Ang Talahayagan - GNHS

𝗦𝗦𝗟𝗚, 𝗛𝗶𝗻𝗶𝗺𝗼𝗸 𝗮𝗻𝗴 𝗺𝗮𝗴-𝗮𝗮𝗿𝗮𝗹 𝗻𝗮 𝗦𝘂𝗺𝗮𝗹𝗶 𝘀𝗮 𝗶𝗯𝗮'𝘁 𝗶𝗯𝗮𝗻𝗴 𝗢𝗿𝗴𝗮𝗻𝗶𝘀𝗮𝘀𝘆𝗼𝗻.

Bumuhos ang bilang ng mga mag-aaral na lumahok sa taunang gawain ang pagsali sa iba't ibang clubs ayon na rin sa kanilang interes noong Biyernes, Hulyo 4,ganap 2:30 ng hapon sa bulwagan ng GNHS na inorganisa ng opisyales ng SSLG at Ginoong Alistair D. Chavez bilang tagapayo.

Sa pagbubukas ng mga booth mula sa iba’t ibang clubs, Hindi magkaundagaga ang mga mag-aaral sa pagpili ng organisasyon na kanilang sasalihan Senyales ito ng muling pagbabalik ng sigla at diwa ng pakikilahok sa buhay paaralan. Ang bawat mag-aaral ay may layang pumili ng club na nais nilang salihan, mula sa larangan ng sining, agham, pampalakasan, serbisyo, at iba pa.

Sa pamamagitan ng mga ganitong aktibidad, naipapamalas hindi lamang ang talento ng mga mag-aaral, kundi pati ang kanilang kahandaan na makiisa, matuto, at mamuno sa kanilang sariling paraan.

Ayon kay VP SSSLG Jolly Princess Lendio, "Nakita jud nako kung unsa ka participative ang mga students sa GNHS. Pero, tungod pud sa kadaghan sa students lisod na kaayo ma accommodate tanan maong nagka gubot jud didto sa gym, pero despite sa ingato nga panghitabo nalingaw and na success ang maong activity."

Dagdag pa niya, na Ang pamunuan ng SSLG maging ang kanilang tagapayo ay lubos na nagpapasalamat sa lahat ng mga mga-aaral, sa mga g**o, sa School Principal 1 na Sir Aquilino T. Camus at ma'am Hilda Gales Asst.Principal designate ng Senior High School sa suporta at pagkakataon kanilang ibinigay upang maisakatuparan ang gawaing ito.

Sa kabuuan,naging matagumpay ang nasabing gawain na may layuning linangin ang kasanayan at talento na maging mahalaga sa kinabukasan ng bawat mag-aaral.

✍🏻| 𝗣𝗿𝗲𝗰𝗶𝗼𝘂𝘀 𝗟𝗶𝘁𝗮 𝗩. 𝗦𝘂𝗲𝗹𝗹𝗼
📷| 𝗔𝗹𝗹𝗲𝘀𝘀𝗮𝗻𝗱𝗿𝗮 𝗛. 𝗦𝗮𝗮𝗻

𝗚𝗮𝗯𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹: 𝙃𝙖𝙣𝙙𝙖 𝙣𝙖 𝙨𝙖 𝗣𝗮𝗴𝘀𝗮𝘀𝗮𝗴𝗮𝘄𝗮 𝗻𝗴 𝗖𝗹𝘂𝗯 𝗙𝗮𝗶𝗿 𝟮𝟬𝟮𝟱!

Ngayong araw ng 𝗕𝗶𝘆𝗲𝗿𝗻𝗲𝘀, 𝗛𝘂𝗹𝘆𝗼 𝟰, 𝟮𝟬𝟮𝟱, ganap na 𝗶𝗸𝗮-𝟮:𝟯𝟬 𝗻𝗴 𝗵𝗮𝗽𝗼𝗻, isasagawa ang taunang 𝗖𝗹𝘂𝗯 𝗙𝗮𝗶𝗿 𝗻𝗴 𝗚𝗮𝗯𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 sa pangunguna ng 𝙎𝙎𝙇𝙂 𝙤𝙛𝙛𝙞𝙘𝙚𝙧𝙨 at ng kanilang tagapayo na si Ginoong 𝘼𝙡𝙞𝙨𝙩𝙖𝙞𝙧 𝘿. 𝘾𝙝𝙖𝙫𝙚𝙯 na
gaganapin sa 𝗚𝗮𝗯𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 𝗔𝗰𝘁𝗶𝘃𝗶𝘁𝘆 𝗖𝗲𝗻𝘁𝗲𝗿.

