Ibrahimfky

MU’AMALA TSAKANIN HIMLU ARIES (1) DA LIBRA MIZANU (7)

(ba aure kaɗai ba, har abota, kasuwanci da dukkan hulɗar rayuwa)

ASALI DA HALITTA
ARIES HIMLU
Burujin wuta ne.
Mai ƙarfi, jarumta, gaggawa, son jagoranci da ɗaukar mataki kai tsaye.
Yana son nasara, gasa da bayyana abin da ke zuciya.
Ba ya son jinkiri ko shakka.

LIBRA MIZANU
Burujin iska ne.
Mai son daidaito, adalci, sulhu da kyakkyawar mu’amala.
Yana son tattaunawa, zaman lafiya da auna al’amura kafin hukunci.
Ba ya son rikici ko tsauri.

Wuta da Iska
Iska tana hura wuta.
Wuta tana ba iska kuzari.
Saboda haka akwai jan hankali mai ƙarfi a tsakaninsu.
Wannan haɗin yana cikin haɗin da ake yawan gani a ilimin taurari domin suna gaba da juna a da’irar burujai.
Gaba-da-juna yana nufin jan hankali, amma kuma gwaji.

YANAYIN MU’AMALA
SOYAYYA
Akwai jan hankali mai sauri.
Aries yana burge Libra da ƙarfin hali da tabbaci.
Libra yana burge Aries da ladabi da salo.
Matsala
Aries yana son abu nan take.
Libra yana son tunani kafin yanke hukunci.
Aries yana iya zama mai zafi.
Libra yana iya guje wa rikici.
Wannan na iya haifar da soyayya mai ƙarfi amma mai yawan saɓani.

IDAN SUKAI AURE
Aure na iya yin nasara idan an fahimci bambanci.
Aries yana jagoranci da kuzari.
Libra yana kawo daidaito da sulhu.
Idan Aries ya yi tsauri, Libra zai ji an tauye shi.
Idan Libra ya yi jinkiri ko shakka da yawa, Aries zai fusata.
Idan kowa ya koyi abin da ɗan uwansa ya rasa, aure zai yi ƙarfi.

A ABOTA
Abota mai kuzari ce.
Aries yana motsa Libra.
Libra yana kwantar da Aries.
Za su iya taimaka wa juna sosai.
A KASUWANCI DA AIKI
Haɗin yana da kyau idan an raba aiki.
Aries ya dace da fara abu da ɗaukar haɗari.
Libra ya dace da ciniki, sulhu da hulɗa da mutane.

Rikici kan shugabanci na iya tasowa idan ba a fayyace rawuna ba.
DARASI NA RAYUWA
Aries yana koyon haƙuri, sauraro da adalci.
Libra yana koyon ƙarfi, yanke hukunci da ɗaukar mataki.

GASKIYA A HIKIMA
Wannan haɗin mai ƙarfi ne kuma mai muhimmiyar darasi.
Ba mafi sauƙi ba ne, amma yana iya zama mai girma idan an fahimci juna.
Jan hankali yana da yawa, haka nan gwaji.

A ƘASASHE
Taurari alamu ne kawai na halaye da yanayi.
Ba su da ikon tilasta soyayya, aure ko rabuwa.
Allah Shi kaɗai ne Mai iko da zukata da kaddara.
Abin da Ya so ne kaɗai yake tabbata.
Wallahu ta’ala a’alam.

Ibrahim fky al falaky ✍️ 07033105536

HISAB
A CIKIN SUNA AKWAI SIRRIN DA BA A FIYE LURA DA SHI BA

Mutane da yawa suna jin suna tamkar kira ne kawai.
Ana kiran mutum da shi, ana saninsa da shi,
kawai magana ta ƙare.
Amma masu zurfin nazari sun san cewa suna yana ɗauke da ma’ana fiye da yadda ake zato. Domin harafi yana da nauyi, adadi kuma yana da ishara.
Idan aka tattara lissafin suna sannan aka rage shi da tsarin da 9-9 har sai ya tsaya a lamba guda, ana samun asalin number ɗin da ke wakiltar wani ɓangare na tasirin sunan.

