Pradeep Raj Onta

चियाबारीको सुगन्धसँगै उकालो लाग्दै ल्वाङको पर्यटन

चियाबारीको सुगन्धसँगै उकालो लाग्दै ल्वाङको पर्यटन कास्की । डाँडाभरि फैलिएको हरियो चियाबारी, पृष्ठभूमिमा टल्किरहेका अन्नपूर्ण र माछापुच्छ्रे हिमाल, वरिपरि

चियाबारीको हरियालीमा फक्रिँदै ल्वाङको पर्यटन

चियाबारीको हरियालीमा फक्रिँदै ल्वाङको पर्यटन कास्की । डाँडाभरि फैलिएको हरियो चियाबारी, पृष्ठभूमिमा टल्किरहेका अन्नपूर्ण र माछापुच्छ्रे हिमाल, वरिपरि छरिएका...

चियाबारीको सुगन्धसँगै उकालो लाग्दै ल्वाङको पर्यटन

समाचार,तस्बिर ः प्रदीपराज वन्त,रासस

कास्की, १८ जेठः डाँडाभरि फैलिएको हरियो चियाबारी, पृष्ठभूमिमा टल्किरहेका अन्नपूर्ण र माछापुच्छ«े हिमाल, वरिपरि छरिएका परम्परागत गुरुङ बस्ती र शान्त ग्रामीण परिवेश । यी सबै दृश्य एकै ठाउँमा देख्न पाइन्छ कास्कीको ल्वाङ गाउँमा ।

पछिल्ला वर्षहरूमा यही चियाबारी ल्वाङको पहिचान मात्र होइन, पर्यटन विकासको मुख्य आधार बनेको छ ।
पोखरा महानगरपालिका–२५ हेम्जाबाट खानेपानी, भेडाबारी र खोलामुख हुँदै ल्वाङ गाउँ पुग्न सकिन्छ । पदयात्रा गर्नेहरूका लागि मर्दी खोलाको किनारैकिनार वनपाखा र भिर हुँदै करिब चार घण्टाको रमणीय यात्रा तय गर्न सकिन्छ ।

गाउँको माथिल्लो भागमा फैलिएको करिब एक हजार २०० रोपनी क्षेत्रफलको चियाखेतीले यहाँ पुग्ने जो–कोहीलाई पहिलो नजरमै आकर्षित गर्छ । हरियाली चियाका बोटबीचबाट देखिने हिमाली दृश्य र प्राकृतिक शान्त वातावरणले आगन्तुकलाई लामो समयसम्म त्यहीँ रमाउन बाध्य बनाउँछ ।

स्थानीयवासीका अनुसार ल्वाङको चियाबारीले पूर्वी नेपालको इलामको झल्को दिन्छ । तर, यहाँको चियाबारी केही विशेष पनि छ । ल्वाङमा चियाबारीसँगै अन्नपूर्ण र माछापुच्छ्रे हिमालको दृश्य पनि एकैसाथ अवलोकन गर्न सकिन्छ । यही विशेषताले ल्वाङलाई अन्य ग्रामीण पर्यटन गन्तव्यभन्दा फरक पहिचान दिएको छ ।

यहाँ उत्पादन हुने चिया विदेशसम्म निर्यात हुँदै आएको छ । चियाखेतीले स्थानीयलाई रोजगारी र आम्दानीको स्रोत प्रदान गरेको छभने पर्यटकका लागि नयाँ आकर्षण थपेको छ । विशेषगरी युवापुस्ताले सामाजिक सञ्जालमा चियाबारीका तस्बिर र भिडियो सार्वजनिक गर्न थालेपछि ल्वाङको लोकप्रियता अझ बढेको स्थानीयवासी बताउँछन् ।

