Barangay San Roque - Angono Rizal

📢 PAALALA PO SA MGA RESIDENTE

Ipinapaalam po na kasalukuyang sira ang truck ni Mang Pat na ginagamit sa pangongolekta ng basura.

Kaya naman, sa lahat ng rutang sakop ni Mang Pat, mangyaring huwag muna ilabas ang inyong mga basura hanggang sa maayos ang truck at maipagpatuloy ang regular na pangongolekta.

Hinihiling po namin ang inyong pang-unawa at pakikiisa. Magbibigay po kami ng abiso kapag maaari nang ilabas muli ang mga basura. 🙏

Maraming salamat po sa inyong kooperasyon! ♻️

𝐔𝐏𝐃𝐀𝐓𝐄𝐃 𝐒𝐂𝐇𝐄𝐃𝐔𝐋𝐄 𝐏𝐀𝐑𝐀 𝐒𝐀 𝐏𝐇𝐈𝐋𝐇𝐄𝐀𝐋𝐓𝐇 𝐘𝐀𝐊𝐀𝐏 𝐒𝐀 𝐁𝐀𝐑𝐀𝐍𝐆𝐀𝐘 🩺❤️

Hatid ng Pamahalaang Bayan ng Angono ang serbisyong may puso para sa ating mga kababayang miyembro ng PhilHealth sa pamamagitan ng PhilHealth YAKAP sa Barangay.

Layunin ng programang ito na mailapit ang mga pangunahing serbisyong pangkalusugan sa komunidad upang mas marami ang mabigyan ng pagkakataong makatanggap ng atensyong medikal.

𝗞𝗮𝗯𝗶𝗹𝗮𝗻𝗴 𝘀𝗮 𝗺𝗴𝗮 𝘀𝗲𝗿𝗯𝗶𝘀𝘆𝗼𝗻𝗴 𝗺𝗮𝗮𝗮𝗿𝗶𝗻𝗴 𝗺𝗮𝗽𝗮𝗸𝗶𝗻𝗮𝗯𝗮𝗻𝗴𝗮𝗻:

✅ 𝗟𝗶𝗯𝗿𝗲𝗻𝗴 𝗞𝗼𝗻𝘀𝘂𝗹𝘁𝗮
✅ 𝗟𝗶𝗯𝗿𝗲𝗻𝗴 𝗟𝗮𝗯𝗼𝗿𝗮𝘁𝗼𝗿𝘆
✅ 𝗟𝗶𝗯𝗿𝗲𝗻𝗴 𝗚𝗮𝗺𝗼𝘁

𝗡𝗮𝗿𝗶𝘁𝗼 𝗮𝗻𝗴 𝗱𝗲𝘁𝗮𝗹𝘆𝗲 𝗻𝗴 𝘀𝗲𝗿𝗯𝗶𝘀𝘆𝗼:

📍 𝗕𝗮𝗿𝗮𝗻𝗴𝗮𝘆 𝗦𝗮𝗻 𝗥𝗼𝗾𝘂𝗲 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁
📅 𝗔𝗴𝗼𝘀𝘁𝗼 𝟐𝟗, 𝟮𝟬𝟮𝟲 (𝗦𝗮𝗯𝗮𝗱𝗼)
🕗 𝟴:𝟬𝟬 𝗔𝗠 – 𝟭𝟮:𝟬𝟬 𝗣𝗠

Paalala: Magdala ng photocopy ng birth certificate at photocopy ng valid ID.
Inaanyayahan ang lahat ng PhilHealth members na samantalahin ang programang ito at makiisa sa patuloy na pagsusulong ng mas malusog na pamayanan.

