Prosa ngan Siday

bulan na san paghigugma,
kunta, makahanap kita
sin gugma, nga sa pait man
ug tam-is, diri ini nawawara.

|Prosa ngan Siday
°2026

hinay kamo sa diri maupay nga panahon, ipahirayo la an diri maupay nga puyde mahitabo 🙏🤗

reposting 🤗

Kun puyde la

nadiri ak nga nauran
kay pirmi ak ginhahagkot,
-an dara sini
nga pinit, nagkakasulod
san ak kalulothan,
ngan kakabagon
an ak panhuna-huna.

Maaram ka na kun sugad
ak sini. Sanglit, tataplakan
mo ak san im paghigugma,
kun diri man, hahangkopan
tubtob san magpaso
an ak kasing-kasing,
ngan matupok
an ak mga kahulop.

Ikaw an ak kahimyang,
kun nagsusubasko
an ak mga kabaraka
sa dughan ug pangisipan.


°2026

tigamni ini kun gin-aayat ka san panahon ✨

| 𝗣𝗿𝗼𝘀𝗮 𝗻𝗴𝗮𝗻 𝗦𝗶𝗱𝗮𝘆
°2026

may baton sa at mga pangutana nga diri ta kaya kawaraton

ayaw na paghulat,
kun aram san kasing-kasing
nga waray naman mabalik

mga pahinomdum para sa iyo,
kun nano man an iyo gin-aagian,
pirmi magkayaon rason nga magpadayon ✨

| 𝗣𝗿𝗼𝘀𝗮 𝗻𝗴𝗮𝗻 𝗦𝗶𝗱𝗮𝘆
°2026

ayaw pag-inapuraha an usa nga butang,
kay yaon kita kanya-kanya nga takna,

karuyag sidngon sini, ayaw pirita ngan ayaw apuraha an mga butang nga diri man kinahanglan apurahon,

sa kinabuhi, danay naiisip ta an iba nga tawo,
naabot na lugos nira an kanra pangarap, samtang kita bisan nano nga paningkamot, makuri umusad,

dihan sini kita nagkakayaon sayop kay ginkokompara ta an kanra kamutangan sa kun nano yaon kita, an importante nausad ngan tumapod nga unina, sa at naman pumabor
an panahon

| 𝗣𝗿𝗼𝘀𝗮 𝗻𝗴𝗮𝗻 𝗦𝗶𝗱𝗮𝘆
°2026

Kumusta kam? Nagmimgaw kita sa bug-os nga tuig san 2025.

Mabalik an Prosa ngan Siday nga maghatag utro sa iyo sin mga haglipot nga pagpahinomdum. ✨

Bag-o nga tuig, panibag-o nga dalagan san at mga kinabuhi. Takna nga kinahanglan ta balikan
kun paunanho kita nakatabok tikadi sa bag-o nga tuig bisan kun damo an kaulangan.

Karuyag ko sugaron sa iyo nga yana nga bag-o nga tuig, diri ta kinahanglan nga bag-uhon an at mga hingyap kay waray ta man kaabot sa mga nilabay nga tuig. Ayaw, lugod hinay hinay ug paisan-isan nga tumbi an im hingyap.

An bag-oha an mga pamaagi kun paunanho mo iton maabot ngan makakab-ot, kudi ayaw nga magbabago nalat hingyap kay kanugon san panahon. Ngan panhanap oportunidad nga magbubulig nga maipaharani ka sa imo hingyap.

| 𝗣𝗿𝗼𝘀𝗮 𝗻𝗴𝗮𝗻 𝗦𝗶𝗱𝗮𝘆
° 2026

𝗠𝗮𝗶𝗻𝘂𝘀𝘄𝗮𝗴𝗼𝗻 𝗻𝗴𝗮 𝗯𝗮𝗴-𝗼 𝗻𝗴𝗮 𝘁𝘂𝗶𝗴!

Parapreho kita naghihingyap sin maupay
nga kabubuwason. Sini nga bag-o nga tuig,
naghihingyap gihapon sin mga oportunidad
nga mag-aabri, ngan kun nano pa man ini
diri kita magruhaduha nga kab-uton,
kay diri nasusukol an kantidad san kada oportunidad.

Bag-o nga tuig, bisan kun mao ta
an dalagan san at kinabuhi,
sadang nga nabuhat kita kada adlaw
ngan naato sa ayat sini nga kinabuhi.



#2026