ल्वाङको पर्यटन केवल चियाबारीमा सीमित छैन । गाउँमा पुग्ने पर्यटकले गुरुङ समुदायको संस्कृति, परम्परा र जीवनशैलीलाई नजिकबाट अनुभव गर्न पाउँछन् । परम्परागत घर, स्थानीय वेशभूषा, सांस्कृतिक प्रस्तुति र आत्मीय आतिथ्यले यहाँको बसाइलाई थप स्मरणीय बनाउने गरेको छ ।

गाउँमा सञ्चालन भइरहेको घरबास (होमस्टे) कार्यक्रमले पनि पर्यटन प्रवद्र्धनमा महत्वपूर्ण भूमिका खेलेको छ । विसं २०६७ मा सात घरबाट सुरु भएको घरबास सेवा अहिले २६ घरमा विस्तार भइसकेको छ । एकै रातमा करिब ४०० पाहुनालाई बसोबास गराउन सक्ने क्षमता रहेको घरबासमा पर्यटकीय याममा दैनिक ६०० जनासम्म पर्यटक बस्ने गरेको घरबास सञ्चालक सदस्य देवराज गुरुङले बताउनुभयो ।

“यहाँ मुख्य रूपमा आन्तरिक पर्यटक आउने गर्छन् । पोखरा, तनहुँ, स्याङ्जा, बागलुङलगायत जिल्लाबाट पर्यटकको आवागमन बढी हुन्छ,” उहाँले भन्नुभयो, “कोभिड–१९ पछि विदेशी पर्यटकको सङ्ख्या केही घटे पनि पोखराबाट नजिकको दूरीमा रहेकाले जुनसुकै मौसममा घुम्न आउनेको कमी छैन ।”

घरबासमा बस्ने पर्यटकलाई स्थानीय जीवनशैलीसँग घुलमिल हुने अवसर प्रदान गरिन्छ । इच्छुक पाहुनालाई करेसाबारीमा लगेर खेतीपाती गर्ने तरिका सिकाइन्छ भने स्थानीय परिकार बनाउने विधि देखाइन्छ । यसले पर्यटकलाई ग्रामीण जीवनको वास्तविक अनुभव दिलाउने गरेको छ ।

ल्वाङको भान्सामा पनि स्थानीय उत्पादनलाई प्राथमिकता दिइन्छ । गाउँमै उत्पादन हुने मकै, कोदो, जौ, गहुँ र तरकारीबाट तयार गरिएका परिकार यहाँको विशेषता हुन् । बर्खायाममा निउरो र टुसाका परिकारले विशेष स्वाद थप्छन् ।

प्राकृतिक सौन्दर्यका कारण ल्वाङ चलचित्रकर्मीहरूको पनि रोजाइमा परेको छ । नेपाली चलचित्र ‘प्रसाद–२’ र ‘दुई नम्बरी’ लगायत चलचित्रको छायाङ्कन यहाँ भइसकेको छ । चलचित्रमार्फत गाउँको सुन्दरता राष्ट्रियस्तरमा थप प्रचार भएको स्थानीयवासीको भनाइ छ ।

विदेशी रोजगारीका लागि गाउँ छाडेका केही युवाहरू अहिले फर्किएर पर्यटन व्यवसायमा संलग्न हुन थालेका छन् । घरबास, चियाखेती, कृषि तथा पर्यटनसँग सम्बन्धित अन्य गतिविधिबाट गाउँमै रोजगारीका अवसर सिर्जना हुन थालेपछि युवाहरूमा नयाँ आशा जागेको छ ।

स्थानीयवासीका अनुसार स्तरीय सडक, पदमार्ग, खानेपानी, होटल तथा अन्य पर्यटन पूर्वाधारको थप विकास गर्न सके ल्वाङले अन्तरराष्ट्रिय स्तरको ग्रामीण पर्यटन गन्तव्यका रूपमा अझ सशक्त पहिचान बनाउन सक्छ ।