𝐒𝐞𝐫𝐛𝐢𝐬𝐲𝐨𝐧𝐠 𝐌𝐚𝐲 𝐏𝐮𝐬𝐨, 𝐊𝐚𝐥𝐮𝐬𝐮𝐠𝐚𝐧 𝐚𝐲 𝐒𝐢𝐠𝐮𝐫𝐚𝐝𝐨! ❤️

🤣🚨 BREAKING NEWS: LAST DAY NA NG SAN ROQUE FESTIVAL BAZAAR! 🚨🤣

Mga mhie, huling gabi na talaga! Kapag hindi ka pa pumunta tonight, wala ka nang ibang choice kundi manood ng stories ng mga pumunta at sabihing:
“AY SAYANG, DI AKO NAKAPUNTA.” 😭😂

Kaya bumangon ka na diyan! 🫵🤣
Wag mong hintayin na pati crush mo ang makitang nagba-bazaar tonight bago ka kumilos! 👀 HAHAHA!

🍔 Gutom? Punta na!
🛍️ Mahilig mag-shopping? G!
💸 Walang pera? Window shopping muna, bes! 😂
👯‍♀️ Bored? Punta dai
😩 May problema? Punta na kase!
🤡 Wala ka lang magawa? PERFECT! PUNTA!

LAST DAY NA, MGA BESHY! 😭🎪
Kain, ikot, bili, tawanan,sulitin na habang nandito pa! ❤️

📍 SAN ROQUE FESTIVAL BAZAAR
🌙 TONIGHT, LAST DAY!

TARA NA! BAKA PAGDATING MO, ANG MAABUTAN MO NA LANG AY ANG REGRET! 🤣🤣

MGA PARENTS MGA PEDIATRICIAN NA DOCTOR PO ANG KATUWANG NILA SA PAGBABAKUNA NG INYONG MGA ANAK SA DARATING NA LINGGO AUGUST 23, 2026 SA BLOOMINGDALE COURT PO. SANA PO AY MADALA NINYO ANG INYONG MGA ANAK SA PETSANG ITO. SALAMAT PO

📣 MGA MOMMY, DADDY AT CAREGIVERS:
BAKUNA DAY PARA SA MGA BATA! 💉

Ngayong Linggo, August 23, magkakaroon ng Measles–Rubella Supplemental Immunization Activity (MR-SIA) sa:

📍 Bloomingdale Covered Court, Bloomingdale Subd., Angono, Rizal
🕗 8:00 AM – 12:00 NN

Para sa mga batang edad 6–59 months old na eligible na mabakunahan sa MR-SIA.

May mga pediatricians mula sa CPSP Rizal na makakasama at nakaalalay sa ating mga anak sa bakunahan.

Ang tigdas (measles) at rubella (German measles) ay magkaibang sakit, ngunit parehong maaaring magdulot ng seryosong komplikasyon. Kaya huwag nating palampasin ang pagkakataong mabigyan ng dagdag na proteksyon ang ating mga anak.

Tara! Dalhin si baby o si bagets at pabakuna tayo!
Sama-sama nating protektahan ang bawat bata at ang buong komunidad.

In partnership with DOH, Angono LGU, PPS Cluster 5, and CPSP Rizal Chapter.

Bakuna para sa proteksyon. Kalinga para sa bawat bata. 💙

💙 TAOS-PUSONG PASASALAMAT | KAPISTAHAN NI SAN ROQUE 2026 🙏🎉

Lubos at taos-puso po ang aming pasasalamat sa mga minamahal naming sponsors na naging malaking bahagi ng matagumpay na pagdiriwang ng Kapistahan ni San Roque 2026. ❤️

Ang aming buong pasasalamat ay ipinapaabot kina:

✨Hon. Nina Ricci Ynares
✨Hon. Mia Ynares
✨Hon. Gerardo V. Calderon
✨Hon. Jeri Mae E. Calderon
✨ Kon. Carina Watanabe
✨ Kon. Edsel Reyes
✨ Kon. Bryan Cruz
✨ Mr. Angelito Chua
✨ Mr. Omar Lacanilao
✨ACDECO
✨R. FUENTES TRADING and Family
✨Josie Rivera
✨ JCS
✨ CHEMAG
✨ Helix Mining and Development Corporation

