children help network

नेपालमा स्तनपानसम्बन्धी जनचेतनाको अभावमा थुप्रै बालबालिका स्तनपानबाट वञ्चित भएको स्वास्थ्य सेवा विभागले जनाएको छ । ‘विश्व स्तनपान सप्ताह’ का अवसरमा गत महिना स्वास्थ्य सेवा विभागद्वारा आयोजित सांसदहरूसँगको अन्तरक्रिया कार्यक्रममा उक्त कुरा बताइएको हो । विश्व स्वास्थ्य संगठनको एक तथ्यांकअनुसार स्तनपान नगराइएका कारण हाल विश्वमा ३ सय खर्ब रुपैयाँ आमाको दूधलाई प्रतिस्थापन गर्ने तत्वमा खर्च भैरहेको छ जसमध्ये सन् २०१४ मा यो खर्च ४५ खर्ब रहेकोमा सन् २०१९ सम्ममा उक्त संख्या बढेर ७२ अर्ब पुग्नसक्ने विश्व स्वास्थ्य संगठनको अनुमान छ । नेपालमा कुपोषणकै कारण ६ देखि २३ महिनाका करिब ६८ दशमलव ७ बालबालिकामा रक्तअल्पता देखिएको तथा प्रत्येक ४ मध्ये एक मोटोपनको शिकार हुने अनि दुई तिहाई बालबालिकामा कुपोषण भएको बताइन्छ । विश्व स्तनपान सप्ताह गत साउन १७ गतेदेखि २३ गतेसम्म ‘सबै मिली स्तनपानलाई दिगो बनाआंै’ भन्ने नाराका साथ देशका ७५ वटै जिल्लामा सञ्चालन गरिएको थियो । साभार : Kantipur नारी

nepaliblog2017.wordpress.com नेपालमा स्तनपानसम्बन्धी जनचेतनाको अभावमा थुप्रै बालबालिका स्तनपानबाट वञ्चित भएको स्वास्थ्य सेवा विभागले जनाए...

जोर्नीको पीडाका थुप्रै कारण हुन्छन् । जस्तै–बोन फ्लुइड (हड्डी द्रव) वा मेम्ब्रेनमा परिवर्तन आउनु, चोट लाग्नु वा भित्री रोग उत्पन्न हुनु, हड्डीको क्यान्सर, आर्थराइटिस, मोटोपन, ब्लड क्यान्सर, बढ्दो उमेरसँगै जोर्नीको बीचको कार्टिलेज कुसनलाई लचिलो र चिल्लो राख्ने लुब्रिकेन्टको कमी हुनु, लिगामेन्ट्सको लम्बाइ र लचिलोपनमा कमी आदि । जोर्नी स्वस्थ राख्ने उपाय : जोर्नीको पीडा विशेष गरी आर्थराइटिसको कुनै उपचार छैन तर केही उपाय छन्, जसलाई अपनाएर यो समस्याबाट जोगिन वा त्यसलाई कम गर्न सकिन्छ । - आर्थराइटिसका कारण जोर्नीमा भएको कार्टिलेजलाई हानि पुग्छ । यो ७० प्रतिशत पानीले बनेको हुन्छ । त्यसैले प्रशस्त मात्रामा पानी पिउनुर्छ । - दूध तथा दूधबाट बनेका परिकार, ब्रोकाउली, सालमन, पालुंगो, राजमा, बदाम, तोफु आदि क्याल्सियमयुक्त खाद्यपदार्थ प्रशस्त मात्रामा सेवन गर्नुपर्छ । - भिटामिन सी र डी जोर्नीका लागि अत्यन्त लाभदायक हुन्छन् । त्यसैले स्ट्रबेरी, सुन्तला, किबी, ब्रोकाउली, काउली, बन्दा, दूध, दही, माछा आदि पर्याप्त मात्रामा खानुपर्छ । - केही समय घाममा पनि बस्नुपर्छ । यसबाट भिटामिन डी प्राप्त हुन्छ । शारीरिक तौल नियन्त्रणमा राख्नुपर्छ । तौल बढी हुँदा जोर्नीमा दबाब पर्छ । - नियमित व्यायाम गर्नुपर्छ तर जोर्नीमा दबाब पर्ने काम भने कम गर्नुपर्छ । - धूम्रपान एवं मद्यपानबाट जोगिनुपर्छ । - फलफूल तथा तरकारीको सेवन बढी मात्रामा गर्नुपर्छ । - अदुवा तथा बेसार सेवन गर्नुपर्छ । यसले जोर्नी सुन्निन दिँदैन । - नुन, चिनी, अल्कोहल, क्याफिन, तेल तथा रातो मासु आदिको सेवन कम गर्नुपर्छ । - पैदल यात्रा, जगिङ, नृत्य, जिम, सिँढी चढ्ने–ओर्लने तथा हल्काफुल्का व्यायामले हड्डीलाई मजबुत राख्छ । जाडो मौसममा विशेष ध्यान जाडो मौसममा जोर्नीको पीडाले सताउँछ । कारण यो मौसममा प्राय: मानिस बढी आराम गर्छन् । यसबाट शारीरिक सक्रियता कम हुन्छ । दिन छोटा र रात लामा हुनाले जीवनशैली परिवर्तन हुन्छ । यतिबेला खानपानको बानीसमेत परिवर्तन हुन्छ भने व्यायाम कम गरिन्छ । फलत: जोर्नी दुख्ने समस्या अझ बढ्छ । - नियमित व्यायाम गर्नुपर्छ । शारीरिक रूपमा सक्रिय रहनुपर्छ । - बाहिरी तापमान निकै कम हँुदा बाहिर घुमफिर गर्ने गतिविधि कम गर्नुपर्छ । - शरीरलाई न्यानो राख्नुपर्छ र प्रतिदिन ८–१० गिलास पानी पिउनुपर्छ । - चिसोबाट जोगिनुपर्छ । पीडा हुने ठाउँलाई न्यानो राख्नुपर्छ । - चिसोको साटो ताता खानेकुरा खानुपर्छ । लसुन, प्याज, सालमन, माछा, बदाम, काजु आदि केही बढी सेवन गर्नुपर्छ । - चोकरयुक्त आटाको रोटी तथा मुगको दाल सेवन गर्नुपर्छ । हरियो सागपातका साथै लौका, घिरौला, काउली, बन्दा, गाजर आदिको सेवन पनि फाइदाजनक हुन्छ । साभार:kantipur नारी

