Doc Junie Yu

Dako ang among pagpasalamat sa tanang sektor nga nagtinabangay aron mapalig-on ang atong mga programa sa nutrisyon samtang nagpadayon ang Regional Nutrition Evaluation Meeting. Kini nagpakita sa atong komitment sa pag-atiman sa kahimsog ug kaayohan sa matag pamilya, labi na sa atong kabataan.

Atong ipaabot ang dakong pasalamat kang Dr. Mary Therese N. Arreza, atong Municipal Health Officer ug Municipal Nutrition Vice Chair, uban sa iyang tibuok team, alang sa ilang dedikasyon, paningkamot, ug padayong suporta sa mga programa nga nagpalambo sa kahimsog ug nutrisyon sa atong komunidad.

Padayon kita sa paningkamot ug panaghiusa alang sa mas himsog ug mas malambuong kaugmaon.

Padayon nga naghatag og suporta ang LGU Calape pinaagi sa Food Subsidy Program diin laing batch sa food vouchers ang naipanghatag ngadto sa mga benepisyaryo gikan sa Barangay Liboron, Lawis, Kinabag-an, Catmonan, Cabayugan, ug Bentig.

Pinaagi niini nga programa, nagpadayon ang lokal nga panggamhanan sa paghatag og tabang ug pag-atiman sa kapakanan sa matag pamilya ilabi na niining mga panahona nga daghan ang nanginahanglan og suporta gikan sa gobyerno.

Ang LGU Calape magpabiling matinud-anon sa pagserbisyo ug pagtabang sa katawhan aron walay mabiyaan sa panahon sa kalisod.

📢🏍️ 𝙋𝙐𝘽𝙇𝙄𝘾 𝘼𝘿𝙑𝙄𝙎𝙊𝙍𝙔: 𝙋𝙇𝘼𝙏𝙀 𝘿𝙄𝙎𝙏𝙍𝙄𝘽𝙐𝙏𝙄𝙊𝙉 𝙁𝙊𝙍 𝙈𝙊𝙏𝙊𝙍𝘾𝙔𝘾𝙇𝙀𝙎 🏍️📢

The Land Transportation Office (LTO) Tubigon Extension Office will conduct the distribution of motorcycle plates for registered owners with:

✅ 2017 below – Green Plates
✅ 2018 onwards – 7 Character Plates

📅 Date: May 23, 2026
⏰ Time: 8:00 AM – 2:00 PM
📍 Venue: Calape Public Market, Calape, Bohol

📌 Requirements:
✔️ Official Receipt (OR) – Xerox Copy
✔️ Certificate of Registration (CR) – Xerox Copy
✔️ Valid ID – Xerox Copy

📞 For inquiries, please contact: 09077609627

Please be guided accordingly and help keep our roads safe and records updated. 🚦

Nagpadayon ang pagpanghatag sa hybrid & In**ed rice seeds ug complete fertilizers ngadto sa atong mga mag-uuma isip kabahin sa padayon nga suporta sa sektor sa agrikultura ug sa pagpalambo sa produksyon ug panginabuhian sa atong mga mag-uuma.

Kini nga programa usa sa mga inisyatibo aron mapalig-on ang agrikultura sa komunidad pinaagi sa paghatag ug agricultural assistance nga makatabang sa mas maayong ani ug mas lig-on nga panginabuhian.

Padayon ang atong paningkamot sa pagpatuman ug mga programa nga mosuporta sa kaayohan sa atong mga mag-uuma ug sa kalamboan sa atong komunidad.

Aron mas mapalig-on ang kaandam alang sa kaluwasan ug seguridad sa atong mga eskwelahan batok sa posibleng sunog, nakapang-apod-apod kita og fire extinguishers ngadto sa mga pampublikong tunghaan sa lungsod.

Pinaagi niini nga inisyatibo, gihatagan og dugang proteksyon ang mga estudyante, magtutudlo, ug personnel pinaagi sa pagpalig-on sa fire safety ug emergency preparedness sa matag eskwelahan.

Dako usab ang among pasalamat sa padayon nga kooperasyon ug suporta sa mga eskwelahan alang sa pagmintinar sa usa ka luwas, andam, ug maayong palibot sa pagkat-on para sa atong kabataan.

Mainitong pag-abiabi ang akong gipadayag sa 25 ka TESDA Scholars gikan sa Loon ug Calape nga miapil sa NC III – ECCDS Training.

Padayon nato suportahan ang mga programa nga maghatag og kahibalo, kahanas, ug mas maayong oportunidad para sa atong kabatan-onan. Hinaot nga kini nga pagbansay mahimong dalan ngadto sa mas hayag nga kaugmaon alang nilang tanan.

Padayon sa paningkamot ug pagkat-on!

Padayon ang paghatag og ayuda sa atong mga kaigsuonan pinaagi sa Food Subsidy Program diin laing hugna sa pagpanagtag sa food vouchers ang nahatag sa mga benepisyaryo gikan sa unom ka barangay sa atong lungsod.

Kining programa kabahin sa padayong paningkamot sa LGU Calape aron makatabang sa atong mga lumulupyo ilabi na niining mga panahon sa kalisod ug krisis. Gamay man o dako, ang importante adunay gobyerno nga andam motabang ug moalalay sa katawhan.

Daghang salamat sa tanan nga nagtinabangay aron mapadayon nato ang serbisyo alang sa katawhan.

Naghatag ang lokal nga kagamhanan og financial assistance alang sa livelihood start-up sa duha ka repatriated OFWs gikan sa mga nasud nga naapektuhan sa gubat ug kagubot.

Padayon ang atong suporta aron makatabang kanila sa pagsugod pag-usab ug pagbangon alang sa ilang pamilya.

PUBLIC ADVISORY‼️‼️
Wala maka-andar ang water pump sa San Isidro tungod sa gihimong pagbalhin sa poste sa kuryente nga nagsuplay sa atong water station. Tungod niini, naapektuhan ang suplay sa tubig ug adunay pagkawala sa agas sa mga lugar sa San Isidro ug Katipcan.

Sa pagkakaron, nagpadayon ang pagmonitor ug koordinasyon aron dali nga maibalik ang normal nga serbisyo sa tubig. Gihangyo namo ang inyong pagsabot ug pasensya samtang gihuman ang mga kinahanglanong buluhaton. Daghang salamat.

Nasugdan na ang pagpanghatag sa Food Subsidy Voucher ngadto sa mga benepisyaryo sa Barangay Binogawan, Cabudburan, Canguha, Desamparados, Labuon, ug Lo-oc isip tabang sa nagpadayon nga krisis.

Padayon usab kaming maghatag ug update alang sa sunod nga mga barangay nga makabenepisyo niini.

Daghang salamat sa inyong kooperasyon ug pagsabot.