Radio Rilindja

Intervista

Jeta Sadikaj Ålovsrud Sudio Aesthetic

Intervista

AK Detaling Asker Adrian Gjoni Norvegji 2026

"LIRIA KA EMËR " NË MBËSHTETJE TË ÇLIRIMTARËVE TANË

Sot në Oslo u mbajt një tubim në mbështetje të çlirimtarëve tanë që po gjykohen në Hagë, në një moment tejet të rëndësishëm, kur kanë mbetur vetëm dy ditë deri më 16 shtator, datë kur pritet të shpallet verdikti përfundimtar.

Në mesin tonë ishte z. Ismail Tasholli, drejtues i platformës “Liria Ka Emër”, i cili ishte i pranishëm për të përcjellë mesazhin e mbështetjes dhe solidaritetit për ish-pjesëtarët e UÇK-së.

Në takim morën pjesë ish-përfaqësuesi politik i UÇK-së për diasporën, z. Nufri Lekaj, ish-ministri i Mbrojtjes, z. Armend Mehaj, ish-pjesëtarë të UÇK-së dhe bashkatdhetarë nga te gjitha trojet tona.

Në fokus të këtij tubimi ishin edhe katër ish-drejtuesit e UÇK-së që po gjykohen në Hagë: Hashim Thaçi, Kadri Veseli, Jakup Krasniqi dhe Rexhep Selimi.

Takimi u menaxhua nga platforma Liria Ka Emër.

Ky tubim ishte një dëshmi se diaspora shqiptare nuk i harron ata që u vunë në shërbim të lirisë së Kosovës. Në prag të verdiktit, zëri ynë mbetet i qartë: kujtesa nuk harrohet, sakrifica nuk mohohet dhe çështja e çlirimtarëve tanë vazhdon të jetë në zemrat e shqiptarëve kudo që jetojnë.

Kanë mbetur vetëm dy ditë…

Dy ditë pritje, shpresë dhe lutje për drejtësi.

LIRIA KA EMËR! 🇦🇱
DREJTËSI PËR ÇLIRIMTARËT TANË!
Lavdi e përjetshme dëshmorëve të UÇK-së!

Ndahet nga jeta Princesha Astrid e Norvegjisë, në moshën 94-vjeçare

Familja Mbretërore Norvegjeze ka njoftuar me dhimbje ndarjen nga jeta të Princeshës Astrid, Fru Ferner, në moshën 94-vjeçare.

Lajmi vjen vetëm dy ditë pas ceremonisë mortore të vëllait të saj, Mbretit Harald, ku Princesha Astrid ishte e pranishme për t’i dhënë lamtumirën e fundit.

Princesha Astrid ishte për dekada një figurë e rëndësishme e Familjes Mbretërore Norvegjeze. Që nga viti 1954, ajo përfaqësoi Familjen Mbretërore me përkushtim, dinjitet dhe besnikëri, duke qenë veçanërisht e angazhuar në mbështetjen e njerëzve dhe të shtresave më të dobëta të shoqërisë.

Familja e saj e kujton me shumë dashuri si një nënë të përkushtuar, të mençur dhe të ngrohtë, duke e cilësuar si “mamanë më të mirë që mund të kishim”.

Me këtë rast, shprehim ngushëllimet tona më të sinqerta Familjes Mbretërore Norvegjeze, të afërmve dhe të gjithë popullit norvegjez për këtë humbje të madhe.

🕊️ U prehtë në paqe Princesha Astrid.
Kujtimi për jetën dhe përkushtimin e saj ndaj Norvegjisë do të mbetet gjatë në zemrat e shumë njerëzve.

Ngushëllime Mbretërisë së Norvegjisë!

Foto: kongehuset.no

E premtja vjen sërish me mysafirë në Radio Rilindja!

Këtë të premte, nga ora 20:00–23:00, ju presim në një mbrëmje të pasur me rrëfime, përvoja dhe tema interesante.

