Basey Municipal Tourism Development Office

Agud mas mapadagmit pa an komunikasyon ug pagpadangat hin maupay nga serbisyo ha mga turista sugad man an digitial connectivity ha usa han mga kilala nga eco-tourism destination han Basey, pormal na nga ginhatag an STARLINK o Satellite-based Internet ha Sohoton Services Cooperative pinaagi han ginbuhat nga Turnover and Demo-orientation on the Satellite-based Internet for the Sohoton Eco-tourism Center kakulop, May 28, 2026 ha Wespal Sohoton Visitor Center.

Ini nga inisyatibo in dako nga bulig ug maghahatag pa hin darudamo nga oportunidad para ha pagpauswag han lokal nga turismo han Basey labi na an Sohoton Cave. Sugad man, ini in nahimugso tungod han makusog nga pakigsumpayan han Local Government Unit of Basey ha pangulo ni Mayor Luz Chu-Ponferrada kaupod an Municipal Tourism Development Office pinaagi kan Municipal Tourism Development Officer Evangelina O. Ritaga ngadto han Department of Science and Technology - PSTO Samar.

Samtang, ginpangunahan liwat ni Sir Alexis Ceil A. Conde an demo-orientation kaparte han satellite-based internet system. Presente liwat hini nga aktibidad an mga tinaglawas han DOST-PSTO Samar, MTDO Staff, mga miyembro han Sohoton Services Cooperative ug an Rawis Balantak Tourism Services Association.

Nagin malinampuson an ginbuhat nga Turnover and Training on the Operation and Maintenance of STARBOOKS and Gender Sensitivity kakulop nga adlaw, Mayo 28, 2026 ha Old San Agustin National High School.

Ha hingyap nga magkamay-ada hin dekalidad nga edukasyon an mga kabataan, ini nga pitad in nahimugso pinaagi han makusog nga pakigsumpayan han Munisipyo han Basey ha pangulo ni Mayor Luz Chu-Ponferrada kaupod an Municipal Tourism Development Office pinaagi kan Municipal Tourism Development Officer, Evangelina O. Ritaga ha Department of Science and Technology - PSTO Samar pinaagi han ira padayon nga implementasyon han Community Empowerment through Science and Technology (CEST) program nga kun diin duha (2) nga STARBOOKS Units an ginhatag ha nasabe nga eskwelahan.

An Science and Technology Academic and Research-Based Openly Operated Kiosks ( STARBOOKS) o mas kilala nga "Library in a Box", usa nga flagship digital library program han Science and Technology Information Institute, in usa nga offline digital information system nga kun diin sulod hini in dirudilain nga mga educational digitalized materials ha iba-iba nga subjects nga sakob han K-12 curriculum ug iba pa sugad han livelihood technologies.

Samtang, presente naman hini nga aktibidad an mga tinaglawas han DOST - PSTO Samar nga hira hi Engr. Philip John V. Condes nga nanguna han diskusyon parte han Gender Sensitivity ug hi Atty. Joseph Albert O. Lledo para liwat han training kaparte han STARBOOKS ug hi DOST Staff Jincent I. Mercado. Ini in ginpartisiparan han faculty and non-faculty staff han MTDO Staff, OSANHS faculty & non-faculty members ha pamunuan ni School Principal, Ma'am Mares Layola, Sohoton Services Cooperative, ug han Rawis Balantak Tourism Services Association.

‘Pamatron’ fiesta tourism program launched in Samar town Provincial and municipal tourism officials lead the launch of the Pamatron fiesta-stay tourism program in Matuguinao, Samar, on Monday, May 18, 2026, as part of the town’s fiesta celebration and

The Municipal Tourism Development Office (MTDO) took part in the Bayani Challenge 2026 held on May 11–15, 2026, proudly featuring the locally crafted souvenirs of Basey and promoting the town’s rich cultural heritage to guests, volunteers, and fellow participants.