DepEd RXII New Xavier ES

𝗛𝗜𝗚𝗜𝗧 𝗦𝗔 𝗞𝗢𝗥𝗢𝗡𝗔: 𝗔𝗡𝗚 𝗣𝗔𝗚𝗟𝗔𝗟𝗔𝗞𝗕𝗔𝗬 𝗡𝗜 𝗞𝗛𝗬𝗟𝗘 𝗟𝗬𝗦𝗧𝗘𝗥

Noong Setyembre 3, 2026 ng gabi, naging makulay at puno ng inspirasyon ang Search for Mr. & Ms. SELG 2026 – Division Level na ginanap sa Alamada Central Elementary School.

Buong pagmamalaking tumindig sa entablado ang pambato ng New Xavier Elementary School, si G. KHYLE LYSTER B. SIBAN. Kasama rin niya sa makabuluhang laban si Bb. KORINA GWEN SANCHEZ ng Kibia Central Elementary School, na kapwa naging kinatawan ng bayan ng Matalam sa nasabing patimpalak at matagumpay na nagkamit ng titulo.

Higit pa sa korona, titulo, at entablado, ipinakita ni Khyle Lyster ang husay, tapang, tiwala sa sarili, at pagmamalaki sa kanyang pinagmulan. Sa bawat hakbang at bawat salitang kanyang binigkas, dala niya ang pangalan ng NXES at ang karangalan ng buong Matalam.

Isang taos-pusong pagbati! Kayo ay tunay na inspirasyon sa ating mga kabataan. Ang inyong pagharap sa entablado ay patunay na ang mga batang Matalameño ay may talento, tapang, at kakayahang mangarap nang mataas. Maraming salamat sa pagdadala ng ating paaralan nang may dangal at pagmamalaki at maraming salamat din sa inyong mga magulang at sa lahat ng sumuporta sa paglalakbay na ito.

𝓐𝓷𝓰 𝓑𝓾𝓰𝔀𝓪𝓴 • 𝕃𝔸𝕋ℍ𝔸𝕃𝔸𝕀ℕ
✍️Jiamie S. Gloriani

𝑲𝑰𝑵𝑮 & 𝑸𝑼𝑬𝑬𝑵 𝑶𝑭 𝑵𝑿𝑬𝑺 𝟐𝟎𝟐𝟔👑

Isang taos-pusong pasasalamat sa lahat ng tumangkilik, nag-ambag, at sumuporta sa katatapos lamang na King & Queen of NXES 2026 fundraising at coronation rites! Napakalaki ng magiging tulong ng ating mga nalikom para sa ating mga proyekto, at hindi ito magiging posible kung wala ang tiwala, pagtutulungan, at dedikasyon natin.

Maraming-maraming salamat sa inyong walang sawang pagmamahal. Mabuhay po tayong lahat! 👑❤

𝗠𝗴𝗮 𝗕𝗮𝘁𝗮𝗻𝗴 𝗟𝗶𝗱𝗲𝗿 𝗻𝗴 𝗡𝗫𝗘𝗦-𝗦𝗘𝗟𝗚, 𝗨𝗺𝗮𝗿𝗶𝗯𝗮 𝘀𝗮 𝗗𝗶𝘃𝗶𝘀𝗶𝗼𝗻 𝗟𝗲𝗮𝗿𝗻𝗖𝗼𝗻 𝟮𝟬𝟮𝟲

Aktibong nakilahok ang mga opisyal ng Supreme Elementary Learner Government (SELG) ng New Xavier Elementary School sa Division LearnCon (DLC)na ginanap sa Alamada Central Elementary School noong Setyembre 2–4, 2026.

Dumalo sa nasabing programa sina Khurt Razel S. Gregorio, Khyle Lyster B. Siban, Mary Sheny H. Fullon, Jennirose B. Lagat, Jiamie S. Gloriani, Jay Lord V. Salvador, at Alfred Lawrence C. Lumogdang, kasama ang kanilang g**ong tagapayo na si G. Dexter John F. Raquel. Naging kapansin-pansin ang delegasyon ng New Xavier Elementary School dahil ito ang kabilang sa mga paaralang may pinakamaraming delegado mula sa Bayan ng Matalam na lumahok sa naturang Division LearnCon. Tampok si Khyle Lyster B. Siban, na nagsilbing Mr. SELG Matalam at kumatawan sa Bayan ng Matalam sa kompetisyon para sa Mr. & Ms. Division SELG 2026 at personal naman na tinanggap ng dating pangulo ng SELG na si Reniel P. Dagohoy ang plake bilang Most Outstanding SELG Leader kasama si G. Dexter John F. Raquel na tumanggap din ng plake bilang Most Outstanding SELG Teacher-Adviser.

