Privi Thoughts

Promise i’ll be fine🥲

Source: Pinterest

Laban ka lang🥹

Hindi mo lang masyadong iniinda pero pagod ka na sa lahat.

Hindi mo magawang umamin na ang mga pangarap mo'y unti-unti nang tinatangay ng hangin. Hindi mo na makita ang ilaw ng pag-asa sa mga pagkakataong binabalot ka na ng dilim.

Alam mong marami ka pang tatahakin pero hindi mo alam kung saan ka nito kayang dalhin. Nakalatag na ang mga plano at dapat mong gawin pero hindi mo alam kung ano ang dapat na unahin at tapusin.

Hindi mo na lang masyadong ipinapakita sa kanila pero sa mga oras na ito, alam kong pagod ka na talaga. Naghalo na ang mabibigat na emosyon; ng lungkot, ng takot, at ng pagkadismaya.

Hindi mo na alam ang gagawin dahil masyado nang magulo ang mundo, ang mga tao, at lalo na ang sarili mo.

At kung wala lang umaasa sa'yo,
siguro, matagal ka nang sumuko.

— JB
(TT) twitter.com/jeybiii_ph
(IG) instagram.com/jeybiii_ph

🙏

🥰🥰🥰

🙏

Art by• happydoodledesignstudio Small steps every day 🌼