Organisasyong Pandayan

𝗧𝗜𝗡𝗚𝗡𝗔𝗡 | Narito ang kasalukuyang resulta ng SIKLAB: Organisasyong Pandayan Eleksiyon 2026, batay sa mga botong naitala mula 1:00 ng hapon hanggang 8:00 ng gabi ngayong Hunyo 15, 2026.

𝗣𝗔𝗔𝗟𝗔𝗟𝗔 | Para sa mga mag-aaral na hindi pa nakaboboto, bukas pa rin ang Microsoft Forms para sa pagsusumite ng inyong boto hanggang 1:00 ng hapon bukas, Hunyo 16, 2026.

𝐒𝐈𝐊𝐋𝐀𝐁: 𝐎𝐫𝐠𝐚𝐧𝐢𝐬𝐚𝐬𝐲𝐨𝐧𝐠 𝐏𝐚𝐧𝐝𝐚𝐲𝐚𝐧 𝐄𝐥𝐞𝐤𝐬𝐢𝐲𝐨𝐧 𝟐𝟎𝟐𝟔
‎
‎Ngayon ay muli nating gagampanan ang ating mahalagang tungkulin bilang mga kasapi ng organisasyon sa pagpili ng mga lider na magsisilbing katuwang sa pagpapatuloy ng mga adhikain, programa, at layunin ng Organisasyong Pandayan.
‎
‎Hinihikayat ang bawat isa na makilahok at gamitin ang kanilang boto nang may pag-iingat, pananagutan, at wastong pagpapasiya. Laging tandaan: 𝗯𝘂𝗺𝗼𝘁𝗼 𝗻𝗮𝗻𝗴 𝘁𝗮𝗺𝗮, 𝗽𝗮𝗿𝗮 𝘀𝗮 𝘁𝗮𝗺𝗮.
‎
‎
‎
‎

𝗠𝗲𝗻𝘀𝗮𝗵𝗲 𝗺𝘂𝗹𝗮 𝘀𝗮 𝗞𝗮𝘀𝗮𝗹𝘂𝗸𝘂𝘆𝗮𝗻𝗴 𝗣𝗮𝗻𝗴𝘂𝗹𝗼 𝗮𝘁 𝗞𝗮𝘄𝗮𝗸𝘀𝗶𝗻𝗴 𝗣𝗮𝗻𝗴𝘂𝗹𝗼 𝗽𝗮𝗿𝗮 𝘀𝗮 𝗺𝗴𝗮 𝗠𝗮𝗴𝗶𝗴𝗶𝗻𝗴 𝗕𝗮𝗴𝗼𝗻𝗴 𝗢𝗽𝗶𝘀𝘆𝗮𝗹𝗲𝘀 𝗻𝗴 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 𝘀𝗮 𝗧𝗮𝗼𝗻𝗴 𝗣𝗮𝗻𝘂𝗿𝘂𝗮𝗻 𝟮𝟬𝟮𝟲–𝟮𝟬𝟮𝟳
‎
‎Kaugnay ng nalalapit na halalan, nagpahatid ng kanilang mensahe at mga hangarin ang kasalukuyang Pangulo at Kawaksing Pangulo ng Organisasyong Pandayan para sa mga bagong opisyales na mahahalal at manunungkulan sa Taong Panuruan 2026–2027.
‎
‎Si Bb. Seda, kasalukuyang Pangulo ng Organisasyong Pandayan at magtatapos na ngayong taon bilang mag-aaral sa ikaapat na taon, ay nagpahayag ng kaniyang hangarin na nawa’y patuloy na mahalin at payabungin ng mga susunod na lider ang wikang Filipino at pamunuan ang organisasyon nang may tapang, talino, at malasakit upang maipagpatuloy ang mga adhikain nito.
‎
‎Samantala, si G. Verzosa, kasalukuyang Kawaksing Pangulo ng Organisasyong Pandayan at maglilingkod bilang Board Member on Records ng Institute of Teacher Education Student Council sa susunod na taong panuruan, ay nagpahatid din ng kaniyang hangarin na sana’y maipagpatuloy ng mga susunod na opisyales ang mga adhikain ng organisasyon sa pamamagitan ng dedikadong paglilingkod, responsableng pamumuno, at malasakit sa bawat kasapi.
‎
‎Sa huli, hangad nina Bb. Seda at G. Verzosa na nawa’y manatiling matatag ang Organisasyong Pandayan sa pagtupad sa adhikain nitong itaguyod at pagyamanin ang wika, kultura, at panitikan.
‎
‎