A yau za mu taɓo Number 1 kaɗai.
MA’ANAR NUMBER 1
Number 1 alama ce ta farko, jagoranci, fara abu, dogaro da kai, da son kasancewa gaba.

Mai wannan tasiri a suna yana da wani irin ƙarfi na son ya tsaya da kansa. Ba ya son a rinƙa jan sa a baya. Yakan fi jin daɗin yin abu ta hanyarsa fiye da bin sawun mutane kawai.
Sau da yawa irin wannan mutum yana da burin zama abin koyi ko wanda ake dubawa idan al’amari ya taso.

HALAYENSA
Mai number 1 a suna yakan kasance:
Mai son cin gashin kai
Mai ƙwarin guiwa
Mai saurin yanke shawara
Mai son a gane ƙimarsa
Mai son fara abu kafin kowa
Mai neman cigaba
Idan aka ba shi dama, zai iya zama jagora mai amfani ga mutane da yawa.

ABIN DA YAKE IYA JAWO MASA ƘALUBALE
Kowane ƙarfi yana da inda yake iya wuce gona da iri Haka ma number 1.

Idan ba a daidaita hali ba, yana iya jawo:
Taurin kai
Son a bi ra’ayinsa kawai
Rashin haƙuri
Fushi idan an raina shi
Jin ba ya buƙatar kowa
Saboda haka hikima ita ce a haɗa jagoranci da tawali’u.

ABIN DA YA KAMATA MAI WANNAN TASIRI YA YI
Idan ka ga alamar wannan number ta rage a sunanka, ka yi ƙoƙari
Ka yi amfani da jagoranci wajen taimako
Ka rage girman kai
Ka saurari shawarar wasu
Ka zama mai haƙuri
Ka fara abu mai amfani, ba gardama ba

SAKO NA ƘARSHE
Ba number ce kaɗai ke gina rayuwar mutum ba. Amma wani lokaci tana zama kamar madubi da ke nuna inda ƙarfi yake da inda gyara yake.

Idan ka san inda kafi ƙarfi, to kai amfani da shi da hikima. Idan ka san inda rauni yake, ka gyara shi da natsuwa.
Domin sanin kai shi ne farkon gyaran rayuwa.

ibrahim fky al falaky ✍️ 07033105536

DA YAWA BASU SAN WANI ABU GAME DA TAURARI BA.

Mutane da yawa suna kallon rayuwa ne ta fuskar abin da ido ke gani kawai. Su kan ɗauka cewa duk nasara tana fitowa ne daga aiki, duk jinkiri kuma daga rashin sa’a ko gazawa.

Amma akwai wani ɓangare na rayuwa da ba a gani da ido kai tsaye.
A ilimin taurari, ana kallon lokaci a matsayin abu mai rai. Kowane lokaci yana zuwa da irin yanayinsa, irin ƙarfinsa, da irin damar da yake buɗewa ko rufewa.

Shi ya sa abu ɗaya idan ka yi shi a wani lokaci zai yi sauƙi, amma idan ka maimaita shi a wani lokaci daban sai ya zama mai wahala.
Ba don ka canza ba. Lokaci ne ya canza.
Akwai lokacin da yanayin taurari ke taimaka wa fara abu. A irin wannan lokaci, ƙananan matakai kan haifar da manyan sakamako.

Akwai kuma lokacin da yanayin taurari ke nuna jinkiri, ruɗani, ko rikici. Idan mutum ya nace a irin wannan lokaci, yana iya gajiya ba tare da ya ga sakamakon da yake so ba.
Ka taɓa mamakin dalilin da yasa
Kana samun kwarin gwiwa a wasu kwanaki ba tare da wani dalili ba?
Kana jin komai ya tsaya cak a wasu lokuta duk da ƙoƙari?
Kana haɗuwa da wasu mutane cikin sauƙi, amma da wasu komai sai ya rikice?
Sau da yawa, akwai abin da lokaci yake faɗa.
Ilimin taurari yana taimakawa wajen gane
Lokacin da ya dace a fara abu
Lokacin da ya dace a jira
Lokacin da ya dace a shiga mu’amala
Lokacin da ya dace a yi hattara
Amma ba za a iya fahimtar wannan ga kowa iri ɗaya ba.
Saboda kowane mutum yana da nasa burji, nasa taswira, da nasa yanayin taurari da ke tasiri a rayuwarsa.

