Tabula Rasa

Tabula Rasa er et klassisk, profesjonelt vokalensemble med base på Vestlandet, og består av Sigrun Jørdre, Rikke Lina Sorell Matthiesen, Zsuzsa Zseni, Tord Kalvenes, Arild Rohde og Jakub Adam. Vokalensemblet blei starta i 2017 av komponist og songar Tord Kalvenes, og sidan mai 2019 har Arild Rohde vore musikalsk leiar. Føremålet med ensemblet er å fremja ny klassisk vokalmusikk, med fokus på norske komponistar. Ensemblet skil seg ut gjennom å jobba med improvisasjon og teatralske verkemiddel for å skapa konseptuelle konsertar og framsyningar. Dei ynskjer å formidla eksperimentell musikk, også til menneske som ikkje kjenner sjangeren så godt frå før. Musikalsk søker dei ein balanse mellom musikk som har noko gjenkjenneleg for publikum, og musikk som er utfordrande og overraskande. Dei ynskjer å bruka det emosjonelle og direkte kommunikative i menneskestemma til å nå fram til publikum.