Maraming-maraming salamat po sa inyong bukas-palad na suporta, pagmamalasakit, at pagtulong upang maging mas masaya, makulay, at makabuluhan ang ating kapistahan. Ang inyong kabutihang-loob ay tunay na malaking ambag sa tagumpay ng bawat programa at aktibidad. 🙏💙

Lubos din ang aming pasasalamat sa lahat ng tumulong, nakiisa, naglaan ng oras, nag-volunteer, at naging bahagi ng pagdiriwang. Sa bawat kamay na tumulong at pusong nakiisa, nabuo ang isang kapistahang puno ng saya, pagkakaisa, at bayanihan. 🤝🎊

Ang taos-pusong pasasalamat na ito ay mula kay Kapitana Maila Ato Piñon at sa buong Sangguniang Barangay ng San Roque. 💙

Magkita-kita po tayong muli next year para sa mas masaya, mas makulay, at mas pasasayahing Kapistahan ni San Roque! 🎉🎆

VIVA SAN ROQUE! 🙏❤️
Pagpalain nawa tayong lahat ni San Roque at patuloy na pag-ibayuhin ang diwa ng pagkakaisa, bayanihan, at pagmamahal sa ating komunidad.

Maraming salamat po sa inyong lahat! Mabuhay ang Barangay San Roque! 💙🎊

HATAW SAN ROQUE: THE ULTIMATE DANCE SHOWDOWN 2026! 💃🔥🕺

Isang gabi ng talento, saya, energy, at pagkakaisa ang matagumpay na idinaos sa ating HATAW SAN ROQUE: The Ultimate Dance Showdown 2026! 🎶✨
Sa pangunguna ni Kapitana Maila Ato Piñon, katuwang si SK Chairman Althea Leatriz Arcilla, kasama ang buong Sangguniang Barangay at Sangguniang Kabataan ng San Roque, naging makulay at makabuluhang bahagi ng ating pagdiriwang ang pagtatanghal ng ating mga mahuhusay na dancers.

Hindi lamang ito isang paligsahan—ito ay isang pagkakataon upang maipakita ng ating mga kabataan ang kanilang galing, creativity, passion, at teamwork. Bawat grupo ay nagbigay ng kanilang buong husay at energy, kaya naman tunay na naging isang gabing puno ng saya, excitement, at unforgettable performances! 🔥👏

Taos-pusong pasasalamat sa lahat ng sumali, nag-perform, sumuporta, nanood, nag-organisa, at naging bahagi ng matagumpay na kaganapang ito. Saludo kami sa bawat dancer na buong tapang na ipinakita ang kanilang talento sa entablado! 🫶

Congratulations sa lahat ng winners at participants! 🏆🎉 Tandaan natin na sa HATAW SAN ROQUE, lahat ay panalo dahil bawat talento ay may kuwentong karapat-dapat ipagmalaki.

MULI, VIVA SAN ROQUE! 💙💙💙

🎊 MALIGAYANG KAPISTAHAN NI SAN ROQUE! 🎊

Sa araw na ito ng ating masayang pagdiriwang, buong pusong bumabati si Kapitana Maila Ato Piñon, kasama ang buong Sangguniang Barangay, sa bawat pamilyang San Roqueño! 💚✨

Nawa’y maging makulay, masaya, at puno ng biyaya ang ating kapistahan. Sama-sama nating ipagdiwang ang ating pananampalataya, tradisyon, pagkakaisa, at pagmamahalan bilang isang komunidad. 🙏🎉

Sa kabila ng mga hamon, patuloy tayong nagkakaisa, nagtutulungan, at nagsasaya bilang isang pamilyang San Roqueño. 💚

🌟 Viva San Roque!
🎉 Mabuhay ang Barangay San Roque!