Layon ng nasabing gawain na ipakilala at ipaunawa sa mga mag-aaral ang iba't ibang samahan at organisasyon na maaari nilang salihan upang mas lalong mahubog ang kanilang mga talento at kakayahan sa iba't ibang larangan.

Hinihikayat ang lahat ng mag-aaral na dumalo at tuklasin ang mga pagkakataong ibibigay ng bawat club para sa kanilang personal at akademikong pag-unlad. Ang Club Fair 2025 ay isang mahalagang plataporma upang palakasin ang ugnayan sa pagitan ng mga mag-aaral at bumuo ng masiglang komunidad sa loob ng paaralan.

🎨|✍🏻: 𝗔𝗹𝗹𝗲𝘀𝘀𝗮𝗻𝗱𝗿𝗮 𝗛. 𝗦𝗮𝗮𝗻

𝗨𝗺𝗶𝘀𝗸𝗼𝗿 𝗻𝗴 𝗦𝗮𝘆𝗮 𝙖𝙣𝙜 𝙢𝙜𝙖 𝙜𝙪𝙧𝙤 𝙣𝙜 𝙂𝙉𝙃𝙎 𝘀𝗮 𝙃𝙖𝙧𝙙𝙘𝙤𝙪𝙧𝙩 𝙏𝙪𝙬𝙞𝙣𝙜 𝙃𝙖𝙥𝙤𝙣

Hindi lang sa loob ng silid-aralan mahusay ang mga g**o ng Gabi National High School pati na rin sa basketball court, may laban! Tuwing hapon matapos ang klase, humataw sa friendly game upang mapanatili ang kagalingang pisikal at mas lalong tumibay ang samahan. Sa bawat fast break at three-point shot, mas lalong lumalim ang pagkakaibigan at respeto sa isa’t isa. Isang patunay na kahit g**o, may puso rin sa laro.

📷|✍🏻: 𝗔𝗹𝗹𝗲𝘀𝘀𝗮𝗻𝗱𝗿𝗮 𝗛. 𝗦𝗮𝗮𝗻

"Tagumpay ng Pagtutulungan: Gabi NHS, Katuwang sa Paglinang ng Makabagong Teen Center!"

Buong galak na sinalubong ng Gabi National High School ang mga bisita mula sa Montevista National High School na pinangunahan ni Sir Romualdo G. Valdez, EdD, para sa isang makahulugan at makabuluhang benchmarking activity na ginanap sa aming Teen Center noong Hunyo 18, 2025.

Naging daan ang pagbisitang ito upang magbahaginan ng mga pinakamahusay na praktis sa pagpapatupad ng mga programa para sa pag-unlad ng kabataan at epektibong pamamahala ng Teen Center. Ikinatuwa naming ibahagi ang mga inisyatiba ng aming paaralan sa pagtataguyod ng kalusugan, pamumuno, at kabuuang kagalingan ng mga mag-aaral—patunay ng walang humpay naming hangarin na paunlarin ang bawat kabataang Gabinian.

Lubos din naming pinasasalamatan ang Montevista NHS sa kanilang dedikasyon at bukas-palad na pakikilahok sa makabuluhang palitan ng kaalaman. Tunay na naging makulay at kapupulutan ng inspirasyon ang karanasang ito.

Maraming salamat, Montevista National High School, sa pagpili sa Gabi NHS bilang katuwang ninyo sa paglalakbay ng pagkatuto. Nawa’y magsilbing simula ito ng mas matibay na ugnayan sa pagitan ng ating mga paaralan tungo sa paghubog ng mas ligtas, mas malusog, at mas makabuluhang espasyo para sa bawat kabataang Pilipino.

