Anil Rungta

वीरगंज बचाऊ संघर्ष समिति द्वारा आज ज़िल्ला प्रशासन मार्फ़त नेपाल सरकारलाई क्षतिपूर्तिको लागि बुझाएको ज्ञापन पत्रमा मेरो व्यक्तिगत रूपमा पूर्ण समर्थन छ। प्रत्येक घरधनीले उचित मुयाब्जा पाउनै पर्छ।
र साथै सरकारको यस ज्यादतीमा आफनो सबै सम्पत्ति गुमाएका परिवार हाम्रै बीचका दाजु-भाई भएका कारण हामी सबै पर्सावासीहरू संवेदनशील हुन आग्रह गर्दछु। जय नेपाल 🙏

सर्वोच्च अदालतको आदेशपश्चात वीरगंज मेनरोडका संरचनाहरु तोड़िनुको कुनै बिकल्प थिएन तर हजारौको संख्यामा रहेका घरधनी तथा व्यवसायीहरुलाई कुनै समय-मीयाद नदिई अराजक शैलीबाट भवन-निर्माणहरु तोड़िनु गलत हो। एउटा उचित तथा निश्चित समयसीमा दिनै पर्दथ्यो। यसले राज्यको अमानवीय व्यवहार र उताउलोपन देखियो।

राम नवमीको शुभकामना 🙏

ईद मुबारक!

धन्यवाद, सबै–सबैलाई!

पर्सा निर्वाचन क्षेत्र नं. १ बाट प्रतिनिधिसभा सदस्य पदमा निर्वाचित हुनु भएका हरि पन्त जी लाई हार्दिक बधाई तथा सफल कार्यकालको शुभकामना व्यक्त गर्दछु।

यहाँका मतदाताज्यूहरुबाट प्राप्त जनादेशलाई म सम्मानका साथ स्वीकार गर्दछु। निर्वाचनको परिणाम जे भए पनि, जनताको सेवा गर्ने मेरो संकल्प र प्रतिबद्धता कहिल्यै कमजोर हुने छैन।

यो निर्वाचन अभियानका क्रममा मैले यहाँका जनताबाट अपार माया, विश्वास र समर्थन पाएको अनुभूति गरेको छु। यसले मलाई अझ बढी जिम्मेवार बनाएको छ। म यस यात्रालाई जनताको सेवामा अझ दृढताका साथ अघि बढ्ने नयाँ सुरुवातको रूपमा लिएको छु।

राजनीति मेरो लागि पद वा हारजितको विषय मात्र होइन, यो जनताको आशा, विश्वास र भविष्यसँग जोडिएको दायित्व हो। त्यसैले म समग्र पर्साको विकास, समृद्धि, समुन्नति र यहाँका जनताको हक–हितका लागि निरन्तर रूपमा सक्रिय रहनेछु।

म पर्साको यही माटोको सन्तान हुँ, र यही माटो तथा यहाँका जनताको सेवा गर्नु नै मेरो कर्तव्य हो। तपाईंहरूको साथ, विश्वास र प्रेरणाले मलाई सधैं अगाडि बढ्न ऊर्जा दिनेछ। म सदैव जनताको बीचमा रहनेछु, जनताको आवाज बन्ने प्रयास गर्नेछु, र पर्साको उज्ज्वल भविष्यका लागि आफ्नो तर्फबाट निरन्तर योगदान दिइरहनेछु।

यस अभियानमा साथ दिने सम्पूर्ण मतदाता, समर्थक, शुभेच्छुक तथा साथीहरूलाई हार्दिक धन्यवाद व्यक्त गर्दछु।

मतदान गर्नुहुने सबैमा धन्यवाद 🙏