BICOL NET TV

TINGNAN | CALINGA NI CONG. LORIA, INILAPIT SA BRGY. TAYSAN, LEGAZPI CITY NGAYONG ARAW

LEGAZPI CITY— Ipinagpatuloy ng CALINGA ni Loria Foundation ang pag-ikot sa mga barangay ng 2nd District ng Albay upang maghatid ng serbisyong medikal sa mga residente.

Sa Brgy. Taysan ginanap ngayong araw ang medical mission kung saan namahagi ng libreng check-up, gamot, dental services, libreng gupit, at community pantry para sa mga taga-barangay.

Ayon kay 2nd District Albay Rep. Caloy Andes Loria, layunin niyang ilapit ang serbisyo ng gobyerno, lalo na sa kalusugan.

"Gusto nating maramdaman ng bawat pamilya na may maaasahan sila pagdating sa serbisyong medikal,"ani Cong. Loria.

Nabatid na tuwing Huwebes, Biyernes at Sabado umiikot ang kongresista sa mga barangay. Lunes hanggang Miyerkules naman ang kanyang opisyal na trabaho sa Kongreso.

||TONY KELISTE, On The Spot, Bicol Net TV

STO. DOMINGO MPS, NAGSAGAWA NG MOBILE FEEDING PARA SA AETA COMMUNITY

Bilang bahagi ng 32nd National Crime Prevention Week, namahagi ng pagkain at tinapay ang Sto. Domingo MPS sa Aeta Community sa Brgy. San Andres ngayong Setyembre 5, 2026.

Pinangunahan ito ni PMAJ Darwin Sevilla katuwang ang Marby Food Ventures Corp, Mr. Charito Estillemo at LGU Sto. Domingo.

Namahagi rin ng IEC materials ang mga pulis tungkol sa crime prevention at mga batas para sa proteksyon ng komunidad.

"Patuloy ang aming serbisyo para sa kapayapaan at kaligtasan ng bawat isa,"saad ng Sto. Domingo MPS.



📷 SDMPS

||TONY KELISTE, On The Spot, Bicol Net TV

54 NA BAGONG RESCUE VEHICLES PARA SA DARAGA

Pormal nang ipinamahagi sa 54 barangay ng Daraga ang mga bagong rescue vehicle mula sa LGSF kahapon.

Pinangunahan ito ni Daraga Mayor Victor "Vic" Perete, kasama sina Ako Bicol Party-list Rep. Alfredo Garbin Jr., Vice Mayor Love Ruiz, Liga ng mga Barangay President King De Asis, at Konsehal Warren Sorsogon.

Layunin: Mas mabilis na responde sa emergency at sakuna, lalo na sa mga barangay malapit sa Bulkang Mayon.

BACACAY PNP, NAKUMPISKA ANG HALOS ₱271K HALAGANG PINAGHIHINALAANG SHABU SA IKINASANG SEARCH WARRANT OPERATION

BACACAY, ALBAY — Isang lalaki ang inaresto matapos ipatupad ng mga operatiba ng Bacacay Municipal Police Station ang isang search warrant na nagresulta sa pagkakasamsam ng humigit-kumulang 39.9 gramo ng hinihinalang methamphetamine hydrochloride o shabu, na may tinatayang halaga na ₱271,320, sa Barangay Sogod, Bacacay, Albay, dakong alas-9:15 ng gabi noong Setyembre 4, 2026.

Pinangunahan ng Municipal Drug Enforcement Unit (MDEU) ng Bacacay MPS, sa ilalim ng pamumuno ni PMAJ NIÑO V. AQUIATAN, Chief of Police, ang pagpapatupad ng Search Warrant na inisyu ng korte, katuwang ang Albay Provincial Intelligence Unit (PIU), Albay 2nd Provincial Mobile Force Company (PMFC), at sa koordinasyon ng Philippine Drug Enforcement Agency (PDEA) Albay.

Ang target ng operasyon, na kinilalang si alyas “Botorno,” nasa hustong gulang at residente ng Barangay Sogod, Bacacay, Albay, ay kabilang sa talaan ng mga mino-monitor na personalidad kaugnay ng ilegal na droga.

Sa isinagawang paghahalughog, nakumpiska ang dalawang medium-sized heat-sealed transparent plastic sachets, dalawang small heat-sealed transparent plastic sachets, at isang maliit na canister na pawang naglalaman ng puting mala-kristal na substance na pinaghihinalaang shabu. Ang mga ito ay maayos na minarkahan, nilagdaan, at isinailalim sa wastong inventory at dokumentasyon.

Nasamsam din ang ilang non-drug paraphernalia's na isinailalim din sa kaukulang marking at dokumentasyon bilang bahagi ng mga nakuhang ebidensya.

Isinagawa ang inventory ng mga nakumpiskang item sa lugar ng operasyon sa presensya ng suspek at mga mandatory witnesses, alinsunod sa umiiral na mga alituntunin sa paghawak at pagdodokumento ng mga nakumpiskang ebidensya.

Matapos ang operasyon, isinailalim sa kaukulang kustodiya ng Bacacay MPS ang naarestong indibidwal habang ang mga nakumpiskang substance evidence ay ihahanda para sa qualitative examination sa Regional Forensic Unit 5 (RFU5).

Ayon sa paunang beripikasyon sa e-Warrant System, walang naitalang iba pang standing warrant laban sa nasabing indibidwal para sa ibang krimen.

Inihahanda na ang kaukulang kaso para sa paglabag sa Republic Act No. 9165 o Comprehensive Dangerous Drugs Act of 2002, habang patuloy na isinasagawa ang kaukulang imbestigasyon at proseso alinsunod sa batas.

Muling iginiit ng Bacacay MPS ang kanilang patuloy na pangako sa pagpapaigting ng kampanya laban sa ilegal na droga at sa pagpapanatili ng ligtas at mapayapang pamayanan sa pamamagitan ng mas pinaigting na police operations, intelligence gathering, at pakikipagtulungan sa mga katuwang na ahensya at komunidad.

📷 Bacacaymps Albayppo
Press Release

||TONY KELISTE, On The Spot, Bicol Net TV

𝗨𝗣𝗗𝗔𝗧𝗘 | 𝗡𝗔𝗧𝗨𝗞𝗢𝗬 𝗡𝗔 𝗔𝗡𝗚 𝗣𝗔𝗚𝗞𝗔𝗞𝗜𝗟𝗔𝗟𝗔𝗡 𝗡𝗚 𝗕𝗔𝗡𝗚𝗞𝗔𝗬 𝗦𝗔 𝗦𝗧𝗢. 𝗗𝗢𝗠𝗜𝗡𝗚𝗢

STO. DOMINGO, ALBAY — Kinilala na ng pamilya ang bangkay ng lalaking nadiskubre sa karagatan ng Sto. Domingo ngayong araw, Setyembre 4, 2026.

Ang biktima ay 56-anyos at nakatira sa Brgy. Ubaliw, Polangui, Albay.

Nabatid na bandang 5:30 ng hapon kahapon, Setyembre 3, tumalon umano ang lalaki sa dagat sa Brgy. San Roque, Legazpi City.

At pasado 1:00 ng hapon ngayong araw nang namataan ng MV St. Anne ang bangkay na palutang-lutang sa karagatan ng nasabing munisipyo.

||TONY KELISTE, On The Spot, Bicol Net TV

𝗣𝗔𝗟𝗨𝗧𝗔𝗡𝗚-𝗟𝗨𝗧𝗔𝗡𝗚 𝗡𝗔 𝗕𝗔𝗡𝗚𝗞𝗔𝗬, 𝗡𝗔𝗧𝗔𝗚𝗣𝗨𝗔𝗡 𝗦𝗔 𝗞𝗔𝗥𝗔𝗚𝗔𝗧𝗔𝗡 𝗡𝗚 𝗦𝗧𝗢. 𝗗𝗢𝗠𝗜𝗡𝗚𝗢

Isang hindi pa nakikilalang bangkay ang napadpad sa karagatang sakop ng Sto. Domingo, Albay ngayong araw.

Ayon sa ulat, patuloy ang ginagawang pag-imbestiga para matukoy ang pagkatao ng biktima at sanhi ng pagkamatay nito.

📸: Konsi Sunshine Imperial | MV. St. Anne