MoCo-X

One day I wanna be...
So I trying to the best of my life...
Myo Thet Paing Kyaw

သေချာတာ တစ်ခုကတော့ ငါ့ကိုဘယ်သူနဲ့မှ ရော‌ထွေးမသွားဘူးဆိုတာပါပဲ။
တိုင်းသိပြည်သိပဲ ဆိုတော့ကာ...😉
To be continue...

"တစ်ယောက်ယောက်ကို တကယ်ချစ်ရင်...
ကိုယ်ချစ်ချင်သလို မချစ်ရဘူး...
သူအချစ်ခံချင်သလို ချစ်ပေးရတယ်။"

Relationship တစ်ခုမှာ "ငါကတော့ အကောင်းဆုံးတွေ လုပ်ပေးနေတာပဲ၊ သူက ဘာလို့ အသိအမှတ်မပြုတာလဲ" ဆိုတဲ့ ခံစားချက်မျိုးတွေ၊

"သူကငါ့အပေါ် နားလည်မှုမရှိဘူး၊ အလိုက်မသိတတ်ဖူး" ဆိုတဲ့မျှော်လင့်ချက်မပြည့်၀လို့ ခံစားရတာတွေ၊

သူချစ်ပေးတဲ့ပုံစံနဲ့ ကိုယ်အချစ်ခံချင်တဲ့ပုံစံတွေ မတူညီတာမျိုးကြောင့် အချစ်ခံရပေမယ့် တဖက်မှာစိတ်အနှောက်ယှက်ဖြစ်ရတာမျိုး ကြုံဖူးကြမှာပါ။

အဲ့ဒီပြဿနာတွေရဲ့ အရင်းအမြစ်က တကယ်တော့ မေတ္တာမရှိလို့မဟုတ်ဘဲ "Love Language" (အချစ်ကို ဖော်ပြတဲ့ ဘာသာစကား) မတူညီကြလို့ပဲ ဖြစ်ပါတယ်။

လူတစ်ယောက်ချင်းစီမှာ မွေးရာပါ စရိုက်နဲ့ ကြီးပြင်းလာပုံအရ မတူညီတဲ့ "Love Language" တွေ ကိုယ်စီ ရှိကြပါတယ်။

❤Words of Affirmation: ချိုသာတဲ့စကားနဲ့ အားပေးစကားတွေကို အဓိကထားသူ။

❤Acts of Service: ကိစ္စအဝဝမှာ ဝိုင်းကူလုပ်ပေးတာကိုမှ အချစ်လို့ မြင်သူ။

❤Receiving Gifts: အမှတ်တရ လက်ဆောင်လေးတွေကတစ်ဆင့် မေတ္တာကို ခံစားရသူ။

❤Quality Time: အချိန်ပေးပြီး အတူရှိနေပေးတာကို တန်ဖိုးအထားဆုံးသူ။

❤Physical Touch: လက်ကလေးကိုင်တာ၊ ဖက်ထားတာမျိုးကနေ နွေးထွေးမှု ရသူ။

ချစ်ခြင်းမေတ္တာတွေ ထိထိရောက်ရောက်ဖော်ပြဖို့အတွက်ဆိုရင် ဒီ Love Language တွေကိုသိထားပြီး .... " ကိုယ်ပေးချင်တာထက် သူလိုချင်တာကို" သိအောင်အရင်လုပ်ဖို့လိုပါတယ်။

ကိုယ်ချစ်တတ်သလို ကိုယ်ချစ်ချင်သလို ချစ်နေလို့မရပါဘူး။

ဥပမာ ကိုယ်က ကိုယ့်ချစ်သူကို လက်ဆောင်တွေ အမြဲဝယ်ပေးပြီး ချစ်ကြောင်းပြပေမယ့် တဖက်က သူလိုချင်နေတာက ကိုယ့်ရဲ့အချိန်ပေးမှုနဲ့ သူ့ခံစားချက်တွေကို သေချာနားထောင်ပေးမယ့် အချိန် (Quality Time) မျိုး ဖြစ်နေခဲ့ဆိုရင် ကိုယ့်ဘယ်လောက်ပဲ တန်ဖိုးကြီးလက်ဆောင်တွေပေးပြီး ချစ်ကြောင်းပြနေပါစေ ချစ်သူဟာ "အချစ်ခံရတယ်" လို့ အပြည့်အဝ ခံစားရမှာ မဟုတ်ပါဘူး။ ဒါဟာ "ကိုယ်ချစ်ချင်သလို ချစ်နေမိခြင်း" ပါပဲ။

