Prahar Daily

रक्सौलमा “श्री बिमला ट्रेडर्स” को भव्य उद्घाटन

रक्सौल । राष्ट्रिय गान्धी स्कूल नजिक पुरानो एक्सचेन्ज रोडमा अवस्थित प्रिमियम बाथ फिटिङ तथा हार्डवेयर प्रतिष्ठान “श्री बिमला ट्रेडर्स” को बुधबार वैदिक मन्त्रोच्चारण तथा धार्मिक पूजाआजासहित भव्य रूपमा उद्घाटन गरिएको छ।

उद्घाटन समारोहमा विभिन्न प्रतिष्ठित नागरिक, व्यवसायी, सामाजिक अगुवा तथा शुभेच्छुकहरूको उल्लेखनीय उपस्थिति रहेको थियो। प्रतिष्ठानका सञ्चालक विनय कुमार गुप्ता र कन्हैया कुमार ले ग्राहकलाई एउटै छानामुनि उच्च गुणस्तरका बाथरूम फिटिङ, हार्डवेयर तथा आधुनिक निर्माण सामग्री उपलब्ध गराउने उद्देश्यका साथ प्रतिष्ठान सञ्चालनमा ल्याइएको जानकारी दिए।

उनीहरूका अनुसार प्रतिष्ठानमा पारस, स्कट, स्पर्श, वेल्डराइट सोल्भेन्ट तथा सेनेस्टो सेनेटरीवेयर लगायतका विश्वसनीय ब्रान्डका उत्पादनहरू उपलब्ध छन्। साथै ग्राहकलाई गुणस्तरीय सामग्रीसँगै सन्तोषजनक सेवा प्रदान गर्ने प्रतिबद्धता पनि व्यक्त गरेका छन्।

समारोहमा सहभागी अतिथिहरूले नयाँ प्रतिष्ठानको सफलताको शुभकामना व्यक्त गर्दै रक्सौलजस्तो तीव्र रूपमा विकास भइरहेको शहरका उपभोक्ताहरूलाई गुणस्तरीय हार्डवेयर तथा बाथ फिटिङ सामग्री सहज रूपमा उपलब्ध हुने विश्वास व्यक्त गरे।

कार्यक्रममा भारत विकास परिषद् रक्सौल शाखाका अध्यक्ष रजनीश प्रियदर्शी, सेवा संयोजक तथा मिडिया इन्चार्ज बिमल कुमार सर्राफ, सिद्धार्थ गुप्ता, वरुण कुमार, राजेश कुमार, सत्येन्द्र कुमार ‘चुन्नु’, नवनीत कुमार गुप्ता, बिट्टु गुप्ता, शिव कुमार केशन, बबलु कुमार, बिन्दु देवी, प्रतिमा देवी, रुबी गुप्ता, रिया गुप्ता, मामाचन प्रसाद, प्रमोद कुमार तथा सुरेश कुमार लगायतको उपस्थिति रहेको थियो।

उद्घाटन समारोह उत्साह, आत्मीयता र शुभकामनाले भरिपूर्ण बनेको थियो। उपस्थित सबैले देवी लक्ष्मी र भगवान गणेशको पूजा गर्दै प्रतिष्ठानको निरन्तर प्रगति, समृद्धि तथा सफल सञ्चालनको कामना गरेका थिए।

नारायणगढ-मुग्लिन सडकखण्डको तुईन खाेला पुल नजिकै अहिले राति ९ बजे पहिरो खस्दा सडक अवरुद्ध,पहिराे झर्ने क्रम जारी..

पहिराे हटाउन सम्बन्धित स्थानमा मेशिन परिचालन भैसकेको छ । सम्पुर्ण यात्रुमहानुभावहरू नेपाल प्रहरिकाे निर्देशनमा बाटाेकाे अवस्था बुझेर मात्रै सुरक्षित यात्रा गर्न सडक डिभिजन भरतपुरले अनुरोध गरेकाे छ ।

साउदी रोजगारीमा जान सीप परीक्षण पास अनिवार्य गरिएपछि SVP कार्यालयमा म्यानपावर व्यवसायीहरूको प्रदर्शन।

जनकपुरको Wonderland Water Park मा युवापुस्ता बिगार्ने काम?
भिडियो:- समाजिक संजालबाट