𝐏𝐀𝐁𝐀𝐓𝐈𝐃 | Ang 𝗦𝗜𝗞𝗟𝗔𝗕: 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 𝗘𝗹𝗲𝗸𝘀𝗶𝘆𝗼𝗻 𝟮𝟬𝟮𝟲 ay opisyal na isasagawa bukas, 𝗛𝘂𝗻𝘆𝗼 𝟭𝟱, 𝟮𝟬𝟮𝟲 (𝗟𝘂𝗻𝗲𝘀), simula ika-1:00 ng hapon at mananatiling bukas sa loob ng 24 oras sa pamamagitan ng 𝗠𝗶𝗰𝗿𝗼𝘀𝗼𝗳𝘁 𝗙𝗼𝗿𝗺𝘀.
‎
‎Bilang paghahanda sa araw ng halalan, inaanyayahan namin kayong balikan at higit pang kilalanin ang mga kandidatong handang maglingkod sa pamamagitan ng mga inilathalang post.
‎
‎https://www.facebook.com/share/p/18pk1MRNAK/
‎
‎https://www.facebook.com/share/p/1D4qVd8VxZ/
‎
‎Halina't 𝗺𝗮𝗸𝗶𝗯𝗮𝗵𝗮𝗴𝗶, 𝗺𝗮𝗸𝗶𝗶𝘀𝗮, at 𝗺𝗮𝗸𝗶𝗹𝗮𝗵𝗼𝗸 sa halalan, Pandayan!
‎
‎
‎
‎

𝐊𝐚𝐥𝐚𝐲𝐚𝐚𝐧. 𝐊𝐢𝐧𝐚𝐛𝐮𝐤𝐚𝐬𝐚𝐧. 𝐊𝐚𝐬𝐚𝐲𝐬𝐚𝐲𝐚𝐧.
‎
‎Sa paggunita ng ika-128 na Araw ng Kalayaan ng Pilipinas, ating pinaparangalan ang kagitingan at sakripisyo ng mga bayaning nag-alay ng kanilang buhay upang makamit ang kasarinlang tinatamasa natin ngayon.
‎
‎Nawa’y magsilbi ang araw na ito bilang paalala na ang kalayaan ay hindi lamang pamana ng nakaraan, kundi pananagutang dapat nating pangalagaan, pahalagahan, at isabuhay para sa kasalukuyan at sa mga susunod na henerasyon.
‎
‎𝗠𝗮𝗯𝘂𝗵𝗮𝘆 𝗮𝗻𝗴 𝗣𝗶𝗹𝗶𝗽𝗶𝗻𝗮𝘀!
‎𝗠𝗮𝗯𝘂𝗵𝗮𝘆 𝗮𝗻𝗴 𝗦𝗮𝗺𝗯𝗮𝘆𝗮𝗻𝗮𝗻𝗴 𝗣𝗶𝗹𝗶𝗽𝗶𝗻𝗼!
‎
‎
‎

𝐎𝐏𝐈𝐒𝐘𝐀𝐋 𝐍𝐀 𝐌𝐆𝐀 𝐊𝐀𝐍𝐃𝐈𝐃𝐀𝐓𝐎 𝐏𝐀𝐑𝐀 𝐒𝐀 𝐒𝐈𝐊𝐋𝐀𝐁: 𝐎𝐑𝐆𝐀𝐍𝐈𝐒𝐀𝐒𝐘𝐎𝐍𝐆 𝐏𝐀𝐍𝐃𝐀𝐘𝐀𝐍 𝐄𝐋𝐄𝐊𝐒𝐈𝐘𝐎𝐍 𝟐𝟎𝟐𝟔

Bawat kandidato ay may kani-kaniyang pananaw, layunin, at adhikain para sa Organisasyong Pandayan.

