The Forerunner - Student Publication

𝗡𝗘𝗪𝗦 | '𝗠𝗮𝗯𝗶𝗴𝗮𝘁 𝗽𝗮𝗹𝗮 𝗮𝗻𝗴 𝘁𝗼𝗴𝗮': 𝗕𝘂𝗹𝗦𝗨 𝗕𝘂𝘀𝘁𝗼𝘀 𝗴𝗿𝗮𝗱, 𝗶𝗯𝗶𝗻𝗮𝗵𝗮𝗴𝗶 𝗮𝗻𝗴 𝗯𝗶𝗴𝗮𝘁 𝘀𝗮 𝗹𝗶𝗸𝗼𝗱 𝗻𝗴 𝘁𝗮𝗴𝘂𝗺𝗽𝗮𝘆 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹

‎“Mabigat pala ang toga. Marahil dahil hindi lang ito tinatahi ng sinulid kundi ng panahon, tiyaga, at pananalig.” Sa mga salitang ito inilarawan ni Clarence B. Sangcap, Summa Cum Laude ng Bachelor of Secondary Education (BSEd) major in Social Studies ng Bulacan State University (BulSU) Bustos Campus, ang toga bilang simbolo ng mga taon ng sakripisyo, pagsusumikap, at matatag na pananampalataya, habang inihahatid niya ang kolektibong pasasalamat ng mga nagsipagtapos.
‎
‎Kinatawan ni Sangcap ang kanyang mga kapwa nagtapos sa 2026 BulSU-Bustos Commencement Exercises na ginanap noong Hunyo 11 sa Bulacan Capitol Gymnasium, sa ilalim ng temang “TAYOG: Pag-angat ng Kakayahan at Kaalaman Tungo sa Maunlad at Makabagong Pilipinas.” Dinaluhan ito ng 1,113 graduates mula sa iba’t ibang programang akademiko ng BulSU Bustos Campus, kasama ang 112 mula sa BulSU San Rafael Campus para sa Taong Panuruan 2025–2026.
‎
‎Sa kanyang talumpati, binigyang-buhay ni Sangcap ang iba’t ibang mukha ng buhay-kolehiyo.

Ayon sa kanya, bawat hibla ng toga ay may dalang kwento ng pagpupursige at sakripisyo—mula sa mga estudyanteng nagpupuyat, bumabyahe nang malayo, at nagtatrabaho upang makapag-aral, hanggang sa mga lider-estudyante at atletang natutong balansehin ang kanilang mga tungkulin. Higit sa lahat, nakaukit dito ang kwento ng mga magulang na walang sawang nagsakripisyo para sa kinabukasan ng kanilang mga anak.
‎
Kaugnay nito, ‎ibinahagi rin ni Iñigo A. Villaruel, Cum Laude ng Bachelor of Science in Entrepreneurship (BSEntrep), na naging mabigat ang kaniyang paglalakbay dahil sa mga gabing walang tulog, matinding pressure, at personal na sakripisyo.
‎
‎Katulad nila Sangcap at Villaruel, kinilala rin ni Ma. Kyla Conception A. Fernando, Magna Cum Laude ng Bachelor of Elementary Education (BEEd), ang mga pagsubok bilang mahalagang bahagi ng kaniyang tagumpay. "Yung struggles ko ginawa kong stepping stones. Patunay na worth it lahat ng luha, puyat, at dasal," saad niya.