"ငါကတော့ ဒီလိုလူပဲ၊ ဒီလိုပဲ ချစ်တတ်တယ်" ဆိုတာထက်
"သူက ဘယ်လိုမျိုးဆိုရင် ပိုပျော်မလဲ" ဆိုတာကို လေ့လာပြီးချစ်တတ်မှကိုယ့်ရဲ့ ပေးဆပ်မှုနဲ့ သူရဲ့ လက်ခံရရှိမှု ထပ်တူကျသွားတဲ့အခါမှာ နှစ်ဦးကြားက ဆက်ဆံရေးဟာ ပိုပြီး ခိုင်မာလာပါလိမ့်မယ်။

❤အချစ်ဆိုတာ ကိုယ့်စိတ်ကြိုက် ပုံဖော်ရမယ့် ပန်းချီကားတစ်ချပ် မဟုတ်ပါဘူး။ တစ်ဖက်လူရဲ့ စိတ်နှလုံးထဲမှာ အေးချမ်းမှုအစစ်အမှန် ရရှိအောင် ဖြည့်ဆည်းပေးရတဲ့ "နားလည်မှု" အနုပညာတစ်ခု ဖြစ်ပါတယ်။

❤ကိုယ့်ရဲ့ အချစ်ကို ကိုယ်ပြချင်တဲ့ပုံစံထက် သူ့နှလုံးသားက နားလည်တဲ့ ဘာသာစကားနဲ့ ပြောင်းလဲဖော်ပြကြည့်ပါ။ မေတ္တာတွေက တစ်ထပ်တည်းကျပြီး ပိုမိုလှပတဲ့ ဆက်ဆံရေးတစ်ခုကို တည်ဆောက်နိုင်ပါလိမ့်မယ်။

လူတစ်ယောက်ကို သိချင်ရင် ဒီ ၃ ချက် ကြည့်ပါ

လူတစ်ယောက်ကို သိဖို့
သူ ဘာပြောလဲ နားထောင်စရာ မလိုဘူး။
ဘာကြောင့်လဲ —
လူတွေက ပြောချင်တာ ပြောတယ်
ဖြစ်တာ ပြောတာ မဟုတ်ဘူး။

ဒါဆိုရင် ဘာ ကြည့်ရမလဲ —
၃ ချက် ကြည့်ပါ။

၁။ ဘာကို ဦးစားပေးလဲ ကြည့်ပါ
လူတစ်ယောက်ရဲ့ အစစ်က
သူ ပြောတဲ့ စကားထဲ မရှိဘူး
သူ ဦးစားပေးတဲ့ အရာထဲ ရှိတယ်။

အချိန် ကို ဘယ်မှာ သုံးလဲ
ပိုက်ဆံ ကို ဘယ်မှာ သုံးလဲ
စွမ်းအင် ကို ဘယ်မှာ သုံးလဲ

“ငါ့ မိသားစုက အရေးကြီးဆုံး” ပြောပေမယ့်
အချိန် အများဆုံး ရုံးမှာ ကုန်နေရင်
သူ့ ဦးစားပေးက ရုံး ဖြစ်တယ်
မိသားစု မဟုတ်ဘူး။

“ငါ ကျန်းမာရေး ဂရုစိုက်တယ်” ပြောပေမယ့်
ညတိုင်း ဘီယာ သောက်နေရင်
သူ့ ဦးစားပေးက ကျန်းမာရေး မဟုတ်ဘူး။

စကား မယုံပါနဲ့
ဦးစားပေးမှု ကြည့်ပါ
အချိန် ဘယ်မှာ ကုန်လဲ ဆိုတာက
သူ ဘာကို တကယ် တန်ဖိုးထားလဲ ပြတယ်။

၂။ ဖိအား ကျရင် ဘယ်လို ပြုမူလဲ ကြည့်ပါ
လူတစ်ယောက်ရဲ့ အစစ်က
အဆင်ပြေနေတဲ့ အချိန်မှာ မပေါ်ဘူး
ဖိအား ကျတဲ့ အချိန်မှာ ပေါ်တယ်။