जाडोमा जोर्नीको पीडा   जोर्नीको पीडाका थुप्रै कारण हुन्छन् । जस्तै–बोन फ्लुइड (हड्डी द्रव) वा मेम्ब्रेनमा परिवर्तन आउनु, चोट लाग्नु वा ?...

अब नयाँ सरकार कसरी अगाडी बढ्नु पर्ला ?

अब नयाँ सरकार कसरी अगाडी बढ्नु पर्ला ? Visit the post for more.

चरम गरिबी, अभाव र पछौटेपनको पर्यायजस्तै बनेको कर्णाली उस्तै छ कि फेरिँदैछ त ?

चरम गरिबी, अभाव र पछौटेपनको पर्यायजस्तै बनेको कर्णाली उस्तै छ कि फेरिँदैछ त ? Visit the post for more.

लोकतन्त्र झन्डा र नारा होइन, पद्धति निर्माणको एउटा विकल्परहित मार्ग हो । यो सिद्धान्त हो, निष्ठा हो र राजनीतिक मान्यता पनि हो । लोकतन्त्रको बाटोमा हिंड्नु अत्यन्त कठिन विषय हो, तर लोकतन्त्रको विकल्पमा अरू कुनै विकल्प शाश्वत छैनन । यो मान्यता स्थापित भैसकेको छ । जनताले आफ्नो शासन आफैं गर्ने हो । जनताको यो नैसर्गिक अधिकारलाई कसैले चुनौती दिन सक्दैन । संसारका धेरै देशमा लोकतन्त्र अकाट्य रूपले असल शासन–व्यवस्थाका रूपमा स्थापित भएको छ । यो हामीले चाहेअनुसार असल नहोला, खराब व्यवस्थामध्ये यो सर्वाधिक सफल व्यवस्था हो । अहिले संसारका कतिपय एकाधिकारवादी मुलुकहरू बिस्तारै लोकतान्त्रिक मार्गमा आइरहेका छन् । चीनजस्तो कठोर साम्यवादी देश अहिले उदार अर्थनीतिको सक्रिय प्रयोक्ता भैरहेको छ, तर संसारका कतिपय देशमा हिंसा र वामपन्थी प्रयोगको आकर्षण अहिले पनि त्यत्तिकै जीवित रहेको छ जति चे ग्वेवाराको जमानामा थियो । नेपालले सात दशक लामो विविध राजनीतिक प्रयोगपछि अहिले आएर संघीय लोकतान्त्रिक गणतन्त्रलाई शासकीय पद्धतिका रूपमा स्वीकार गरेको छ । संविधानसभाको पहिलो निर्वाचनदेखि दोस्रो निर्वाचनसम्मको लामो प्रयासपछि देशले संविधान पाएको छ । त्यो संविधानअन्तर्गत अहिले स्थानीय तह, प्रदेश र केन्द्रीय संसद्का लागि पहिलो किस्ताको आवधिक चुनाव भैरहेको छ । पाँच वर्षपछि पनि यो चुनाव नियमित हुन सक्यो भने संघीय लोकतान्त्रिक शासन–व्यवस्थाले जरो हालेको मान्न सकिन्छ । हामीले यो अभ्यासलाई निरन्तर राख्न सकेनौं भने अराजकताको जंगलभित्र हामी हराउनेछौं । यसमा कुनै सन्देह छैन । अहिलेको चुनावको शैली अलिकति अप्ठेरो हिसाबमा देखिएको छ । दुई ठूला भनिने कम्युनिस्ट पार्टी एमाले र माओवादी चुनावी गठबन्धनमा छन् । संविधानसभाको चुनावमा मैत्रीपूर्ण हिसाबले चुनाव लडेका कांग्रेस र एमाले अहिलेको चुनावमा एक–अर्काप्रति हदैसम्मको शत्रुतापूर्ण व्यवहार प्रदर्शित गरिरहेका छन् । साँच्चै भन्ने हो अहिले चुनावको वातावरण त्यति स्वस्थ देखिएको छैन । वामपन्थी पार्टी र विप्लवका नाममा दिनहुँजसो