‎Binigyang-diin din ni Sangcap na ang diploma ay hindi lamang simbolo ng pagtatapos kundi ng mas malalim na tungkuling maglingkod sa kapwa at bayan.
‎
‎"Ang tunay na halaga ng edukasyon ay hindi lamang nasusukat sa ating nalalaman kundi sa kung paano natin ito ginagamit upang makapaglingkod sa kapwa at sa bayan. Nawa'y maging instrumento rin tayo ng pagbabago sa mga isyung kinakaharap ng ating bansa mula sa kahirapan, kawalan ng oportunidad, disimpormasyon, hanggang sa patuloy na hamon ng katiwalian at pagkawatak-watak ng lipunan," pahayag niya.
‎
‎Hinamon din niya ang kaniyang mga kapwa nagtapos na maging katuwang sa positibong pagbabago at dalhin ang kanilang mga tagumpay nang may pagpapakumbaba, pananagutan, at layunin.
‎
‎"Ang tunay na sukatan ng tagumpay ay hindi ang taas ng ating narating kundi ang dami ng buhay na ating natulungan at ang kabutihang ating iniwan. Kaya't isuot natin ang ating mga toga nang may pagpapakumbaba, tanggapin ang ating diploma nang may pananagutan, at harapin ang kinabukasan nang may tapang at pag-asa,” dagdag niya.
‎
‎Bilang kinatawan naman ni Gobernador Daniel R. Fernando, naghatid ng mensahe si Bise Gobernador Alex Castro, na humimok sa mga nagtapos na yakapin ang mga pananagutang kaakibat ng kanilang tagumpay at manatiling matatag sa harap ng mga hamon ng hinaharap.
‎
‎"Never stop learning. Hindi natatapos sa pagtanggap ng diploma ang pagkatuto. Kailangan nating sumabay sa hinihinging pagbabago at pag-unlad ng mundo. Kaya kunin ninyo ang bawat oportunidad para hasain at linangin ang inyong mga kakayahan at kaalaman upang makasabay kayo sa tuluy-tuloy na tumataas na demand at pamantayan ng inyong mga napiling industriya," aniya.
‎
‎Binanggit naman ni BulSU President Teody C. San Andres ang ulat ng World Economic Forum Future of Jobs Report 2025, na nagsasabing may 170 milyong bagong trabaho ang malilikha habang 92 milyong trabaho naman ang mawawala pagsapit ng 2030, upang bigyang-diin ang kahalagahan ng patuloy na pagkatuto at etikal na pamumuno.
‎
‎"The lesson is not that AI will take people's jobs. The lesson is that the jobs of the future will look different from the jobs of the past. Therefore, you must become lifelong learners," aniya. | via Mark Andrei Rivera Anne Caryll Paloma, THE FORERUNNER
‎
‎
‎
‎

𝗟𝗜𝗧𝗘𝗥𝗔𝗥𝗬 | 𝗛𝗶𝗻𝗱𝗶 𝗹𝗮𝗵𝗮𝘁 𝗻𝗴 𝗮𝗹𝗼𝗻 𝗮𝘆 𝗺𝘂𝘀𝗶𝗸𝗮
‎‎isinulat ni: A’bakas
‎
‎Tahimik ang dagat para sa mga hindi pa nalulunod.
‎
‎May mga taong kayang titigan ang alon na parang payapa ang lahat—dahil nasa pampang sila. Nakatapak sa pinong buhangin ang mga paa, ligtas, at hindi hinahagupit ng sunod-sunod na alon.
‎
‎Para sa kanila, musika sa tainga ang marahang paghampas ng tubig sa baybayin. Hindi dinig ang sigaw ng mga unti-unting hinihila pababa; hindi ramdam ang bigat ng bawat paglubog; at hindi dama ang nipis ng hangin sa bawat paghingang pinipilit na lamang sumustento sa katawan.
‎
‎Kaya marahil ang iilang tao sa dalampasigan ay madaling manahimik at magsawalang-kibo, dahil hindi nila alam ang pakiramdam ng sinasakal ng lalim at panganib ng karagatan.
‎
‎Hangga't hindi pa nila nararanasan kung paano lamunin nang buháy ng dagat, para sa kanila’y mananatili itong simbolo ng pagiging banayad.
‎
‎Kahit pa may mga taong matagal nang nakahimlay sa sahig-dagat.
‎
‎Sapagkat, ang asul ay hindi kailanman makikitaan ng bahid ng p**ang dugo ng hirap at pasakit; ang mga alon ay hindi magiging mapanganib ni mapanira; at ang tubig-alat ay mananatiling walang lasa sa mga matang nakatitig lamang sa dalampasigan at hindi kailanman nakipagsapalaran sa dagat.

