ALPAS

🌟 Why choose the Cradle of Evangelization and Excellence? Check out the new Strengthened UNO-R Senior High School Curriculum for A.Y. 2026-2027!

🧠 Top-Tier Academics
📈 Holistic Growth
🏫 State-of-the-Art Facilities
🥇A Culture of Excellence
_____________________________________________

🚀 Ready to Enroll?
Don't wait for the last bell! Secure your spot where today.

📍 Visit us at: UNO-Recoletos, Bacolod City
🔗 Enrollment and Admission: uno-r.edu.ph/is-admission
📞 Inquiries: University of Negros Occidental - Recoletos

🍃🍃🍃

𝐈𝐒𝐓𝐎𝐑𝐘𝐀 𝐁𝐀𝐒𝐔𝐑𝐀: 𝐙𝐄𝐑𝐎 𝐖𝐀𝐒𝐓𝐄, 𝐌𝐀𝐊𝐀𝐊𝐀𝐘𝐀!

Nakibahagi ang mga kasapi ng ALPAS sa isang pampublikong Forum tungkol sa“Istorya Basura Rethinking Bacolod’s Waste Solutions: A Public Forum on Waste-to-Energy, Zero Waste, and Sustainable Alternatives” na ginanap sa Function Hall ng Middle Town Inn, ika-15 ng Abril 2026.

Sinimulan ang programa sa Panalangin, Pambansang awit, at Pambungad na Pananalita na pinangunahan ni G. Joshua Villabos, Secretary General ng Negrosanon Initiative for Climate and the Environment (NICE).

Sunod ay kaniyang pinakilala ang unang tagapagsalita na si Katherine Dela Cruz, Local Situationer sa Waste Problem sa Lungsod ng Bacolod. Ibinahagi niya ang ilang problema na kinahaharap ng lungsod, partikular sa layunin tungkol sa basura at tinapos ang kaniyang pagbabahagi sa pagtalakay ng sistema ng basura sa lungsod ng Bacolod.

Bukod pa roon, ibinahagi naman ng ikalawang tagapagsalita na si Dr. Jorge Emmanuel, Environmental Science Specialist sa teknolohiya, plastik at pulosyon sa WTE, ang patungkol sa Waste-to-Energy (WTE) o mga paraan kung paano nakapagbibigay ng enerhiya mula sa basura. Gayunpaman, tinalakay rin niya ang mga negatibong epekto na makakapagdulot ng panganib sa kalusugan, at kung paano ang mga ito nananatili nang mahabang panahon.

Panghuling nakibahagi ay si G. Froilan Grate, Executive Director ng GAIA Philippines, patungkol sa Zero Waste System kung saan binigyang diin niya na ang Zero Waste ay hindi ibig sabihin na "Walang Basura", kundi nangangahulugan itong walang matatapon o "Wala Usik". Kanya ring ibinahagi ang mga batas at aksyon na pinatupad ngayon at nagawa na ng ilang lungsod sa bansa na nagpakita ng mga makabuluhang pagbabago.

Nagpatuloy ang diskusyon sa pagsagot sng mga katanungan at mungkahi mula sa mga dumalo, kanilang ibinahagi rin ang kanilang mga alalahanin at ideya.

Nagtapos ang programa sa pasasalamat at paghimok sa mga dumalo na pangunahan ay patatagin ang programang Zero Waste sa kaniya-kaniyang pamayanan. Ito ay isang makabuluhang pagkakataon sa mga kasapi ng ALPAS dahil ito ang nagsilbing pamulat sa papel na gagampanan ng samahan sa pagtataguyod ng kalikasan at ng mga Pilipino.

ENROLL NA!

