LGU - Infanta, Pangasinan - Opisyal

128 TAON NG KASARINLAN: Ang Tunay na Paglilingkod ang Katuparan ng Ating Kalayaan!

Sa paggunita ng ika-128 Araw ng Kalayaan ng Pilipinas, nagsama-sama ang Lokal na Pamahalaan ng Infanta, mga kawani ng pamahalaan, Barangay Officials, School Heads , uniformed personnel, at iba pang sektor ng komunidad upang magbigay-pugay sa kabayanihan at sakripisyong nagkamit ng ating kasarinlan.

Pinangunahan ni Municipal Mayor Virgilio F. Vallarta, M.D. ang programa sa pamamagitan ng kanyang mensahe ng pagkakaisa at pagmamahal sa bayan.

Nagbahagi naman ng makabuluhang pagtalakay hinggil sa kahalagahan ng Araw ng Kalayaan si Municipal Planning and Development Coordinator Ma'am Cherrie Dianne Mila-Salvoro, EnP. Kasunod nito, nagbigay rin ng mensaheng nagbibigay-inspirasyon si Vice Mayor Erdolfa A. Soriano, habang pinangunahan ni Municipal Tourism Infanta Head Ma'am Baby Ruth Meulio Mores ang pagtatapos ng programa sa pamamagitan ng kanyang closing remarks.

Hindi lamang ito simpleng pag-alala sa kasaysayan, kundi isang matinding hamon sa ating panunungkulan at pagka-Pilipino. Sa gitna ng ating pagdiriwang, iniwan sa atin ni ang makapangyarihang paalala :

"Being in government, being in power is not a privilege - it is a duty inherited from those who bled for this republic. Every wise decision of every Filipino, every peso of public funds spent with integrity, every service delivered to our people - these are the acts of patriotism. Good governance, honest governance is the fulfillment of Independence."

Sa pagtatapos ng programa, isinagawa ang isang solemneng pagmamartsa at pag-aalay ng mga bulaklak at wreath sa Bantayog ni Dr. Jose Rizal, na pinangunahan ng PNP Infanta sa pamumuno ni PCPT Philip S. Belly (OIC), kasama sina Municipal Mayor Hon. Virgilio F. Vallarta, Municipal Administrator Dr. Ma Filipina G. Vallarta, mga empleyado ng ating Lokal na Pamahalaan. Ang bawat bulaklak na inialay ay simbolo ng ating walang-maliw na pagpupugay sa mga bayaning nagbuwis ng buhay para sa ating kalayaan.

Ang laban para sa mas maunlad at malayang lipunan ay hindi natatapos sa mga pahina ng kasaysayan. Ito ay patuloy na isinusulat sa bawat tamang desisyon at tapat na serbisyong ibinibigay natin araw-araw.

Mabuhay ang malayang Pilipino!
Mabuhay ang Bayan ng Infanta!
Mabuhay ang Pilipinas !



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/

"Alab ng puso, sa dibdib mo'y buhay."

Isang makabuluhan at maligayang ika-128 na Araw ng Kalayaan ng Pilipinas!

Ngayong ika-12 ng Hunyo, higit pa sa isang makasaysayang petsa ang ating ipinagdiriwang—ipinagkakapuri natin ang ating sariling pagkakakilanlan, ang ating mayamang kultura, at ang kalayaang ipinaglaban para sa atin. Nawa'y ating bigyang-pugay ang sakripisyo ng ating mga ninuno sa pamamagitan ng patuloy na pagkakaisa at marangal na pagtayo bilang isang bansang malaya.

Mabuhay, ang Pilipinas!
Mabuhay, tayong mga Pilipino!



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/

Sa patuloy na nararanasang mas mainit na panahon at pabago-bagong kondisyon ng klima sa bansa, lalong mahalaga ang pagtatanim ng mga puno upang makatulong sa pagpapalamig ng kapaligiran, pagpapabuti ng kalidad ng hangin, pag-iwas sa pagguho ng lupa, at pagbibigay ng tirahan sa iba't ibang uri ng hayop. Bilang bahagi ng pagdiriwang ng 𝐏𝐡𝐢𝐥𝐢𝐩𝐩𝐢𝐧𝐞 𝐄𝐧𝐯𝐢𝐫𝐨𝐧𝐦𝐞𝐧𝐭 𝐌𝐨𝐧𝐭𝐡, nagsagawa ang Municipal Environment and Natural Resources Office (MENRO), sa pangunguna ni Sir Marvin M. Mascariña, ng 𝐂𝐨𝐦𝐦𝐮𝐧𝐢𝐭𝐲 𝐏𝐀𝐍𝐓𝐑𝐄𝐄 na naglalayong hikayatin ang mga mamamayan na magtanim at mag-alaga ng mga punla sa kanilang mga tahanan at komunidad. Sa kabuuan, 800 assorted seedlings ang ipinamahagi, kabilang ang bayabas, mulberry, santol, sampalok, umbrella tree, kasoy, atis, at iba pang uri ng punong angkop para sa pagtatanim at pangangalaga sa kalikasan.