✍️ TRAZY OLYNE B. LABANG

"𝗧𝗼𝗱𝗮𝘆 𝗺𝗮𝗿𝗸𝘀 𝘁𝗵𝗲 𝘀𝘁𝗮𝗿𝘁 𝗼𝗳 𝘁𝗵𝗲 𝗻𝗲𝘄 𝗦𝗰𝗵𝗼𝗼𝗹 𝗬𝗲𝗮𝗿 𝟮𝟬𝟮𝟱-𝟮𝟬𝟮𝟲. 𝗧𝗵𝗶𝘀 𝗶𝘀 𝗷𝘂𝘀𝘁 𝗹𝗶𝗸𝗲 𝘁𝗵𝗲 𝗼𝘁𝗵𝗲𝗿 𝘀𝘁𝗮𝗿𝘁 𝗼𝗳 𝘀𝗰𝗵𝗼𝗼𝗹 𝘆𝗲𝗮𝗿 𝗶𝗻 𝗽𝗿𝗲𝘃𝗶𝗼𝘂𝘀 𝘆𝗲𝗮𝗿𝘀, 𝗯𝘂𝘁 𝘆𝗼𝘂 𝗱𝗼 𝗻𝗼𝘁 𝗸𝗻𝗼𝘄 𝘁𝗵𝗮𝘁 𝘆𝗼𝘂𝗿 𝗰𝗼𝗺𝗶𝗻𝗴 𝘁𝗼𝗱𝗮𝘆 𝗺𝗮𝘆 𝗵𝗮𝘃𝗲 𝘀𝘁𝗮𝗿𝘁𝗲𝗱 𝗮 𝗰𝗵𝗮𝗻𝗴𝗲 𝗶𝗻 𝘆𝗼𝘂𝗿 𝗹𝗶𝗳𝗲." 𝗔𝗤𝗨𝗜𝗟𝗜𝗡𝗢 𝗧. 𝗖𝗔𝗠𝗨𝗦, saad ng 𝗣𝗿𝗶𝗻𝗰𝗶𝗽𝗮𝗹 𝗜 ng 𝗚𝗮𝗯𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 bilang pambungad na palatuntunan para sa 𝗯𝗮𝗹𝗶𝗸 𝗲𝘀𝗸𝘄𝗲𝗹𝗮 na ginanap sa bulwagan ng nasabing paaralan, 𝗛𝘂𝗻𝘆𝗼 𝟭𝟲, 𝟮𝟬𝟮𝟱.

Aniya na dapat maging masaya ang mag-aaral para sa kanilang mga magulang, guardian o sinumang nagbigay ng oportunidad at pagkakataon na makapag-aral sila. Marami ang gusto mag-aral bagamat maraming balakid sa buhay kung kaya't hindi sila nakapag-aral.

"𝙔𝙤𝙪 𝙙𝙤 𝙣𝙤𝙩 𝙠𝙣𝙤𝙬 𝙖𝙣𝙙 𝙮𝙤𝙪 𝙘𝙖𝙣𝙣𝙤𝙩 𝙪𝙣𝙙𝙚𝙧𝙚𝙨𝙩𝙞𝙢𝙖𝙩𝙚 𝙬𝙝𝙖𝙩 𝙚𝙙𝙪𝙘𝙖𝙩𝙞𝙤𝙣 𝙘𝙖𝙣 𝙙𝙤 𝙞𝙣 𝙮𝙤𝙪𝙧 𝙡𝙞𝙛𝙚, 𝙖𝙣𝙙 𝙬𝙚 𝙘𝙖𝙣 𝙖𝙡𝙬𝙖𝙮𝙨 𝙨𝙖𝙮 𝙩𝙝𝙖𝙩 𝙞𝙩'𝙨 𝙩𝙝𝙧𝙤𝙪𝙜𝙝 𝙚𝙙𝙪𝙘𝙖𝙩𝙞𝙤𝙣 𝙬𝙚 𝙘𝙖𝙣 𝙘𝙝𝙖𝙣𝙜𝙚 𝙤𝙪𝙧 𝙛𝙪𝙩𝙪𝙧𝙚," dagdag pa niya.

Hamon naman niya na sa mga mag-aaral, maging pokus sa pangarap sa buhay, tingnan at mangarap kung anuman ang nais na makamit dahil ang taong walang pangarap ay walang patutunguhan.

Matamang nakikinig ang mga mag-aaral sa sinabi ni Sir Camus. Naipakilala rin ang mga g**o sa pamamagitan ni 𝗖𝗿𝗶𝘀𝗮𝗻𝘁𝗼 𝗙. 𝗟𝗮𝘀𝗰𝘂ñ𝗮, 𝗠𝗮𝘀𝘁𝗲𝗿 𝗧𝗲𝗮𝗰𝗵𝗲𝗿 𝗜 ng 𝗚𝗡𝗛𝗦, sa mga mag-aaral.