Sa pagkakataong ito, atin namang tunghayan ang kanilang kasagutan sa tanong:

“𝗞𝘂𝗻𝗴 𝗶𝗸𝗮𝘄 𝗮𝘆 𝗺𝗮𝗵𝗮𝗵𝗮𝗹𝗮𝗹 𝘀𝗮 𝗶𝘆𝗼𝗻𝗴 𝗻𝗶𝗻𝗮𝗻𝗮𝗶𝘀 𝗻𝗮 𝗽𝗼𝘀𝗶𝘀𝘆𝗼𝗻, 𝗽𝗮𝗮𝗻𝗼 𝗺𝗼 𝗶𝗽𝗮𝗸𝗶𝗸𝗶𝗹𝗮𝗹𝗮 𝗮𝗻𝗴 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 𝘀𝗮 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗻𝗮 𝗵𝗶𝗻𝗱𝗶 𝗸𝗮𝘀𝗮𝗽𝗶 𝗼 𝗺𝗶𝘆𝗲𝗺𝗯𝗿𝗼 𝗻𝗶𝘁𝗼?”

Kilalanin at alamin ang kanilang mga ideya at plano kung paano nila higit pang mapalalawak ang pagkilala at pakikilahok ng mga mag-aaral sa ating organisasyon.

𝐎𝐏𝐈𝐒𝐘𝐀𝐋 𝐍𝐀 𝐌𝐆𝐀 𝐊𝐀𝐍𝐃𝐈𝐃𝐀𝐓𝐎 𝐏𝐀𝐑𝐀 𝐒𝐀 𝐒𝐈𝐊𝐋𝐀𝐁: 𝐎𝐑𝐆𝐀𝐍𝐈𝐒𝐀𝐒𝐘𝐎𝐍𝐆 𝐏𝐀𝐍𝐃𝐀𝐘𝐀𝐍 𝐄𝐋𝐄𝐊𝐒𝐈𝐘𝐎𝐍 𝟐𝟎𝟐𝟔

Matapos ang mahigit tatlong araw ng paghahain ng kandidatura, malugod na ipinakikilala ng 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 ang mga opisyal na kandidato para sa 𝗦𝗜𝗞𝗟𝗔𝗕: 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 𝗘𝗹𝗲𝗸𝘀𝗶𝘆𝗼𝗻 𝟮𝟬𝟮𝟲—mga indibidwal na handang maglingkod, mamuno, at maging boses ng bawat kasapi ng samahan.

Sa panibagong yugto ng pamumuno, muli nating binubuksan ang pagkakataon para sa mga lider na may kakayahan, karanasan, at dedikasyong itaguyod ang kapakanan ng mga kasapi at ipagpatuloy ang mga layunin ng organisasyon.

Halina’t sama-sama nating kilalanin at suportahan ang mga kandidatong nagnanais na ipagpatuloy ang mga adhikain ng Organisasyong Pandayan.

𝗟𝗮𝗴𝗶’𝘁 𝗹𝗮𝗴𝗶 𝗽𝗮𝗿𝗮 𝘀𝗮 𝘄𝗶𝗸𝗮, 𝗸𝘂𝗹𝘁𝘂𝗿𝗮, 𝗮𝘁 𝗽𝗮𝗻𝗶𝘁𝗶𝗸𝗮𝗻!