ပိုက်ဆံ ကုန်ရင် ဘယ်လို ပြုမူလဲ
အလုပ် မဖြစ်ရင် ဘယ်လို ပြုမူလဲ
ချစ်သူ နဲ့ ရန်ဖြစ်ရင် ဘယ်လို ပြုမူလဲ

တစ်ချို့က ဖိအားကျရင် တာဝန်ယူတယ်
တစ်ချို့က ဖိအားကျရင် တစ်ခြားသူကို အပြစ်တင်တယ်
တစ်ချို့က ဖိအားကျရင် ရိုးသားတယ်
တစ်ချို့က ဖိအားကျရင် လိမ်ညာတယ်
တစ်ချို့က ဖိအားကျရင် ပိုကြိုးစားတယ်
တစ်ချို့က ဖိအားကျရင် ထွက်ပြေးတယ်

အဆင်ပြေနေတုန်း လူတိုင်း ကောင်းတယ်
ဖိအားကျမှ အစစ် ပေါ်တယ်

Warren Buffett က ပြောခဲ့ပါတယ်
“ဒီရေ ကျမှ ဘယ်သူ အဝတ်မပါ ရေကူးနေလဲ သိရတယ်”

ဒီရေ ဆိုတာ ဖိအား ပါ
ဖိအား ကျမှ လူ ရဲ့ အစစ် ပေါ်တယ်

၃။ ကိုယ့် မရှိတဲ့ နေရာမှာ ဘယ်လို ပြောလဲ ကြည့်ပါ
ဒါ အခက်ဆုံး အချက် ဖြစ်တယ်
ဒါပေမယ့် အတိကျဆုံး အချက်လည်း ဖြစ်တယ်။

ကိုယ့် ရှေ့မှာ ပြောတဲ့ စကားက
ကိုယ့်အတွက် ပြင်ဆင်ထားတဲ့ စကား ဖြစ်နိုင်တယ်
ကိုယ့် မရှိတဲ့ နေရာမှာ ပြောတဲ့ စကားက
သူ့ အစစ်ပါ။

တစ်ခြားသူ အကြောင်း
ကိုယ့်ရှေ့မှာ ပြောတဲ့ ပုံစံ ကြည့်ပါ

သူ မရှိတဲ့ နေရာမှာ
သူ့ အကြောင်း ကောင်းကေ ပြောတတ်တဲ့ လူ
ကိုယ့် အကြောင်းလည်း ကောင်းကောင်း ပြောလိမ့်မယ်

သူ မရှိတဲ့ နေရာမှာ
သူ့ အကြောင်း ဆိုးဆိုး ပြောတတ်တဲ့ လူ
ကိုယ့် အကြောင်းလည်း ဒီအတိုင်းပဲ ပြောလိမ့်မယ်

ဒါ pattern ပါ
ခြွင်းချက် ရှားတယ်

ဗုဒ္ဓက ဟောကြားခဲ့ပါတယ်
“ပုဂ္ဂိုလ်ကို သိဖို့ ကြာကြာ ပေါင်းရတယ်
သူ့ သီလ ကို ခက်ခဲချိန်မှ သိရတယ်
သူ့ ပညာ ကို ဆွေးနွေးချိန်မှ သိရတယ်”

ကြာကြာ ပေါင်းပါ — ဦးစားပေးမှု ပေါ်လာမယ်
ခက်ခဲချိန် ကြည့်ပါ — အစစ် ပေါ်လာမယ်
ကိုယ့် မရှိတဲ့ နေရာ သတိထားပါ — pattern ပေါ်လာမယ်

ဒါ ၃ ချက် ပါ

ပြီးရင် “ဒါဆိုရင် လူတွေကို သံသယ ဝင်ဖို့ ပြောတာလား” ထင်တယ်
မဟုတ်ပါဘူး။

သံသယ ဝင်ဖို့ မဟုတ်ဘူး
သတိ ရှိဖို့ပါ။

လူတစ်ယောက်ကို ချစ်ပါ
ဒါပေမယ့် မျက်စိ ဖွင့်ထားပါ။

လူတစ်ယောက်ကို ယုံပါ
ဒါပေမယ့် pattern ကို လေ့လာထားပါ။

မျက်စိ ဖွင့်ထားတဲ့ ချစ်ခြင်းက
မျက်စိ မှိတ်ထားတဲ့ ချစ်ခြင်းထက်
ပိုခိုင်မာတယ် ပိုကြာတယ် ပိုနက်ရှိုင်းတယ်။