𝐀𝐋𝐏𝐀𝐒, 𝐇𝐀𝐖𝐀𝐊 𝐌𝐎 𝐀𝐍𝐆 𝐁𝐄𝐀𝐓 𝐍𝐆𝐀𝐘𝐎𝐍𝐆 𝐓𝐀𝐎𝐍 ⭐🦅

Isang taon ng tagumpay, isang taon ng 𝘼𝙇𝙋𝘼𝙎. Sa likod ng bawat pagkilala at parangal ay ang pusong hindi napagod manguna—𝗡𝗮𝗷𝗶𝗯 𝗥𝗶𝘃𝗲𝗿𝗮, ang aming pangulo na nagsilbing ilaw sa bawat hakbang ng samahan. Hindi naging madali ang landas, ngunit sa iyong dedikasyon at paniniwala sa kakayahan ng bawat miyembro, naiangat mo ang 𝘼𝙇𝙋𝘼𝙎 sa antas na higit pa sa inaasahan. Ang iyong pamumuno ay hindi lamang nasukat sa mga tropeo, kundi sa inspirasyong iniwan mo sa bawat isa sa amin.

Sa pagtatapos ng taong ito, baon namin ang mga aral, alaala, at tagumpay na iyong tinulungang mabuo. Ikaw ang patunay na ang tunay na lider ay hindi lamang nangunguna, kundi nagbibigay-lakas sa iba upang maniwala rin sa kanilang sarili. Maraming salamat sa iyong walang sawang paglilingkod at pagmamahal sa 𝘼𝙇𝙋𝘼𝙎. Sa bawat bituin na aming naabot, dala namin ang iyong pangalan at ang puso ng isang lider na hindi kailanman sumuko. 💛💙

Isang taos-pusong pagbati sa aming huwarang pangulo, 𝐍𝐚𝐣𝐢𝐛 𝐌. 𝐑𝐢𝐯𝐞𝐫𝐚, sa kanyang mga natamong parangal! Ang mga karangalang ito ay malinaw na patunay na ang bawat tagumpay ay bunga ng tiyaga at pagsisikap. Kasabay nito, binabati rin namin ang buong 𝘼𝙇𝙋𝘼𝙎 sa tagumpay na ito sapagkat hindi ito maisasakatuparan kung wala ang suporta at dedikasyon ng bawat isang miyembro. Lubos namin kayong ipinagmamalaki sa pagkamit ng mga sumusunod na parangal:

🦅 St. Ambrose Service Award for Club/Organization President
🦅 St. Augustine Academic Club Award
🦅 St. Alypius Outstanding President Award

𝐊𝐀𝐒𝐈𝐘𝐀𝐇𝐀𝐍, 𝐊𝐔𝐋𝐓𝐔𝐑𝐀, 𝐀𝐓 𝐏𝐀𝐆𝐊𝐀𝐊𝐀𝐈𝐒𝐀

Naging makulay at makabuluhan ang isinagawang outreach program kung saan nagtipon ang mga kalahok upang magbahagi ng saya, kaalaman, at pagpapahalaga sa kulturang Pilipino.

Sinimulan ang programa sa pagpapakilala, panalangin, at pambungad na pananalita bago hatiin sa mga pangkat ang mga kalahok. Lalong naging masigla ang programa sa pag-awit ng mga awiting-bayan tulad ng 𝗕𝗮𝗵𝗮𝘆 𝗞𝘂𝗯𝗼, 𝗟𝗲𝗿𝗼𝗻 𝗟𝗲𝗿𝗼𝗻 𝗦𝗶𝗻𝘁𝗮, at 𝗠𝗮𝗴𝘁𝗮𝗻𝗶𝗺 𝗮𝘆 '𝗗𝗶 𝗕𝗶𝗿𝗼,, na nagpaalala sa yaman ng musikang Pilipino. 🎶🇵🇭

Nagpatuloy ang kasiyahan sa mga larong Pinoy gaya ng 𝗧𝘂𝗺𝗯𝗮𝗻𝗴 𝗣𝗿𝗲𝘀𝗼, 𝗣𝗶𝘁𝗶𝗸 𝗕𝘂𝗹𝗮𝗴, 𝗮𝘁 𝗣𝗶𝗸𝗼 na nagbigay ng sigla at nagbalik ng mga alaala ng simpleng saya ng kabataan.

Bukod sa mga gawain, nagkaroon din ng talakayan tungkol sa kahalagahan ng mga larong Pilipino at kung paano nito pinapakita ang ating kultura at pagkakakilanlan bilang isang bayan.