Abin da ya dace da wani, yana iya zama bai dace da kai ba.
Lokacin da ya buɗe wa wani ƙofa, yana iya zama naka lokacin gwaji ne.

Shi ya sa sanin burujinka da yanayin lokacinka ba wasa bane. Yana iya canza yadda kake kallon rayuwa da yadda kake yanke hukunci.
Tambaya ita ce
Shin kana sanin lokacin da ya dace da kai?
Shin kana sanin irin mu’amalar da ta fi anfani a gare ka?

Shin kana sanin dalilin da yasa wasu abubuwa suke maimaituwa a rayuwarka?
Idan baka sani ba, wataƙila kana rayuwa ne ba tare da ka karanta taswirar hanyarka ba.
Wani lokacin, ba ƙarfi ake buƙata ba.
Haske ake buƙata.

Ibrahim fky al-falaky ✍️ 07033105536

MU’AMALA TSAKANIN TA**US (SAURU2) DA SCORPIO (AƘRABU8)
(ba aure kaɗai ba, har abota, kasuwanci da dukkan hulɗar rayuwa)

ASALI DA HALITTA
TA**US
Burujin ƙasa ne.
Mai natsuwa, haƙuri, dagewa, son tabbaci da kwanciyar hankali.
Yana son dukiya, aminci da abin da zai dore.
Ba ya son canji ko ruɗani.

SCORPIO
Burujin ruwa ne.
Mai zurfin zuciya, tsananin sha’awa, kishi, sirri da son mallaka.
Yana son gaskiya tsantsa da cikakken aminci.
Ba ya wasa da al’amuran zuciya.

Ƙasa da Ruwa
Ruwa yana ba ƙasa rai.
Ƙasa tana ba ruwa mafaka.
Amma idan ruwa ya yi yawa, ƙasa ta rikice.
Idan ƙasa ta yi tsauri, ruwa ya tsaya.
Wannan haɗin yana da ƙarfi sosai.

YANAYIN MU’AMALA
SOYAYYA
Akwai jan hankali mai tsanani tun farko.
Ta**us yana jan Scorpio da natsuwa da tabbaci.
Scorpio yana jan Ta**us da zurfin soyayya da sha’awa.

Matsala
Ta**us yana son zaman lafiya.
Scorpio yana son zurfi da cikakken iko.
Ta**us yana iya ɓoye taurin kai.
Scorpio yana iya nuna kishi da zargi.
Soyayya mai ƙarfi ce, amma ba mai sauƙi ba.

IDAN SUKAI AURE
Wannan haɗin na iya zama mai dorewa sosai.
Dukansu suna son aminci da riƙon alaƙa.
Ba sa son cin amanar juna.
Amma idan rikici ya shiga
Ta**us ba ya sassautawa.
Scorpio ba ya mantawa.
Idan an gina aure kan gaskiya da tsoron Allah, yana iya zama mai ƙarfi ƙwarai.

A ABOTA
Abota mai zurfi ce amma ba mai sauƙin budewa ba.
Da zarar an amince, suna tsayawa tare.
Idan an karya amana, komawa na da wahala.

A KASUWANCI DA AIKI
Haɗin na da ƙarfi.
Ta**us yana kula da kuɗi da dorewa.
Scorpio yana kula da bincike, sirri da dabaru.
Za su iya gina abu mai girma idan babu rikicin iko.
DARASI NA RAYUWA
Ta**us yana koyon zurfin ji da sauya tsari idan ya dace.
Scorpio yana koyon haƙuri da sassauci.

GASKIYA A HIKIMA
Wannan haɗin mai ƙarfi ne sosai.
Akwai soyayya, aminci da dorewa.
Amma akwai kishi, taurin kai da rikici idan babu hikima.
Ba haɗin masu wasa ba ne.

A ƘARSHE
Taurari alamu ne kawai na halaye da yanayi.
Ba su da ikon tilasta soyayya, aure ko rabuwa.
Allah Shi kaɗai ne Mai iko da zukata da kaddara.
Abin da Ya so ne kaɗai yake tabbata.
Wallahu ta’ala a’alam.

