Miss ELLE

🙏🙏

DAVAO CITY NANGUNA SA PINAKA-ADUNAHAN NGA DAKBAYAN NGA SAKOP SA MINDANAO

Nagpabiling nanguna ang Davao City isip pinaka-adunahang siyudad sa Mindanao alang sa Fiscal Year 2025 base sa locally-sourced income nga gipagawas sa Bureau of Local Government Finance (BLGF).

Subay sa report, miabot sa ₱7.232 bilyon ang locally-sourced income sa dakbayan nga gikan sa business taxes, real property taxes, mayor’s permits and licenses, market ug terminal fees, economic enterprises ug uban pang local revenues.

Misunod sa listahan ang Cagayan de Oro nga adunay ₱3.696 bilyon samtang ikatulo ang General Santos City nga adunay ₱1.326 bilyon.

Dugang pa niini, nagpabilin usab nga lig-on ang ekonomiya sa Davao City ilabi na sa koleksyon gikan sa negosyo ug serbisyo nga padayon nga nagpalig-on sa kita sa lokal nga kagamhanan.

Lakip sa Top 10 richest cities in Mindanao ang Butuan City, Zamboanga City, Iligan City, Tagum City, Panabo City, Pagadian City ug Koronadal City. | via Bombo Eros Pajota

📸 - Contributed Photo

EVANGELICAL LEADERS MIPADAYAG OG SUPORTA KANG SP CAYETANO

Ang Mindanao Evangelical Leaders Council (MELC), mipadayag sa ilang suporta kang Senate President Alan Peter Cayetano pinaagi sa usa ka pormal nga suwat, pinetsahan og Mayo 15, 2026.

Sumala sa MELC, ang pagpaluyo nila kang Cayetano, tungod sa maayong nahimo niya samtang gasilbi siya sa nasud. Dako sab ang ilang pagtuo nga sa kasamtangang panahon, mga lider nga makaangayon, matarong ug may saktong adbokasiya ang mobarog alang sa katawhan.

Gisalikway sab sa grupo ang hilabihang pagdapig sa mga politikanhong pundok nga nakaaghat sa pagbudhi ug pagtalikod sa pagsalig sa mga tawo ngadto sa ilang kagamhanan.

Ania ang kinatibuk-ang pahayag👇👇👇: