PRDP RPCO Nueve

| Ang rehabilitasyon ug pagsemento sa 7.01-Kilometros nga karsada gikan sa Princesa Sumama-Dacanay-Villagracia ug Bagong Silang sa Siay, Zamboanga Sibugay, nakaabot na sa 25.06 porsyento nga physical accomplishment sumala sa report niadtong Abril 15, 2026.

Atol sa pagbisita sa InfoACE team niadtong Mayo 5 aron sa pagdokumento sa dagan sa maong proyekto inubanan sa MLGU Project Supervision Team ug contractor, didto usab ang mga opisyales sa Barangay Princesa Sumama gipangulohan ni Kapitan Leonardo Montano.

Matud pa ni Kapitan Montano, nikuyog pod sila tungod sa kalipay ug kahigwaos nga gisemento na gyud ang ilang karsada. “Dugay na kaayo nga panahon nag-antus mi sa kalisod paghatod sa among mga produkto ngadto sa Siay ug excited na mi nga mahuman na gyud ni aron sayon ug dali na kaayo ang among pag-adto sa lungsod,” dugang niya.

Adunay 502 ka kabalayan ang direktang makabenepisyo sa maong karsada diini goma ang nag-unang produkto sa upat ka mga barangay nga maagian sa maong karsada. Aduna usab lemon (calamansi), sumala sa kapitan.

Mokabat sa Php164 milyon ang maong proyekto nga gipondohan sa DA-PRDP Scale-Up (85%) ug ang 15 porsento mao ang counterpart sa MLGU Siay.

Sa pagkakaron, temporaryong gihunong sa Long Island Construction (contractor) ang trabaho tungod sa pagsaka sa presyo sa krudo.






Department of Agriculture ZAMPEN
PRDP Mindanao
Department of Agriculture - Philippine Rural Development Project
Highlights

Malipayong pagsaulog sa buwan alang sa mga Mag-uuma ug Mangingisda ning bulan sa Mayo🎉🎈 Mabuhi ang mga mag-uuma ug mangingisda sa tibook nasud👍💪

| Nakaabot na sa 32.4 porsyento ang progreso sa duha ka mahinungdanong imprastraktura alang sa Cacao Processing and Marketing Enterprise sa Midsalip Farmers Multi-Purpose Cooperative (MIFAMCO) nga mao ang Cocoa Processing Building ug pagsemento sa karsada padulong sa Fermentation Facility ug Solar Dryers.

Kini nasuta pinaagi sa gihimong Joint Technical Inspection sa taga Department of Agriculture - Philippine Rural Development Project Regional Project Coordination Office 9 didto sa Canipay Norte, Midsalip, Zamboanga del Sur, niadtong Abril 28, 2026.

Ang Php84.5 milyon nga Cacao Enterprise sa MIFAMCO ang pinakadako ug pinaka-una nga I-REAP subproject dinhi sa Rehiyon 9 nga gipondohan sa PRDP Scale-Up. Katunga niini kon Php42 milyon ang gigahin alang sa mga imprastraktura diin gilatid nga mahuman sa contractor nga SGM Construction labing dugay sa Nobyembre 29, 2027. Apil sa processing building ug karsada, ang fermentation building, upat ka solar dryer, koral, ug water system.

Anaa na ang duha ka truck nga magamit sa negosyo sa kakaw ug gipamalit na usab ang mga makinarya ug gamit alang sa paghimo og tableya, tsokolate (62% ug 70%), cocoa butter, ug cocoa nibs.

Pinaagi sa maong enterprise, gilantaw nga mas motaas ang palit sa MIFAMCO sa liso sa kakaw. Sa usa ka bulan, labing menos 5,940 kilos nga liso sa kakaw ang gikinahanglan sa MIFAMCO diin ang mga mag-uuma sa kakaw gikan sa tulo ka probinsya sa Zamboanga Peninsula andam na nga mosuplay niini.