Magandang tanghali, Organisasyong Pandayan! 🌞

Sa pagkakataong ito, opisyal na po nating isinasara ang paghahain ng kandidatura para sa SIKLAB: Organisasyong Pandayan Eleksiyon 2026.

Maraming salamat sa mga mag-aaral na naglaan ng kanilang oras at nagpamalas ng kahandaang maglingkod sa pamamagitan ng pag-aalay ng kanilang dedikasyon, kakayahan, at puso para sa kapakanan ng ating organisasyon.

Abangan na lamang po sa ating FB Page ang opisyal na pagpapakilala sa mga naghain ng kanilang kandidatura. Gayundin, hintayin ang susunod na anunsyo hinggil sa gaganaping eleksiyon na isasagawa sa pamamagitan ng MS Forms.

Muli, maraming salamat po! 🌟

𝐎𝐑𝐆𝐀𝐍𝐈𝐒𝐀𝐒𝐘𝐎𝐍𝐆 𝐏𝐀𝐍𝐃𝐀𝐘𝐀𝐍, 𝐇𝐀𝐍𝐃𝐀 𝐍𝐀 𝐁𝐀 𝐊𝐀𝐘𝐎?
‎
‎Matapos ang isang makabuluhang kabanata ng Taong Panuruan 2025–2026, panibagong yugto ng pamumuno at paglilingkod ang magbubukas para sa mga mag-aaral na handang magsulong ng mga adhikain ng ating organisasyon.
‎
‎Sa temang 𝗦𝗜𝗞𝗟𝗔𝗕: 𝗢𝗿𝗴𝗮𝗻𝗶𝘀𝗮𝘀𝘆𝗼𝗻𝗴 𝗣𝗮𝗻𝗱𝗮𝘆𝗮𝗻 𝗘𝗹𝗲𝗸𝘀𝗶𝘆𝗼𝗻 𝟮𝟬𝟮𝟲, ikinagagalak naming ipahayag ang opisyal na pagbubukas ng paghahain ng kandidatura para sa mga nagnanais tumakbo at maging bahagi ng susunod na hanay ng mga opisyales na magsisilbi sa kapakanan ng bawat kasapi ng Organisasyong Pandayan.
‎
‎Kung taglay mo ang dedikasyon, kakayahan, at pusong handang maglingkod, maaari mong maakses ang Microsoft Forms sa ibaba upang maisumite ang iyong aplikasyon.
‎
‎🔗https://forms.office.com/r/vLDYGHPiH8?origin=lprLink
‎
‎𝗣𝗔𝗔𝗟𝗔𝗟𝗔: Ang paghahain ng kandidatura ay bukas hanggang Miyerkules, Hunyo 11, 2026, sa ganap na ika-12:00 ng tanghali lamang.
‎
‎Halina't makiisa, makilahok, at magsilbi. Siklaban ang diwa ng paglilingkod at pamumuno para sa kapuwa at para sa Organisasyong Pandayan.
‎
‎
‎
‎

