Tech Tips Hub

तपाईंहरु पनि येस्तो SCAM मा पर्नुहोला है । कुनै पनि बैंकले यसरी Link पठाएर KYC को कुनै पनि information अपडेट भन्दैन । अनलाईन आधिकारिक रूपमा KYC अपडेट गर्नको लागि बैंकको आधिकारिक App या Website मा मात्रै गर्न सकिन्छ ।

AI फोटो बनाउँदा एकपटक सोचौँ !!!

अहिले सामाजिक सञ्जाल (विशेषगरी Facebook, TikTok, Instagram) मा आफ्नो फोटो अपलोड गरेर AI मार्फत आफूलाई विदेश घुमेको, महँगो कार चलाएको, सैनिक, पाइलट, राजा, चलचित्र पात्र वा अन्य विभिन्न रूपमा परिवर्तन गर्ने ट्रेन्ड निकै बढेको छ। यो रमाइलो देखिए पनि साइबर सुरक्षा र गोपनीयताको दृष्टिले केही जोखिमहरू पनि छन्।
के-कस्ता जोखिम हुन्छन्?

१. अनुहार (Face Data) सङ्कलन हुन सक्छ
तपाईंले अपलोड गरेको फोटोमा रहेको अनुहार AI ले विश्लेषण गर्छ।
केही एपले यो डेटा आफ्नो सर्भरमा लामो समयसम्म राख्न सक्छ।
भविष्यमा त्यो डेटा अन्य AI मोडेल प्रशिक्षण वा व्यावसायिक प्रयोजनमा प्रयोग हुन सक्ने सम्भावना हुन्छ (एपको नीतिमा निर्भर गर्दछ)।

२. गोपनीयता (Privacy) को जोखिम
फोटोसँगै मोबाइलको विवरण, IP Address, Location जस्ता जानकारी पनि सङ्कलन हुन सक्छ।
यसले तपाईंको डिजिटल प्रोफाइल बनाउन मद्दत गर्न सक्छ।

३. Deepfake को जोखिम
तपाईंको अनुहार प्रयोग गरेर नक्कली फोटो वा भिडियो बनाउन सकिन्छ।
त्यसलाई गलत सूचना फैलाउन वा ठगीका लागि प्रयोग गर्न सक्ने जोखिम हुन्छ।

४. Account Hack हुने सम्भावना
केही एप वा वेबसाइटले Facebook वा Google बाट Login गर्न लगाउँछन्।
अविश्वसनीय एपलाई अनुमति दिँदा तपाईंको खातामा अनावश्यक पहुँच पुग्न सक्छ।

५. फोटोको स्वामित्व (Ownership)
धेरै निःशुल्क एपका नियममा अपलोड गरिएको फोटो प्रयोग, सम्पादन वा प्रदर्शन गर्न अनुमति मागिएको हुन्छ।
धेरै प्रयोगकर्ताले यी नियम नपढी "Agree" थिच्ने गर्छन्।
सबै AI फोटो एप खतरनाक हुन्छन्?
हुँदैन। सबै एप समान हुँदैनन्।
विश्वसनीय कम्पनीका एपहरूले सामान्यतया स्पष्ट Privacy Policy र Data नियन्त्रणका विकल्प दिन्छन्।
तर अपरिचित वा शंकास्पद एप प्रयोग गर्दा बढी सावधानी आवश्यक हुन्छ।
सुरक्षित रूपमा प्रयोग गर्ने उपाय
केवल विश्वसनीय एप मात्र प्रयोग गर्नुहोस्।
Privacy Policy र Permissions हेर्नुहोस्।
अनावश्यक रूपमा सम्पूर्ण फोटो ग्यालेरीको अनुमति नदिनुहोस्।
नागरिकता, पासपोर्ट, बैंक कार्ड, विद्यालय वा कार्यालयको परिचयपत्र भएका फोटो अपलोड नगर्नुहोस्।
Facebook वा Google Login गर्दा एपले मागेको अनुमति जाँच गर्नुहोस्।
प्रयोगपछि आवश्यक परे एपको Access हटाउनुहोस्।
बालबालिकाको फोटो अपलोड गर्दा अझ बढी सावधानी अपनाउनुहोस्।

निष्कर्ष
AI फोटो रूपान्तरण प्रविधि मनोरञ्जनका लागि उपयोगी हुन सक्छ, तर सुविधासँगै गोपनीयता र साइबर सुरक्षाको जिम्मेवारी पनि आउँछ। "Free" देखिने सेवाको मूल्य कहिलेकाहीँ तपाईंको व्यक्तिगत डेटा हुन सक्छ। त्यसैले कुनै पनि एप प्रयोग गर्नु अघि त्यसको विश्वसनीयता र गोपनीयता नीति बुझेर मात्र प्रयोग गर्नु बुद्धिमानी हुन्छ।
पछि अकाउन्ट ह्याक भो! पैसा गाएब भो! कुन्नी के भो भनेको सुन्न नपरोस् है 🫣🤔
बेलैमा सचेत रहनु होला🤔🤔

#जनहितमाजारी

हजुरहरु पनि Laptop या Mobile किन्न खोज्दै हुनुहुन्छ भने हामी छिटोभन्दा छिटो किन्न सुझाव दिन्छौं । आहिले Chip बनाउने कम्पनीहरु AI Server को लागी Chip बनाउन बढी केन्द्रित रहेकोले Mobile/Laptop काे मुल्य अझ बड्ने आशंका गरिएको छ ।

Breaking: NEB has published SEE Result.

सरकारी निकायका लागि आफ्नै ‘.gov.np’ ईमेल प्रणाली सञ्चालन गरिरहेको सञ्चार मन्त्रालयले दूरसञ्चार प्राधिकरणको आवेदन प्रक्रियामा जिमेल प्रयोग गरेको छ ।

तल दिएको लिंकमा गएर तपाइले आफुलाई मन लागेको सुझाब सरकारलाई दिन सक्नुहुन्छ: https://suggestions.opmcm.gov.np/