Photo Credit: Ms. Justine-Ann Celada (MIFAMCO GGU staff)







Department of Agriculture ZAMPEN
PRDP Mindanao
Department of Agriculture - Philippine Rural Development Project
Midsalip Farmers Multi-Purpose Cooperative

𝑫𝒐𝒎𝒐 𝒂𝒓𝒊𝒈𝒂𝒕𝒐 / 𝑴𝒂𝒓𝒂𝒎𝒊𝒏𝒈 𝒔𝒂𝒍𝒂𝒎𝒂𝒕

The entire PRDP Scale-Up family extends its wholehearted gratitude to Ms. Mio Takada and Ms. Maria Theresa Quiñones, our outgoing Task Team Leaders, for their invaluable contributions to the Project. Through their leadership, guidance, and unwavering commitment, they have helped steer the project towards meaningful progress.

As you embark on new endeavors, please know that your legacy will continue to guide and inspire the PRDP family. From all of us, thank you very much, and we wish you continued success in all that you do. 💚

#𝗜𝗻𝗣𝗵𝗼𝘁𝗼𝘀 | 𝗣𝗼𝗵𝗼𝗻, 𝘂𝘀𝗮 𝗸𝗮 𝗱𝗮𝗸𝗼 𝘂𝗴 𝗺𝗮𝗵𝗶𝗻𝘂𝗻𝗴𝗱𝗮𝗻𝗼𝗻𝗴 𝗹𝗮𝗸𝗮𝗻𝗴 𝘀𝗮 𝗸𝗮𝗹𝗮𝗺𝗯𝗼𝗮𝗻 𝗮𝗻𝗴 𝘁𝘂𝗸𝘂𝗿𝗼𝗻 𝘀𝗮 𝗣𝗿𝗼𝗯𝗶𝗻𝘀𝘆𝗮 𝘀𝗮 𝗭𝗮𝗺𝗯𝗼𝗮𝗻𝗴𝗮 𝗦𝗶𝗯𝘂𝗴𝗮𝘆, 𝗮𝗻𝗴 𝘂𝘀𝗮 𝗸𝗮 𝗺𝗼𝗱𝗲𝗿𝗻𝗼𝗻𝗴 𝗽𝗹𝗮𝗻𝘁𝗮 𝘀𝗮 𝗴𝗼𝗺𝗮 𝗻𝗴𝗮 𝗶𝗽𝗮𝗵𝗶𝗺𝘂𝘁𝗮𝗻𝗴 𝘂𝗴 𝗽𝗮𝗴𝗮𝗱𝘂𝗺𝗮𝗹𝗮𝗼𝗻 𝘀𝗮 𝗽𝗿𝗼𝗯𝗶𝗻𝘀𝘆𝗮 𝗸𝗮𝘂𝗯𝗮𝗻 𝗮𝗻𝗴 𝗧𝗶𝗺𝗯𝗮𝗯𝗮𝘂𝗮𝗻 𝗔𝗴𝗿𝗮𝗿𝗶𝗮𝗻 𝗥𝗲𝗳𝗼𝗿𝗺 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀 𝗖𝗼𝗼𝗽𝗲𝗿𝗮𝘁𝗶𝘃𝗲 (𝗧𝗜𝗠𝗔𝗥𝗕𝗘𝗡𝗖𝗢) 𝗽𝗶𝗻𝗮𝗮𝗴𝗶 𝘀𝗮 𝗗𝗔-𝗣𝗥𝗗𝗣 𝗦𝗰𝗮𝗹𝗲-𝗨𝗽.

Sa pagkakaron, doble paningkamot ang gihimo sa mga personahe nga nag-andam sa Business Plan alang sa Rubber Consolidation, Processing and Marketing Enterprise sa PLGU Zamboanga Sibugay. Gipaspasan nila ang pagkompleto sa tanang rekisitos ug dokumento aron masuta ug mapamatud-an nga ang maong negosyo dili lamang mapuslanon, kondili makahatag og dugang kita ug mas lig-on nga kaugmaon alang sa mga mag-uuma sa goma.

Isip giila nga Rubber Capital sa Zamboanga Peninsula, dako ang gilauman nga kausaban sa probinsya pinaagi niini nga proyekto. Matubag na ang dugay nang hagit sa 13,262 ka mag-uuma nga naapektuhan sa ubos nga presyo sa goma. Pinaagi sa planta, ang ilang ani dili na ibaligya sa hilaw nga porma kundili iproseso ngadto sa mas mahal ug dekalidad nga crumb rubber (SPR 20), nga mosaka ang balor ug mas kompetitibo sa merkado.