भैरहेका हिंसात्मक गतिविधिले जनमानसलाई त्रस्त बनाउन खोजे पनि जनता डराएका छैनन् । अहिले मतदान प्रक्रियामा हिंसाले होइन, मौसमले साथ नदिएकाले मतदानको प्रतिशत घटेको हो । नेपाली जनताले हिंसा धेरै भोगिसकेका छन् । अब उनीहरू कुनै पनि हालतमा हिंसाको त्यो बाटो हिंड्न तयार छैनन् । पार्टी जतिसुकै ठूलो भए पनि उसले हिंसात्मक आशय राखेको छ भने जनताले त्यसलाई वहिष्कार गर्छन् । हिंसाले देशलाई जर्जर बनाएका बेला कुनाकाप्चा, कन्दरा, गाउँ–बेसी, सहर–बजार पुगेर जनताको आवाज र आँसु प्रभावशाली सञ्चारमाध्यम टेलिभिजनद्वारा प्रसारित गर्ने एक सञ्चारकर्मीका हैसियतले मलाई देश र जनताका आवश्यकताको केही न केही अनुभव छ । नेपाली जनतालाई काम गरेर खान पाउने स्वतन्त्र र शान्तिपूर्ण वातावरण चाहिएको छ । उसलाई देशले दिने अवसरमा समानता चाहिएको छ । जात–जाति, थर, गोत्र र आफन्तबाट पर रहेर देशका सबै जनतालाई आफन्त सोच्ने दूरदर्शी नेतृत्व चाहिएको छ । यति भए पुग्छ, तर के यो अवस्था आउला त ? अहिले लोकतान्त्रिक र वामपन्थी गठबन्धनको प्रचार शैली र विषम सम्बन्ध हेर्दा जनताका आशा–अभिलाषा पूरा हुन अझै केही चुनाव पर्खिनुपर्ला । लोकतान्त्रिक गठबन्धन सरकारमा रहेकाले उसमाथि आरोपको वर्षा हुनु त स्वाभाविक नै हो, तर त्योभन्दा ठूलो आरोप वामपन्थीहरूलाई लागेको छ । माओवादी केन्द्र सरकारको सहयोगी हुँदाका मन्त्रीहरू अहिले पनि सरकारमा छन् । ती बेइज्जतीपूर्वक बिनाविभागीय मन्त्री बनेर बसेका छन् । प्रधानमन्त्रीसँग असहमत हुने मन्त्रीले मन्त्रिपरिषद्बाट राजीनामा दिनुपर्ने संसदीय व्यवहारको मखौल उडाइएको छ । नेताहरूको अहंकारले पद्धति नै खतरामा परेको छ । वामपन्थी गठबन्धनले अहिले जुन प्रकारको व्यवहार देखाएको छ त्यसका आधारमा भन्दा यो देशमा स्वतन्त्रताका राजनीतिक आधार कतिसम्म टिकाउ हुन्छन् ? भन्न सकिन्न । यसबाहेक ‘मुलुकमा ७० वर्षसम्म केही भएन, अब हामी गर्छौं’ को नारा लिएर विभिन्न सहरी समूह राजनीतिमा समाहित भएका छन् । यिनीहरूले लगाउने नारा प्राय: भावनात्मक छन् । वामपन्थीहरूको ‘राष्ट्रवादी’ नारा र यी कथित वैकल्पिक राष्ट्रवादीहरूको नारा एउटै छ । यिनीहरूले आफ्नो तीर लोकतन्त्र र स्वतन्त्रताका विरुद्ध ताकेका छन् । नेपाल देश र नेपाली जनताले कहिल्यै परतन्त्र र दासत्व भोगेनन् । अहिले पनि स्थिति त्यही हो । लोकतन्त्र र अभिव्यक्ति स्वतन्त्रता अक्षुण्ण र सार्थक छन् । साभार kantipur saptahik

चुनावबाट जनताका अपेक्षा लोकतन्त्र झन्डा र नारा होइन, पद्धति निर्माणको एउटा विकल्परहित मार्ग हो । यो सिद्धान्त हो, निष्ठा हो र राजनीतिक मान...