Ibrahim fky al-falaky ✍️ 07033105536

SIRRIN LOKACI DA TAURARI
Akwai wani kuskure da mutane da yawa ke yi ba tare da sun sani ba.
Suna zaton nasara tana fitowa ne daga ƙoƙari kawai.
Amma a ilimin taurari, ba haka abin yake ba.
Akwai lokacin da ƙoƙari kaɗai ba zai baka sakamako ba, komai irin ƙarfinsa. Kuma akwai lokacin da ƙaramin yunƙuri zai buɗe ƙofofi masu girma.
Me yasa hakan ke faruwa?
Saboda ba kai kaɗai kake motsa rayuwarka ba. Akwai tasirin taurari da suke tafiya da kai, suna buɗe maka hanya ko kuma suna takaita maka motsi ba tare da ka sani ba.

Akwai lokacin da taurari ke ƙarfafa fara abu. Idan ka yi anfani da wannan lokaci, abubuwa suna tafiya cikin sauƙi kamar an share maka hanya.
Amma idan ka yi kuskuren fara abu a lokacin da taurari ke nuna jinkiri, zaka iya shafe lokaci kana gwagwarmaya ba tare da ka fahimci dalili ba.

Ka taɓa yin tunanin:
Me yasa wani lokaci kake jin ƙarfin zuciya da kwarin gwiwa ba tare da wani dalili ba? Me yasa wani lokaci kuma komai ya yi nauyi a gare ka har ka kasa motsawa?
Wannan ba kawai yanayin zuciya bane. Sau da yawa yana da alaƙa da yadda taurari suke a wannan lokaci.

Akwai lokutan da ya dace ka fara kasuwanci
ka shiga wata mu’amala
ka yanke hukunci mai girma
Akwai kuma lokutan da ya kamata ka tsaya ka lura
ka jinkirta
ko ma ka kauce gaba ɗaya
Amma tambayar ita ce… ka san bambancin?
Idan baka sani ba, zaka iya shiga abu a lokacin da zai jawo maka asara. Ko kuma ka jinkirta abu a lokacin da zai iya zama nasara mai girma a gare ka.

Ilimin taurari ba wai don hasashe kawai bane. Hanya ce ta fahimtar lokacin da ya dace da kai.
Amma wannan yana buƙatar ka san abubuwa guda uku:
1 Burujinka
2 Yanayin taurarin da suke tasiri a kai
3 lokacin da waɗannan taurari ke aiki a rayuwarka
Ba kowa bane yake da wannan ilimi. Kuma ba kowa bane yake anfani da shi yadda ya kamata.
Amma wanda ya fahimci wannan sirri, yana fara ganin abubuwa daban.
Yana san lokacin da zai yi magana… da lokacin da zai yi shiru.
Yana san lokacin da zai ɗauki mataki… da lokacin da zai jira.
Kai fa?
Shin kana tafiya ne bisa fahimta… ko kuma kana tafiya ne kawai bisa ƙoƙari?
Idan kana son sanin yadda taurari suke tasiri a rayuwarka, to lokaci ya yi da zaka fara tambaya.

AƘARSHE
Taurari alamu ne kawai na halaye da yanayi.
Ba su da ikon sawa ko hanawa
Allah Shi kaɗai ne Mai iko da zukata da kaddara.
Abin da Ya so ne kaɗai yake tabbata.
Wallahu ta’ala a’alam.

