Visit Chitlang

चित्लाङ खोलामा दुईवटा दृढ पुलहरूको निर्माण आरम्भ

चित्लाङ खोलामा दुईवटा मजबुत पुलहरूको निर्माण प्रक्रिया आरम्भ भएको छ। वडाको कपुगाउँ, खर्क, खलिवनसहितका क्षेत्रहरूलाई वडाको कार्यालय तथा काठमाडौंसम्मको आवागमनलाई सहज बनाउनका लागि एकै खोलामा दुई पुलहरूको स्थापनाको योजना अघि बढाइएको हो।

थाहा नगरपालिकाका मेयर विष्णु बिष्ट ज्यु , वरिष्ठ समाजसेवी एवं निर्माण व्यवसाय महासंघका पूर्व केन्द्रीय अध्यक्ष जयराम लामिछाने ज्यु , तथा वडा ९ का अध्यक्ष राजकुमार बलामी ज्यु को संयुक्त उपस्थितिमा पुल शिलान्यास सम्पन्न भएको छ।

पुलहरूको निर्माणपछि गाउ वासीहरूको मागअनुसार कृषि उत्पादनको सहज ढुवानी, आर्थिक चक्र प्रवाह, वडाको प्रशासनिक पहुँच सहज बनाउने तथा चन्द्रागिरी मार्गको वैकल्पिक उपयोगलाई ध्यानमा राखी यो योजना प्रारम्भ गरिएको मेयर बिष्टले बताए।

यो आयोजना विस्तृत परियोजना प्रतिवेदन (डीपीआर) तथा प्रभावकारीता अध्ययनपछि अघि सारिएको हो। गाउका उत्पादनलाई बजारसम्म निर्वाध रूपमा पुर्याउने आवश्यकताका कारण बजेट विनियोजन गरिएको उल्लेख गर्दै मेयर बिष्टले लाभग्राहीहरूलाई परियोजनाबाट यथा सक्य लाभ लिन आग्रह गरे। साथै, प्रदेश सरकारसँग समन्वयात्मक भूमिका निर्वाह गरेबापत समाजसेवी लामिछानेलाई विशेष कृतज्ञता प्रकट गरे।

निर्माण व्यवसाय महासंघका पूर्व अध्यक्ष जयराम लामिछानेले पुलहरूको निर्माण कार्य तोकिएको समयभित्रै सम्पन्न हुनुपर्नेमा जोड दिँदै, निर्माणकर्ताहरूलाई अनुशासित र प्रतिबद्ध रहन आग्रह गर्नुभयो ।

वडा ९ का अध्यक्ष राजकुमार बलामीले समाजसेवी लामिछानेसँग मिलेर मन्त्रालयस्तरमा पहल गरी बजेट सुनिश्चित गरिएको स्मरण गर्दै, सम्पूर्ण समुदायको सहयोग आवश्यक रहेको धारणा व्यक्त गरे।

कुस्लेचौर-कपुगाउँ जोड्ने मजबुत पुल १ करोड ३ लाखको लागतमा तथा स्वच्छन्द भैरव थान-खर्क-खलिवन जोड्ने पुल १ करोड २ लाखको लागतमा निर्माणाधीन रहेको छ। यी पुलहरू वि.सं. २०८२ असारभित्र सम्पन्न गर्ने लक्ष्यसहित निर्माणकर्ताहरूलाई दायित्व प्रत्यायोजन गरिएको छ।

पुल निर्माणका लागि आवश्यक वित्तीय स्रोत बागमती प्रदेश सरकारअन्तर्गत स्थानीय पूर्वाधार विकास आयोजना कार्यालय, हेटौंडाबाट विनियोजन गरिएको हो।

यस महत्वाकांक्षी परियोजनाको सफल कार्यान्वयनले गाउ समुदायको भौगोलिक अवरोध हटाउँदै, आर्थिक तथा प्रशासनिक सहजतामा नयाँ युगको सुरुवात गर्ने विश्वास गरिएको छ।

-चन्द्रागिरी केबलकारको हाइड्रोलिक केबल फुटेपछि चन्द्रागिरी उक्लिएका एक हजार जना अलपत्र परेका छन्। अब पहल गर्ने कि बाटो को लागि Chandra Prasad Dhakal ज्यु

चित्लाङ्ग–चन्द्रागिरी–थानकोट सडकको विषयमा अति आवश्यक छलफल गर्नुपर्ने सम्बन्धी सूचना
सडक डिभिजन कार्यालय, काठमाडौंद्वारा यस वडा अन्तर्गत पर्ने चित्लाङ्ग–चन्द्रागिरी–थानकोट सडक (गणेशमान सिं मार्ग) मर्मतको लागि यही मिति २०८१ पुष ७ गतेदेखि ३० दिनका लागि पूर्ण रुपमा बन्द रहने भनी सूचना जारी गरिएकोप्रति यस वडा कार्यालयको गम्भिर ध्यानाकर्षण भएको छ । उक्त सडक पूर्ण रुपमा बन्द गरिँदा यस स्थानको शिक्षा, स्वास्थ्य, कृषि लगायतपर्यटकीय क्षेत्रमा समेत गम्भिर असर पर्ने भएकोले यस विषयमा तत्काल छलफल गर्नुपर्ने देखिएकोले यस वडाका बुद्धिजिवी, समाजसेवी, दलीय प्रतिनिधि, पर्यटन व्यवसायी, यातायात व्यवसायी, मदन भण्डारी विश्वविद्यालयका प्रतिनिधिज्यूहरु लगायत आम उपभोक्ता एवम् सरोकारवालाहरु सम्पूर्ण तपसिल बमोजिमको मिति, समय र स्थानमा अनिवार्य उपस्थित भईदिनु हुन यो सूचना जारी गरिएको छ ।
तपसिल
मितिः २०८१ पुष ५ गते शुक्रबार
समयः बिहानको ११ः०० बजे
स्थानः यस ९ नं. वडा कार्यालय भवन, नारायणहिटी
राजकुमार बलामी
(वडा अध्यक्ष)

चित्लाङका सबै होटल र रिसोर्टहरूका लागि सुवर्ण अवसर! यदि तपाईं आफ्नो होटल वा रिसोर्टलाई अझ बढी पाहुनासम्म पुर्‍याउन चाहनुहुन्छ भने, हामी तपाईंको लागि नि:शुल्क प्रोमोशनको व्यवस्था गर्दैछौं। www.visitchitlang.com मार्फत हाम्रा माध्यमहरू प्रयोग गरी, तपाईंको व्यवसायलाई विश्वव्यापी रूपमा चिनाउने अवसर नछुटाउनुहोस्।

अझ जानकारीका लागि हामीलाई सम्पर्क गर्नुहोस्:
WhatsApp: 9702025960
इमेल: [email protected]

तपाईंको होटल वा रिसोर्टको प्रवर्द्धन आजै सुरु गर्नुहोस्!