दैनिक करोडौँ मानिसले हेर्ने अर्ब भन्दा धेरै प्रयोगकर्ता भएको भिडियो स्ट्रिमिङ्ग साइट युट्युब गुगलका लागि मात्र होइन, दुनियाँमा धेरै मानिसहरुका लागि मोटो रकम कमाउने माध्यम बनेको छ । यो वर्ष सन् २०१७ मा युट्युबबाट सबैभन्दा धेरै आर्जन गर्ने सेलिब्रेटीहरु यी हुन्ः १. डानियल मिडल्टन (DanTDM): बेलायती मिनिक्राफ्ट प्लेयर डानियलले यो वर्ष युट्युबबाट १ करोड ६५ लाख अमेरिकी डलर आर्जन गरेका छन् । सन् २०१२ मा उनको युट्युब च्यानल लञ्च भएयता उनको च्यानलमा ११ अर्ब भ्यूज पुगिसकेको छ । २. इभान फोंग (VanossGaming): फोंगले यो वर्ष युट्युब च्यानलमार्फत १ करोड ५५ लाख डलर कमाई गरेका छन् । उनी आफ्नो युट्युब च्यानलमा अत्यधिक लोकप्रिय गेमहरु जस्तै ग्राण्ड थेप्ट अटो तथा कल अफ ड्युटी जस्ता गेमहरु प्रस्तुत गरी कमाई गर्दछन् । ३.Dude Perfect: ५ जना साथीहरु र उनीहरुको पाण्डा भेषको अर्को साथीले विभिन्न स्टन्ट तथा मुर्ख ट्रिक देखाउने यो च्यानलबाट यो वर्ष १ करोड ४० लाख डलर कमाई गरेका छन् । ४. मार्क फिसबाच (Markiplier): यी गेमरको युट्युब च्यानलमा १ करोड ९० लाख सब्सक्राइबर छन् । उनले यस वर्ष युट्युब च्यानलमार्फत १ करोड २५ लाख आर्जन गरिसकेका छन् । ५. लोगान पाउल: यी भिडियो ब्लगरले यस वर्ष युट्युबबाटै १ करोड २५ लाख डलर कमाई गरेका छन् । ६. फेलिक्स जेलबर्ग (PewDiePie): यी युट्युब गेमर्सले यस वर्ष युट्युबबाट १ करोड २० लाख कमाई गरेका छन् । ७. ज्याक पाउल: यी भिडियो ब्लगरले यस वर्ष १ करोड १५ लाख डलर आर्जन गरेका छन् युट्युबबाटै । यी पूर्व डिज्ने च्यानल स्टारसँग अहिले आफ्नो आफ्नै डिजिटल ट्यालेन्ट म्यानेजमेन्ट कम्पनी पनि छ । ८.स्मोश: एन्थोनी प्याडिल्ला र इयान हेकोक्सको यो व्यंग्यात्मक युट्युब च्यानलले यस वर्ष १ करोड १० लाख डलर कमाई गरेको छ । ९. रायन टोयज रिभ्यू: प्राथमिक विद्यालयमा पढ्ने रायन नामका बालकको यो युट्युब च्यानलले यस वर्ष १ करोड १० लाख कमाई गरेको छ । यिनले आफ्नो युट्युब च्यानलमा बच्चाका खेलौनाको बारेमा विश्लेषण गर्ने गर्दछन् । १०. लिली सिंह: यी व्यंग्यकारले गत वर्ष युट्युबबाट १ करोड ५ लाख डलर आर्जन गरेकी छिन् । फोब्र्स म्यागेजिनबाट

nepaliblog2017.wordpress.com   दैनिक करोडौँ मानिसले हेर्ने अर्ब भन्दा धेरै प्रयोगकर्ता भएको भिडियो स्ट्रिमिङ्ग साइट युट्युब गुगलका लागि मात्...

पृथ्वीमा एक वर्षमा ३ सय ६५ दिन अर्थात् ८७६० घण्टा हुन्छ । हालै एक खगोलिय दूरवीन केप्लर टेलिस्कोपले एउटा यस्तो ग्रह पत्ता लगाएको छ जसमा सात घण्टामै एक वर्ष सकिन्छ । यो ग्रहमा समय यति छिटो बितिरहेको हुन्छ की पृथ्वीमा एक वर्ष हुँदा त्यहाँ १२ सय ५१ वर्ष बितिसकेको हुन्छ । यो ग्रहलाई अन्तरिक्षको सबैभन्दा तिव्र गतिको ग्रह भनिन्छ । यो ग्रहले ६.७ घण्टामा सूर्यलाई परिक्रमा गर्दछ । यो ग्रहको नाम EPIC 246393474 b राखिएको छ । यस्तो अर्को नाम सी १२३४७४ हो । यो नयाँ ग्रह पृथ्वीको नजिक रहेको र पृथ्वीभन्दा झण्डै ५ गुणा ठूलो आकारको रहेको बताइएको छ । यो ग्रहमा ७० प्रतिशत फलाम रहेको सम्भावना छ । उच्च विकीरणका कारण यो ग्रह मानव बसोबासका लागि योग्य छैन । यो ग्रहमा झण्डै ७ घण्टाको एक वर्ष हुने भएपछि एक दिन चाहीँ ठ्याक्क कति समयको हुन्छ भन्ने चाहीँ गणना गरिएको छैन । हाल वैज्ञानिकहरुले यसमाथि थप अनुसन्ध्ान गरिरहेका छन् । यो ग्रह पृथ्वी र चन्द्रमाको दूरी भन्दा झण्डै ३ गुणामात्र टाढा रहेको बताइन्छ । स्पुतनिक डटकम बाट

यस्तो ग्रह, जहाँ ७ घण्टाको एक वर्ष हुन्छ पृथ्वीमा एक वर्षमा ३ सय ६५ दिन अर्थात् ८७६० घण्टा हुन्छ । हालै एक खगोलिय दूरवीन केप्लर टेलिस्कोपले एउटा यस्तो ग्र?...