Ibrahim fky al falaky ✍️ 07033105536

MU’AMALA TSAKANIN LIBRA (MIZAN7) DA LIBRA (MIZAM7)
(ba aure kaɗai ba, har abota, kasuwanci da dukkan hulɗar rayuwa)
ASALI DA HALITTA
LIBRA
Burujin iska ne.
Mai son daidaito, adalci, ladabi da kyakkyawar mu’amala.
Yana son zaman lafiya, tattaunawa da yarjejeniya.
Ba ya son rikici ko tsaurin magana.
Yana yawan tunani kafin yanke hukunci.
Idan Libra ya haɗu da Libra
Kamar madubi ne da ya kalli kansa.
Halaye iri ɗaya, buri iri ɗaya, da rauni iri ɗaya.
YANAYIN MU’AMALA
SOYAYYA
Akwai soyayya mai laushi da kyau.
Dukansu suna son kulawa, ladabi da farin ciki.
Rayuwa na iya zama mai daɗi, cike da nishaɗi da kyakkyawar mu’amala.
Matsala
Dukansu ba sa son rikici.
Saboda haka suna iya ɓoye matsala maimakon su magance ta.
Dukansu suna jinkirin yanke hukunci.
Wannan na iya jawo tsaiko a rayuwa.
IDAN SUKAI AURE
Aure mai kyau a zahiri.
Gida mai tsafta, salo da zaman lafiya.
Amma a ciki
Idan babu wanda zai ɗauki nauyin yanke hukunci, rayuwa za ta tsaya.
Idan an ɓoye matsala, za ta girma a hankali.
Sirrin nasara
Gaskiya a fili
Yanke hukunci ba tare da tsoro ba
Karɓar cewa rikici wani lokaci dole ne
A ABOTA
Abota mai ƙarfi sosai.
Suna fahimtar juna cikin sauƙi.
Suna iya zama abokai na gaskiya na dogon lokaci.
A KASUWANCI DA AIKI
Haɗin na da kyau a hulɗar jama’a, shari’a, kasuwanci da ciniki.
Dukansu suna iya yin yarjejeniya da mutane.
Amma matsala
Rashin wanda zai yanke hukunci cikin gaggawa
Ko tsoron ɗaukar haɗari
DARASI NA RAYUWA
Kowa yana koyon yanke hukunci da tsayawa a kai.
Kuma koyon fuskantar matsala maimakon guje mata.

GASKIYA A HIKIMA
Wannan haɗin mai kyau ne amma mai rauni a cikin yanke hukunci.
Yana da zaman lafiya, amma yana buƙatar ƙarfin zuciya.
Idan an gyara wannan, zai zama haɗin mai daɗi sosai.

AƘARSHE
Taurari alamu ne kawai na halaye da yanayi.
Ba su da ikon tilasta soyayya ko rabuwa.
Allah Shi kaɗai ne Mai iko da zukata da kaddara.
Abin da Ya so ne kaɗai yake tabbata.
Wallahu ta’ala a’alam.

Ibrahim fky al falaky ✍️ 07033105536

MU’AMALA TSAKANIN SAGITTARIUS (QAUSU9) DA PISCES (HUTU12)

(ba aure kaɗai ba, har abota, kasuwanci da dukkan hulɗar rayuwa)

ASALI DA HALITTA
SAGITTARIUS
Burujin wuta ne.
Mai son gaskiya, ‘yanci, tafiya, ilimi da faɗin ra’ayi a fili.
Yana da kuzari, hangen nesa da son gano sabbin abubuwa.
Yana son rayuwa mai faɗi ba tare da takura ba.

PISCES
Burujin ruwa ne.
Mai tausayi, ruhaniya, jin ƙai, mafarki da zurfin zuciya.
Yana rayuwa da ji da tunanin ciki.
Yana da sauƙin shafar yanayi da mutane.

WUTA DA RUWA
Wuta tana iya dumama ruwa.
Ruwa kuma yana iya kashe wuta.
Haɗin na iya zama mai daɗi ko mai rikitarwa gwargwadon yadda aka tafiyar da shi.

YANAYIN MU’AMALA
SOYAYYA
Akwai jan hankali na ruhaniya da zuciya.
Pisces yana jan Sagittarius da tausayi da zurfin ji.
Sagittarius yana jan Pisces da kuzari da gaskiya.
Matsala
Sagittarius yana magana kai tsaye ba tare da la’akari da ji ba.
Pisces yana saurin jin rauni.
Sagittarius yana son ‘yanci.
Pisces yana son kusanci da kulawa.
Wannan na iya haifar da soyayya mai taushi amma mai sauƙin karyewa.

IDAN SUKAI AURE
Aure mai buƙatar haƙuri sosai.
Sagittarius yana son tafiya da ‘yanci.
Pisces yana son zama kusa da kulawa.
Idan Sagittarius ya yi nisa da yawa, Pisces zai ji an bar shi.
Idan Pisces ya jingina sosai, Sagittarius zai ji an takura shi.
Zaman aure zai yiwu ne idan
Sagittarius ya ƙara tausayi da taushi.
Pisces ya ƙara ƙarfi da tsayawa kan kansa.