လူတွေကြောင့် စိတ်မညစ်နဲ့တော့

လူတစ်ယောက်က
ကိုယ့်အကြောင်းကို
မကောင်းဝေဖန်တာ၊
မကောင်းအတင်းပြောတာဟာ
တကယ်တော့
ကိုယ့်အကြောင်း မဟုတ်ပါဘူး။
သူတို့ကိုယ်တိုင်ရဲ့ အကြောင်းတွေ
သူတို့ရဲ့ အားနည်းချက်တွေ
သူတို့ရဲ့ သိမ်ငယ်မှုတွေ
သူတို့ရဲ့ ဘောင်ခတ်မိနေတဲ့
အမြင်တွေနဲ့
သူတို့ရဲ့ လိုအပ်နေခြင်းတွေကို
ထုတ်ဖော်ပြောကြားနေမိတာ ဖြစ်ပါတယ်။
ကိုယ့်ကို မလှဘူး၊
ရုပ်ဆိုးတယ် ဆိုပြီး
ပြောနေ ဝေဖန်နေတတ်တဲ့
သူတွေမှာအလှအပနဲ့ပတ်သက်ပြီး
စိတ်တိုင်းမကျခြင်း
ဘယ်လောက်လှသလဲဆိုပြီး
တိုင်းတာနေမိခြင်း စတဲ့
insecurities and limitations တွေ
ရှိနေလို့ ဖြစ်ပါတယ်။
ကိုယ့်ကို မတော်ဘူး၊
မကောင်းဘူး ဆိုပြီး
ပြောနေတတ်တဲ့ သူတွေဟာလည်း
ကိုယ့်ရဲ့ အခြေအနေကို
မကျေနပ်နိုင်သူတွေ
ကိုယ့်ရဲ့ ဘဝကို အားမလို
အားမရ ဖြစ်နေတဲ့သူတွေ
ဖြစ်နေတတ်ပါတယ်။
လူတစ်ယောက်ရဲ့
မကောင်းကြောင်းတွေကို
နှုတ်က ထုတ်ဖော်ပြောကြား
နေတယ် ဆိုကတည်းက
အဲ့ဒီလူမှာ jealousy
(မနာလိုခြင်းတွေ)
တည်ရှိနေတယ်ဆိုတာ
သေချာပါတယ်။
မနာလိုခြင်းဆိုတာ
ယှဉ်ပြိုင်ခြင်းက ဖြစ်တည်လာတဲ့
ကြောက်ရွံ့မှုပါပဲ။
လူတစ်ယောက်ကို ယှဉ်လို့
မနိုင်ဘူးလို့ ခံစားရမိတဲ့အခါ
မနာလိုခြင်းဟာ ဖြစ်တည်သွားပြီး
အနိမ့်ဆုံး အသေးဆုံး
လုပ်ရပ်တစ်ခုအနေနဲ့
အဲ့ဒီလူရဲ့ မကောင်းအတင်းတွေကို
ပြောကြားတတ်ကြပါတယ်။
ယှဉ်ပြိုင်ခြင်းဟာ
လုံးဝ မလိုအပ်တဲ့အရာတော့
မဟုတ်ပါဘူး။
လူ့ဘဝမှာနေတဲ့အခါ
ယှဉ်ပြိုင်ခြင်းတွေဟာ
ရှိနေမှာဖြစ်ပြီး
ယှဉ်သင့်သလောက် ယှဉ်
ပြိုင်သင့်သလောက် ပြိုင်ကြမှာပါ။
ဒါပေမယ့် အောင်မြင်မှုကို
အမှန်လိုချင်တယ်ဆိုရင်
ယှဉ်ပြိုင်ခြင်းကနေ
မနာလိုခြင်းအသွင်
မပြောင်းလဲမိဖို့ အရေးကြီးပါတယ်။
လူ့ဘဝဟာ
ပြေးလမ်းကြီးတစ်ခု ဆိုပါစို့။
ကိုယ်နဲ့ အတူပြေးနေတဲ့သူတွေ
ဘယ်အထိရောက်နေသလဲဆိုတာ
သိရဖို့တစ်ချက်လောက်တော့
ဘေးကို ကြည့်ရမှာပေါ့။
ဒါဟာ ယှဉ်ပြိုင်ခြင်းပါပဲ။
ပြီးရင် အရှေ့ကိုသာ
တည့်တည့်ကြည့်ရင်း
အားသွန်ခွန်စိုက် ပြေးရပါမယ်။
ဒါဟာ ကြိုးစားခြင်းပါပဲ။
ဒီလိုနဲ့
ပန်းအရင်ဝင်သွားတဲ့သူတွေကို
မကျေနပ်ခြင်းတွေ မဖြစ်ဘဲ
ဝမ်းသာပေးတတ်ရပါမယ်။
ကိုယ်လည်း တစ်ချိန်မှာ
ပန်းဝင်မယ် မဟုတ်ပါလား။
ဒါဟာ မုဒိတာထားခြင်းပါပဲ။
ဒါပေမယ့်
အတူပြိုင်တဲ့သူတွေကိုသာ
စိတ်ဝင်စားပြီး
ရှေ့ကိုမကြည့်ဘဲ ဘေးဘက်တွေပဲ
ကြည့်နေမယ်ဆိုရင်
ကိုယ်ဟာ ပန်းဝင်ဖို့
နောက်ကျပြီးရင်း
နောက်ကျနေမှာပါ။
ဒါဟာ မနာလိုခြင်းပါပဲ။
မနာလိုခြင်းဟာ
မအောင်မြင်နိုင်ပါဘူး။
ပိုဆိုးတာက မအေးချမ်းပါဘူး။
ဒါကို ရှင်းလင်းစွာသိမယ်ဆိုရင်
မနာလိုခြင်းဆိုတာ
ရပ်တန့်သွားပါလိမ့်မယ်။
ယှဉ်ပြိုင်ခြင်းတွေကို လျော့ချပါ။
မနာလိုခြင်းကိုတော့
အပြီးသတ်ပစ်ပါ။
သူတစ်ပါးကို မကောင်းပြောတာ
ဝေဖန်တာတွေမလုပ်မိပါစေနဲ့။
ကိုယ့်ကို မကောင်းပြောနေ
ဝေဖန်နေတဲ့သူကိုလည်း
စိတ်ထဲ မထားပါနဲ့။
သူတို့ဟာ သူတို့အကြောင်း သူတို့
ထုတ်ဖော်နေကြတာသာ ဖြစ်ပါတယ်။