मेरो विवाह भएको पाँच वर्ष भयो । हाम्रो १७ महिने एउटा छोरा छ । म हाल वैदेशिक रोजगारीको सिलसिलामा साउदी अरबमा छु । बिदामा घर-आउने जाने भइरहेको हुन्छ । हाम्रो वैवाहिक जीवनमा अरु कुनै समस्या छैन । तर, एउटा समस्या छ । म अरु स्त्रीसँग लसपस गर्छु कि भनेर मेरी पत्नी धेरै शंका गर्छिन । कतिसम्म भने नयाँ-नयाँ नम्बर लिएर, फेसबुकमा फेक आईडी बनाएर मेरो जासुसी गर्छिन् । विवाहअघि जे जस्तो भए पनि, विवाहपछि कुनै परस्त्रीसँग मैले शारीरिक-मानसिक सम्बन्ध राखेको छैन । महिला मित्रचाहीँ बाल्यकाल देखिका छन्, २/३ जना । उनीहरुसँग कहिलेकाहीँ सामाजिक सञ्जालमा कुराकानी हुन्छ । म आफ्नो वैवाहिक जीवन सुखी र खुशी बनाउन हरदम प्रयास गरिरहेको हुन्छु । तैपनि सधैं उनको शंका गर्ने बानीले हैरान परेको छ । अरु कुनै कारणले हाम्रो झगडा हुँदैन । बस, शंकाले सधैं झगडाको बीउ रोप्छ । उनको चाहनाअनुरुप मैले आफ्ना सबै महिला मित्रहरुसँग दूरी बनाएको छु । तैपनि उनको शंका गर्ने बानी हटाउन सकिएन । कृपया उनको शंका गर्ने बानीलाई कसरी ठीक पार्ने होला ? एस... मानिसमा सामान्यतया दुई वटा कारणले शंका गर्ने बानीको विकास हुन्छ । पहिलो, आफ्नो मान्छेलाई धेरै माया गर्दा त्यो मानिसबिनाको जीव्ान कल्पना गर्न सकिँदैन । ‘यो मानिसबिना मेरो जीवन समस्यामा पर्छ’ भनेर कसैको मनमा गम्भीरतापूर्वक कल्पना गर्ने बानी पर्‍यो भने उसका बारेमा बढी सोधीखोजी शुरु हुन्छ । यो शंकाभन्दा बढी मायाको संकेत हो । माया नै भए पनि यस्तो खालको मायाले जीवनमा समस्या निम्त्याउने गर्छ । यसका लागि भिन्न किसिमको व्यवहार गर्नुपर्ने हुन्छ । अर्को शंका वास्तविकतासँग धेरै नजिक हुन्छ । यसअघि कुनै व्यक्तिले पटक-पटक एकै खालको गलत काम गरेपछि त्यो मानिस शंकाको घेरामा आउँछ । फलस्वरुप उसले गल्ती नगर्दा पनि उसले शंकाको घेरामा पर्नुपर्ने बाध्यता सिर्जना हुन्छ । तपाईंको प्रश्न केही अपूरो भए पनि तपाईंका कुराले ती दुवैतर्फ संकेत गर्छ । यही कारण मैले यहाँ दुवै किसिमका लक्षणलाई समाधान गर्ने प्रयास गरेकी छु । प्रेमका कारण उब्जने शंका प्रेम अन्धो हुन्छ । प्रेमले मानिसलाई केही स्वार्थी बनाउँछ । आफूले प्रेम गरेको मानिसले अरु कसैसँग सम्बन्ध नबढाओस्, मेरैअघि मात्र बसिदेओस्, जीवनभर मेरै लागि काम गरोस् र मेरैबारेमा सोचिदेओस् भन्ने सोच्छ । यस्ता व्यक्तिहरुलाई कसैले ‘तिमी गलत गरिरहेकी छौ’ भनेर सम्झाउन खोज्यो भने उनीहरु यसलाई गलत मान्न तयार हुँदैनन् । उनीहरु यसलाई प्रेम ठान्छन् र ‘मैले हाम्रो भलाइका लागि यी काम गरिरहेको’ भन्ने ठान्छन् । यस्ता व्यक्तिहरुलाई ‘प्रेममा स्वार्थ हुनुहुँदैन, प्रेमले एक-अर्कालाई बाँध्ने होइन, स्वतन्त्रतामा रमाउनु दिनुपर्छ’ भन्ने कुरा थाहा हुँदैन । अपरिपक्व प्रेममा यस्ता समस्या आउने गर्छन् । तर, यस्ता मानिसलाई ‘समाजमा सबैसँग घुलमिल गर्नु हाम्रो बाध्यता भए पनि म तिमीसँगै प्रेम गर्छु र बाहिर जति मानिससँग संगत गरिरहेको छु, त्यो हाम्रो भविष्यकै लागि हो’ भन्ने बुझाउनुपर्छ । यस्ता व्यक्तिहरुलाई सम्झाएर मात्र पनि पुग्दैन । उनीहरुलाई ती कुराहरुको प्रमाण पनि चाहिन्छ । यसका लागि केही घटनाबाट बुझाउनुपर्छ । यसका लागि महिलालाई सम्झाउन माइती पक्षका सम्बन्धहरुलाई उदाहरण दिएर कुरा बुझाउन सकिन्छ भने पुरुषहरुलाई सम्झाउन उसका निकट