Bijaya Vehicle Rent Service

एक दिन बसौन कूरा गरेर ल म रुम मिलाउछु😂जस्तै भाईरलमय होस 2081 साल पनि सबैलाई नेपाली नयां बर्षको शुभकामना ❤️‍🩹

यी कुराहरूले सारै चिन्तीत छु म ।

हजुरबुवा पहाड हुनुहुन्थ्यो
बुवा मधेसको गाउँ झर्नुभयो
हामी छोराछोरी सहर पस्यौं
हाम्रा छोराछोरीहरू दुबई,कतार,मलेसिया हिँडे
नातिनातिना अमेरिका,अष्ट्रेलिया, जापान हिँडे
त्यसपछिका कहाँ जालान् ?

हजुरबुवा ढिँंडो र आटोमै बस्नुभो
बुवा भातको खोजीमा झर्नुभो
हामी फ्राइ राइसमा दौडियौं
हाम्रा छोराछोरी चाउमिन र मममै अघाए
नातिनातिना पिजा,बर्गर खान थाले
त्यसपछिकाले के खालान् ?

हजुरबुवाले सल्लाका दाउरामा पकाउनुभो
बुवाले सालका दाउरामा पकाउनुभो
हामीले स्टोभचुल्हो बालेर पकायौं
छोराछोरीले ग्यासचुल्हो बालेर पकाए
नातिनातिनाले बिजुलीचुल्होमै पकाए
त्यसपछिकाले केमा पकाउलान् ?

हजुरबुवा हिँडेरै खबर पुर्याउनुहुन्थ्यो
बुवाले हुलाकबाट चिठी पठाउनुहुन्थ्यो
हामीले टेलिफोनबाट खबर पुर्‍याउँथ्यौं
छोराछोरीले मोबाइलमा हेर्दै कुरा गर्थे
नातिनातिनाले आइफोनबाटै भिडियो कल गर्न थाले
त्यसपछिकाले के गर्लान् ?

हजुरबुवा गोरेटो र घोडेटोमा हिँड्नुभो
बुवा मालबाहक ट्रकमा हिँड्नुभो
हामी साइकल र बसमा हिँड्यौं
छोराछोरी मोटरसाइकल र एसी डिलक्स बसमा हिँडे
नातिनातिना कार र हवाईजहाजमा हिँड्न थाले
त्यसपछिका केमा हिँड्लान् ?

हजुरबुवा वेद र पुराण पढ्नुहुन्थ्यो
बुवा संस्कृत र रामायणका श्लोक घोक्नुहुन्थ्यो
हामी स्वस्थानी र कविता पढ्थ्यौं
छोराछोरी प्रेमकहानी र अङ्ग्रेजी पढ्थे
नातिनातिना एसएमएस र रोमन पढ्छन्
त्यसपछिकाले के पढ्लान् ?

हजुरबुवाको घर ढुङ्गाको छानाले चिनिन्थ्यो
बुवाको घर खर, झिँगटीले चिनिन्थ्यो
हाम्रो घर टिन र सामान्य ढलानले चिनिन्थ्यो
छोराछोरीको घर तले र रङले चिनिने भो
नातिनातिनाको घर ट्रस,मार्बल र वालपेपरले चिनिने भो
त्यसपछिकाको घर केले चिनिएला ?

- (सामाजिक संजालबाट साभार)