--
Layout & Illustration by: Rexter Jassen Blas

𝗞𝗢𝗟𝗨𝗠 | 𝗗𝗶𝗹𝗮𝗻𝗴-𝗮𝗻𝗴𝗵𝗲𝗹 𝗻𝗶 𝗤𝘂𝗲𝘇𝗼𝗻, 𝗜𝗺𝗽𝘆𝗲𝗿𝗻𝗼 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗡𝗴𝗮𝘆𝗼𝗻

isinulat ni: equinox

Sa asul, sa p**a. Pilipinas, tunay ka nga bang malaya?

Tuwing ika-12 ng Hunyo, ipinagdiriwang natin ang Araw ng Kalayaan. Isang ibinukod na araw upang gunitain ang paglaya natin mula sa pananakop ng mga banyaga. Kaugnay rin nito ang salitang kasarinlan, na sa malimit na pagkakataon ay halos napagpapalit o 'di kaya ay napagkakamalan na magkaparehas lamang ang kahulugan. Ayon sa Komisyon sa Wikang Filipino, ang kasarinlan ay tumutukoy sa kakayahan ng isang bansa na mamahala at magpasiya para sa 'sarili' nang hindi nakadepende sa ibang bansa. Samantala, ang kalayaan naman ay ang karapatan at kakayahan ng isang tao o mamamayan na kumilos, magpahayag, at mamili nang may 'laya' at walang pang-aapi o labis na paghihigpit.

Bagamat magkaiba ng kahulugan ang dalawang salita, higit na konektado ito sa isa't isa sapagkat ang isang bansang walang kalayaan mula sa pananakop ay hindi matatawag na may kasarinlan upang makakilos sa kaniyang sarili. Ilang dekada na rin ang nakalipas mula nang huling dumanak ang dugo mula sa pakikipaglaban ng mga bayani sa pag-asang matamo ang kalayaan at makawala mula sa mapaniil na dayuhang nagpahirap sa buhay ng mga tunay na may-ari ng bansang Pilipinas. May kasarinlan man tayo sa kasalukuyan na nagagamit sa pamamahala ng kapwa natin mamamayan, paano naman kung kababayang Pilipino na rin ang siyang nagpapasakit sa ating sariling bayan?

Kakatwa mang isipin pero tila nagdilang-anghel si dating Pangulo ng Commonwealth Manuel Quezon nang sambitin niya ang mga katagang "I would rather have a government run like hell by Filipinos than a government run like heaven by Americans." Matapos ang paglaya ng bansa mula sa mga mananakop na Amerikano, nakapagtatag ito ng sarili, o kung tutuusin ay hiram na estruktura ng gobyerno mula rito. Nananalaytay man sa atin ang pagkarelihiyosong namana mula sa Kristiyanismong dala ng mga Kastila, ugali naman ni Hudas ang sumapi sa ilang opisyales na nakaupo sa gobyerno ngayon. Silang mga tusong ganid na nagdala ng sinasabing impyerno ni Quezon sa kapwa nito Pilipino.

Tumingin tayo sa lipunan. Nariyan paglabas ng bahay ang mga tsuper na todo sa pagrereklamo sa patuloy na pagtaas ng presyo ng gasolina at maski ang mga magulang na iginagapang nalang ang pamilya sa patuloy na pagtaas ng presyo ng mga produkto habang patuloy na tumataas ang presyo ng mga bilihin, na wari’y lalong lumalayo sa abot ng kanilang mga kinikita. Sa kabilang banda ay ang mga senador na hasang-hasa sa Ingles, at ayun — naglalaro ng drama sa kanilang trabaho imbis na unahin ang kapakanan ng mga nagluklok sa kanila. Iilan lamang iyan sa mga pangyayaring hindi na maituturing na bakas ng kolonyalismo, kundi tahasang kagagawan na ng kapwa natin Pilipino. Kung tutuusin, lahat ng mga Pilipinong naupong presidente matapos ang Commonwealth ay may kani-kaniyang baho. Pilipino rin ang nasa likod ng Martial Law na kumitil ng buhay ng maraming mamamayan nito at bumusal sa mga nasa hanay ng mga mamamahayag. Kumbaga, parang pwede nating sisihin si Quezon dahil sa sinabi niya noon at tayo ang naghihirap ngayon.