🙏 Maligayang Kapistahan sa ating lahat!
— Kapitana Maila Ato Piñon at Sangguniang Barangay 💚

🎉 BINGO BONANZA 2026: Saya, Swerte at Tawanan! 🎉

Isa na namang masayang programa ang matagumpay na naisagawa bilang bahagi ng pagdiriwang ng Kapistahan ni San Roque, sa pangunguna ni Kapitana Maila Ato Piñon, kasama ang buong Sangguniang Barangay, SK Chairperson Althea Leatriz Arcilla at ang buong Sangguniang Kabataan. 💚

Tunay ngang naging puno ng saya, excitement at tawanan ang ating Bingo Bonanza! Marami sa ating mga kabarangay ang umuwi na may dalang masasayang alaala, at siyempre, may mga umuwi rin na may dalang premyo! 🎁💰🤣

Sa mga nanalo, congratulations! 🎊 At sa mga hindi pinalad ngayong taon, huwag malungkot! Better luck next year! Malay mo, sa susunod na Bingo Bonanza, ikaw naman ang mapasigaw ng “BINGO!” at umuwi na may malaking ngiti at premyo! 🤣🍀

Higit sa mga premyo, ang tunay na panalo ay ang pagkakaisa, pakikilahok at sama-samang kasiyahan ng ating komunidad. ❤️

Taos-puso rin ang aming pasasalamat sa lahat ng sponsors, donors, volunteers, barangay workers, SK, at sa bawat taong nagbigay ng oras, suporta at tulong upang maisakatuparan ang ating BINGO BONANZA. Hindi magiging matagumpay ang programang ito kung wala ang inyong malasakit at pakikiisa. 🙏❤️

Mabuhay ang Barangay San Roque!
Mabuhay ang ating mga kabarangay!
At higit sa lahat, Mabuhay si San Roque! 🙏💚

🎉 BINGO BONANZA 2026 — Sama-sama sa Saya, Sama-sama sa Kapistahan! 🎉

🏃‍♀️ PALARONG LAHI 2026: Saya, Laro, at Pagkakaisa! 🎉

Matagumpay na naisagawa ang PALARONG LAHI na pinangunahan ni Kapitana Maila Piñon, kasama ang Sangguniang Barangay, katuwang ang Sangguniang Kabataan sa pamumuno ni SK Chairman Althea Leatriz Arcilla, at ang ating masisipag na Barangay Scholars na tumulong at nag-assist sa buong programa. ❤️

Tunay na naging makulay at masaya ang araw dahil sa aktibong pakikiisa ng ating mga kabataan na buong siglang sumali sa iba’t ibang tradisyunal at nakakaaliw na palaro. Mula sa tawanan at sigawan hanggang sa masiglang kompetisyon, kitang-kita ang kanilang sportsmanship, camaraderie, at pagkakaisa. 🥳🏆

Hindi lamang ito tungkol sa pagkapanalo, kundi higit sa lahat ay tungkol sa pagbuo ng pagkakaibigan, pagpapahalaga sa ating kulturang Pilipino, at pagbibigay ng pagkakataon sa kabataan na magsaya, makilahok, at magkaroon ng masasayang alaala kasama ang kanilang kapwa kabataan.💙

Malaking pasasalamat din sa ating Barangay Scholars na buong puso at sipag na naglaan ng oras upang tumulong sa paghahanda, pag-aasikaso at pagmomonitor sa mga palaro. Ang inyong suporta ay malaking bahagi ng tagumpay ng programa. 👏❤️

Maraming salamat sa lahat ng kabataang nakiisa, sa mga magulang at tagasuporta, sa mga volunteers, at sa lahat ng naging bahagi upang maging matagumpay ang ating Palarong Lahi 2026!

Sa San Roque, bawat laro ay nagiging daan para sa pagkakaibigan, pagkakaisa, at mas masayang komunidad! 🇵🇭🎉