𝐁𝐒𝐄𝐝 𝐅𝐢𝐥𝐢𝐩𝐢𝐧𝐨 𝟏𝐀 𝐚𝐭 𝟏𝐁, 𝐍𝐚𝐠𝐩𝐚𝐚𝐧𝐭𝐢𝐠 𝐧𝐠 𝐃𝐚𝐦𝐝𝐚𝐦𝐢𝐧 𝐬𝐚 𝐊𝐚𝐧𝐢𝐥𝐚𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥 𝐧𝐠 𝐃𝐮𝐥𝐚𝐧𝐠 𝐌𝐮𝐬𝐢𝐤𝐚𝐥
‎
‎Bilang bahagi ng pinal na kahingian sa mga kursong Sinesosyedad (SINESOS), Ugnayan ng Wika, Kultura, at Lipunan (UGNAYAN), at Estruktura ng Wikang Filipino (ESTRUKTURA), ipinamalas ng mga mag-aaral ng programang Batsilyer ng Sekundaryang Edukasyon Medyor sa Filipino, Unang Taon (BSEd Filipino 1A at 1B) ng Mabalacat City College ang kanilang husay sa pagtatanghal ng mga dulang musikal na hango sa iba't ibang napapanahong isyung panlipunan.
‎
‎Sa paksang karapatang pantao at isyung pangkatarungan, naipakita ng BSEd Filipino 1A ang dulang musikal na nagbigay-diin sa kahalagahan ng pagkilala sa dignidad, karapatan, at pagkakapantay-pantay ng bawat mamamayan.
‎
‎Sa pagtatapos ng kanilang pagtatanghal, iniwan ng mga mag-aaral ang makapangyarihang mensaheng “𝗪𝗔𝗟𝗔𝗡𝗚 𝗠𝗔𝗔𝗔𝗣𝗜 𝗞𝗨𝗡𝗚 𝗪𝗔𝗟𝗔𝗡𝗚 𝗠𝗔𝗡𝗚-𝗔𝗔𝗣𝗜,” isang panawagang nagsilbing paalala tungo sa isang lipunang may malasakit, pagkakapantay-pantay, at paggalang sa karapatan ng bawat isa.
‎
‎Sa kabilang banda, sa paksang bulnerableng sektor, naipahayag naman ng BSEd Filipino 1B ang dulang musikal na nagbigay-tuon sa kalagayan ng mga batang kabilang sa mga sektor na higit na nangangailangan ng proteksiyon, pagkalinga, at pagkilala sa kanilang mga karapatan.
‎
‎Sa pagtatapos ng kanilang pagtatanghal, nag-iwan ang mga mag-aaral ng makabuluhang linyang “𝗠𝗔𝗬 𝗕𝗨𝗛𝗔𝗬 𝗔𝗡𝗚 𝗕𝗔𝗧𝗔, 𝗠𝗔𝗕𝗨𝗛𝗔𝗬 𝗔𝗡𝗚 𝗠𝗚𝗔 𝗕𝗔𝗧𝗔," bilang paalala na ang bawat kabataan ay may boses, pangarap, at karapatang mabuhay nang may dignidad, pagmamahal, at pag-asa para sa mas maaliwalas na kinabukasan.
‎
‎Kasama rin sa nagpakita ng husay at galing sa pagtatanghal ng dulang musikal ang mga mag-aaral mula sa programang Batsilyer ng Elementaryang Edukasyon, Unang Taon (BEEd 1A at 1B), na nagbigay ng kani-kanilang makabuluhang presentasyon.
‎
‎Ang pagtatanghal ay dinaluhan at pinaunlakan ng mga panauhing sina Bb. Nikka Mae Garcia, G. John Clifford De Jesus, G. Jonas Soriano, G. Amiel Alfonso, at G. Dhave De Jesus, na nagsilbing mga hurado sa nasabing aktibidad.
‎
‎Sa huli, naging matagumpay ang buong gawain sa patnubay ng kanilang mga instruktor na sina G. Michael Bryan Rosilla (SINESOS), Gng. Mary Rose Ocampo (UGNAYAN), at G. Christian Allan Cagano (ESTRUKTURA).
‎
‎𝐌𝐔𝐋𝐀 𝐒𝐀 𝐎𝐑𝐆𝐀𝐍𝐈𝐒𝐀𝐒𝐘𝐎𝐍𝐆 𝐏𝐀𝐍𝐃𝐀𝐘𝐀𝐍, 𝐌𝐀𝐀𝐋𝐀𝐁 𝐍𝐀 𝐏𝐀𝐆𝐁𝐀𝐓𝐈, 𝐁𝐒𝐄𝐃 𝐅𝐈𝐋𝐈𝐏𝐈𝐍𝐎 𝟏𝐀 𝐀𝐓 𝟏𝐁!
‎
‎
‎
‎

Mga Kuhang-Larawan nina Irish Abella at Kriza Jane Quiambao