A ABOTA
Abota na iya zama mai kyau.
Sagittarius yana kawo nishaɗi da kuzari.
Pisces yana kawo tausayi da fahimta.
Amma rashin daidaiton halaye na iya rage kusanci.

A KASUWANCI DA AIKI
Haɗin ba shi da ƙarfi sosai.
Sagittarius yana aiki da hangen nesa da sauri.
Pisces yana aiki da ji da yanayi.
Idan babu tsari, aiki zai lalace.
DARASI NA RAYUWA
Sagittarius yana koyon tausayi da la’akari da ji.
Pisces yana koyon tsayawa da ƙarfi da kare kansa.
GASKIYA A HIKIMA
Wannan haɗin matsakaici ne.
Ba sharri tsantsa ba, amma ba mai sauƙi ba.
Yana buƙatar fahimta da haƙuri mai yawa.
A ƘARSHE
Taurari alamu ne kawai na halaye da yanayi.
Ba su da ikon tilasta soyayya, aure ko rabuwa.
Allah Shi kaɗai ne Mai iko da zukata da kaddara.
Abin da Ya so ne kaɗai yake tabbata.
Wallahu ta’ala a’alam.
ibrahim fky al falaky ✍️ 07033105536

DARASI DAGA SIRRIN TAURARI

A ilimin taurari, akwai wani ginshiƙi da ba kowa ke fahimta ba.
Wannan ginshiƙi yana nuna cewa rayuwar mutum ba ta tafiya akan layi ɗaya , sai dai tana tafiya ne tsakanin ƙarfi biyu masu jan juna.
Akwai lokacin da ƙarfin fara abu yake rinjaye a cikinka. Kana jin ƙwazo, kana son ɗaukar mataki, kana jin cewa lokaci ya yi da zaka motsa rayuwarka gaba.
Sai kuma wani lokaci, wani sauyi ya sauka a zuciya. Ka fara tunani, ka fara duba sakamako, ka fara jin cewa akwai abin da ya kamata ka kula da shi kafin ka yi gaba.

Tambayar ita ce shin wanne ne gaskiya?
Amsar ita ce duka biyun gaskiya ne. Amma ba a lokaci ɗaya ba.

Ilimin taurari yana koyar da cewa kowane lokaci yana da irin ƙarfin da yake ɗauke da shi. Akwai lokacin da ya dace ka yi gaggawa, akwai kuma lokacin da ya dace ka yi haƙuri. Akwai lokacin fara abu, akwai lokacin dakatarwa.

Matsalar yawancin mutane ita ce suna rayuwa ba tare da sanin wane lokaci suke ciki ba.
Shi ya sa mutum zai fara abu a lokacin da bai dace ba, ya kasa kammalawa. Ko kuma ya tsaya a lokacin da ya kamata ya motsa, sai dama ta wuce shi.

Shin ka taɓa tambayar kanka
Me ya sa wasu abubuwa idan ka fara su suna tafiya cikin sauƙi? Me ya sa wasu kuma duk yadda ka yi ƙoƙari sai sun rushe?
Shin ka taɓa tunanin cewa ba lallai matsalar daga gare ka ba ce… watakila lokaci ne bai dace ba?

A ilimin taurari, akwai tsarin da ake bi domin gane lokacin da ya dace a fara abu
lokacin da ya dace a jira
lokacin da ya dace a shiga mu’amala
da lokacin da ya kamata ka kauce gaba ɗaya
Amma wannan ba abu bane da ake gani da ido kawai. Ana buƙatar fahimtar burujinka, yanayin taurarin da suke tasiri a kai, da kuma yadda suke motsawa a halin yanzu.

Idan baka san burujinka ba, kana tafiya ne cikin duhu.
Idan baka san lokacin da ya dace da kai ba, kana iya yin ƙoƙari a lokacin da bai dace ba.
Wannan ne sirrin da yasa wasu suke samun nasara cikin sauƙi, wasu kuma suna wahala duk da ƙoƙari.

Tambayar ita ce
Shin ka san burujinka da yadda yake tasiri a rayuwarka?
Shin ka san wane lokaci ne ya dace da kai ka fara abubuwa masu muhimmanci?
Shin ka san irin mu’amalar da tafi dacewa da kai da kuma wacce zata iya cutar da kai?

