San Isidro Labrador Chapel - Macabling

𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

Sa Dakilang Kapistahan ng Pag-aakyat sa Langit ng Mahal na Birheng Maria, buong pananampalataya nating ginugunita ang dakilang biyaya ng Diyos kay Maria, na sa pagtatapos ng kanyang buhay sa lupa ay iniakyat sa kaluwalhatian ng langit, katawan at kaluluwa.

Sa kanyang halimbawa ng ganap na pagsunod, kababaang-loob, at katapatan sa kalooban ng Diyos, inaanyayahan tayong higit na manalig at mamuhay ayon sa tawag ng Panginoon.

August 15
Banal na Misa - 6:00 PM

Agosto 10 | Kapistahan ni San Lorenzo, Diyako at Martir

O banal na San Lorenzo,
saksi ng wagas na pag-ibig kay Kristo,
palakasin mo ang aming pananampalataya
at pag-asa sa gitna ng mga pagsubok.
Turuan. mo kaming maging mapagbigay
at mahabagin sa aming kapwa.
Nawa’y sa iyong pamamagitan ay mamuhay kami nang banal at maging karapat-dapat
sa kaluwalhatian ng langit.

Agosto 6, 2026 | Kapistahan ng Pagliliwanag sa Bagong Anyo ng Panginoon

Panginoong Hesukristo, nagningning ka sa kaluwalhatian sa bundok upang ipakita ang iyong banal na liwanag. Baguhin mo rin nawa ang aming mga puso, linisin ang aming mga kasalanan, at punuin ang aming buhay ng iyong pag-ibig at kapayapaan ngayon at magpakailanman. Amen

Agosto 04| Paggunita kay San Juan Maria Vianney

O San Juan Maria Vianney, pintakasi at patron ng lahat ng mga kura-paroko at pari, dahil sa iyong maliwanag na halimbawa, ipagkaloob mo sa akin ang malalim na pagmamahal sa sakramento ng kumpisal. Hilingin mo na ang pagtatapat ng kasalanan ay maging daan ng awa ng Diyos. Ipanalangin mo ang biyaya ng pagkamuhi sa kasalanan at lakas laban sa tukso. Idalangin din ang kabanalan ng mga pari at pagtitiwala sa Diyos. AMEN.

Maligayang Pagdiriwang ng Araw ng mga Pari!

Sa araw na ito, nagpapasalamat kami sa Diyos para sa regalo ng pagkapari.

Isang taos-pusong pagbati at pasasalamat sa ating Kura Paroko, 𝐑𝐞𝐯. 𝐅𝐫. 𝐉𝐞𝐫𝐫𝐲 𝐆𝐚𝐞𝐥𝐚, 𝐏𝐡𝐃 at ang ating Parochial Vicar, 𝐑𝐞𝐯. 𝐅𝐫. 𝐑𝐢𝐜𝐤𝐲 𝐕𝐞𝐥𝐚𝐬𝐜𝐨. Gayundin sa ating Guest Priests na sina 𝐑𝐞𝐯. 𝐅𝐫. 𝐑𝐞𝐲𝐦𝐚𝐫 𝐃𝐢𝐚𝐫𝐞𝐳, 𝐌𝐅, 𝐑𝐞𝐯. 𝐅𝐫. 𝐉𝐨𝐡𝐧 𝐅𝐚𝐫𝐚𝐨𝐧, 𝐑𝐞𝐯. 𝐅𝐫. 𝐓𝐨𝐧𝐲 𝐕𝐞𝐥𝐚𝐬𝐜𝐨.

Nawa'y patuloy kayong pagpalain at patnubayan ng Banal na Espiritu sa inyong banal na misyon.

𝐈𝐤𝐚-𝟏𝟖 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧
(𝐿𝑖𝑛𝑔𝑔𝑜 𝑛𝑖 𝑆𝑎𝑛 𝐽𝑢𝑎𝑛 𝑀𝑎𝑟𝑖𝑎 𝑉𝑖𝑎𝑛𝑛𝑒𝑦)

𝑨𝒈𝒐𝒔𝒕𝒐 𝟎𝟏 | 𝐀𝐧𝐭𝐢𝐜𝐢𝐩𝐚𝐭𝐞𝐝 𝐌𝐚𝐬𝐬 | 𝟔:𝟎𝟎 𝐏.𝐌.