သူများနဲ့ကိုယ်နဲ့ မတူစေနဲ့ 💙........................................
• သူများအိပ်တဲ့အခါ
📖ကိုယ်က လေ့လာပါ ~~~
•• သူများ တွေဝေနေတဲ့အခါ
📖ကိုယ်က ဆုံးဖြတ်ပါ ~~~
•• သူများ လေထဲ တိုက်ဆောက်နေတဲ့အခါ
📖ကိုယ်က ပြင်ဆင်ပါ ~~~
•• သူများ အချိန်ဆွဲနေတဲ့အခါ
📖ကိုယ်က စတင်ပါ ~~~
•• သူများ ဆုတောင်းနေတဲ့အခါ
📖ကိုယ်က လက်တွေ့လုပ်ပါ ~~~
•• သူများ ဖြုန်းနေတဲ့အခါ
📖ကိုယ်က စုပါ ~~~
•• သူများပြောနေတဲ့အခါ
📖ကိုယ်က နားထောင်ပါ ~~~
•• သူများမျက်နှာကြောတင်းနေတဲ့အခါ
ကိုယ်က ပြုံးပါ ~~~
•• သူများရပ်လိုက်တဲ့အခါ
📖ကိုယ်က ဇွဲရှိပါ ~~~
👉.. မဖြုန်းသင့်သည့်အရာ ( ၃ ) ပါး
👉.. ငွေကို ဖြန်းလျှင် .....
👉.. ဥစ္စာကို ဆုံးရှုံးရတတ်သည် ....''
👉.. စကားကို ဖြုန်းလျှင်
👉.. သိက္ခာကို ဆုံးရှုံးရတတ်သည် .... ''
👉.. အချိန်ကို ဖြန်းလျှင်
👉.. ဘဝကို ဆုံးရှုံးရတတ်သည် ....... ''