Sa sunod-sunod na pagdurusa sa bansang tinaguriang malaya, lumitaw rin kamakailan lamang ang post mula sa isang netizen. "Pakiusap po sa Spain, US at Japan. Kailan nyo po ulit sasakupin ang Pilipinas? Promise 'di na kami lalaban.” Na para bang halos isuka na ang kinaumayan niyang bansa.

Hindi man natin sila masisisi sa kanilang reaksyon sa nangyayari sa bansa, nakalulungkot isipin na mayroong mga ganitong Pilipino na nawalan na ng pagkaalala sa kasaysayan. Mas gugustuhin pa nilang isuko ang ipinaglaban ng mga ninuno at talikuran ang bayan na ipinaglaban hanggang kamatayan. Silang mga bayani na ibinaon na lamang sa hukay imbis na maging huwaran ng mga lingkod-bayan. Malayong malayo mula sa mga politikong nililinlang lamang ang mga mamamayan sa matatamis na pangako at wala namang paggawa.

Marahil, malaya na nga tayo mula sa direktang pananakop ng ibang bansa. Ngunit kung susuriin, tila hilaw pa ang pagkaunawa ng Pilipinas sa kalayaan at kasarinlan sapagkat kung ating babalikan ang kasaysayan, pinangarap ng mga Pilipino noon na maging malaya upang makapagpasiya para sa sarili tungo sa kabutihan ng lahat—at hindi upang sarilihin ang ginhawa at iwan ang iba sa pagdurusa.

Kasarinlan man o kalayaan, mawawala lang din ang tunay na kahulugan nito kung hahayaan nating maging alipin tayo muli ng sinuman, maski ng sarili nating kababayan. Ang pagdiriwang ng Araw ng Kalayaan ay isang paalala sa paghihirap ng mga Pilipino noon upang maitaas ang sariling bandera ng Pilipinas. Huwag natin itong sayangin, bagkus ay pangatawanan natin sa pamamagitan ng paggamit ng kalayaang ito upang gumawa ng mapanagutang pasiya para sa ikabubuti ng lipunan gaya ng tamang pagboto at pagpapahayag ng tinig laban sa katiwalian. Sa huli, nasa kamay pa rin natin ang kapangyarihan upang mapanatili at mapagyabong ang laya na mayroon tayo patungo sa pagpapalaganap ng tunay na pagbabago para sa mga susunod pang henerasyon.

May pag-asa pa ang Pilipinas. Tayo ay may kasarinlan, tayo ay malaya. Atin itong protektahan at ipaglaban hindi lamang laban sa mga dayuhan, kundi maging sa mga mapaniil nating kababayan. Sapagkat kung tayo mismo ang magpapabaya sa kalayaang tinatamasa natin ngayon, sino pa ang maninindigan upang ipaglaban ito para sa atin?