Layunin ng gawaing ito na palakasin ang kamalayan ng komunidad sa kahalagahan ng pangangalaga sa kapaligiran at hikayatin ang sama-samang pagkilos tungo sa mas luntian at mas napapanatiling kinabukasan. Isinagawa ang programang ito sa suporta at patnubay nina Mayor Virgilio F. Vallarta, M.D., at Vice Mayor Erdolfa A. Soriano na patuloy na nagtataguyod ng mga programang naglalayong maprotektahan at mapangalagaan ang ating kalikasan. Sama-sama nating itanim ang pag-asa para sa susunod na henerasyon—sapagkat ang bawat punong itinatanim ngayon ay isang hakbang tungo sa mas ligtas, mas malusog, at mas matatag na bukas.



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/

HONORING OUR FREEDOM: The 128th Philippine Independence Day Commemoration

Through the initiative of Mayor Virgilio F. Vallarta, M.D. and Vice Mayor Erdolfa A. Soriano, alongside the Municipal Tourism Culture and the Arts Office, the Municipality of Infanta cordially invites all Infantanians to join the nation in celebrating our freedom.

Let us come together as one community to honor the sacrifices of our heroes and reaffirm our commitment to a progressive and united Infanta.

Date: June 12, 2026 (Friday)
Time: 7:30 AM
Venue: In front of the Legislative Building

See you there, Kailyan! Maligayang Araw ng Kalayaan!



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/

Patuloy na pinagtitibay ng Rural Health Unit of Infanta ang kalidad ng serbisyong pangkalusugan sa pamamagitan ng isinagawang Regional Monitoring and Technical Assistance ng Department of Health – Center for Health Development Region I para sa mga pangunahing programang pangkalusugan kabilang ang Lifestyle-Related Diseases Prevention and Control Program, Prevention of Blindness Program, Cancer Control Program, at Mental Health Program.

Pinangunahan ang monitoring team ni Sir Francisco S. De Vera Jr., Nurse V ng DOH-CHD I, kasama ang suporta ni Sir David A. Aviles, DMO IV. Ang aktibidad ay nagsilbing mahalagang pagkakataon upang masuri ang implementasyon ng mga programa, matukoy ang mga mabubuting gawi, at magbigay ng teknikal na gabay para sa patuloy na pagpapabuti ng mga serbisyong pangkalusugan sa komunidad.

Sa pamamagitan ng masusing monitoring, pakikipagtulungan, at pagbabahagi ng mga rekomendasyon, mas lalo nating napapalakas ang mga hakbang tungo sa pag-iwas at pagkontrol ng mga sakit na may kaugnayan sa pamumuhay, maagang pagtuklas at pag-iwas sa kanser at pagkabulag, at pagtataguyod ng kalusugang pangkaisipan para sa bawat mamamayan.

Ang RHU Infanta ay taos-pusong nagpapasalamat sa DOH-CHD I sa kanilang patuloy na suporta at paggabay sa pagsusulong ng isang mas malusog, mas matatag, at mas responsableng komunidad para sa lahat.



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/

LGU Infanta Nagsagawa ng Capacity-Building Workshop sa LEECP at GEMP Online System

Bilang bahagi ng commitment ng Lokal na Pamahalaan ng Infanta sa responsableng pamamahala ng enerhiya at pagtataguyod ng sustainable development, matagumpay na naisagawa ang dalawang araw na Capacity-Building Workshop on the Formulation of the Local Energy Efficiency and Conservation Plan (LEECP) at ang Hands-on Demonstration on the Government Energy Management Program (GEMP) Online System.

Ang mahalagang aktibidad na ito, na pinangunahan ng Municipal Planning and Development Office (MPDO) sa ilalim ni Municipal Planning and Development Coordinator Cherrie Dianne M. Salvoro, ay naglalayong palakasin ang kakayahan ng mga lokal na tanggapan sa pagbuo ng mga programang nakatuon sa energy efficiency, pagtitipid sa gastusin ng pamahalaan, at pangangalaga sa kapaligiran.

Nagbahagi ng kanilang teknikal na gabay at mahahalagang kaalaman ang mga resource persons na sina:

• Ms. Julieta G. Locquiao, Science Research Specialist II, LFO-EUMD
• Ms. Daphne F. Del Mundo, Senior Science Research Specialist, LFO-EUMD

Sa ikalawang araw ng workshop, tinalakay ang presentasyon ng mga output ng ating LGU, na sinundan ng mahahalagang feedback at rekomendasyon mula sa Department of Energy (DOE). Sa pagtatapos ng aktibidad, mas naging malinaw ang landas na tatahakin ng ating pamahalaan para sa mas episyenteng paggamit ng enerhiya.

Ang pagsasanay na ito ay naging matagumpay sa ilalim ng buong suporta nina Doctor Mayor Virgilio F. Vallarta, M.D. at Vice Mayor Erdolfa A. Soriano, na prayoridad ang pagbibigay ng sapat na kasanayan sa mga kawani upang mapabuti ang serbisyo publiko at maisulong ang isang responsable at maka-kalikasang pamamahala.

Sa pamamagitan ng kanilang inisyatibo, patuloy na naghahanda ang Lokal na Pamahalaan sa implementasyon ng mga makabago at napapanatiling polisiya na magpapataas ng episyensya sa paggamit ng enerhiya sa mga pasilidad ng bayan.

Sama-sama nating isulong ang isang mas episyente, mas luntian, at mas maunlad na Bagong Infanta!

Mabuhay ang Bagong Infanta!



-
-
-

Please LIKE, FOLLOW & SUBSCRIBE
FACEBOOK:
https://www.facebook.com/lguinfantapangasinan
INSTAGRAM:
https://www.instagram.com/lguinfantapangasinan/
YOUTUBE:
https://www.youtube.com/