လူတွေနဲ့ ခပ်ကင်းကင်းနေဖြစ်လာတယ်...။

မာနကြီးသွားတာမဟုတ်ဘူး မာ န်တက်သွားတာလည်းမဟုတ်ဘူး... တစ်ယောက်ထဲနေတတ်သွားတာ...။

ကိုယ့်အပေါ် အပေါ်ယံဘဲကောင်းပြတဲ့သူတစ်ချို့နဲ့ မပ တ် သ က်ချင်တော့တာ...။

တစ်ခါတလေ အနားမှာ လူအများကြီးရှိနေတာထက် တစ်ယောက်ထဲနေရတာ ပိုကောင်းတယ်မဟုတ်လား...။

တစ်ယောက်ထဲ သီချင်းဆိုချင်ဆိုမယ် ...
စာဖတ်ချင်ဖတ်နေလို့လည်းရသေးတယ်...
ရူခင်းဓာတ်ပုံရိုက်တာ Selfie ရိုက်တာမျိုးလည်း လုပ်လို့ရတယ်...
ကိုယ်ရို က်တဲ့ပုံလေးတွေ ပြင်နေလို့လည်းရတယ် စသည်ဖြင့်ပေါ့...။

စာလေးတစ်ခုဖတ်ဘူးတယ်
"သိတာတွေ များလေလေ ပိုတိတ်ဆိတ်လာလေတဲ့" အဲ့စာလေးအကြောင်း အခုမှ ပိုသိလာတော့တယ်...။

လူတွေအကြောင်းသိလာလေလေ...
ခပ်က င်းကင်းနေချင်လာလေလေဘဲ...။

သိတာတွေများလာတော့ စကားတွေနည်းလာတယ်ထင်ပါရဲ့... သိပ်အရော တဝင်မနေဖြစ်တော့ဘူး...။

အရမ်းရင်းနှီးတဲ့သူလောက်ပဲ အတူတူသွားလာနေထိုင်ရင်း ခေါ် ပြော ဖြစ်တော့တယ်...။

လု ပ်စရာရှိတာတွေလု ပ်မယ် အေးဆေးအနားယူမယ် ...။

ဘယ်သူ့အကြောင်းမှ သိပ် စိတ်မဝင်စားတော့ဘူး
အခုနောက်ပိုင်း လူတွေနဲ့ ခပ်ကင်းကင်းနေဖြစ်လာတယ်...။

#နားလည်ခွင့်လွှတ်ခြင်း စာအုပ်
#သဟာဆွေလှိုင်း

ဉာဏ်ရည်မြင့်သူများ၏ အောင်မြင်မှုလျှို့ဝှက်ချက်များ

၁။ "ဘာကြောင့်လဲ" ဟု အမြဲမေးသော စူးစမ်းစိတ် (Insatiable Curiosity)
ဉာဏ်ရည်မြင့်သူများသည် အရာရာကို အပေါ်ယံမျှ လက်ခံလေ့မရှိပါ။ "ဒါက ဘယ်လိုအလုပ်လုပ်သလဲ"၊ "ဘာကြောင့် ဒီလိုဖြစ်ရသလဲ" ဆိုသော မေးခွန်းများကို အမြဲမေးလေ့ရှိသည်။ ထိုစူးစမ်းစိတ်က သူတို့ကို အခြားသူများထက် ပိုမိုနက်နဲသော အသိပညာနှင့် ထိုးထွင်းသိမြင်မှု (Insight) ကို ရရှိစေသည်။

၂။ အမှားကို လျင်မြန်စွာ ပြင်ဆင်နိုင်စွမ်း (Self-Correction & Adaptability)
ဉာဏ်ရည်မြင့်သူများသည် ကိုယ့်ကိုယ်ကိုယ် အမှန်တရား၏ သခင်ဟု မသတ်မှတ်ကြပါ။ အယူအဆတစ်ခု မှားနေကြောင်း သိလိုက်ရလျှင် ချက်ချင်း ဝန်ခံပြီး ပြင်ဆင်ရန် ဝန်မလေးကြပေ။ ပတ်ဝန်းကျင် အပြောင်းအလဲနှင့် အခြေအနေသစ်များကို လျင်မြန်စွာ လိုက်လျောညီထွေဖြစ်အောင် နေထိုင်နိုင်ခြင်းက သူတို့၏ အောင်မြင်မှု လျှို့ဝှက်ချက်တစ်ခုဖြစ်သည်။

