Mobile Guide Journal

စမတ်မျက်မှန် ထုတ်ဖို့အတွက် ဒီဇိုင်း ၄ မျိုးလောက်ကို စမ်းသပ်ဖန်တီးနေတဲ့ Apple

Apple က 2027 ခုနှစ်လောက်မှာ စမတ်မျက်မှန်ကို ထုတ်ရောင်းနိုင်ဖို့ စီစဉ်နေပါတယ်။ အကောင်းစား ပစ္စည်းတွေ နဲ့စမတ် မျက်မှန်ကို ဖန်တီးဖို့ စီစဉ်နေကာ လောလောဆယ် ဒီဇိုင်းလေးမျိုး လောက်ကို ဖန်တီးနေပါတယ်။ မျက်မှန်ကိုင်းက ဘောင်ကြီးကြီး ဒီဇိုင်းမျိုး l မျက်မှန်ကိုင်းက လေးထောင့်ပုံစံမျိုးစသဖြင့် ဒီဇိုင်းတွေ စမ်းသပ်ဖန်တီးနေတာပါ။ အရောင်ကလည်း ၃ မျိုးလောက်ရှိပါမယ်။

စင်ကာပူမှာ လေယာဉ်စီးမယ့်သူတွေ အတွက် ထုတ်ပြန်ထားတဲ့ power bank သယ်ယူခွင့် စည်းကမ်းအသစ်

Power bank နဲ့ ဆိုင်တဲ့ စည်းကမ်းအသစ်က ဧပြီလ 15 ရက်နေ့မှာ စတင်မှာ ဖြစ်ပါတယ်။ ခရီးသည် တစ်ယောက်ကို power bank အများဆုံး နှစ်ခုပဲ သယ်ခွင့်ရှိပါမယ်။ အပိုထပ်ဆောင်းပါလာရင် သက်ဆိုင်ရာကောင်တာမှာ အကြောင်းကြားရပါမယ်။ power bank တွေကို လေကြောင်းကောင်တာမှာ အပ်နှံတဲ့ luggage ထဲ ထည့်မသိမ်းရဘဲ မိမိနဲ့ တစ်ပါတည်း ယူဆောင်သွားရပါမယ်။ လေယာဉ်ပေါ်မှာ power bank မသုံးရပါဘူး။ ဦးခေါင်းထက်က အိတ်တွေထားတဲ့ အကန့်ထဲ power bank ထည့်မသိမ်းရပါဘူး။ power bank တစ်ခုချင်းစီရဲ့ အားဟာ 27000 mAh ထက် နည်းရင် သယ်ယူခွင့်ရဖို့ အဆင်ပြေပါမယ်။ တချို့ လေကြောင်းလိုင်းတွေကတော့ အဲဒီထက် နည်းနည်းပိုအားများတဲ့ power bank တွေကို သယ်ခွင့်ပေးတတ်ပါတယ်။

အဝတ်ခေါက်ပေးနိုင်သလို မီးအလင်းလည်းပေးနိုင်တဲ့ စက်ရုပ်လက်မောင်းတံ

အိပ်ယာဘေးက ရှည်ရှည်မျောမျော မီးတိုင်လေးဟာ စာဖတ်ဖို့ အလင်းပေးနိုင်သလို အဝတ်အစားတွေကိုလည်း ခေါက်ပေးနိုင်ပါတယ်။ အိပ်ယာခင်းကို မပေး ပြန်ချပေးတာလည်း လုပ်ပေးနိုင်ပါသေးတယ်။ Syncere’s Lume ဈေးနှုန်းက မီးတိုင် တစ်ချောင်းတည်းဆို ဒေါ်လာ 1500 ဝန်းကျင် ရှိကာ စုံတူလိုက် ဝယ်မယ်ဆိုရင် ဒေါ်လာ 2500 ဝန်းကျင် ရှိနိုင်ပါတယ်။

ဈေးပေါတဲ့ EV ကားသေးလေးတွေ ထုတ်ဖို့ အစီအစဉ်ရှိတဲ့ Tesla

Tesla က ဈေးပေါပြီး သေးငယ်တဲ့ electric SUV တွေ ထုတ်ဖို့ အစီအစဉ် ရှိနေပါတယ်။ အဲဒီ ကားတွေဟာ Model Y ထက် သေးငယ်ပြီး တ-ရုတ် မှာတည်ဆောက်ထုတ်လုပ်မယ့် အနေအထားမျိုး ရှိပါတယ်။EV ကားသေးလေးတွေဟာ မောင်းသူမဲ့ အမျိုးအစားဖြစ်မလား မဖြစ်ဘူးလားဆိုတာကတော့မသိရသေးပါဘူး။

Intel က အီလွန်မက်စ် ရဲ့ project မှာ ပူးပေါင်းပါဝင်မယ်

အီလွန်မက်စ်ရဲ့ Terafab project မှာ Intel က ပူးပေါင်းပါဝင်မှာ ဖြစ်ပါတယ်။ အဲဒီ project ကတန်ကြေး အနည်းဆုံး ဒေါ်လာ 25 ဘီလီယမ် ရှိကာ SpaceX, xAI, နဲ့ Tesla တို့အတွက် chip တွေ ထုတ်လုပ်ပေးမှာ ဖြစ်ပါတယ်။ အခုဆိုရင် Intel ရဲ့ ရှယ်ယာဈေးတွေ တက်လာနေပါပြီ။