--
Illustration by: Rexter Jassen Blas
Layout by: Rose Ann Francisco

𝗠𝗮𝗶𝗻𝗶𝘁 𝗻𝗮 𝗽𝗮𝗴𝗯𝗮𝘁𝗶 𝗽𝗮𝗿𝗮 𝘀𝗮 𝗺𝗴𝗮 𝗻𝗮𝗴𝗶𝗻𝗴 𝗽𝘂𝗻𝗱𝗮𝘀𝘆𝗼𝗻 𝗻𝗴 𝗽𝘂𝗯𝗹𝗶𝗸𝗮𝘀𝘆𝗼𝗻!✒️🖤

‎Ang bawat letra na kanilang ginamit ang siyang naglikha sa kani-kanilang simbolo—simbolo ng integridad, katapatan, at pananagutan. Hindi lamang isang simpleng papel ang kanilang pinunan, bagkus isang kabanata ng paghahayag sa katotohanan. Sapagkat, dumadaloy sa kanilang mga pluma ang determinasyon upang makapagpahayag.
‎
‎Kaalinsabay sa pagiging estudyante, sila rin ay gumampan bilang kampus mamamahayag na siyang kasama sa patuloy na pagtataguyod sa opisyal na publikasyon ng Bulacan State University (BulSU) Bustos Campus, ang The Forerunner, sa pamamagitan ng kanilang kahusayan at dedikasyon sa pamamahayag.
‎
‎Ngayong tapos na ang kanilang laban kasama ang publikasyon, hindi pa rin rito natatapos ang kanilang pagtatanggol sa katotohanan. Magpapaalam man sa huling kabanata ng kanilang libro sa kolehiyo, ngunit pagbubukas naman ito ng panibagong blangkong papel na kanilang pupunuin sa kanilang susunod na kwento.
‎
‎Mainit na pagbati para sa mga naging pundasyon ng publikasyon!

--
Caption by: Kristal Sta. Maria
Layout by: Juliane Maglanque

𝗡𝗘𝗪𝗦 | 𝟰 𝗻𝗮 𝗦𝗚 𝗢𝗳𝗳𝗶𝗰𝗶𝗮𝗹𝘀 𝗻𝗴 𝗕𝘂𝗹𝗦𝗨, 𝗚𝘂𝗶𝗹𝘁𝘆 𝘀𝗮 𝗙𝗮𝗹𝘀𝗶𝗳𝗶𝗰𝗮𝘁𝗶𝗼𝗻 𝗼𝗳 𝗣𝘂𝗯𝗹𝗶𝗰 𝗗𝗼𝗰𝘂𝗺𝗲𝗻𝘁𝘀 𝗸𝗮𝘂𝗴𝗻𝗮𝘆 𝗻𝗴 𝗕𝘂𝗱𝗴𝗲𝘁 𝗜𝗻𝘀𝗲𝗿𝘁𝗶𝗼𝗻
‎
‎Matapos ang serye ng mga imbestigasyon, hinatulang 'guilty' ang apat na dating opisyal ng Student Government (SG) ng Bulacan State University (BulSU) na sina Senador Alyssa Joy Velez, Alvin Sagabean, Jay Chris Estrella at SG President at outgoing Student Regent (SR) Roshan Reyes sa salang "Falsification or forging of Academic Records and official documents and the use thereof" sa ilalim ng Rule IV(B)(14) ng Enhanced BulSU Guidelines, pawang sila sangkot sa budget insertion sa aktibidad na "SULONG".
‎
‎Bunga nito, hahatulan ng tatlong buwan na suspensyon ang mga sangkot na opisyal batay sa inilabas na Board of Student Discipline Decision No. 1, Series of 2026. Alinsunod dito, iniatas ang pag-aalis sa listahan ng mga magsisipagtapos sina Velez, Sagabean, at Estrella dahil hindi na maipapataw ang ordinaryong suspensyon sapagkat naghihintay na lamang sana ng araw ng pagmartsa ngayong Hunyo. Sa kabilang banda, magsisimula pa lamang ang suspensyon kay Reyes sa oras na siya ay muling mag-enroll sa pamantasan.
‎
‎Kabilang din sa mga parusang ipapataw sa mga opisyal ay ang 36-hour Transformational Experience, Parents/Guardians Dialogue with Dean, Guidance Intervention Program, at forefeiture of academic leadership, cultural, and academic awards and distinctions.
‎
‎Matatandaan na sa kanilang huling General Assembly, pumutok ang balita sa insertion na ginawa sa budget ng naturang programa kung saan pinalitan nang lingid sa kaalaman ng mga personalidad na nakapirma sa dokumento ang unang pahina ng liquidation report nito upang maisama ang mga gastusing hindi naman kabilang sa aprubadong badyet.
‎
‎Samantala, maaari lamang muling maisama sa pagtatapos ang tatlong dating SG Senators matapos ang nabanggit na panahon mula sa araw ng pagkapinal ng desisyong ito at maipataw ang lahat ng kaukulang parusa. | via Gio Justin De Guzman, THE FORERUNNER