मित्रहरुसँगको सम्बन्ध कति महत्वपूर्ण छ भनेर बुझाउनुपर्ने हुन्छ । विस्तारै प्रेमको ज्वरो पनि कम भएपछि यस्ता अनावश्यक शंका आफैं हटेर जान्छन् । गल्तीका कारण उब्जने शंका कुनै व्यक्तिले एकै खालका काम गर्‍यो भने ऊ त्यस्तै खालको मान्छे हो भन्ने धारणा उब्जन्छ । यस्तो धारणा कसैमा बलियो भएर गएको अवस्थामा उसले ती काम नगर्दा पनि मानिसले विश्वास गर्दैनन् । मानौं कुनै व्यक्ति रक्सी खान बद्नाम छ भने उसले रक्सी छाडे पनि मानिसले तुरुन्तै विश्वास गर्दैनन् । कतिपयले ‘तत्काल उसले रक्सी छाडे पनि भविष्यमा फेरि खान्छ’ भन्ने धारणा पाल्छन् । यस्ता व्यक्तिले रक्सी छाडेको विश्वास दिलाउन वषौर्ं विभिन्न खालको परीक्षाबाट गुज्रनुपर्छ । तपाईंको प्रश्नले माथिका दुवै कुराको संकेत गरेको छ । तपाईंले विवाहअघि आफ्नै बालसखीहरुसँग कुनै न कुनै खालको नजिकको सम्बन्ध बढाएको हुनसक्छ । तपाईंको प्रश्नमा पनि यस किसिमका संकेत देखिएका छन् । यो कुरा तपाईंकी श्रीमतीलाई थाहा भएको र उनको खुशीका लागि ती महिला मित्रसँग दूरी बढाएको कुरा पनि तपाईंको प्रश्नमा देखिन्छ । शायद तपाईंले आफ्नो सम्बन्ध अरुसँग नभएको कुरा बुझाइरहनु भएको छ । तर, तपाईंकी श्रीमतीलाई अझै तपाईंमाथि पूर्ण विश्वास नभएका कारण फेक आईडी र अर्कै फोनमार्फत् तपाईंको कुरा परीक्षण गरिरहनु भएको छ । आजभोलि तपाईंले बाहिर सम्बन्ध राख्नु भएको छैन र बाहिर सम्बन्ध विस्तार गर्न चाहनुहुन्न भने तपाईं यस्ता कुराबाट डराउनु पर्दैन । तपाईंकी श्रीमतीले विस्तारै तपाईंको दृढ निश्चय बुझेपछि विश्वास गरिहाल्नु हुन्छ । पहिले तपाईंबाट केही गलत कृयाकलाप भए पनि अहिले सही बाटोमा हिँड्ने निश्चय गर्नु भएको हो भने श्रीमतीको शंका विस्तारै दूर हुन्छ । बरु, अझै बढी माया पाउनु हुन्छ । कोही ठीक बाटोमा आउँछ भने उसको परिवारमा खुस्शीको सञ्चार शुरु हुन्छ र त्यसले घरको मूली बढी फाइदामा रहन्छ । मानौं तपाईं पहिले कुनै पनि गलत सम्बन्धमा हुनुहुन्नथ्यो । तपाईंका बालसखीहरु केवल तपाईंका साथी मात्र हुन् । विवाहपछि श्रीमतीको अत्यधिक शंका गर्ने बानीका कारण सबै साथीहरुसँग टाढा हुनु परेको हो भनेचाहिँ यो दुःखद् कुरा हो । यो बुँदा नम्बर एकमा भनिएजस्तो तपाईंकी श्रीमतीले तपाईंलाई गरेको अन्धो प्रेमको नतिजा हो । यसले तपाईंलाई केही पीडा दिइरहेको छ भन्ने बुझिन्छ । यसका लागि तपाईंले केही बढी मिहिनेत गर्नुपर्छ । कुनै पनि व्यक्ति समाजमा एक्लिएर बस्न सक्दैन । अन्धो मायाले समाजबाट एक्ल्याइदिन्छ । यस्तो वैवाहिक जीवनमा श्रीमान्ले आफ्नो घरपरिवारका मानिससँग टाढा बनाउने र श्रीमतीलाई माइतीबाट टाढा बनाइदिने अवस्था आउँछ । त्यसैले यो खतरनाक मायालाई भने चाँडोभन्दा चाँडो व्यावहारिक मायामा परिणत गर्नुपर्छ । यसका लागि बढीभन्दा बढी स्नेह गर्ने, उनलाई पनि सबैसँग घुलमिल गराएर हाम्रो मायाको कोही पनि दुश्मन नभएको बरु सहयोगी रहेको बुझाउने, कुनै गलत मानिस छ भने उनलाई देखाएरै ऊसँग सम्बन्ध तोड्ने र समाजमा मानिस कसरी मिलेर बसेका छन्, त्यो प्रमाणसहित देखाउने गर्नुपर्छ । यसका लागि भने तपाईंले मनोवैज्ञानिकको सहयोग लिने गर्नुपर्छ । सत्य कुरा के हो त्यो तपाईंलाई नै बढी थाहा छ, श्रीमतीको शंका अर्थात् ‘ओथेलो सिन्ड्रोम’ दूर गर्न तपाईंले नै केही बढी मिहिनेत गर्नुपर्ने देखिन्छ । साभार : online khabar