စ-စ်သားစက်ရုပ်တွေကိုလက်တွေ့ စမ်းသပ်တဲ့နေရာ ဖြစ်လာတဲ့ ယူကရိန်း စစ်မြေပြင်

ယနေ့ စ-စ်ပွဲတွေမှာ သုံးနိုင်တဲ့အင်အား l ထွင်နိုင်တဲ့ စွမ်းပကား နဲ့ အခြေ အနေ အချို့ ကို ထည့်တွက် ပြီးတော့ လူသား စ-စ် သား တွေ နေရာမှာ စက်ရုပ်တွေကို သုံးလာကြပါတယ်။ အထောက်အပံ့ လိုနေတဲ့ ယူကရိန်း စစ်ပွဲမှာ အချို့ ကုမ္ပဏီ တွေ အတွက်ကတော့ ကိုယ်ကျိုးစီးပွားတွေ တွက်ချက် လုပ်ကိုင်လာကြပါတယ်။ အချို့ကုမ္ပဏီတွေဟာ သူတို့ တီထွင်ထားတဲ့ စ-စ်သားစက်ရုပ်တွေ l တိုက်ခိုက်ရေး စက်ရုပ်တွေအတွက် လက်တွေ့ ကွင်းဆင်းရာ နေရာအဖြစ် ယူကရိန်း စစ်မြေပြင်ကို အသုံးချလာကြပါတယ်။ ဇန်နဝါရီ တစ်လတည်းမှာပင် ယူကရိန်းစစ်မြေပြင်မှာ စက်ရုပ် ၇၀၀၀ ကျော်လောက်စမ်းထားပါတယ်။ တိုက်ခိုက်ရေးစက်ရုပ်တွေအပြင် l ပစ္စည်းသယ်ယူပို့ဆောင်ပေးတဲ့စက်ရုပ်တွေ l စုံစမ်းစစ်ဆေးတာအထူးပြုတဲ့ စက်ရုပ်တွေ စသဖြင့် အစားစားပါဝင်ပါတယ်။ စက်ရုပ်ထွင်တဲ့ ကုမ္ပဏီတွေက စ-စ် ပွဲတွေ မရှိတော့ရင်လည်း နယ်စပ်လုံခြုံရေးလို ကိစ္စတွေမှာ သူတို့ရဲ့ စက်ရုပ်တွေကို သုံးနိုင်ဖို့ စဉ်းစားထားကြပါတယ်။
စက်ရုပ်တွေကို ပိုသုံးနိုင်ရင် လူသားစ-စ်သားအသက်တွေ ဆုံးရှုံးတာ နည်းလာနိုင်ပါတယ်။

လကမ္ဘာဆီ သွားတဲ့သူတွေ အိမ်သာ ဒုက္ခ ကြုံကြရ

Artemis II အာကာသယာဉ်ခရီးစဉ်ဟာ ဒီကနေ့မှာ လကမ္ဘာနဲ့ အနီးဆုံးအကွာအဝေးကို ရောက်ရှိမှာ ဖြစ်ပါတယ်။ အဲဒီ ခရီးမှာ လိုက်ပါတဲ့သူတွေ အိမ်သာပြဿနာနဲ့ ရင်ဆိုင်နေရပါတယ်။ အိမ်သာ ပိုက်လိုင်း အေးခဲသွားတာကြောင့် အာကာသထဲကို အညစ်အကြေးတွေ စွန့်ပစ်မရဖြစ်နေပါတယ်။ ဒါကြောင့် အာကာသယာဉ်မှူးတွေဟာ အခြားအစားထိုးစနစ်တွေကို သုံးကြရပါတယ်။ ခေါက်သိမ်းလို့ရတဲ့ ပလတ်စတစ်ပုံးလိုမျိုးထဲကို အညစ်အကြေးစွန့်ရတာမျိုးလည်းရှိပါတယ်။ ပိုက်လိုင်းမပိတ်ဆို့အောင် နေ အားကို မျက်နှာမူရသလို အပူပေးစက်တွေအားပါသုံးနေကြရပါတယ်။
အာကာသယာဉ်ဟာ လရဲ့ တစ်ဖက်ခြမ်း ကို ပတ်နေစဉ် နာရီဝက် ကျော်ကျော်လောက် ကမ္ဘာနှင့်အဆက်အသွယ် ပြတ်သွားနိုင်ပါတယ်။