Sa pamamagitan ng kanilang paglahok, naipakita ng mga batang lider ng New Xavier Elementary School ang kanilang aktibong pakikiisa sa mga programa at gawaing naglalayong hubugin ang kanilang kakayahan sa pamumuno, pakikipagkapwa, at paglilingkod sa kapwa mag-aaral.

Ang Division LearnCon ng Division Youth Formation ay nagsilbing pagkakataon para sa mga batang lider na makibahagi sa mga gawaing pang-edukasyon, makipag-ugnayan sa kapwa mga lider, at maipakita ang kanilang mga talento at kakayahan bilang mga kinatawan ng kani-kanilang paaralan at bayan.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Jonie Jr. L. Manlaunan

𝑲𝑶𝑹𝑶𝑵𝑨𝑺𝒀𝑶𝑵 𝑵𝑮 𝑯𝑨𝑹𝑰 𝑨𝑻 𝑹𝑬𝒀𝑵𝑨 𝑵𝑮 𝑾𝑰𝑲𝑨 2026👑

Isang makulay, makabuluhan, at hindi malilimutang pagdiriwang ng ating wika at kultura! 🇵🇭❤️

Taos-puso po kaming nagpapasalamat sa lahat ng naging bahagi at katuwang sa matagumpay na pagdaraos ng Koronasyon ng Hari at Reyna ng Wika 2026. Ang inyong oras, talento, suporta, at walang sawang pagtutulungan ang naging susi upang maging espesyal ang araw na ito.

Maraming salamat sa mga g**o, magulang, mag-aaral, bisita, tagasuporta, sponsors, at iba pa.

Mabuhay po tayong lahat!

𝙒𝙄𝙆𝘼 𝘼𝙏 𝘼𝙄, 𝙋𝙄𝙉𝘼𝙂-𝙄𝙎𝘼 𝙎𝘼 𝙈𝘼𝙆𝙐𝙇𝘼𝙔 𝙉𝘼 𝙋𝘼𝙂𝘿𝙄𝙍𝙄𝙒𝘼𝙉𝙂 𝙉𝙂 𝘽𝙐𝙒𝘼𝙉 𝙉𝙂 𝙒𝙄𝙆𝘼 𝙎𝘼 𝙉𝙓𝙀𝙎

Masiglang ipinagdiwang ng Paaralang Elementarya ng New Xavier ang kulminasyon ng Buwan ng Wika noong Agosto 29, 2026, na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Tampok sa pagdiriwang ang iba’t ibang paligsahan gaya ng pag-awit, pagbigkas ng tula, tagisan ng talino, pagguhit, at parada ng mga kasuotan. Sa pamamagitan ng mga ito, naipamalas ng mga mag-aaral ang kanilang talento, kaalaman, at pagkamalikhain. Naging makulay rin ang parada dahil sa mga kasuotang sumasalamin sa kulturang Pilipino.

Ayon kay Gng. Francine A. Sidon, Tagapag-ugnay sa Filipino, mahalagang patuloy na pahalagahan ang sariling wika kasabay ng wastong paggamit ng makabagong teknolohiya: “Patuloy nating mahalin at gamitin ang wikang Filipino, at gamitin ang AI nang wasto at responsable bilang kasangkapan sa pagkatuto.”

Samantala, binigyang-diin ni Bb. Lodina C. Cabaya, Ulong-Guro/OIC, ang kahalagahan ng paggamit ng teknolohiya para sa pag-unlad ng mga mag-aaral habang pinapahalagahan ang wikang Filipino.