यसरी हटाउनुस् श्रीमतीको शंका गर्ने बानी मेरो विवाह भएको पाँच वर्ष भयो । हाम्रो १७ महिने एउटा छोरा छ । म हाल वैदेशिक रोजगारीको सिलसिलामा साउदी अरबमा छु । बि?...

मंसिर १६, २०७४-जाडोयाम सुरु हुनासाथ, मौसममा आएको परिवर्तनका कारण रुघा–खोकीको समस्या देखिन थाल्छ । घाँटी खसखस हुनु, नाक बन्द हुनु, नाकबाट पानी बग्नु, रुघाखोकी आदि यो मौसममा देखिने सामान्य समस्या हुन् ।बूढापाका, बालबालिका र जटिल स्वास्थ्यस्थिति भएकाहरूका लागि सामान्य रुघाखोकीले समेत स्वास्थ्यसम्बन्धी जटिलता निम्त्याउन सक्छ । यस्ता व्यक्तिहरूले सामान्य रुघाखोकी हुँदा पनि चिकित्सकको सल्लाहअनुसार उपचार प्रक्रिया अघि बढाउनुपर्छ । तर स्वस्थ व्यक्तिलाई जाडोयाममा सामान्य रुघाखोकी लागे हाम्रा पुर्खाहरूले परापूर्वकालदेखि अपनाउँदै आएका घरेलु उपायबाटै सन्चो हुन सक्छ । जाडोयाममा स्वस्थ व्यक्तिलाई समस्यामा पार्ने रुघाका लागि हाम्रो घरदैलोमै पाइने जडीबुटी आदिको उपयोग गर्दा राम्रो हुन्छ । ‘तुलसीको पात सामान्य रुघाखोकीका लागि सबैभन्दा राम्रो उपचार हो,’ डा. ऋषिराम कोइराला भन्छन्, ‘यसले भाइरसलाई समेत निष्क्रिय पार्छ ।’ तुलसीको पात चपाउनाले वा चियाजस्तो पकाएर खानाले रुघा निको हुन्छ । यो मौसममा रुघा प्रभावितले दिनहँु दुईतीन पटक र सामान्य व्यक्तिले समेत एक पटक तुलसीपात, बेसार, अदुवालाई चियाजस्तै पकाएर महको साथ सेवन गर्नाले धेरै फाइदा पुग्छ । धेरै खोकी भए ज्वानो पकाएर पिउँदा खोकी निको हुनुका साथ खकार आदि समेत शरीरबाहिर निस्किन्छ । ज्वानो र अदुवा हालेर उमालेको पानीको बाफ लिँदा नाक खुल्छ, घाँटीको खसखस दुईतीन दिनमै निको हुन्छ । यस्तै बेसार, मह, अदुवा चपाइरहँदा पनि फाइदा गर्छ । रुघा लाग्दाताका दूधमा बेसार मिलाएर सेवन गर्नाले समेत आराम हुन्छ । पानको पातमा थोरै मह र अदुवा राखेर दिनमा दुईतीन पटक खाँदा खोकी राम्रो गर्ने डा. कोइराला बताउँछन् । लसुन उमालेको पानी खानाले वा यसको पोटी खाँदा समेत रुघाखोकीमा राहत मिल्छ । रुघाखोकीको प्रत्यक्ष सम्बन्ध हाम्रो रोगप्रतिरोधक क्षमतासँग हुन्छ । आयुर्वेदले रोगप्रतिरोधक क्षमता बढाउन भूमिका खेल्छ । कुल्ला गर्ने नुन हालेको मनतातो पानीले कुल्ला गर्दा रुघाखोकीबाट निकै आराम पाइन्छ । कुल्ला गर्दा घाँटीको सुन्नाइ कम हुन्छ, दुख्न पनि छोड्छ । कुल्ला गर्दा मुखभित्रको मांसपेशीको पीडा कम हुन्छ । यसले प्रभावित क्षेत्रमा ताप बढाएर रक्तसञ्चार बढाउँछ । यति मात्र नभई, कुल्ला गर्दा मुखको ब्याक्टेरियासमेत नष्ट हुन्छ । ब्याक्टेरियाले मुखभित्रको प्राकृतिक पीएचको सन्तुलन बिगारेको हुन्छ । नुनपानीले कुल्ला गर्दा मुखको प्राकृतिक पीएचको सन्तुलन सामान्य अवस्थामा फर्किन्छ । ४ सय व्यक्तिमा गरिएको एउटा अध्ययनले के देखाएको छ भने, जाडो याममा मौसमी रुघाखोकी भए वा नभए पनि नुनपानीले दिनमा तीन पटक कुल्ला गर्दा छातीसम्बन्धी संक्रमणको सम्भावना ४० प्रतिशतसम्म कम हुन्छ । यस्तै, चियापत्ती, बेसार, नुन हालेर उमालेको पानीले कुल्ला गर्दा घाँटीलाई धेरै सन्चो हुने डा. कोइराला बताउँछन् । तुलसी प्राकृतिक एन्टिसेप्टिक हो, जसले घाँटीको संक्रमण हटाउन सघाउँछ । योग विज्ञहरूका अनुसार योगका केही आसनसमेत मौसमी रुघाखोकीको उपचारमा सहायक हुन्छन् । योगले हाम्रो शरीरलाई स्वस्थ र शक्तिशाली बनाउनुका साथै मनलाई स्थिर र केन्द्रित गर्न सघाउँछ । योगले रोगप्रतिरोधक क्षमता बढाउँछ, साथै बाहिरी किटाणु/जीवाणुसँग लड्ने क्षमता वृद्धि गर्छ । मौसमी रुघाखोकी लागेका बेला नाडी शोधन प्राणायाम, अनुलोम विलोम, कपालभाति, मत्स्यासन, शवासन आदि गर्नु उपयुक्त हुन्छ । तर रुघाखोकीबाट पीडित भएकाहरूले योगविशेषज्ञको सल्लाह लिएर मात्र आफ्ना लागि उपयुक्त आसन छनोट गर्नुपर्छ । तुलसीको पात सामान्य रुघाखोकीका लागि सबैभन्दा राम्रो उपचार हो । यसले भाइरसलाई समेत निष्क्रिय पार्छ । खोकी गढेको भए ज्वानो पकाएको पानी खानुपर्छ । ज्वानो र अदुवा हालेर उमालेको पानीको बाफ लिँदा नाक खुल्छ । पानको पातमा थोरै मह र अदुवा राखेर दिनमा दुई–तीन पटक खाँदा खोकी निको हुन्छ । लसुन हालेर उमालेको पानी खाँदा वा यसको पोटी मात्रै खाँदा पनि रुघाखोकीमा आराम हुन्छ । नुनपानीले दिनमा तीन पटक कुल्ला गर्दा छातीसम्बन्धी संक्रमणको सम्भावना ४० प्रतिशतसम्म कम हुन्छ । साभार कान्तिपुर