Idan baka sani ba, to har yanzu akwai wani ɓangare na rayuwarka da baka gano ba.
Kuma idan ka gano shi… abubuwa da yawa zasu fara sauyawa.

Wani lokacin, ba ƙoƙari ake buƙata ba… fahimta ake buƙata.
ibrahim fky al falaky ✍️ 07033105536

IRAN

bari mu taba nazari a bayyane cikin wannan al'amarin amma a mahangar Ilimin taurari Astrology.

Bisa ga tafiyar taurari adaidan lokacin ta tambayar tazo min arai sannan na sata a hai'ar (chat).

Iran ce Acsedent a wannar hai'a
burujin mizan shike wakiltar Iran tauraron venus ce rula.
dabi'ar burujin mizan wato Iran shine
son daidaito, neman adalci, yanci, sulhu, son haɗin kan raunana, kin zalunci, faɗa dashi, juriya, wannan sune dabi'un mizan Iran kenan.

America itace burujin himlu murikh shine rula
ɗabi'ar burujin himlu son jagoranci kota halin ƙaka, son fifiko, nuna isa, izza, jiji dakai, neman cikici, tada hankali, gaggawa, faɗa, kasada, sonkai, fin ƙarfi.

Iran venus tana gidan dalwu gidan 5 da Degrees 13 venu tana huznu a gidan aquarius tana fuskantar damuwa da ƙunci wannan ke bayyana halin da Iran ce ciki yanzu na matsin lamba daga waje takunkumai.

sannan dakarun soji na Iran sune burujin hutu jupiter gasu a surɗan 10 house Gidan government suna riju'i amma gidan sharafinsu ne wannan ke nuna cewa suna da matukar ƙarfi amma asirrance tareda sadaukarwa da ƙaƙƙarfan haɗin kai da government na qasar amma suna fuskantar kalubale da jinkirin tafiyar al'amura.

Iran government itane burujin surdan tausayi, jinƙai, taimakon na kasa, tsaron gida, kishin ƙasa, sirri,
ƙamar shine wakilin ta kuma gashi a jauza'a da 0 Degree kuma ƙamar yana farhi a jauza'a sannan yayi tislisi mai shiga da venus wannan yana nuna ƙarfin government a fili sosai sosai .

Sannan cikin ƙasar Iran ne burujin jadyu
tsari, bin doka da Oder, tattali, shiri don gaba, dabara, jinkiri mai ƙunci, nasara bayan juriya da gwaji.
wannan sune dabi'un capricorn cikin ƙasar Iran kenan. zuhal shine rula na jadyu gashi can a burujin hutu dindan dakaru da sojojin kasar, wannan ke nuna kusan kowani mutum a ƙasar jinsa yake tamkar soja zai iya bada kaomai nasa wajen ganin cewa kasar takai ga nasara koda bayan ransa 💪 kuma yana kusan irin juriya da jarumtar su da dakewa,
amma zaman Neptune a gurin shine damuwa ta ruɗani da daga kayar baya daga wassu munafukai, misalin zanga-zanga da America tai amfani da bata gari kenan amma babu nasara.

America Mars tana gidan dalwu suna buruji daya da venus Iran amma babu alamar haduwa da iran domin America Mars tanada Degrees 3 venus Iran tana 13 Degrees kuma venus tafi sauri fiye da mars America
wannan ke nuna Iran bata burin yin yaki amma
tana da cikakken ƙarfin kare kanta fiye da kima💪. sannan America tazo Gidan 11 domin neman temakon daga abokan hulɗarta
wato amma mars tana fuskantar ƙaskanci da walakanci a gidan dalwu kuma wai taimako tazo nema😂 amma ta biyo Iran ne har gidan 5 na Iran ɗin kuma zuhal shine rula muna fuaka kenan tana Neman taimakon zuhal ne amma baizai ba shima ta kansa yake.

government na Amurka jadyu zuhal a 12
government tana cikin rudani da kulewar kai amma.
soldiers na America Virgo Mercury a daluwu
suna da karfi a gurin amma musallasi suke ba yabo ba fallasa domin ba muhallin su bane amma basa da muradin son a gwabza kawai bin umurni ne.

