Barangay One Siling Bata

𝗪𝗮𝗹𝗮𝗻𝗴 𝗣𝗮𝘀𝗼𝗸 | 𝗔𝘂𝗴𝘂𝘀𝘁 𝟯, 𝟮𝟬𝟮𝟲

Bilang pag-iingat sa patuloy na pag-ulan dulot ng pinalakas na Habagat na pinalalala ng Tropical Depression Luis, suspendido ang face-to-face classes sa lahat ng antas sa pampubliko at pribadong paaralan ngayong August 3, 2026 (Lunes).

Hinihikayat ang paggamit ng 𝗔𝗹𝘁𝗲𝗿𝗻𝗮𝘁𝗶𝘃𝗲 𝗗𝗲𝗹𝗶𝘃𝗲𝗿𝘆 𝗠𝗼𝗱𝗲 (𝗔𝗗𝗠) upang maipagpatuloy ang pagkatuto ng mga mag-aaral.

Manatiling alerto, mag-ingat sa posibleng pagbaha, at patuloy na subaybayan ang mga opisyal na anunsyo.

Ingat, mga ka-Pandienyo!

🏗️ THIS IS WHERE YOUR TAXES GO!

Construction of Drainage System
📍 Virginia Ramirez-Cruz St., Barangay Siling Bata

Isa na namang mahalagang proyekto ang isinasagawa para sa mas maayos na daloy ng tubig, drainage, at kaligtasan ng ating mga residente.

Sa bawat hukay, bakal, semento at konkretong kanal na ating nakikita, naroon ang layunin na magkaroon ng mas maayos, ligtas at mas matatag na komunidad.

Ang mga proyektong pang-imprastraktura ay bahagi ng patuloy na pagsisikap na maibalik sa mamamayan ang serbisyong nararapat sa kanila.

Sa pagpupunyagi ni Kap. Aldy Basconcillo, Barangay Chairman, kasama ang Sangguniang Barangay ng Siling Bata, tuloy-tuloy ang pagkilos tungo sa One Mission, One Vision, One Siling Bata.

Malugod na pagbati sa lahat ng kapatid ng Iglesia Ni Cristo sa pagdiriwang ng kanilang ika-112 Anibersaryo!

Nawa’y patuloy kayong maging matatag sa pananampalataya, pagkakaisa, at paglilingkod sa Diyos. Hangad namin ang patuloy na kapayapaan, pagpapala, at tagumpay ng inyong kapatiran at ng buong pamayanan.

Mabuhay ang pagkakaisa at pananampalataya!

Pagbati mula kay:
KAP ALDY B. BASCONCILLO
Barangay Chairman
at ng Sangguniang Barangay ng Siling Bata

🌱 NUTRITION MONTH 2026 | Barangay Siling Bata Child Development Center 🌱

Isang makulay at masayang pagdiriwang ng Nutrition Month 2026 ang matagumpay na isinagawa noong Hulyo 24, 2026 sa mga Child Development Center ng Siling Bata Proper, Pandi Village 1, at Villa Lois.

Sa temang "Munting Gulayan, Malusog na Kinabukasan," nakiisa ang ating mga batang mag-aaral, magulang, Child Development Workers, at mga opisyal ng barangay sa iba't ibang makabuluhang gawain tulad ng parade, costume presentation, at mga aktibidad na nagtataguyod ng wastong nutrisyon at malusog na pamumuhay.

Ang pagdiriwang na ito ay naging paalala na ang tamang nutrisyon at magandang kalusugan ay nagsisimula sa tahanan at higit na napagtitibay sa pagtutulungan ng pamilya, paaralan, at komunidad.

Lubos ang aming pasasalamat sa Committee on Education sa pangunguna ni Kgwd. Lorna V. Velasquez, Committee on Health Kgwd. Orcino B. Basconcillo, Committee on Agriculture Kgwd. Edgardo F. Dela Cruz at kay Hon. Almario B. Basconcillo, Barangay Chairman, sa patuloy na suporta sa mga programa para sa kapakanan ng ating mga kabataan, gayundin sa lahat ng Child Development Workers, mga magulang, volunteers, at mga residenteng nakiisa upang maging matagumpay ang pagdiriwang.

Patuloy nating isulong ang wastong nutrisyon at sama-samang magtanim ng mas malusog at mas maliwanag na kinabukasan para sa bawat batang Siling Bata.

🌿 One Mission. One Vision. One Siling Bata.