--

𝗢𝗽𝗶𝘀𝘆𝗮𝗹 𝗻𝗮 𝗣𝗮𝗵𝗮𝘆𝗮𝗴 𝗻𝗴 𝗧𝗵𝗲 𝗙𝗼𝗿𝗲𝗿𝘂𝗻𝗻𝗲𝗿 𝘀𝗮 𝗣𝗮𝗴𝗯𝘂𝗯𝘂𝗿𝗮 𝗻𝗴 𝗡𝗮𝗶𝗹𝗮𝘁𝗵𝗮𝗹𝗮𝗻𝗴 𝗔𝗿𝘁𝗶𝗸𝘂𝗹𝗼 𝗸𝗮𝘂𝗴𝗻𝗮𝘆 𝗻𝗴 𝗜𝘀𝘆𝘂 𝗻𝗶 𝗚. 𝗞𝗲𝗻 𝗥𝗼𝗯𝗶𝗻 𝗧𝗼𝗿𝗿𝗲𝘀 𝗮𝘁 𝗻𝗴 𝗶𝗹𝗮𝗻𝗴 𝗠𝗮𝗴-𝗮𝗮𝗿𝗮𝗹 𝗺𝘂𝗹𝗮 𝘀𝗮 𝗘𝗻𝗴𝗹𝗶𝘀𝗵 𝗺𝗮𝗷𝗼𝗿

Bilang opisyal na publikasyong pang-mag-aaral, tungkulin namin na maghatid ng makatotohanan, balanse, at mapagkakatiwalaang impormasyon sa aming mga mambabasa, lalo na kung ito ay pumapatungkol sa danas ng mga estudyante. Kaakibat nito ang responsibilidad ng mga mamamahayag na siyasatin, unawain, at maipakita nang patas ang iba't ibang pananaw ng magkabilang panig na sangkot sa isang isyu o pangyayari.
Kaugnay nito, naglathala ang The Forerunner noong Hunyo 4 sa opisyal nitong page ng isang artikulo hinggil sa isyung kinasasangkutan ni G. Ken Robin Torres, isang instruktor ng BulSU-Bustos Campus, at ng ilang mag-aaral ng programang Bachelor of Secondary Education major in English sa nasabing pamantasan.

Bago mailathala ang balita, nagsagawa ang The Forerunner ng mga kinakailangang hakbang upang makuha ang mga pahayag ng bawat panig na sangkot sa isyu. Gayunpaman, sa kabila ng mga isinagawang pagsusuri sa mga dokumento at pahintulot na kaugnay ng publikasyon, nagkaroon ng hindi sinasadyang paglabag sa isa sa mga umiiral na patakaran bunga ng kakulangan sa masusing beripikasyon at pangangasiwa ng Editorial Board. Dahil dito, buong pananagutang inaako ng Editorial Board ang pagkukulang na nagresulta sa paglabag sa itinakdang patakaran kaugnay ng paggamit ng mga personal na larawan ni G. Ken Robin Torres. Sa aming pagkukulang sa masusing pagrepaso sa mga kaugnay na dokumento, nailathala ang mga larawan ng g**o nang walang malinaw na pahintulot para sa paggamit ng mga ito.

Matapos muling suriin ang nilalaman ng Letter of Consent na nilagdaan ni G. Torres, napag-alamang ang ibinigay na pahintulot ay para lamang sa paglalathala ng kanyang pangalan at mga pahayag kaugnay ng isyu, at hindi para sa paggamit ng kanyang mga personal na larawan. Dahil dito, naghain si G. Torres ng withdrawal of consent nitong umaga ng Hunyo 5. Agad naman itong kinilala at inaksyunan ng Editorial Board sa pamamagitan ng pag-aalis ng nasabing artikulo mula sa aming opisyal na page.

Bagama't inaako ng publikasyon ang naturang pagkukulang, hindi rin maikakaila na ang pagpapatanggal sa isang nailathalang artikulo ay nagbubukas ng usapin hinggil sa sensura at sa mga limitasyong maaaring humadlang sa malayang pamamahayag. Kapag ang mga balitang pumapatungkol sa pampublikong interes ay nawawala sa pampublikong espasyo, nalilimitahan din ang pagkakataon ng komunidad na maunawaan at masuri ang mga mahahalagang pangyayaring kaugnay nito. Dahil dito, patuloy na binibigyang-diin ng The Forerunner ang kahalagahan ng balanseng pagprotekta sa karapatan sa pribasiya at sa karapatan ng publiko na malaman ang impormasyon na nakaaapekto sa danas at kapakanan ng mga mag-aaral sa kampus.