အင်ဒိုနီးရှား ကောင်းကင်ပေါ် ဖြတ်သန်းသွားတဲ့ တ-ရုတ်ရဲ့ အာကာသဆိုင်ရာ အစအနများ

အာကာသကနေ ကမ္ဘာ့လေထုထဲကို ဝင်ရောက်လာခဲ့တဲ့ ပစ္စည်းတွေ အင်ဒိုနီးရှား ကောင်းကင်ယံပေါ် ဖြတ်သန်းသွားတဲ့ အဖြစ် မနေ့က ဖြစ်ခဲ့ပါတယ်။ Lampung နဲ့ Banten ဒေသပေါ် ဖြတ်သန်းသွားခဲ့တာဖြစ်ကာ အဲဒီ အလင်းတန်းတွေဟာ တ- ရုတ်ရဲ့ CZ-3B rocket က အစအနတွေ ဖြစ်ပါတယ်။ ဒေသတွင်း နေထိုင်သူ အချို့ကတော့ အစောပိုင်းမှာ ထိတ်လန့်မှု တွေ ဖြစ်ခဲ့ကြပါတယ်။

လကမ္ဘာဆီ သွားတဲ့ခရီးမှာ iPhone , GoPro နဲ့ Nikon ကင်မရာတွေ သယ်ဆောင်သွားခဲ့

Artemis II ဆိုတဲ့ ခေါင်းစဉ် နဲ့ လကမ္ဘာဆီ သွားတဲ့ ခရီးမှာ အာကာသယာဉ်မှူးတွေဟာ iPhone 17 Pro Series , GoPro ကင်မရာတွေ နဲ့ Nikon ကင်မရာ တွေကို သယ်ဆောင်သွားကြပါတယ်။ ကင်မရာ ၂၈ လုံးလောက်ကို သယ်ဆောင်သွားကြတာဖြစ်ကာ မြေကမ္ဘာ l လကမ္ဘာ နဲ့ အာကာသ ပတ်ဝန်းကျင် တခွင်ရဲ့ ဓာတ်ပုံများစွာ l ဗီဒီယို များစွာကို ရိုက်ကူး မှတ်တမ်းတင်ကြမှာ ဖြစ်ပါတယ်။ နာဆာ ရဲ့ အခုခရီးစဉ်ဟာ လကမ္ဘာပေါ်ထိ ဆင်းသက်ဖို့ မဟုတ်ဘဲ လကမ္ဘာကို လှည့်ပတ်ပြီးရင် ကမ္ဘာမြေဆီ ပြန်လာမယ့် ခရီးစဉ်ပါ။

EV ကား ကံထူးနိုင်မယ့် MPT ရဲ့ "ဇိမ်ဇိမ်" အစီအစဉ်

ပရိုမိုးရှင်းကာလက ၂၀၂၆ခုနှစ် ဧပြီလ (၂) ရက်နေ့မှ ဇွန်လ (၃၀) ရက်နေ့အထိ ဖြစ်ပါတယ်။ လုပ်ဆောင်နိုင်မယ့် အချက် ၃ ချက် ရှိပါတယ်။
- အခမဲ့ စာရင်းသွင်းလိုက်ရုံနဲ့ အပါတ်စဉ်ဒေတာလက်ဆောင်တွေ ရရှိနိုင်မယ့် အခွင့်အရေး ဖြစ်ပါတယ်။
*2026 # ကိုဖုန်း ခေါ်ဆိုတာ
(သို့) MPT4U App ထဲမှာ စာရင်းသွင်းရပါမယ်။
(သို့) 1331 ကို “ZeimZeim” ဟု စာတိုပေးပို့ရပါမယ်။
ကြိုက်နှစ်သက်တဲ့ နည်းလမ်းကို သုံးပြီး စာရင်းသွင်းခြင်းနဲ့ ဒေတာလက်ဆောင်တွေကို ရယူနိုင်ပါမယ်။

ဒုတိယ အချက်ကတော့ ဖုန်းဘေလ်ဖြည့်သွင်းပြီး MPT4U မှာ “Kick & Win” ကစားကာ နေ့စဉ်ဒေတာလက်ဆောင်တွေ ရရှိနိုင်မှာ ဖြစ်ပါတယ်။

တတိယ အချက်ကတော့ ကြိုက်နှစ်သက်ရာနည်းလမ်း ကတစ်ဆင့် MPT ပက်ကေ့ချ်တွေ ဝယ်ယူချိန်တိုင်းမှာ ပက်ကေ့ချ်အမျိုးအစားအလိုက် ကံထူးခွင့်လက်မှတ်တွေကို ရယူနိုင်ပါမယ်။
ပရိုမိုးရှင်းကာလအပြီးမှာ EV ကား အထူးဆုကို ရယူနိုင်ပါမယ်။

ဘာရိန်းက Amazon အဆောက်အအုံကို အီရန် တိုက်ခိုက်ခဲ့

အမေရိကန် နဲ့ ဆက်စပ်နေတဲ့ နည်းပညာလုပ်ငန်း တွေကို တိုက်ခိုက်မယ်လို့ အီရန် ဘက်က ကြေညာ အပြီးမှာ မနေ့က ဘာရိန်း နိုင်ငံက Amazon ရဲ့ cloud computing အဆောက်အအုံ တိုက်ခိုက်ခံခဲ့ရပါတယ်။ ထိခိုက်ပျက်စီးမှု အခြေအနေကို အသေးစိတ် မသိရသေးပါဘူး။ ဒါဟာ Amazon အနေနဲ့ ဒုတိယ အကြိမ် တိုက်ခိုက်ခံရတာပါ။