GPVES

GPVES Grades 4 and 5 learners were fully immersed in this week's Khan Academy session!

PAGGUNITA SA KAARAWAN NI HENERAL PANTALEÓN VALMONTE 🫡 ng Gapan, Nueva Ecija
(Hulyo 26, 1856)

Ginugunita natin ang kapanganakan ng isang dakilang Novo Ecijano—si Heneral Pantaleón Valmonte, mandirigma, lider, at tagapangalaga ng pananampalataya. Ipinanganak noong Hulyo 26, 1856 sa Gapan, Nueva Ecija, si Valmonte ay kabilang sa isang pamilyang hindi lamang kilala sa lipunan kundi sa pagiging haligi ng isang malalim na debosyong hanggang ngayo’y isinasabuhay sa lalawigan: ang La Divina Pastora.

Lumaki si Pantaleón sa piling ng mga ilustradong edukado. Nag-aral siya sa Ateneo Municipal de Manila, at ayon sa ilang tala, maaaring bumisita sa kanilang tahanan ang batang José Rizal, kung saan nakita nito ang imahe ng Divina Pastora na kanyang inilarawan sa nobelang El Filibusterismo.

Noong 1895, itinalaga siya bilang capitan municipal ng Gapan—ngunit higit pa rito, isa rin siyang lihim na kasapi ng Katipunan. Nang madakip ang mga rebolusyonaryong sina Mamerto Natividad Sr. at Marcus Ventus, hindi na siya nanahimik. Pinangunahan niya, kasama si Mariano Llanera, ang Unang Sigaw ng Nueva Ecija noong Setyembre 2, 1896—isang mapangahas na paglusob sa San Isidro habang tinutugtugan ng brass band...isang panlinlang sa mga kalaban!

Nahuli si Valmonte sa Gapan kinabukasan. Sa loob lamang ng ilang araw, siya at labindalawa pang kasamahan ay nilitis at pinatay ng mga Kastila sa Barrio Calaba. Sila ay kinikilalang bahagi ng Labintatlong Martir ng Gapan. Hindi na malaman kung saan napunta ang bangkay ni Valmonte.

Tagapangalaga ng Debosyon, Martir ng Bayan

Ang pamana ni Valmonte ay hindi lamang sa larangan ng rebolusyon. Bago pa man mapunta sa kasalukuyang alaga ng Simbahan ay sa kanilang pamilya mula ang Divina Pastora—ang maliit ngunit makapangyarihang imahen ng Birheng Maria bilang pastol, na dinala mula Espanya. Balot ng misteryo ang birhen, at may sarili itong alamat kung paano ito nakuha, nawala, at nahanap muli. Sa tahanang Valmonte ito inilagak at pinangalagaan sa loob ng mahigit dalawang siglo, hanggang sa pormal itong ilipat sa National Shrine of La Virgen Divina Pastora noong 1986.

Sa paggunita ng kanyang kaarawan, hindi lang natin ipinagdiriwang ang pagsilang ng isang bayani. Ipinagdiriwang din natin ang lalaking tumindig para sa bayan habang may tangan-tangang pananampalataya—isang kapitan na naging heneral, at isang ama ng tahanan na naging simbolo ng sakripisyo.

Ngayong Hulyo 26, alalahanin natin si Pantaleón Valmonte—ang heneral na hindi naumay sa tungkulin, ang deboto na hindi bumitaw sa pananampalataya, at ang Novo Ecijano na nag-alay ng lahat para sa isang bansang malaya. 🇵🇭

Good Luck Team Heneral!
Qualifier
Qualifier

Matthew Binuya
Lian Samantha Montemayor
Arkhin Lewis Zabat
Rafael Linsangan
Jewel Biado


👏👏👏

Happy International Day of Mathematics!

🥰😊