Nais iparating ng The Forerunner na mas paiigtingin nito ang pagiging masusi sa pagsusuri ng anumang uri ng dokumento. Gayunpaman, hindi dito nagtatapos ang aming tungkulin sa paglilingkod sa mga mag-aaral at sa komunidad na aming kinakatawan. Hindi natitinag ang aming paninindigan ukol sa mga detalye na nakasaad sa naunang artikulo na nailabas sa kabila ng naging pagkukulang ukol sa kawalan ng malinaw na pahintulot sa paggamit ng personal na larawan ng instruktor na sangkot.

--

| 𝗢𝘃𝗲𝗿 𝗻𝗮𝗺𝗮𝗻 𝘀𝗮 𝗸𝗮𝗯𝗶𝘀𝗮𝗱𝗼!😅

Illustration by Rexter Jassen Blas
Layout by Rose Ann Francisco
—

‎𝗟𝗢𝗢𝗞 | 𝗕𝘂𝗹𝗦𝗨 𝗕𝘂𝘀𝘁𝗼𝘀 𝗖𝗲𝗹𝗲𝗯𝗿𝗮𝘁𝗲𝘀 𝗦𝘁𝘂𝗱𝗲𝗻𝘁𝘀’ 𝗚𝗿𝗶𝘁 𝗮𝗻𝗱 𝗘𝘅𝗰𝗲𝗹𝗹𝗲𝗻𝗰𝗲 𝗮𝘁 𝗚𝗮𝘄𝗮𝗱 𝗚𝗶𝗻𝘁𝗼𝗻𝗴 𝗚𝗿𝗮𝗻𝗮𝗵𝗲 𝟮𝟬𝟮𝟲
‎
‎With grit etched behind every accolade, the BulSUans from Bulacan State University (BulSU) Bustos Campus marched across the stage to receive their medals and certificates during the celebration of the Gawad Gintong Granahe (GGA) 2026 held yesterday, May 21, at the Valencia Hall of the BulSU Malolos Campus.
‎
‎Carrying the theme, "Kabanilya: Pagdiriwang ng Talino, Giting, at Ningning," the event marked the importance of knowledge, perseverance, and resilience as treasures that students continue to nurture throughout their academic journey. Inspired by the word “kabanilya,” described as a chest that keeps valuable possessions, the celebration symbolized the aspirations, experiences, and lessons carried by every learner toward a brighter future.
‎
‎During her opening message, Dr. Maricel Sierto, dean of BulSU Bustos Campus, reminded students that behind every recognition lies a story of countless struggles often unseen, concealed beneath the enduring strength of perseverance.
‎
‎"Sa likod ng bawat tagumpay ay may mga sakripisyong hindi nakikita ngunit kailanman ay hindi nasayang," Dr. Sierto stated.
‎
‎She also emphasized the real essence of success. "Ang tunay na tagumpay ay hindi lamang makikita sa parangal, kundi sa pagkataong hinuhubog ng bawat pagsubok," encouraging learners to pursue their dreams with humility and stressing that true success is measured not only by awards, but by the character and purpose they cultivate along the way.
‎
‎The heart of the ceremony centers on how important education is and how the youth stands for a sole purpose not just inside the classrooms but also outside the community. "Ang kabataan ang tunay na puhunan ng bayan, mga kabataang may pangarap at pagmamahal sa bayan," remarked by Dr. Joseph V. Bartolome, Bachelor in Elementary Education (BEEd) program chair.