रुघाखोकी र घरेलु उपचार   मंसिर १६, २०७४-जाडोयाम सुरु हुनासाथ, मौसममा आएको परिवर्तनका कारण रुघा–खोकीको समस्या देखिन थाल्छ । घाँटी खसखस हु...

झण्डै ५ करोड हिनामिनाको अभियोगमा कृषि विकास बैंकका कर्मचारी पक्राउ कृषि विकास बैंक न्यूरोड शाखाको झण्डै ५ करोड

Site Title झण्डै ५ करोड हिनामिनाको अभियोगमा कृषि विकास बैंकका कर्मचारी पक्राउ कृषि विकास बैंक न्यूरोड शाखाको झण्डै ५ करोड.....

“बालक बुद्धिले भरिपूर्ण भएर बढ्‌दै र बलियो हुँदैजानुभयो, र परमेश्‍वरको अनुग्रह उहाँमाथि थियो।
अनि येशू बुद्धिमा, कदमा र परमेश्‍वर र मानिसहरूको अनुग्रहमा बढ्‌दैजानुभयो।”
‭‭लूका‬ ‭2:40, 52‬ ‭luk 2:40,52 NNRV‬‬

लूका 2:40-52, Nepali New Revised Version (NNRV) बालक बुद्धिले भरिपूर्ण भएर बढ्‌दै र बलियो हुँदैजानुभयो, र परमेश्‍वरको अनुग्रह उहाँमाथि थियो। अनि येशू बुद्धिमा, कदमा र परमेश्‍वर र मानिसहरूको अनुग्रहमा बढ्‌दैजानुभयो।

“मैले जित्नु भनेको नेपालले जित्नु हो, सबै नेपालीले जित्नु हो, सो प्लिज भोट मी: तेरिया......१ शेहर गर्न नभुल्नुहोला है। write best of luck