Sa kabuuan, naging makabuluhan ang pagdiriwang dahil nabigyan ng pagkakataon ang mga mag-aaral na maipakita ang kanilang talento habang pinagtitibay ang pagmamahal sa wikang Filipino, kulturang Pilipino, at makabagong teknolohiya.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Aira Jane L. Dagohoy

𝟭𝟯 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝘁𝘀 𝗻𝗴 𝗡𝗲𝘄 𝗫𝗮𝘃𝗶𝗲𝗿 𝗘𝗦, 𝗟𝘂𝗺𝗮𝗵𝗼𝗸 𝘀𝗮 𝗗𝗶𝘃𝗶𝘀𝗶𝗼𝗻 𝗝𝗼𝘂𝗿𝗻𝗮𝗹𝗶𝘀𝗺 𝗧𝗿𝗮𝗶𝗻𝗶𝗻𝗴

Labintatlong campus journalists mula sa New Xavier Elementary School (NXES) ang aktibong lumahok sa Division Journalism Training na ginanap noong Agosto 22, 2026 sa Matalam High School.

Layunin ng pagsasanay na higit pang malinang ang kaalaman, kasanayan, at kumpiyansa ng mga batang mamamahayag sa iba’t ibang larangan ng campus journalism.

Gumabay sa mga kalahok sina Gng. Geneby C. Tasic at G. Dexter John F. Raquel bilang kanilang mga tagapagsanay, na patuloy na humuhubog sa kakayahan ng mga batang manunulat sa pagsusulat at responsableng pamamahayag.

Nagpaabot naman ng taos-pusong pasasalamat ang New Xavier Elementary School kay Gng. Noemi C. Lumogdang, Pangulo ng PTA, sa patuloy na suporta sa mga programang pangmag-aaral, lalo na sa pagpapaunlad ng campus journalism. Lubos ding pinasasalamatan ang Barangay Local Government Unit (BLGU) ng Kibia sa pangunguna ng mga lokal na lider sa kanilang suporta at pakikiisa sa mga gawaing naglalayong mapaunlad ang talento at kakayahan ng mga mag-aaral.

Sa pamamagitan ng sama-samang suporta ng paaralan, mga magulang, at komunidad, patuloy na nabibigyan ng pagkakataon ang mga batang mamamahayag na matuto, magsanay, at gamitin ang kanilang tinig upang maghatid ng makabuluhang impormasyon sa kanilang kapwa mag-aaral.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Jiamie S. Gloriani

𝐀𝐍𝐆 𝐁𝐔𝐆𝐖𝐀𝐊 formerly ANG GAHUM

𝐀𝐍𝐆 𝐁𝐔𝐆𝐖𝐀𝐊 (𝐂𝐀𝐌𝐏𝐔𝐒 𝐉𝐎𝐔𝐑𝐍𝐀𝐋𝐈𝐒𝐓𝐒)
The Official School Publication of New Xavier Elementary School, S.Y 2026–2027.

✍️ Meet the Brave Voices of New Xavier ES!
Our Campus Journalists are ready to inform, inspire, and ignite change through the power of words. With passion for truth and creativity, they stand as the storytellers of NXES.

Guided by their dedicated adviser, Sir Dexter John Raquel, these young writers will continue the tradition of excellence in campus journalism.

𝙎𝙀𝙇𝙂 𝙊𝙁𝙁𝙄𝘾𝙀𝙍𝙎 of 𝑁𝐸𝑊 𝑋𝐴𝑉𝐼𝐸𝑅 𝐸𝑆
S.Y 2026-2027

RISE & LEAD!

“Rise with purpose, lead with courage, and serve with heart.”

Meet the SELG Officers; a young leaders ready to RISE above challenges, LEAD with confidence, and SERVE with dedication.

Together, we rise.
Together, we lead.
Together, we make a difference.

RISE & LEAD, NXES-SELG!

SELG Adviser: sir Dexter John Flores Raquel

𝙉𝙓𝙀𝙎, 𝙋𝙞𝙣𝙖𝙨𝙞𝙣𝙖𝙮𝙖𝙖𝙣 𝙖𝙣𝙜 𝙎𝘽𝙁𝙋 2026; 𝙆𝙤𝙢𝙪𝙣𝙞𝙙𝙖𝙙 𝙉𝙖𝙜𝙠𝙖𝙞𝙨𝙖

Pormal na sinimulan ng New Xavier Elementary School ang School-Based Feeding Program (SBFP) 2026 noong Agosto 3, 2026 bilang bahagi ng programang pangnutrisyon ng Department of Education (DepEd) – SDO Cotabato na naglalayong mapabuti ang kalusugan at nutrisyon ng mga mag-aaral.