वीरगञ्जमा “ट्राफिक जनचेतनामूलक सप्ताह कार्यक्रम–२०८३” शुभारम्भ

वीरगञ्ज । सडक अनुशासनको पालनालाई प्रवर्द्धन गर्दै सवारी दुर्घटना न्यूनीकरण गर्ने उद्देश्यले वीरगञ्जमा “ट्राफिक जनचेतनामूलक सप्ताह कार्यक्रम–२०८३” शुभारम्भ गरिएको छ।

जिल्ला ट्राफिक प्रहरी कार्यालय पर्साको आयोजनामा सुरु भएको उक्त कार्यक्रम असार ३ गतेदेखि ८ गतेसम्म सञ्चालन हुने जनाइएको छ। कार्यक्रममा मधेस प्रदेश प्रहरी कार्यालय जनकपुरधाम, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय पथलैया, बारा तथा जिल्ला प्रहरी कार्यालय पर्साको सहकार्य रहेको छ।

सप्ताहव्यापी अभियानअन्तर्गत सवारी चालक, विद्यार्थी, सर्वसाधारण तथा यात्रुहरूलाई ट्राफिक नियमको पालना, सुरक्षित यात्रा, हेलमेट तथा सिटबेल्टको अनिवार्य प्रयोग, मादक पदार्थ सेवन गरी सवारी नचलाउने लगायत सडक सुरक्षासम्बन्धी विभिन्न विषयमा जनचेतनामूलक गतिविधि सञ्चालन गरिनेछ।

प्रहरीले “सेफ ड्राइभ, लङ लाइफ” भन्ने नारासहित सडक प्रयोगकर्तालाई जिम्मेवार र अनुशासित बन्न आग्रह गरेको छ। ट्राफिक नियमको कडाइका साथ पालनाबाट दुर्घटना न्यूनीकरण गर्न तथा सुरक्षित सडक संस्कृतिको विकास गर्न अभियानले महत्त्वपूर्ण भूमिका खेल्ने विश्वास आयोजकले व्यक्त गरेका छन्।

कार्यक्रम अवधिभर वीरगञ्जका विभिन्न स्थानमा सचेतनामूलक र्‍याली, अन्तरक्रिया कार्यक्रम, पर्चा वितरण, ट्राफिक शिक्षासम्बन्धी प्रशिक्षण तथा जनचेतनामूलक कार्यक्रम सञ्चालन गरिने जनाइएको छ। आयोजकले सर्वसाधारणलाई अभियानमा सक्रिय सहभागिता जनाई सुरक्षित सडक निर्माणमा सहयोग गर्न पनि आग्रह गरेका छन्।

कार्यक्रमको शुभारम्भ अवसरमा जिल्ला प्रहरी कार्यालय पर्साका प्रहरी नायब उपरीक्षक हरिबहादुर बस्नेत, प्रहरी निरीक्षक ओम यादव, वडा प्रहरी कार्यालय बिर्ताका प्रहरी निरीक्षक विक्रम सुबेदी, नेपाल रेडक्रस सोसाइटी पर्साका सभापति बृजकिशोर पटेल, प्याब्सन पर्साका अध्यक्ष सरोजप्रसाद चौधरी, नेपाल इनोभेटिभ सोसाइटी पर्साका अध्यक्ष कमल चौगाईं लगायत विभिन्न संघसंस्थाका प्रतिनिधिहरूको उपस्थिति रहेको थियो।

कोशी प्रदेशमा राति एक पुरुषले लागुऔषध सेवन गरी एक किशोरीमाथि कुटपिट, गालीगलौज र खुकुरी देखाएर धम्की दिएको भिडियो सामाजिक सञ्जालमा भाइरल भएको छ।

घटनापछि दोषीमाथि कडा कारबाहीको माग भइरहेको छ भने प्रहरीको ध्यानाकर्षण भई छानबिन र आवश्यक कारबाही हुने अपेक्षा गरिएको छ।

काठ यसरी नै लैजाने हो त ? तस्करी भइरहेको हो ? यो भिडियो यतिबेला सामाजिक सञ्जालमा भाइरल भइरहेको छ । सम्बन्धित निकायको ध्यान जाओस् ।