हरियाली चियाबारी, हिमालको अनुपम दृश्य, गुरुङ संस्कृतिको जीवन्तता र आत्मीय आतिथ्यको सङ्गमले ल्वाङ गाउँलाई गण्डकी प्रदेशकै महत्वपूर्ण ग्रामीण पर्यटन गन्तव्यका रूपमा स्थापित गराएको छ । प्रकृतिको काखमा बसेर ग्रामीण नेपालको मौलिक स्वाद लिन चाहनेहरूका लागि ल्वाङ आज एक अविस्मरणीय गन्तव्य बनेको छ ।

1

प्रधानमन्त्री शाह–जवाफ

सङ्घीय संसद् भवन सिंहदरबारमा आइतबार बसेको प्रतिनिधिसभाको बैठकमा विभिन्न दलका सांसदहरुले उठाउनुभएको प्रश्नको जवाफ दिनुहुँदै प्रधानमन्त्री बालेन्द्र शाह । तस्बिरः प्रदीपराज वन्त÷रासस

https://newspolar.com/archives/437964

सराङकोटको सुनौलो सूर्योदय-फोटो फिचर बिहानको समयमा हिमालको काखबाट उदाउँदै गरेको सूर्यको सुनौलो किरणले पोखरा उपत्यकालाई झनै रमणीय बनाएको दृश्य हेर्न...

जेठ १३ गते २०८३ ।

पोखराको सराङकोटबाट देखिएको रमणीय सूर्योदयको दृश्य । यस समयमा भारतमा अत्यधिक गर्मी बढेसँगै नेपालमा भारतीय पर्यटकहरूको घुइँचो लागेको छ । पोखराका विभिन्न पर्यटकीय स्थलहरूमा आन्तरिक तथा भारतीय पर्यटकहरूको चहलपहल बढेको छ । तस्बिरः प्रदिपराज वन्त, रासस ।

https://nepaledition.com/2026/05/9918/?fbclid=IwZnRzaAR9BENleHRuA2FlbQIxMQBzcnRjBmFwcF9pZAo2NjI4NTY4Mzc5AAEeuc4BUML2JaJe_QNbGma71nSOkveyJWnKA_Zwv3W5UQfXuvdyZR8fTJpn4GU_aem_1CfapobPqX2uAAQ87fXMmQ

फोटोपत्रकार प्रदीपराज वन्तद्वारा चितवन जनजीवन माविका विद्यार्थीलाई फोटोग्राफी प्रशिक्षण फोटोपत्रकार प्रदीपराज वन्तद्वारा चितवन जनजीवन माविका विद्यार्थीलाई फोटोग्राफी प्रशिक्षण जेष्ठ ८, २०८३ खैरहनी, ...

Honored to attend the meeting and lunch hosted by Honorable Information and Broadcasting Minister of Bangladesh, Zahir Uddin Swapon.
Thank you so much for the warm hospitality and wonderful interaction. Glad to share this memorable moment with the NFPJ Nepal team.

https://abhiyandaily.com/news/458442/awarded--certificate-of-excellence--to-photojournalist-vant/?fbclid=IwZnRzaARoIjVleHRuA2FlbQIxMQBzcnRjBmFwcF9pZAo2NjI4NTY4Mzc5AAEex_3GJTs3cYL1DDf-TxOhdYxxMndcQRRkbrj5HptkYCGH7aPYAfMK26oaT3c_aem_FByea_My-BP-gxlyI0xmTA

फोटो पत्रकार वन्तलाई ‘सर्टिफिकेट अफ एक्सिलेन्स’ अवार्ड | Aarthik Abhiyan News काठमाडौँ । फोटो पत्रकार प्रदीपराज वन्त अन्तरराष्ट्रिय प्रतिष्ठित संस्था वर्ल्ड बुक अफ

https://glamournepal.com/pradeep-raj-onta-honored-by-world-book-of-records-london-for-photojournalism-excellence/

Pradeep Raj Onta Honored by World Book of Records London for Photojournalism Excellence | Glamour Nepal Nepalese photojournalist Pradeep Raj Onta receives international honors from World Book of Records London, celebrating his contribution to visual storytelling.