Angat Rural Health Unit & Lying-In Clinic

𝗠𝗔𝗚𝗡𝗔 𝗖𝗔𝗥𝗧𝗔 𝗢𝗙 𝗕𝗛𝗪𝘀, 𝗣𝗔𝗦𝗔𝗗𝗢 𝗡𝗔 𝗦𝗔 𝟯𝗥𝗗 𝗥𝗘𝗔𝗗𝗜𝗡𝗚!

Aprubado na sa Senado, sa third and final reading, ang panukalang 𝗠𝗮𝗴𝗻𝗮 𝗖𝗮𝗿𝘁𝗮 𝗼𝗳 𝗕𝗮𝗿𝗮𝗻𝗴𝗮𝘆 𝗛𝗲𝗮𝗹𝘁𝗵 𝗪𝗼𝗿𝗸𝗲𝗿𝘀 (𝗕𝗛𝗪𝘀)!

Matagal nang nagsisilbing unang takbuhan ng mga pamilyang Pilipino ang ating mga BHW, lalo na sa mga komunidad na kulang ang serbisyong pangkalusugan. Ngunit sa kabila ng napakahalaga nilang papel, marami pa rin sa kanila ang tumatanggap ng maliit na honorarium at kulang na suporta mula sa pamahalaan.

Layunin ng panukala na mapabuti ang kalagayan ng mga barangay health worker sa pamamagitan ng pagbibigay sa kanila ng mga incentive at benepisyo sa pagtutulungan ng mga lokal na pamahalaan at ng pambansang pamahalaan.

Sa ilalim ng panukala, ang mga volunteer BHW ay tatanggap ng 𝗯𝘂𝘄𝗮𝗻𝗮𝗻𝗴 𝗵𝗼𝗻𝗼𝗿𝗮𝗿𝗶𝘂𝗺 𝗻𝗮 𝗵𝗶𝗻𝗱𝗶 𝗯𝗮𝗯𝗮𝗯𝗮 𝘀𝗮 ₱𝟯,𝟬𝟬𝟬, 𝗯𝘂𝗸𝗼𝗱 𝗽𝗮 𝘀𝗮 𝘁𝗿𝗮𝗻𝘀𝗽𝗼𝗿𝘁𝗮𝘁𝗶𝗼𝗻, 𝘀𝘂𝗯𝘀𝗶𝘀𝘁𝗲𝗻𝗰𝗲, 𝗮𝘁 𝗵𝗮𝘇𝗮𝗿𝗱 𝗮𝗹𝗹𝗼𝘄𝗮𝗻𝗰𝗲𝘀, 𝗰𝗮𝘀𝗵 𝗴𝗶𝗳𝘁, 𝗮𝘁 𝗹𝗼𝘆𝗮𝗹𝘁𝘆 𝗶𝗻𝗰𝗲𝗻𝘁𝗶𝘃𝗲 mula sa lungsod o munisipalidad na kanilang pinaglilingkuran.

Inaatasan din ang Department of Health (DOH), Department of the Interior and Local Government (DILG), at Department of Budget and Management (DBM) na repasuhin at i-adjust ang mga benepisyo ng mga volunteer BHW kada tatlong taon.

Bukod dito, ang DBM, kasama ang Civil Service Commission (CSC), DOH, at mga LGU, ay magtatakda ng position classification at kaukulang salary grades para sa mga BHW upang 𝘂𝗻𝘁𝗶-𝘂𝗻𝘁𝗶 𝘀𝗶𝗹𝗮𝗻𝗴 𝗺𝗮𝗶𝗹𝗶𝗽𝗮𝘁 𝗺𝘂𝗹𝗮 𝘀𝗮 𝗵𝗼𝗻𝗼𝗿𝗮𝗿𝗶𝘂𝗺 𝘁𝘂𝗻𝗴𝗼 𝘀𝗮 𝗿𝗲𝗴𝘂𝗹𝗮𝗿 𝗻𝗮 𝘀𝗮𝗵𝗼𝗱, bilang pagkilala sa mahalagang papel nila sa paghahatid ng primary healthcare services.

Inaatasan din ng panukala na mabigyan ang mga BHW ng 𝗶𝗻𝘀𝘂𝗿𝗮𝗻𝗰𝗲 𝗰𝗼𝘃𝗲𝗿𝗮𝗴𝗲, 𝗹𝗶𝗯𝗿𝗲𝗻𝗴 𝗹𝗲𝗴𝗮𝗹 𝗮𝘀𝘀𝗶𝘀𝘁𝗮𝗻𝗰𝗲, 𝗮𝘁 𝗺𝗮𝘀 𝗺𝗮𝗿𝗮𝗺𝗶𝗻𝗴 𝗼𝗽𝗼𝗿𝘁𝘂𝗻𝗶𝗱𝗮𝗱 𝗽𝗮𝗿𝗮 𝘀𝗮 𝗲𝗱𝘂𝗸𝗮𝘀𝘆𝗼𝗻, 𝗰𝗮𝗿𝗲𝗲𝗿 𝗮𝗱𝘃𝗮𝗻𝗰𝗲𝗺𝗲𝗻𝘁, 𝗮𝘁 𝘀𝗸𝗶𝗹𝗹𝘀 𝗱𝗲𝘃𝗲𝗹𝗼𝗽𝗺𝗲𝗻𝘁.

👶💚 Ang batang bakunado, protektado!

Ang bakuna ay nagsisilbing panangga ng ating mga anak laban sa mga sakit na maaaring magdulot ng malubhang komplikasyon, pagkakaospital, kapansanan, o pagkamatay.

Patuloy na kumakalat ang Tigdas at Tigdas-Hangin o Rubella, lalo na sa mga komunidad na maraming batang hindi pa nababakunahan.

📍 Dalhin ang lahat ng batang edad 6 hanggang 59 buwan sa pinakamalapit na health center o pansamantalang vaccination site sa inyong lugar.

Kumpletuhin ang bakuna sa tamang panahon. Protektahan natin ang bawat bata laban sa mga sakit na kayang iwasan.

Measles-Rubella Supplemental Immunization Activity ( 6-59mos) 2026
💙Protektahan ang bawat bata laban sa tigdas at rubella! Narito na ang libreng bakuna para sa ating mga chikiting sa Barangay Pulong Yantok, Angat, Bulacan.

📅 Iskedyul ng Bakunahan:
✅August 10, 2026 (Monday): Launching @ Day Care 1 (Under Teacher Anna)

✅August 11, 2026 (Tuesday): NIP / Day Care 2 (Under Teacher Grace)

✅August 12, 2026 (Wednesday): BHS P.Y. (Purok 1 & Purok 2)

✅August 17, 2026 (Monday): Purok 6 & Purok 7 (Romero Residence)

✅August 18, 2026 (Tuesday): BHS P.Y. (Purok 3 & Other Purok 2)

✅August 19, 2026 (Wednesday): Purok 4 (Rossan Residence)

✅August 20, 2026 (Thursday):
Purok 5 (Catahan Residence)

✅August 24, 2026 (Monday): BHS P.Y. (All Purok)

Healthy Angat, Healthy Pamilya, Healthy Bayan!"

Ihanda ang mga bata at makiisa sa ating libreng bakunahan. Magpabakuna na para sa ligtas at sigurado kinabukasan! 🛡️👶