Dumalo sa unang araw ng programa ang mga opisyal ng barangay sa pangunguna ni Punong Barangay Ebenezer G. Feolog, mga magulang, g**o, at mga mag-aaral na benepisyaryo ng SBFP. Ipinakita ng kanilang pakikiisa ang sama-samang suporta ng paaralan at komunidad para sa kalusugan at kapakanan ng mga bata. Nagbigay ng mensahe si Punong Barangay Feolog na binigyang-diin ang kahalagahan ng pagtutulungan ng paaralan, barangay, mga magulang, at iba pang stakeholders upang maging matagumpay ang pagpapatupad ng programa. Nagpaabot din ng mensahe si Bb. Lodina C. Cabaya, OIC ng NXES, tungkol sa kahalagahan ng wastong nutrisyon bilang mahalagang salik sa kalusugan, pag-unlad, at pagkatuto ng mga mag-aaral. Samantala, pinangunahan ni Gng. Stephane Grace J. Nanlabe, SBFP Coordinator, ang pagsasagawa ng feeding activity kasama ang mga g**o, school personnel, magulang, at PTA officers sa pangunguna ni Gng. Noemi C. Lumogdang.

Mahalagang bahagi rin ng programa ang Central Kitchen na matatagpuan sa Matalam Central District, Kibia Central Elementary School, kung saan inihahanda at niluluto ang mga pagkaing inilalaan para sa mga benepisyaryo ng SBFP. Sa pamamagitan nito, naisasagawa nang maayos ang paghahanda ng pagkain bago ito maihatid sa mga paaralang kabilang sa programa. Nagpaabot naman ng pasasalamat ang pamunuan ng NXES sa lahat ng naging bahagi ng matagumpay na pagsisimula ng programa, lalo na kay Public Schools District Supervisor Dr. Rosalita M. Baldestamon at District Nurse Gng. Cecile J. Segumban, sa kanilang paggabay at suporta sa pagpapatupad ng SBFP sa distrito. Nagpapasalamat din ang paaralan sa mga barangay officials, PTA officers, mga magulang, g**o, school personnel, at iba pang stakeholders na naglaan ng oras at tulong upang maging maayos ang unang araw ng feeding program.

Sa pamamagitan ng patuloy na pagtutulungan ng paaralan at komunidad, inaasahang maisasakatuparan nang maayos ang SBFP 2026 at makatutulong ito sa pagkakaroon ng mas malusog, masigla, at handang matutong mga mag-aaral ng New Xavier Elementary School.

𝓐𝓷𝓰 𝓑𝓾𝓰𝔀𝓪𝓴 • 𝑩𝒂𝒍𝒊𝒕𝒂
✍️Jiamie S. Gloriani

𝐖𝐞𝐥𝐜𝐨𝐦𝐞 𝐭𝐨 𝐭𝐡𝐞 𝐍𝐞𝐰 𝐗𝐚𝐯𝐢𝐞𝐫 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥!💙

"𝑬𝒗𝒆𝒓𝒚 𝒏𝒆𝒘 𝒃𝒆𝒈𝒊𝒏𝒏𝒊𝒏𝒈 𝒃𝒓𝒊𝒏𝒈𝒔 𝒏𝒆𝒘 𝒐𝒑𝒑𝒐𝒓𝒕𝒖𝒏𝒊𝒕𝒊𝒆𝒔 𝒕𝒐 𝒊𝒏𝒔𝒑𝒊𝒓𝒆 𝒂𝒏𝒅 𝒎𝒂𝒌𝒆 𝒂 𝒅𝒊𝒇𝒇𝒆𝒓𝒆𝒏𝒄𝒆."

With warm hearts, we welcome you ma'am 𝐉𝐄𝐕𝐈𝐋𝐘𝐍 𝐌𝐀𝐄 𝐅. 𝐃𝐄𝐍𝐎𝐒𝐓𝐀, Teacher I, to New Xavier E.S. We are truly happy to have you join our family and look forward to sharing this journey with you.

Together, let's create a positive and nurturing learning environment for every child.

We're glad you're here!