🔹 Blerim Gjoni – Përfaqësues i organizatës Liria Ka Emër – Norvegji
🔹 Jeta Sadikaj Ålovsrud – Master në farmaci, ish-këshilltare në NATO, afariste dhe themeluese e klinikës Aesthetic Norvegji

🔹 Adrian Gjoni – Pronar i AK Detailing / Din Bil Vår Passion Norvegji

www.radiorilindja.no
www.albaner.no

Lamtumira e fundit për Mbretin Harald V 🕯️🇳🇴

Sot, Oslo dhe e gjithë Norvegjia i dhanë lamtumirën e fundit Mbretit Harald V, pas 35 vitesh në shërbim të vendit dhe popullit norvegjez.

Në një ceremoni madhështore dhe njëkohësisht thellësisht emocionuese, me pjesmarrje të mijëra qytetarë u mblodhën në rrugët e Oslos për të nderuar kujtimin e Mbretit të tyre.
Në ceremoninë e sotme morën pjesë mbretër, mbretëresha, princër, presidentë dhe kryeministra nga shumë vende të botës.

Mes tyre ishin edhe, Presidenti i Shqipërisë Bajram Begaj, Presidenti i Ukrainës Volodymyr Zelenskyy, si dhe përfaqësues të Gjermanisë, Finlandës, Polonisë, Francës, Kanadasë, Japonisë dhe shumë vendeve të tjera.u zhvillua në Oslo Domkirke (Karedralja e Oslo,s) ndërsa më pas arkivoli u përcoll në një procesion solemn drejt Akershus festning.( Kalaja e Akershus)

Harald V do të kujtohet për përkushtimin ndaj Norvegjisë, thjeshtësinë, ngrohtësinë dhe afërsinë e tij me njerëzit.

Radio Rilindja, Oslo Norway, i shpreh respektin më të thellë Familjes Mbretërore dhe të gjithë popullit norvegjez në këtë ditë zie dhe kujtimi.

U prehtë në paqe, Mbreti Harald V.
Falenderojmë për shërbimin ndaj Norvegjisë.

(Fotot janë huazuar nga portali i Kongehuset.no, Fotoja e fundit është e jona)

ARLIND BERISHA HUMBI MUNDËSINË E MADHE PËR UFC

Fatkeqësisht, Arlind Berisha u mposht që në rundin e parë, pikërisht në një nga meçet më të rëndësishme të karrierës së tij.

Mendoj se ky ishte rasti më i mirë për Arlindin që ta hapte derën drejt UFC-së, pasi një paraqitje e mirë dhe një fitore në Dana White’s Contender Series mund t’ia sillnin kontratën me organizatën më të madhe të MMA-së në botë.

Një humbje që sigurisht dhemb, sidomos kur mundësia ishte kaq afër. Por Arlindi duhet të vazhdojë përpara dhe të kërkojë përsëri rrugën drejt ëndrrës së tij.

Intervista

IllyrianBrains Network 2026 Esmerad Bejolli & Mario Qoshku ...

ARLIND BERISHA, NJË HAP LARG ËNDRRËS SË UFC-së 🇦🇱🇳🇴

Arlind Berisha po troket në dyert e UFC-së.

Talenti shqiptar ka një bilanc mbresëlënës: pesë fitore radhazi dhe pesë përfundime që në raundin e parë.

Më 8 shtator në Las Vegas, Berisha do të zhvillojë një nga ndeshjet më të rëndësishme të karrierës së tij, ku do të luftojë për mundësinë e sigurimit të një kontrate me UFC-në.

Një fitore do të ishte një hap i madh jo vetëm për karrierën e tij, por edhe për përfaqësimin shqiptar dhe norvegjez në skenën më të madhe të MMA-së.

A do të jetë Arlind Berisha shqiptari i radhës që do ta shohim në UFC? 🇦🇱🥊🇳🇴