Super Radyo Davao

Rest in peace, MVP Rene!

PUBLIC VIEWING SA HAYA NI RENE BATERBONIA, IPAHIGAYON SA ATENEO DE DAVAO UNIVERSITY

Gipahibalo ni Ateneo de Davao boys basketball head coach Jess Evangelio nga dad-on sa Ateneo de Davao University Senior High School campus sa Bangkal, Davao City sulod sa usa ka adlaw ang patayng lawas ni Rene Clert Baterbonia.

Kini aron nga mahatagan og higayon ang iyang mga higala, classmates, magtutudlo, kauban sa team ug mga taga-suporta nga makaduaw, makaampo ug makahatag og pasidungog kaniya.

Sumala sa coach, daghang kinabuhi ang natandog ni Baterbonia pinaagi sa iyang pagkamaayo, kakugi, ug gugma sa basketball.

Dugang pa nga daghang miyembro sa komunidad sa Ateneo ang nangandoy nga makahatag sa ilang pagtahod sa batan-ong atleta sa katapusang higayon.

Sa karon, wala pay eksaktong iskedyul sa pagdala kang Baterbonia sa tulonghaan apan gisaad nga ipahibalo kini sa publiko sa higayon nga ma-finalize ang mga detalye.

📷 Coach Jess

Nakatakdang inspeksiyunon ni Pangulong Bongbong Marcos karong Miyerkules, June 10, ang General Santos City National High School. Pipila sa mga dakbalay nga naguba human ang magnitude 7.8 nga linog niadtong Lunes. | via Efren Mamac/GMA Regional TV One Mindanao

𝗙𝗢𝗟𝗟𝗢𝗪 𝗮𝗻𝗱 𝗦𝗨𝗕𝗦𝗖𝗥𝗜𝗕𝗘
YouTube: https://www.youtube.com/channel/UCbNWTCM9sRJ58sE4zkhcWnQ
TikTok: https://www.tiktok.com/.super.radyo.davao

BALUT ISLAND, SARANGANI, DAVAO OCCIDENTAL, GITAY-OG OG MAGNITUDE 5.2 NGA LINOG KARONG BUNTAG

Gitay-og og magnitude 5.2 nga linog ang kadagatan sa Balut Island, Sarangani, Davao Occidental alas-7:38 karong buntag.

Sa impormasyon gikan sa PHIVOLCS, dunay gilawmon ang pagtay-og nga 10 kilometers ug tectonic ang origin.

Natala ang Instrumental Intesity I sa Malapatan ug Malungon, SARANGANI; GENERAL SANTOS CITY

Dugang sa PHIVOLCS nga aftershock gihapon kini sa magnitude 7.8 nga linog kagahapon sa buntag.

𝗙𝗢𝗟𝗟𝗢𝗪 𝗮𝗻𝗱 𝗦𝗨𝗕𝗦𝗖𝗥𝗜𝗕𝗘
YouTube: https://www.youtube.com/channel/UCbNWTCM9sRJ58sE4zkhcWnQ
TikTok: https://www.tiktok.com/.super.radyo.davao

Target sa DPWH XI nga mahuman ang pag-ayo sa mga nakitang damyos nga tulay sa Davao City, karong semana.

Sumala ni DPWH Secretary Vince Dizon, minor damages lamang ang natala sa pipila ka tulay sa syudad ug wala naapektohan ang main structure, rason nga dili kinahanglan ang pagsirado sa dalan.

Apan, tutukan karon sa buhatan ang pag-ayo sa mga damyos sa Jose Abad Santos, Davao Occidental ug sa Matanao, Davao del Sur, ilabina ang mga tulunghaan.

Sa karon, nagdeploy na og personahe ang DPWH sa Davao Occidental ug Davao del Sur, ug nakig-alayon sa mga provincial government ug mga lokal nga panggamhanan aron matubag ang panginahanglanon sa mga residente.

Human sa Davao City, mubiyahe si Dizon sa General Santos City aron i-assess ang lugar human ang kusog nga linog.

via | John Ryan Calonia, GMA Super Radyo Davao

𝗙𝗢𝗟𝗟𝗢𝗪 𝗮𝗻𝗱 𝗦𝗨𝗕𝗦𝗖𝗥𝗜𝗕𝗘
YouTube: https://www.youtube.com/channel/UCbNWTCM9sRJ58sE4zkhcWnQ
TikTok: https://www.tiktok.com/.super.radyo.davao