Sa kabuuan, naging matagumpay ang nasabing gawain sa maligayang pagdating sa pagbabalik eskwela ng mga mag-aaral.

📸|✍🏻 : 𝗔𝗹𝗹𝗲𝘀𝘀𝗮𝗻𝗱𝗿𝗮 𝗛. 𝗦𝗮𝗮𝗻

Buksan na ang bagong kabanata! Ngayong Hunyo 16, ay simulan ang panibagong 𝗣𝗮𝗻𝘂𝗿𝘂𝗮𝗻𝗴 𝗧𝗮𝗼𝗻 ng 𝗚𝗮𝗯𝗶 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 . Sa bawat pasok sa silid-aralan, samo’t saring emosyon ang makikita sa mukha ng bawat mag-aaral. Naniniwala kaming puno ito ng oportunidad para sa paglago at pagtuklas. Handa na ang ating mga g**o at kawani na gabayan kayo sa inyong paglalakbay. Isang masiglang 𝗨𝗻𝗮𝗻𝗴 𝗔𝗿𝗮𝘄 𝗻𝗴 𝗞𝗹𝗮𝘀𝗲 sa ating lahat!

Ang Sining ng Mabagal na Pamumuhay sa Mabilis na Mundo
✍️PRINCESS JOLLY M. LENDIO

Sa kasalukuyang panahon, tila palaging minamadali ang ating mga hakbang kasi sinasanay tayo sa multitasking at walang oras na sinasayang para sa iba't ibang gawain. Karaniwang ikinakabit ang tagumpay sa pagiging masipag at mabilis, bagkus habang umiinog ang mundo, mas marami na ang nagtatanong, paano kaya kung pabagalin natin ang ating takbo?

Ang ideya ng "mabagal na pamumuhay" o slow living ay unti-unting lumalaganap hindi lamang bilang uso, kundi bilang isang mahalagang pagbabago sa ating pamumuhay. Ang mabagal na pamumuhay ay nagbibigay ng paanyaya na maglaan ng sapat na oras, maging ganap na naroon sa bawat sandali, at pahalagahan ang maliliit na bagay na kadalasang hindi natin napapansin.

Isipin na lang, halimbawa, ang oras ng pagkain. Sa halip na magmadali o kumain sa harap ng screen, hinihikayat tayo ng mabagal na pamumuhay na lasapin ang bawat kagat, damhin ang lasa, at makipagkuwentuhan sa mga kasalo. Ang isang mabagal at masayang almusal ay nagdadala ng kakaibang kasiyahan 'pagkat nalalasahan ang kape, nararamdaman ang init ng araw, at may masayang pag-uusap sa mga mahal sa buhay. Isang payapang eksena na puno ng saysay.

Isa pang aspeto ng mabagal na pamumuhay ang tamang balanse sa pagitan ng trabaho at personal na buhay. Pinahahalagahan nito ang pagtatakda ng mga hangganan, pagbibigay-pansin sa kalidad kaysa dami ng gawain, at pag-iwas sa labis na pagkapagod. Maraming tao ang nakararanas ng tunay na kasiyahan sa ganitong estilo ng pamumuhay, sapagkat hindi lamang nila tinatapos ang mga gawain kundi buong puso silang nakikilahok sa kanilang ginagawa at ipinagmamalaki ang kanilang mga likha.

Gayunpaman, hindi laging madaling isabuhay ang mabagal na pamumuhay. Maaaring mukhang kakaiba ito lalo na sa mga nasanay sa mabilisang kilos. Ngunit ang mga simpleng pagbabago tulad ng paglimita sa oras sa harap ng screen, pagsasanay ng mindfulness, o paglalaan ng ilang minuto upang magpahinga ay may malaking epekto sa ating kagalingan.

Hindi tumutukoy ang mabagal na pamumuhay sa pag-iwas sa mga tungkulin, kundi sa paghanap ng balanse, isang buhay na makabuluhan at mapayapa. Kaya sa iyong pang-araw-araw na gawain, subukan mong maglaan ng oras upang bumagal. Maikli lamang ang buhay; bakit natin kailangang magmadali?