cikin ƙasar America surɗan moon a gemini
al ummar ƙasa basa goyon bayan wannan yaki domin babu aspeat na buƙatuwa da hakan agurin ƙamar zuwa mars.

a taƙaice dai a Wannan yanayi ba lallai ne a gwabza wannan ƙazamin yaki tsakanin musulumci da kafirci ba.
yaƙin zaifi karkata ga yaƙin cacar baka
idan ma za'a gwabza ɗin to abin bazai tsauri ba kuma muminai sune zasui rinjaye da nasara da ƙarfin Allah
wallahu ta'ala a'alam.

A ƙarshe muna fatan Allah ya kasance tare da jamhuriyar Musulunci ta Iran
ya rushe America da magoya bayan ta na zahiri da na ɓoye albarkacin manzon Allah (saww) da iyalan gidansa (as)
🤲🤲🤲🤲🤲🤲🤲
ibrahim fky al-falaky ✍️ 07033105536

HISAB
shin idan ka ɗebe 9-9 acikin adadin sunanka bayan ka jimlacesu nawa yake ragewa ?

Misali Ni sunana Ibrahim adadin sunana 259
to bari mu dunƙula adadin don lissafin yaimana sauƙi
9×10=90
90×2=180
259-180=79
79-45=34
34-18=16
16-9=7
number 7 shine adadin da yake ragewa bayan an ɗebe 9-9 a cikin adadin sunnan Ibrahim, sannan Akwai sunaye da yawan gaske wanda 7 ke ragewa
haka akwai masu rage 1/2/3/4/5/6/8/ko 9

Sannan kasantuwar sunanka ya rage wata number a cikin 1zuwa 9 hakan baya nufin cewa kazama mai burujin dake ɗauke da wannan number in mun ɗauka daga himlu (Aries♈)

misali ga wasu sunaye da suke rage number dake farkon sunan da kuka gani a rubuce

1Khadijat
2 Muhammad, Aliyu, Hussain, maryam
3 yusuf, hafsat
4 Nuhu, Umar
5 mahdi
6 zainab, Abubakar, hawwa'u
7 Ibrahim, Abdullah Aisha
8 musa, ahmad
9 fatima, Hassan, adam, habiba

acikin sunayen nan duk number da kuka gani a farkon suna to itace adadin number dake ragewa idan an ɗebe da 9/9

wannan adadi shi ke sabbaba sauyawar dabi'ar waɗanda number su ta saɓa da number burujinsu

misali duk mai suna Ibrahim, Abdullahi ko A'ishah da duk wanda sunansa ke rage 7 to dole sai ya tasirantu da dabi'un number 7
ko shi nari ne ko hawa'i ko ma'i ko urabi ne.
wannan nema yasa kakejin an keɓe wassu sunaye sai kaji anace ai duk mai suna kaza yana da zafi ko wayo ko fadɗa ko haƙuri kuma in ka natsu ka duba daƙyau sai kaga lallai akwai hakan

Sannan da waɗannan Numbers ake gane mai rinjaye da wanda ake rinjaye akansa wato (galib wal maglub)

sabida haka dabi'u zahiriyya basu taƙaitu a iya burujin ruhi kaɗaiba.
domin tantance dabi'a ba tare da kuskureba
dole ana bukatar abubuwa kamar haka

1 actual date of birth
2 sunan yanka naka da na mahaifiyar
3 ɗabi'ar harufan sunanka/ki
4 numbers na sirri naka/ baki
5 ranar haihuwar da lokacin.

waɗannan abubuwan suna da matukar muhimmanci ga mai son sanin ainihin kansa
amma ba kowa yakeda wannan damarba
Sannan kuɓucewar wannan dama daga gareka baya nufin bazakasan kankaba.

kwantar da hankula lallai zamusan kanmu amma gwargwadon abinda Allah yaso musani
domin shine mafi sani akan komai.
mu bamusani ba amma muna roƙon Allah ya sanar damu abinda yaso mu sani albarkacin manzon sa(saww) birnin ilimi da imamu Aliyu (kw) ƙofar birnin
ibrahim fky al falaky ✍️ 07033105536