၃။ အာရုံစိုက်မှုအား ကောင်းခြင်း (Deep Work & Focus)
သူတို့သည် အလုပ်တစ်ခုကို လုပ်လျှင် ပြင်ပလောကနှင့် ပြတ်တောက်သွားသည်အထိ အာရုံစိုက်နိုင်စွမ်း (Deep Focus) ရှိကြသည်။ အချိန်တိုအတွင်း ထိရောက်သော ရလဒ်ထွက်အောင် မည်သို့လုပ်ရမည်ကို သိကြသည်။ အရေးမပါသော ကိစ္စများတွင် အချိန်မဖြုန်းဘဲ အဓိကကျသော "အရေးကြီးကိစ္စ" များပေါ်တွင်သာ အစွမ်းကုန် စိုက်ထုတ်ကြသည်။

၄။ တိတ်ဆိတ်စွာ စောင့်ကြည့်လေ့လာခြင်း (Observation Over Talking)
ဉာဏ်ရည်မြင့်သူအများစုသည် စကားအများကြီး ပြောလေ့မရှိဘဲ စောင့်ကြည့်လေ့လာသူ (Observer) များ ဖြစ်ကြသည်။ အခြေအနေတစ်ခုကို အရင်ဆုံး နားထောင်သည်၊ စောင့်ကြည့်သည်၊ ပြီးမှသာ အနှစ်သာရရှိသော ဆုံးဖြတ်ချက်ကို ချမှတ်လေ့ရှိသည်။ ထိုအလေ့အကျင့်ကြောင့် သူတို့၏ ဆုံးဖြတ်ချက်များသည် အမှားနည်းပြီး ထိရောက်မှု မြင့်မားသည်။

၅။ စိတ်ခံစားမှုကို ထိန်းချုပ်နိုင်စွမ်း (High Emotional Intelligence - EQ)
အောင်မြင်မှုအတွက် IQ ထက် EQ က ပိုအရေးကြီးကြောင်း သူတို့ နားလည်သည်။ ဒေါသထွက်ချိန် သို့မဟုတ် စိတ်ဓာတ်ကျချိန်တွင် လောဘ၊ ဒေါသနောက်သို့ မလိုက်ဘဲ ယုတ္တိဗေဒ (Logic) ကျကျ စဉ်းစားနိုင်သည်။ လူမှုဆက်ဆံရေးတွင် တစ်ဖက်လူကို နားလည်အောင် ကြိုးစားခြင်းက သူတို့အတွက် အင်အားကြီးသော ကွန်ရက်တစ်ခုကို တည်ဆောက်ပေးသည်။



Myo Thet Paing Kyaw

စောင့်ထိန်းအပ်သောလူမှုကျင့်ဝတ်များ
________________________________

(၁) ဘယ်လောက်ပဲ ချစ်ခင်ရင်းနှီးပါစေ။
စကားကို လက်လွယ်စပယ် မပြောပါနဲ့။

ခံစားတတ်တဲ့ ဝေဒနာဆိုတာ
လူတိုင်းမှာ ရှိပါတယ်။

(၂) ဘယ်လောက်ပဲ မုန်းတီးနေပါစေ။
အခြားသူရဲ့ပုဂ္ဂိုလ်ရေးကို
နှိမ့်ချစော်ကား တာမျိုး
မပြုလုပ်ပါနဲ့။

လေးစားမှုဆိုတာ လူတိုင်းနဲ့ထိုက်တန်သလို
မိမိကိုယ်တိုင်နဲ့လည်း ထိုက်တန်ပါတယ်။

(၃) ဘယ်လောက်ပဲ သဘောကောင်းတဲ့သူနဲ့
တွေ့ပါစေ အခွင့်အရေးကို တဆုံးမနှိုက်ပါနဲ့။

မိမိကိုယ်ကိုယ် ထိန်းသိမ်းတတ်ပါစေ။
အခွင့်အရေးသမားကို လူတိုင်းက
ရွံ့မုန်းကြပါတယ်။

(၄) ဘယ်လောက်ပဲ အလကားရနေပါစေ။
မိမိရသင့်တဲ့ အတိုင်းအရှည် ပမာဏကို
အသိစိတ်နဲ့ ဆင်ခြင်တတ်ပါစေ။ သိက္ခာ
တရားဆိုတာ မွေးမြူသင့်ပါတယ်။

