Ang MUOG

DALAWANG MANUNULAT NG MUOG, LUMUSOT SA DOST

Congratulations! Hiroshi Sen T. Mera at Jan Calix Ramos.
http://www.sei.dost.gov.ph/images/downloads/2015qua.pdf

Happy puso!

...

ANG MUOG: 7th BEST SCHOOL PAPER OF CALABARZON (Filipino).
Regional Schools Press Conference 2015
Lipa City

*7th Place - Pahinang Isports
*7th Place - Pahinang Lathalain
*8th Place - Pag-aanyo ng Pahina
*10th Place - Pahinang Agham at Teknolohiya
*13th Place - Pahinang Balita

MARAMING MARAMING SALAMAT po sa lahat na in one or the other ay naging bahagi ng Ang MUOG sa pagkamit ng tagumpay na ito. To God be the glory. ..:)

Out-of-School Youth, pinrayoridad sa Early Registration

Nakipagtulungan ang Pambansang Mataas na Paaralan ng Gumaca (PMPG) sa lokal na pamahalaan upang malaman ang mga batang nangangailangan ng edukasyon bilang bahagi ng Early Registration sa paaralan at tugon sa inilabas na memorandum ng DepEd.

Hindi lamang mga out-of-school youth ang binigyang pansin kundi pati narin ang mga batang may personal disabilities at mga batang regular na pumapasok sa paaralan.

Dalawang oras matapos magsimula ang early registration, 196 na ang nakapag-enrol at inaasahang maabot nito ang target na bilang ng mga mag-aaral.

LGU Gumaca, nanguna sa NBW

Ibinahagi ng lokal na pamahalaan ng Gumaca sa pangunguna ni Mayor Erwin P. Caralian ang mga salita ng Diyos sa mga mamamayan at kabataan bilang bahagi ng pagdiriwang ng National Bible Week (NBW).

Pangunahaing layunin ng pagdiriwang na ipahayag ang mga salita ng Diyos at ang kahalagahan ng pagbabasa ng bibliya gayundin ay para bigyang pagpapahalaga ang mga mahihirap.

“Sharing God's Word, Empowering the Poor, Transforming the Land,” ang tema ng pagdiriwang na inilabas ng Philippine Bible Society.

(Kapsyon sa larawan: Si Kgg. Erwin P. Caralian, punong bayan ng Gumaca habang nagbibigay ng mensahe sa mamamayan ng Gumaca na lumahok sa pagdiriwang ng NBW- larawang halaw sa facebook ni G. Elmo Caralian)

Covered Pathwalk, sinimulan na

Isinasagawa na ang covered pathwalk ng Pambansang Mataas na Paaralan ng Gumaca (PMPG) bilang bahagi ng proyekto ng paaralan mula sa nalikom na pera sa ginanap ng G. at Bb. PMPG 2014.

Sa panayam kay G. Rodones S. Trimillos, pangulo ng Teachers and Employees Association ng paaralan, ang imprastrakturang ito ay may nakalaang pondo na 630 libong piso at ang sampung porsyento ng nalalabing pera mula sa nasabing patimpalak ay gagamitin para sa pagkukumpuni ng opisina at pagkakaroon ng mga office equipment ng Parent-Teacher Association – Board of Directors o PTA-BOD sa paaralan.

Dagdag pa niya, walang nagiging problema sa pagbubuo ng covered pathwalk at nasusunod naman ang iskedyul ng pagyayari nito at inaaasahang matatapos ito bago matapos ang buwan.

PMPG, muling ibabandera ang Quezon sa Tarp Designing

Ipinagpatuloy ni Aiman P. Pantao ng Pambansang Mataas na Paaralan ng Gumaca (PMPG) ang kasaysayan ng paaralan sa pagiging kampyon sa Tarpaulin Designing matapos patumbahin ang mga katunggali sa ginanap na Division Contest na siyang kakatawan sa lalawigan ng Quezon sa Regional Festival of Talents sa Enero 29-31 sa Lipa City, Batangas.

“Napakasaya sa pakiramdam sapagkat naidepensa ko ang nasimulan ng dati kong kamag-aral bilang tarpaulin designer at isa ako sa makikipagsabayan sa iba't ibang lungsod at lalawigan ng CALABARZON,” ani Pantao.

Matatandaang noong 2013 sinumulan ang nasabing kompetisyon at simula pa noon ay PMPG na ang nakikipag-tagisan ng talento para sa lalawigan na ngayo’y ipagpapatuloy muli ng paaralan.

( Si Gng. Jee-Ann Borines, Education Program Supervisor habang ipinaliliwanag sa mga kalahok ang mga alituntunin ng kompetisyon . )

Ang MUOG Staff 2014-2015

MUOG, napanatili ang korona

Bugtali, kampyon muli