𝐈𝐤𝐚-𝟏𝟕 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧
𝑊𝑜𝑟𝑙𝑑 𝐷𝑎𝑦 𝑜𝑓 𝐺𝑟𝑎𝑛𝑑𝑝𝑎𝑟𝑒𝑛𝑡𝑠 𝑎𝑛𝑑 𝑡ℎ𝑒 𝐸𝑙𝑑𝑒𝑟𝑙𝑦

Ang Kaharian ng Diyos ang pinakadakilang kayamanan—nawa'y ito ang lagi nating piliin.

𝐇𝐮𝐥𝐲𝐨 𝟐𝟓 | 𝐀𝐧𝐭𝐢𝐜𝐢𝐩𝐚𝐭𝐞𝐝 𝐌𝐚𝐬𝐬 | 𝟔:𝟎𝟎 𝐏.𝐌.

Hulyo 25 | Kapistahan ni San Santiago el Mayor Apostol

O maawaing Diyos, na gaya ng Iyong banal na Apostol San Santiago, na iniwan ang kanyang ama at lahat ng kanyang ari-arian, nang walang pag-aalinlangan ay sumunod sa tawag ng iyong Anak na si Hesukristo, at sumunod sa kanya; kaya kami, sa pag-alis ng lahat ng mga makamundong at laman-damang pag-ibig, ay palaging handang sundin ang iyong banal na mga utos; sa pamamagitan ni Hesukristo aming Panginoon. Amen.

Ipanalangin mo Kami!

Hunyo 11| Paggunita kay San Benito ng Nursia, Abad

Mahal na San Benito,
dakilang huwaran sa lahat ng katangiang maka-Diyos at busilak na sisidlan ng biyaya ng Panginoon.
Ikaw ang takbuhan namin sa harap ng mga panganib na nakapaligid sa amin.
Tulungan at gabayan mo kami upang maiwasan namin ang anumang nag-uudyok sa amin sa kasalanan na labag sa kalooban ng Diyos.
Tulungan mo kaming makamit ang mga biyayang kinakailangan namin upang malagpasan ang mga pagsubok at pagdurusa sa aming buhay.
Nalalaman naming puno ng pag-ibig at habag ang iyong puso at hindi mo binibigo ang sinumang lumalapit sa iyo dahil sa mga pangangailangan.
Kami ay nagtitiwala at umaasa sa iyong pamamagitan na makakamit namin ang mga biyayang isinasamo namin: (Sa katahimikan, banggitin ang sariling kahilingan.)
Tulungan mo ang aming mga kapanalig na ngayon ay may dinadalang sakit at karamdamang pisikal, emosyonal at espirituwal lalo na ang mga pinahihirapan ng masasama.
Mapalaya nawa sila sa tanikala ng kanilang mga pagdurusa at paghihirap at makabalik sa kanilang mga buhay para sa lalong ikaluluwalhati ng Diyos at sa kapakanan ng kanilang kaluluwa. Amen.

Hunyo 29 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐀𝐩𝐨𝐬𝐭𝐨𝐥 𝐒𝐚𝐧 𝐏𝐞𝐝𝐫𝐨 𝐚𝐭 𝐒𝐚𝐧 𝐏𝐚𝐛𝐥𝐨

O mga dakilang apostol, San Pedro at San Pablo, kami'y nananawagan sa inyo na mamagitan para sa amin sa harap ng trono ng Diyos. Ikaw, San Pedro, ay pinili bilang batong pinagpatungan ng Simbahan, at ikaw, San Pablo, ay tinawag upang maging apostol sa mga Hentil. Hinihiling namin ang inyong makapangyarihang mga panalangin upang matulungan kaming palalimin ang aming pananampalataya, palakasin ang aming pagkakaisa, at buong tapang na ipahayag ang Ebanghelyo.

San Pedro at San Pablo, ipanalangin mo kami.