(၅) ဘယ်လောက်ပဲ အခက်အခဲပြဿနာနဲ့
ကြုံရပါစေ မိမိကိုယ်ပိုင် အစွမ်းအစနဲ့ အရင်ဖြေရှင်းတတ်ပါစေ။ အကူအညီကို အလွယ် တကူ လိုချင်တဲ့သူ မဖြစ်ပါစေနဲ့။

(၆) ဘယ်လောက်ပဲ ရိုးသားတဲ့လူကို
တွေ့ပါစေ။ သင့်အကျိုးအမြတ်အတွက်
အသုံးမချပါနဲ့။

ရိုးသားမှုဆိုတာ အရည်အသွေးတစ်ခုဖြစ်ပြီးအခြားသူအတွက် ဖြစ်တည်နေတာ မဟုတ်ပါဘူး။

(၇) ဘယ်လောက်ပဲ အင်အားကြီးမားတဲ့သူ
သင်ဖြစ်နေလည်း အလွယ်တကူ အနိုင်ကျင့်
ချင်တဲ့ စိတ်ဓာတ်မျိုး မမွေးပါနဲ့။

ဒီကနေ့ အင်အားကြီးမားသူဟာ နောင်
တစ်နေ့မှာ အင်အား ပျောက်ဆုံး
သွားနိုင်လို့ပါ။
သံသရာဆိုတာ လည်ပတ်နေပါတယ်။

(၈) ဘယ်လောက်ပဲ အတွေးအခေါ်တွေ
ဆန့်ကျင်ဖက် ဖြစ်နေပါစေ။
ကိုယ်ပဲ မှန်နေတယ်လို့ မထင်ပါနဲ့။
မကျင့်သုံးနိုင်ရင် ပယ်လိုက်ပါ။

အခြားသူရဲ့ အတွေးအခေါ်ထဲ သင်လည်း
မနေနိုင်သလို သူလည်း နေမှာမဟုတ်ပါဘူး။

(၉) သင်ဘယ်လောက်ပဲ
ထူးချွန်ထက်မြက် နေပါစေ
တခြားသူကို ညံ့ဖျင်း တုံးအတယ်လို့
အလွယ်တကူ မှတ်ချက်မပေးပါနဲ့။

နောက်ခံအခြေအနေဆိုတာ တသမတ်တည်းရရှိနိုင်တာ မဟုတ်လို့
အရည်အချင်းတွေ
ကွဲပြားနေတာကို သတိပြုမိပါစေ။

(၁၀) မိမိကြိုက်နှစ်သက်တဲ့ လူ အရာဝတ္ထု
အတွေးအခေါ် အခြေအနေ တစ်ခုကို မိမိ
ဘာသာ စိတ်ကြိုက် နှစ်သက်ခွင့်ရှိပါတယ်။

ဒါပေမယ့် သူတစ်ပါးကြိုက်နှစ်သက်တဲ့အရာတွေကိုတော့ ကဲ့ရဲ့ရှုတ်ချပြီး
သင်ကြိုက်တဲ့
အရာတွေကို ဂုဏ်တင်ပြီး
ပြောစရာမလိုပါဘူး။

သင်ကြိုက်နှစ်သက်တဲ့အရာတွေကို
အခြားသူကလည်း သင့်လိုပဲ
တုန့်ပြန်လာရင်
သင်လည်း အလွယ်တကူ
လက်မခံနိုင်ပါဘူး။

သူတစ်ပါးရဲ့ဆုံးဖြတ်ချက်မှာ သင့်
ဦးနှောက်ကို သုံးဖို့ မလိုအပ်ပါဘူး။

ကိုယ်ချင်းစာတရားဆိုတာ သင်တစ်ယောက်
တည်းအတွက် မဟုတ်ပါဘူး။
အခြားသူတွေ အပေါ်မှာလည်း ထားသင့်ပါတယ်။