Sa pagtatapos ng programa, nagkaroon ng pamamahagi ng mga regalo at giveaways, pagsasalo sa meryenda, at isang masayang photo opportunity—mga sandaling nagpatibay sa diwa ng pagkakaisa at malasakit sa komunidad. 🌟

Marso 2026 | 𝗕𝘂𝘄𝗮𝗻 𝗻𝗴 𝗺𝗴𝗮 𝗞𝗮𝗯𝗮𝗯𝗮𝗶𝗵𝗮𝗻

Ngayong Buwan ng mga Kababaihan, kinikilala natin ang lakas, tapang, at mahalagang papel ng kababaihan sa paghubog ng ating lipunan. Mula sa tahanan hanggang sa iba’t ibang larangan ng serbisyo at pamumuno, patuloy na ipinapakita ng kababaihan ang kanilang kakayahan, talino, at malasakit sa kapwa.

Nakikiisa ang 𝘼𝙇𝙋𝘼𝙎 sa pagdiriwang ng mga tagumpay at ambag ng kababaihan sa ating kasaysayan at kasalukuyan. Nawa’y magsilbing paalala ang buwang ito na patuloy nating itaguyod ang pagkakapantay-pantay, paggalang, at pagbibigay-halaga sa boses at karapatan ng bawat babae.

Sama-sama nating ipagdiwang ang lakas at galing ng kababaihan. 💜🦅

Pebrero 25 | 𝗜𝗞𝗔-𝟰𝟬 𝗔𝗡𝗜𝗕𝗘𝗥𝗦𝗔𝗥𝗬𝗢 𝗡𝗚 𝗘𝗗𝗦𝗔 𝗣𝗘𝗢𝗣𝗟𝗘 𝗣𝗢𝗪𝗘𝗥 𝗥𝗘𝗩𝗢𝗟𝗨𝗧𝗜𝗢𝗡

Ngayong ika-40 anibersaryo ng 𝐄𝐃𝐒𝐀 𝐏𝐞𝐨𝐩𝐥𝐞 𝐏𝐨𝐰𝐞𝐫 𝐑𝐞𝐯𝐨𝐥𝐮𝐭𝐢𝐨𝐧, ginugunita natin ang lakas ng pagkakaisa ng sambayanang Pilipino—isang makasaysayang tagumpay na nagpatunay na ang kapangyarihan ay tunay na nagmumula sa taumbayan. Ipinakita ng EDSA na sa tapang, paninindigan, at sama-samang pagkilos, kayang itaguyod ang demokrasya at ipaglaban ang kalayaan.

Nakikiisa ang 𝘼𝙇𝙋𝘼𝙎 sa pag-alala sa diwa ng EDSA—ang diwa ng pagkakaisa, katotohanan, at malasakit sa bayan. Nawa’y manatili sa ating puso ang aral ng kasaysayan at magsilbing gabay sa patuloy nating pagsulong tungo sa mas makatarungan at maunlad na lipunan. 🇵🇭

Disyembre 30 | 𝗔𝗥𝗔𝗪 𝗡𝗜 𝗝𝗢𝗦𝗘 𝗥𝗜𝗭𝗔𝗟

Ngayong Araw ni Rizal, ginugunita natin si 𝘿𝙧. 𝙅𝙤𝙨𝙚 𝙍𝙞𝙯𝙖𝙡 — huwaran ng talino, tapang, at wagas na pag-ibig sa bayan. Paalala niya na ang pagbabago ay nagsisimula sa bawat isa, sa malinaw na layunin, at sa pagtutulungan para sa ikabubuti ng lahat.

Nakikiisa ang 𝘼𝙇𝙋𝘼𝙎 sa pag-alala sa kanyang dakilang pamana. Nawa’y manatiling nagliliyab sa atin ang alab ng kanyang adhikain. Sa serbisyo, adbokasiya, at simpleng pagtulong sa kapwa, maging daan nawa tayo sa pag-unlad ng ating kapwa at ng buong bayan. 🇵🇭✨