‎Throughout the celebration, students were recognized for their academic excellence, leadership, and contributions beyond the classroom, reflecting the BulSUans’ pursuit of becoming catalysts for change within the community. | via Mark Andrei Rivera 📷 Samantha Gedraga, Juliane Maglanque, and Kyla Fernando, THE FORERUNNER

𝗟𝗢𝗢𝗞 | 𝗧𝗵𝗲 𝗙𝗼𝗿𝗲𝗿𝘂𝗻𝗻𝗲𝗿 𝗰𝗹𝗶𝗻𝗰𝗵𝗲𝘀 𝗧𝗼𝗽 𝟯 𝗳𝗶𝗻𝗶𝘀𝗵 𝗶𝗻 𝟴𝘁𝗵 𝗚𝗚𝗣

From fifth to third overall, The Forerunner (TFR), the official student publication of Bulacan State University (BulSU) - Bustos Campus, emerged as the overall Top 3 Best Performing Student Publication among 18 competing publications during the 8th Gawad Galing Plaridel (GGP) awarding ceremony held yesterday, May 13, at the BulSU Malolos Amphitheater.

Held under the theme, "Defying Suppression: Campus Journalism as Fourth Estate in the Face of Distortion and Censorship," TFR rose to the Top 3 placement after emerging in both group and individual categories, marking another milestone following its return to the Top 5 Overall Best Performing Student Publications during the 6th Gawad Galing Plaridel 2024.

TFR's awards include the following:

𝗜𝗻𝗱𝗶𝘃𝗶𝗱𝘂𝗮𝗹 𝗖𝗮𝘁𝗲𝗴𝗼𝗿𝗶𝗲𝘀

Feature Writing (English)
5th place - Kristen Paula Burcio

Pagsulat ng Lathalain (Filipino)
3rd place - Kristal Sta. Maria

Literary Writing (English)
4th place - Anika France Bisco

Pagsulat ng Balita (Filipino)
6th place - Samantha Edlyn Gedgara

Pagsulat ng Opinyon (Filipino)
2nd place - Samantha Edlyn Gedraga

Larawang Pampahayagan (Filipino)
4th place - Mark Albert Mendoza

Infographics
4th place - Juliane Maglanque

Traditional Literary Graphics Illustration (English)
4th place - Lady Anne Masangcay

Digital Comics Strip Drawing (English)
1st place - Lady Anne Masangcay

Digital Editorial Cartooning (Filipino)
1st place - John Louie Valmadrid

Traditional Editorial Cartooning (Filipino)
2nd place - Rexter Jassen Blas

Highest Individual Pointer
4th place - Lady Anne Masangcay

Overall Highest Pointer in Individual Categories
8th place - The Forerunner Student Publication

𝗦𝗽𝗲𝗰𝗶𝗮𝗹 𝗔𝘄𝗮𝗿𝗱𝘀

TV Broadcast Production: Ulat on Track
• 3rd Best News Story
• 3rd Best News Ancho/s: Ma. Kyla Fernando and Mark Andrei Rivera
• 3rd Best Technical Director: Earl Louise Villaseñor
• 3rd Best Script
• 3rd Best Overall TV Broadcast

Mobile Journalism (MoJo)
• 3rd Best Mobile Journalism
• 3rd Best Host: Ma. Kyla Fernando

𝗚𝗿𝗼𝘂𝗽 𝗖𝗮𝘁𝗲𝗴𝗼𝗿𝗶𝗲𝘀

1.) Newsletter: Kronos
• 3rd Best Feature/Literary Page
• 6th Best Opinion/Editorial page
• 4th Best Sports Page
• 4th Best Page Design
• 8th Overall Best Newsletter

2.) Magazine: Balintataw
• 5th Best News Page
• 4th Best Opinion/Editorial Page
• 3rd Best Feature/Literary Page
• 3rd Best DevCom Page
• 3rd Best Sports Page
• 2nd Best Page Design
• 3rd Overall Best Magazine

3.) Literary Folio: Panata
• 5th Best Literary Content
• 5th Best Literary Concept
• 2nd Best Visual Arts
• 2nd Best Page Design
• 3rd Overall Best Literary Folio

Best Performing Publication
3rd place - The Forerunner Student Publication

Meanwhile, the individual competitions for both writing and non-writing categories were held on May 7 and 8, while entries for the group categories had been submitted earlier on dates designated by the contest organizer, the Plaridel Guild (PG). | via Anika France Bisco Ivan Manalad, Rexter Jassen Blas, and Earl Louise Villaseñor, THE FORERUNNER