Human masusi luna sa Purok Agro 2, Barangay Timbabauan, Tungawan, gipahigayon ang Joint Technical Assistance (JTA) gikan sa National Project Coordination Office ug Mindanao Cluster Project Support Office niadtong Abril 22–23. Sulod sa duha ka adlaw, ang matag component ug unit mipahigayon og lawom nga pagrepaso, naghatag og mga komentaryo ug obserbasyon aron masiguro nga kompleto ang tanang dokumento alang sa pag-apruba sa Regional Project Advisory Board (RPAB) ug sa pagkuha sa No Objection Letter gikan sa DA-PRDP sa dili pa ang Disyembre 2026 tungod kay ang implementasyon sa PRDP Scale-Up kutob nalang Disyembre 2028.

Si Deputy Project Director Maria Melba B. Wee, sa ngalan ni Regional Project Director Vener L. Dilig nihatag sa iyang mensahe nga nagpasalamat sa kasibot sa probinsya sa Zamboanga Sibugay nga nakigtimbayayong sa DA-PRDP aron matukod ang Negosyo sa goma nga gilauman nga makapauswag sa kahimtang sa mga mag-uuma niini.

Sa disenyo ug kalkulasyon, mokabat na sa Php182 milyon ang kantidad sa maong rubber enterprise, usa ka large-scale nga pamuhunan nga maghiusa sa upat ka kooperatiba isip cluster members nga magsuplay sa goma: ang TIBAFIMCO sa Tungawan, ang SMARBECO sa Leon Postigo, ang GOFAMUCO sa Godod, ug ang BENAGPAPCO sa RT Lim.







Department of Agriculture ZAMPEN
PRDP Mindanao
Department of Agriculture - Philippine Rural Development Project

| Ipil, Zamboanga Sibugay | Abril 14-16, 2026 | Sa pakigtimbayayong sa RPCO9 I-REAP Component ug Cooperative Development Authority, gibansay ang mga kooperatiba nga dunay negosyo pinaagi sa DA-PRDP aron molungtad ug molahutay kini ug mokita dili lang ang kooperatiba lakip nga ang mag-uuma nga benepisyaryo nila.

Takus kahibaloan nga ang kanhing mga farmers association o organization nga natabangan ug nagnegosyo pinaagi sa DA-PRDP nahimo na karong mga kooperatiba. Sila ang mga mosunod: 1) Zamboanga Sibugay Abaca Farmers Agriculture Cooperative kanhi Peñaranda Abaca Farmers Association. Ilang negosyo abaca consolidation and trading; 2) Talusan Coconut Farmers Cooperative sa una Baganipay Coconut Farmers Organization nga nagnegosyo gikan sa bunot sa lubi; ug 3) Malinao Fisherfolk and Seaweeds Fishermen Cooperative kanhi Malinao Bayanihan Agro-Fishery Livelihood Association sa ilang raw dried seaweed kon agar-agar nga negosyo.
Samtang ang Nanan Multi-Purpose Cooperative dunay cacao wet beans consolidation and trading.

Ang naila na nga dako nga Midsalip Farmers Cooperative (MIFAMCO) gikan sa Midsalip, Zamboanga del Sur, ang labing una nga nakadawat sa cacao enterprise subproject gikan sa PRDP Scale-Up. Gilauman nga pinaagi sa P84-M Cacao Processing and Marketing Enterprise, mas motaas pa ang palit sa liso sa kakaw ug modako ang kita sa mga mag-uuma sa kakaw sa tibook Zamboanga Peninsula.

Kabahin sa goma, adunay gipanday nga P136-M nga business proposal ang PLGU Zamboanga Sibugay diin ang Timbabauan Agrarian Reform Beneficiaries Cooperative sa Tungawan ang magdala niini.







Mindanao
Zamboanga Peninsula
of Agriculture - Philippine Rural Development Project