Gabi NHS ipinamalas ang galing sa Pandistritong Patimpalak sa Filipino

✍️ROMNICK T. CLARO

Isa ang Gabi NHS sa West District na kalahok sa Pandistritong Patimpalak sa Filipino na ginanap sa Mataas na Paaralan ng Maparat na may Temang: Filipino Wikang Mapagpalaya ,Agosto 22,2024.

Limang paaralan ang nagtagisan sa Pandistritong Patimpalak sa Hataw Pinoy,Romantikong Duweto at Sanaysay kabilang dito ang Gabi NHS,Maparat NHS,Siocon NHS,San Miguel NHS, at Corazon Aquino NHS. Ang bawat kalahok ng bawat paaralan ay naglalayong makamit ang panalo.Isa na rito ang Gabi NHS sa nagpursigi upang makuha at maiuwi ang panalo.

Hindi nabigo sa Hataw Pinoy ang Gabi NHS na nakuha ang 🥇Unang Puwesto na binubuo nina
Cresel Jane C. Mendoza
Romnick T. Claro at
Phoemela Guardiario

Nasungkit din ng Gabi NHS ang 🥇Unang Puwesto para sa Romantikong Duweto nina
Camille R. Ariar
James G.Lerio

Samantalang sa Sanaysay nakuha ng Gabi NHS ang 🏅Pang-apat na Puwesto na siTraz Olyne B. Labang bilang kinatawan sa nasabing patimpalak.

Ang Gabi NHS na Hataw Pinoy at Romantikong Duweto ang siyang magiging kinatawan para sa West distict na lalaban sa Pandisbisyong patimpalak na gaganapin sa Mataas na Paaralan ng Montevista ngayong Agosto 28,2024.

Puspusan ang pag- eensayo ng mga nasabing kinatawan bilang paghahahanda sa nalalapit na laban.

Ang pagpupursige at suporta mula sa pamilya,kaibigan at sa lahat na bumubuo ng West Disttrict na pinamumunuan ni Ma"am Maria Bella R. Alvarez , District Coordinating Principal IV, ganon din ng Mataas na Paaralan ng Gabi na pinamumunuan ng butihing Punong g**o II ma'm Janet M. Go ang siyang magsisilbing inspirasyon upang masungkit muli ang panalo.

DFOT Nagtagisan ang 5 Paaralan ng West District

✍️CHRIS ELLEN B. BONGCARAS

Nagtagisan ng Talino ang piling mag -aaral sa asignaturang English, Filipino,MAPEH,Aralin Panlipunan maging sa Values Educaion na nilahukan ng limang paaralan ng West District, ito ay ang San Miguel NHS, Maparat NHS, Corazon Aquino NHS, Siocon NHS at Gabi NHS na may temang '"Galing, Husay, at Talino ng Matatag ng mga Batang Makabansa sa Diwa ng Matatag na Adhika", GNHS activity center, April 15.

Mapalad ang GNHS dahil sa naiuwi ang unang pwesto sa nasabing patimpalak tulad ng Pintahusay, SulaTanghal,at Balye sa kalye sa asignaturang MAPEH at Poster Making sa Values Education na siyang maging kalahok at kakatawan sa Dvision Festival of Talents bukas, April 19.

Narito ang kabuuang resulta sa naturang patimpalak,

MAPEH
Pintahusay

1st- Gabi NHS
2nd-SAN MIGUEL NHS
3rd-SIOCON NHS

SULATANGHAL

1st- GABI NHS
2nd- MAPARAT NHS
3rd - SAN MIGUEL NHS

BAYLE SA KALYE

1st- GABI NHS
2nd -MAPARAT NHS

ENGLISH Oratorical
1st Maparat NHS,
2nd San Miguel NHS
3rd GABI NHS,

FILIPINO Sulat Bigkas Ng Talumpati
1st Maparat
2nd Gabi
3rd San Migul

A. P.
Oratorical Speech
1st San Miguel
2nd Gabi
3rd Maparat

POP QUIZ

1st San Miguel
2nd Maparat
3rd Gabi

ESP
1st Poster Making
3rd Praise song
2nd Sanaysay
2nd Oratoriical

Walang mapagsidlan ang naramdamang saya ng bawat isa sa natanggap na parangal.

Sa kabuuan,naging matagumpay na natapos ang Festival of Talent (FOT). Puspusan na rin ang pagsasanay ng kalahok ng MAPEH at Values Education na kwalipikadong lalaban DIVISION FOT LEVEL ngayong April 19.