝐋𝐀𝐌𝐀𝐓, 𝐕𝐈𝐂𝐀𝐑𝐈𝐀 𝐍𝐈 𝐒𝐀𝐍𝐓𝐀 𝐑𝐎𝐒𝐀 𝐃𝐄 𝐋𝐈𝐌𝐀!

Sa pagtatapos ng 𝐋𝐚𝐤𝐛𝐚𝐲 𝐏𝐚𝐭𝐫𝐨𝐧𝐚: 𝐃𝐚𝐥𝐚𝐰 𝐧𝐠 𝐑𝐨𝐬𝐚𝐧𝐠 𝐏𝐢𝐧𝐭𝐚𝐤𝐚𝐬𝐢, taos-puso ang aming pasasalamat sa bawat parokya, pari, lingkod-simbahan, at mananampalataya na buong pagmamahal na tumanggap at nakiisa sa pagdalaw ng imahen ni Santa Rosa de Lima.

Sa bawat Misa, panalangin, pagdalaw, at pagtitipon, naging saksi tayo sa isang pananampalatayang nagbubuklod sa pamayanan. Higit sa isang paglalakbay ng isang imahen, ang Lakbay Patrona ay naging pagkakataon upang si Santa Rosa ay maging paalala sa ating lahat na manatiling matatag sa pananampalataya, mapagpakumbaba sa paglilingkod, at laging umaasa sa Diyos.

Sa mga parokyang nagbukas ng kanilang mga pintuan at puso, maraming salamat sa inyong mainit na pagtanggap at pakikiisa. Dalhin nawa natin ang mga biyaya, panalangin, at alaala ng paglalakbay na ito habang patuloy nating ipinapahayag ang ating pagmamahal at debosyon sa ating Rosang Pintakasi.

Sa aming pamamaalam, hindi ito pagtatapos ng ating gawain at tungkulin, kundi pagpapatuloy ng iisang pananampalataya at debosyon.

𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖, 𝙖𝙢𝙞𝙣𝙜 𝙋𝙞𝙣𝙩𝙖𝙠𝙖𝙨𝙞, 𝙥𝙖𝙩𝙪𝙡𝙤𝙮 𝙢𝙤 𝙠𝙖𝙢𝙞𝙣𝙜 𝙨𝙖𝙢𝙖𝙝𝙖𝙣 𝙖𝙩 𝙞𝙥𝙖𝙣𝙖𝙡𝙖𝙣𝙜𝙞𝙣. 🌹🙏

𝙈𝙖𝙧𝙖𝙢𝙞𝙣𝙜 𝙨𝙖𝙡𝙖𝙢𝙖𝙩, 𝙖𝙩 𝙝𝙖𝙣𝙜𝙜𝙖𝙣𝙜 𝙨𝙖 𝙢𝙪𝙡𝙞, 𝙑𝙞𝙘𝙖𝙧𝙞𝙖 𝙣𝙞 𝙎𝙖𝙣𝙩𝙖 𝙍𝙤𝙨𝙖 𝙙𝙚 𝙇𝙞𝙢𝙖!


**nOwnersAssociation

𝐁𝐔𝐖𝐀𝐍 𝐍𝐆 𝐒𝐀𝐍𝐓𝐎 𝐑𝐎𝐒𝐀𝐑𝐈𝐎
“𝙏𝙪𝙣𝙜̱𝙝𝙖𝙮𝙖𝙣 𝙠𝙖𝙢𝙞, 𝙗𝙖𝙮𝙖𝙣𝙜 𝙨𝙖 ’𝙮𝙤 𝙨𝙪𝙢𝙞𝙨𝙞𝙣𝙩𝙖,
𝙊 𝙈𝙖𝙧𝙞𝙖, 𝙄𝙣𝙖 𝙣𝙖𝙢𝙞𝙣, 𝙠𝙖𝙮 𝙆𝙧𝙞𝙨𝙩𝙤 𝙠𝙖𝙢𝙞 𝙞𝙝𝙖𝙩𝙞𝙙.”

OKTUBRE 1- 31, 2026

Sa bawat pagbigkas ng Aba Ginoong Maria at sa bawat misteryong ating pinagninilayan, ating inaalala ang mga mahahalagang pangyayari sa buhay ng ating Panginoong Hesukristo—mula sa Kanyang pagkakatawang-tao, pagdurusa, kamatayan, hanggang sa Kanyang Muling Pagkabuhay.

Narito ang talaan ng mga gawain para sa paparating na Buwan ng Santo Rosario. Inaanyayahan namin ang lahat ng mananampalataya na makiisa sa mga panalanging ito at sama-samang ipagdiwang ang ating debosyon sa Mahal na Birheng Maria.

Halina’t manalangin, magnilay, at makiisa sa Buwan ng Santo Rosario.

𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚, 𝐈𝐧𝐚 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐲𝐨, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢 𝐚𝐭 𝐢𝐡𝐚𝐭𝐢𝐝 𝐦𝐨 𝐤𝐚𝐦𝐢 𝐤𝐚𝐲 𝐊𝐫𝐢𝐬𝐭𝐨.


**nOwnersAssociation

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐌𝐀𝐓𝐄𝐎, 𝐀𝐏𝐎𝐒𝐓𝐎𝐋 𝐀𝐓 𝐄𝐕𝐀𝐍𝐆𝐄𝐋𝐈𝐒𝐓𝐀
𝐒𝐞𝐭𝐲𝐞𝐦𝐛𝐫𝐞 𝟐𝟏

Bago siya tinawag ng Panginoon, siya ay isang maniningil ng buwis. Ngunit sa isang simpleng paanyaya ni Hesus—“Sumunod ka sa akin”—iniwan ni Mateo ang kanyang dating buhay at buong pananampalatayang sumunod sa Kanya.

Mula sa pagiging maniningil ng buwis, naging tagapagdala siya ng Mabuting Balita. Sa kanyang buhay, makikita natin na ang tawag ng Diyos ay hindi nakabatay sa ating nakaraan, kundi sa ating kahandaang tumugon sa Kanyang paanyaya. Sa kanyang pangangaral at pagsaksi kay Kristo, nanatili siyang tapat hanggang sa kanyang kamatayan bilang saksi ng pananampalataya.

"“𝐒𝐮𝐦𝐮𝐧𝐨𝐝 𝐤𝐚 𝐬𝐚 𝐚𝐤𝐢𝐧.” 𝐀𝐭 𝐬𝐢𝐲𝐚'𝐲 𝐭𝐮𝐦𝐢𝐧𝐝𝐢𝐠 𝐚𝐭 𝐬𝐮𝐦𝐮𝐧𝐨𝐝 𝐬𝐚 𝐤𝐚𝐧𝐲𝐚." — 𝐌𝐚𝐭𝐞𝐨 𝟗:𝟗


**nOwnersAssociation