Maligayang Kaarawan, Hepe Cora! 🎉🎂

Sa espesyal na araw na ito, buong pusong bumabati ang inyong One Siling Bata Family ng isang Maligayang Kaarawan!

Maraming salamat sa inyong tapat na paglilingkod, dedikasyon, at malasakit sa ating barangay. Nawa'y patuloy kayong pagkalooban ng mabuting kalusugan, mahabang buhay, lakas, karunungan, at maraming biyaya upang maipagpatuloy ang inyong magandang adhikain sa paglilingkod sa ating komunidad.

Hangad namin na ang bawat araw ninyo ay mapuno ng pagmamahal, kapayapaan, at tagumpay kasama ang inyong pamilya at mga mahal sa buhay.

Muli, Maligayang Kaarawan, Hepe Corazon "Cora" Teneza!
Nawa'y patuloy kayong pagpalain at gabayan ng Poong Maykapal sa lahat ng inyong mga gawain.

Mula sa inyong One Siling Bata Family 💚🧡

📍 THIS IS WHERE YOUR TAXES GO!

🚧 Construction of Road Fence
📍 Sitio Balanga, Barangay Siling Bata

Isa na namang proyektong pang-imprastraktura ang matagumpay na naisakatuparan para sa kapakanan ng ating mga kababayan.

Ang Road Fence sa Sitio Balanga ay itinayo upang mapahusay ang kaligtasan ng mga motorista, siklista, at mga naglalakad, lalo na sa mga bahagi ng kalsadang may matarik na gilid at mapanganib na daanan. Layunin nitong maiwasan ang aksidente at magbigay ng mas ligtas na paglalakbay para sa lahat.

Patunay ito na ang buwis ng mamamayan ay naibabalik sa pamamagitan ng mga proyektong may pangmatagalang benepisyo sa ating komunidad.

Sa pagpupunyagi ni Kap. Aldy B. Basconcillo, Barangay Chairman, kasama ang Sangguniang Barangay ng Siling Bata, patuloy nating isinusulong ang mga proyektong nagtataguyod ng kaligtasan, kaayusan, at patuloy na pag-unlad ng ating barangay.

Maraming salamat sa patuloy ninyong pagtitiwala at pakikiisa sa iisang adhikain para sa mas maunlad na One Siling Bata.

H.O.A. Officers Meeting | July 2026

Isang taos-pusong pasasalamat sa lahat ng mga Homeowners Association (H.O.A.) Officers ng Pandi Village 1 at Villa Lois na naglaan ng kanilang oras upang makiisa at dumalo sa ating pagpupulong.

Sa pangunguna ni Hon. Almario "Kap Aldy" B. Basconcillo, Punong Barangay ng Siling Bata, tinalakay ang mga mahahalagang usapin kaugnay ng pag-iisyu ng H.O.A. Resident Certificates, pagpapalakas ng koordinasyon sa pagitan ng barangay at mga samahan, at iba pang programang magbibigay ng mas maayos at episyenteng serbisyo sa ating mga residente.

Lubos din ang aming pasasalamat kina:

Kgwd. Lorna V. Velasquez
Sec. Jose "Unyo" Espiridion
Treas. Joan A. Montevilla
Admin Jimmy Alex
Hepe Cora Teneza
At sa ating masisipag na Barangay Administrative Staffs sa kanilang suporta at pakikiisa sa pagpupulong.

Ang inyong aktibong pakikilahok, mga mungkahi, at kooperasyon ay mahalagang hakbang upang higit pang mapabuti ang ating mga serbisyo at mapaigting ang pagkakaisa ng bawat komunidad sa Barangay Siling Bata.

Maraming salamat po sa inyong tiwala at patuloy na pakikipagtulungan. Sama-sama nating isusulong ang isang maayos, organisado, at nagkakaisang barangay.

📢PAALALA MULA KAY KAP Aldy Basconcillo

📌 Summon ng Barangay? Binalewala?

Ang barangay summons ay isang opisyal na paanyaya upang maresolba ang isang usapin sa mapayapang paraan. Ang hindi pagdalo o pagbabalewala rito ay maaaring magdulot ng pagkaantala sa proseso at iba pang legal na epekto alinsunod sa umiiral na batas.

Mas mainam na makinig, dumalo, at makipag-usap upang maayos ang hindi pagkakaunawaan at maiwasan ang paglala ng sigalot.

💚 Tandaan: Ang pakikipagtulungan sa Katarungang Pambarangay ay hakbang tungo sa mapayapa at maayos na komunidad.