Saptari, Rajbiraj

दुई वर्षदेखि गोप्य राखिएको एनसेल छानबिन समितिको प्रतिवेदन सार्वजनिक भएपछि कम्पनीको शेयर खरिद–विक्री प्रक्रियामा गम्भीर अनियमितता र कर छलीको भण्डाफोर उजागर भएको छ। मलेसियाली कम्पनी आजियाटाले एनसेलको ८० प्रतिशत शेयर मात्र ५ करोड अमेरिकी डलरमा स्पेक्ट्रलाइट यूकेलाई बिक्री गरेको प्रकरणलाई समितिले अवास्तविक ठहर गर्दै खरिदकर्ताको वित्तीय क्षमता र लगानीको स्रोत शंकास्पद रहेको उल्लेख गरेको छ। प्रतिवेदनले ‘अन्डर इन्भोइसिङ’ र ‘राउन्ड ट्रिपिङ’ मार्फत सम्पत्ति शुद्धीकरण भएको हुन सक्ने आशंका गर्दै एनसेलको बारम्बारको स्वामित्व परिवर्तन वित्तीय स्वार्थका लागि भएको निष्कर्ष निकालेको छ । यसलाई बैध बनाउँने सबैलाई कारबाही सिफारिस गरिएको छ । कानून अनुसार विदेशी टेलिकम कम्पनी निश्चित अवधि अनुसार राष्ट्रियकरण हुनै लागेको थियो । राष्ट्रियकरण हुनबाट रोक्न नेपालीलाई बिक्रि गरेको देखाइयो । जुन कानूनको दायरामा नै नरही खरिद बिक्रि भएको देखाइएको छ । अब यो प्रक्रियाका सहयोग र विचौलियाबाट रकम बुझ्ने त्यो बेलाका मन्त्रीदेखि उच्च पदस्थ सबै तानिने भएका छन् । ***n

आपतकालीन सूचना: कोशी ब्यारेजमा पानीको बहाव चरम सीमामा छ र आज रातीभरि उच्च सतर्कता स्तरमा रहने सम्भावना छ। सबै सम्बन्धित व्यक्ति र समुदायहरूलाई अत्यन्त सतर्क रहन सल्लाह दिइन्छ।

सप्तरीमा बाढीपीडितको उद्धारमा सक्रिय नेपाली सेना :
तस्बिर आफै बोल्छ... #सुरक्षितबस्नुहोस्

'यूनिटी कप' अन्तर्गत यूएईमा जारी नेपाल र वेस्ट इन्डिजबीचको दोस्रो खेलमा नेपालले ९० रनको जित हात पारेको छ।
पहिलो इनिङ्समा नेपालले निर्धारित २० ओभरमा ६ विकेटको क्षतिमा १७३ रन बनाएको थियो।
तर लक्ष्य पछ्याउने क्रममा वेस्ट इन्डिज १७•१ ओभरमा ८३ रन बनाएर अलआउट हुन पुग्यो।
नेपालका लागि आसिफ शेखले सर्वाधिक ६८ रन बनाएका थिए भने सन्दीप जोराले ६३ रनको योगदान गरेका थिए।
दोस्रो इनिङ्समा नेपालका लागि मोहम्मद आदिल आलम ४ र कुशल भुर्तेलले ३ विकेट लिए।
शनिवारको पहिलो खेलमा पनि नेपालले वेस्ट इन्डिजलाई हराएको थियो।
दोस्रो जितसँगै नेपाल समग्र शृङ्खलामा विजयी बनेको छ।

शुभ दिपावली तथा छठ पर्वको पावन अवसरमा ड्रीम नेपाल युवा संघ,सप्तरी द्वरा राजबिराजको राजरंगशाला "राजबिराज महोत्सव २०८१" आयोजना हुन गइ रहेको छन । स्थानीय कलाकृती, स्थानीय संस्कृति तथा स्थानीय स्तरका पक्षहरुलाइ उजागर गर्न महोत्सवको आयोजना गरिएको बताइएका छन ।